ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகவிம்ஶஸ்ஸர்க:³ ।
ததோ நிபதிதாம் தாராம் ச்யுதாம் தாராமிவாம்ப³ராத் ।
ஶனைராஶ்வாஸயாமாஸ ஹனுமான்ஹரியூத²ப: ॥ 1 ॥
கு³ணதோ³ஷக்ருதம் ஜந்துஸ்ஸ்வகர்ம ப²லஹேதுகம் ।
அவ்யக்³ரஸ்தத³வாப்னோதி ஸர்வம் ப்ரேத்ய ஶுபா⁴ஶுப⁴ம் ॥ 2 ॥
ஶோச்யா ஶோசஸி கம் ஶோச்யம் தீ³னம் தீ³னானுகம்பஸே ।
கஸ்ய கோவானுஶோச்யோஸ்தி தே³ஹேஸ்மின் பு³த்³பு³தோ³பமே ॥ 3 ॥
அங்க³த³ஸ்து குமாரோயம் த்³ரஷ்டவ்யோ ஜீவபுத்ரயா ।
அயத்யாம் ச விதே⁴யானி ஸமர்தா²ன்யஸ்ய சிந்தய ॥ 4 ॥
ஜானாஸ்யனியதாமேவம் பூ⁴தானாமாக³திம் க³திம் ।
தஸ்மாச்சு²ப⁴ம் ஹி கர்தவ்யம் பண்டி³தேனைஹ லௌகிகம் ॥ 5 ॥
யஸ்மின்ஹரிஸஹஸ்ராணி ப்ரயுதான்யர்பு³தா³னி ச ।
வர்தயந்தி க்ருதாம்ஶானி ஸோயம் தி³ஷ்டாந்தமாக³த: ॥ 6 ॥
யத³யம் ந்யாயத்³ருஷ்டார்த²ஸ்ஸாமதா³னக்ஷமாபர: ।
க³தோ த⁴ர்மஜிதாம் பூ⁴மிம் நைனம் ஶோசிதுமர்ஹஸி ॥ 7 ॥
ஸர்வே ஹி ஹரிஶார்தூ³லா: புத்ரஶ்சாயம் தவாங்க³த:³ ।
இத³ம் ஹர்ய்ருக்ஷபதிராஜ்யம் ச த்வத்ஸனாத²மனிந்தி³தே ॥ 8 ॥
தாவிமௌ ஶோகஸந்தப்தௌ ஶனை: ப்ரேரய பா⁴மினி ।
த்வயா பரிக்³ருஹீதோயமங்க³த³ஶ்ஶாஸ்து மேதி³னீம் ॥ 9 ॥
ஸந்ததிஶ்ச யதா² த்³ருஷ்டா க்ருத்யம் யச்சாபி ஸாம்ப்ரதம் ।
ராஜ்ஞஸ்தத்க்ரியதாம் ஸர்வமேஷ காலஸ்ய நிஶ்சய: ॥ 1௦ ॥
ஸம்ஸ்கார்யோ ஹரிராஜஶ்ச அங்க³த³ஶ்சாபி⁴ஷிச்யதாம் ।
ஸிம்ஹாஸனக³தம் புத்ரம் பஶ்யந்தீ ஶாந்திமேஷ்யஸி ॥ 11 ॥
ஸா தஸ்ய வசனம் ஶ்ருத்வா ப⁴ர்த்ருவ்யஸனபீடி³தா ।
அப்³ரவீது³த்தரம் தாரா ஹனூமந்தமவஸ்தி²தம் ॥ 12 ॥
அங்க³த³ப்ரதிரூபாணாம் புத்ராணாமேகதஶ்ஶதம் ।
ஹதஸ்யாப்யஸ்ய வீரஸ்ய கா³த்ரஸம்ஶ்லேஷணம் வரம் ॥ 13 ॥
ந சாஹம் ஹரிராஜஸ்ய ப்ரப⁴வாம்யங்க³த³ஸ்ய வா ।
பித்ருவ்யஸ்தஸ்ய ஸுக்³ரீவஸ்ஸர்வகார்யேஷ்வனந்தர: ॥ 14 ॥
ந ஹ்யேஷாபு³த்³தி⁴ராஸ்தே²யா ஹனூமன்னங்க³த³ம் ப்ரதி ।
பிதா ஹி ப³ந்து⁴: புத்ரஸ்ய ந மாதா ஹரிஸத்தம ॥ 15 ॥
ந ஹி மம ஹரிராஜஸம்ஶ்ரயாத் க்ஷமதரமஸ்தி பரத்ர சேஹ வா ।
அபி⁴முக²ஹதவீரஸேவிதம் ஶயனமித³ம் மம ஸேவிதும் க்ஷமம் ॥ 16 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகவிம்ஶஸ்ஸர்க:³ ॥
