ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்ரயோத³ஶஸ்ஸர்க:³ ।
ருஷ்யமூகாத்ஸ த⁴ர்மாத்மா கிஷ்கிந்தா⁴ம் லக்ஷ்மணாக்³ரஜ: ।
ஜகா³ம ஸஹஸுக்³ரீவோ வாலிவிக்ரமபாலிதாம் ॥ 1 ॥
ஸமுத்³யம்ய மஹச்சாபம் ராம: காஞ்சனபூ⁴ஷிதம் ।
ஶராம்ஶ்சாதி³த்யஸங்காஶான்க்³ருஹீத்வா ரணஸாத⁴கான் ॥ 2 ॥
அக்³ரதஸ்து யயௌ தஸ்ய ராக⁴வஸ்ய மஹாத்மன: ।
ஸுக்³ரீவ: ஸம்ஹதக்³ரீவோ லக்ஷ்மணஶ்ச மஹாப³ல: ॥ 3 ॥
ப்ருஷ்ட²தோ ஹனுமான்வீரோ நலோ நீலஶ்ச வானர: ।
தாரஶ்சைவ மஹாதேஜா ஹரியூத²பயூத²ப: ॥ 4 ॥
தே வீக்ஷமாணா வ்ருக்ஷாம்ஶ்ச புஷ்பபா⁴ராவலம்பி³ன: ।
ப்ரஸன்னாம்பு³வஹாஶ்சைவ ஸரிதஸ்ஸாக³ரங்க³மா: ॥ 5 ॥
கந்த³ராணி ச ஶைலாம்ஶ்ச நிர்த³ராணி கு³ஹாஸ்ததா² ।
ஶிக²ராணி ச முக்²யானி த³ரீஶ்ச ப்ரியத³ர்ஶனா: ॥ 6 ॥
வைடூ⁴ர்யவிமலை:பர்ணை பத்³மைஶ்சாகோஶகுட்மலை: ।
ஶோபி⁴தாந்த்ஸஜலான்மார்கே³ தடாகாம்ஶ்ச வ்யலோகயன் ॥ 7 ॥
காரண்டை³ஸ்ஸாரஸைர்ஹம்ஸைர்வஞ்ஜுலைர்ஜலகுக்குடை: ।
சக்ரவாகை ஸ்ததா² சான்யைஶ்ஶகுனை: ருபனாதி³தான் ॥ 8 ॥
ம்ருது³ஶஷ்பாங்குராஹாரான்னிர்ப⁴யான்வனகோ³சரான் ।
சரதஸ்ஸர்வதௌபஶ்யன் ஸ்த²லீஷு ஹரிணான் ஸ்தி²தான் ॥ 9 ॥
தடாகவைரிணஶ்சாபி ஶுக்லத³ந்தவிபூ⁴ஷிதான் ।
கோ⁴ரானேகசரான்வன்யாந்த்³விரதா³ன்கூலகா⁴தின: ॥ 1௦ ॥
மத்தான்கி³ரிதடோத்க்ருஷ்டான்பர்வதானிவ ஜங்க³மான் ।
வாரணான்வாரித³ப்ரக்²யான்மஹீரேணுஸமுக்ஷிதான் ॥ 11 ॥
வனே வனசராம்ஶ்சான்யான்கே²சராம்ஶ்ச விஹங்க³மான் ।
பஶ்யந்தஸ்த்வரிதா ஜக்³முஸ்ஸுக்³ரீவவஶவர்தின: ॥ 12 ॥
தேஷாம் து க³ச்ச²தாம் தத்ர த்வரிதம் ரகு⁴னந்த³ன: ।
த்³ருமஷண்ட³ம் வனம் த்³ருஷ்ட்வா ராமஸ்ஸுக்³ரீவமப்³ரவீத் ॥ 13 ॥
ஏஷ மேக⁴ இவாகாஶே வ்ருக்ஷஷண்ட:³ ப்ரகாஶதே ।
மேக⁴ஸங்கா⁴தவிபுல: பர்யந்தகத³லீவ்ருத: ॥ 14 ॥
கிமேதத் ஜ்ஞாதுமிச்சா²மி ஸகே² கௌதூஹலம் ஹி மே ।
கௌதூஹலாபனயனம் கர்துமிச்சா²ம்யஹம் த்வயா ॥ 15 ॥
தஸ்ய தத்³வசனம் ஶ்ருத்வா ராக⁴வஸ்ய மஹாத்மன: ।
க³ச்ச²ன்னேவாசசக்ஷேத² ஸுக்³ரீவஸ்தன்மஹத்³வனம் ॥ 16 ॥
ஏதத்³ராக⁴வ விஸ்தீர்ணமாஶ்ரமம் ஶ்ரமனாஶனம் ।
உத்³யானவனஸம்பன்னம் ஸ்வாது³மூலப²லோத³கம் ॥ 17 ॥
அத்ர ஸப்தஜனா நாம முனய ஸ்ஸம்ஶ்ரிதவ்ரதா: ।
ஸப்தைவாஸன்னத⁴ஶஶீர்ஷா நியதம் ஜலஶாயின: ॥ 18 ॥
ஸப்தராத்ரக்ருதாஹாரா வாயுனாசலவாஸின: ।
தி³வம் வர்ஷஶதைர்யாதா: ஸப்தபி⁴: ஸகலேப³ரா: ॥ 19 ॥
தேஷாமேவம் ப்ரபா⁴வானாம் த்³ருமப்ராகாரஸம்வ்ருதம் ।
ஆஶ்ரமஸ்ஸுது³ராத⁴ர்ஷ அபி ஸேந்த்³ரைஸ்ஸுராஸுரை: ॥ 2௦ ॥
பக்ஷிணோ வர்ஜயந்த்யேதத்ததா²ன்யே வனசாரிண: ।
விஶந்தி மோஹாத்³யேப்யத்ர நிவர்தந்தே ந தே புன: ॥ 21 ॥
விபூ⁴ஷணரவாஸ்தத்ர ஶ்ரூயந்தே ஸகலாக்ஷரா: ।
தூர்யகீ³தஸ்வனாஶ்சாத்ர க³ந்தோ⁴ தி³வ்யஶ்ச ராக⁴வ ॥ 22 ॥
த்ரேதாக்³னயோபி தீ³ப்யந்தே தூ³மோ ஹ்யத்ர ப்ரகாஶதே ।
வேஷ்டயன்னிவ வ்ருக்ஷாக்³ரான்கபோதாங்கா³ருணோ க⁴ன: ॥ 23 ॥
ஏதே வ்ருக்ஷா: ப்ரகாஶந்தே தூ⁴மஸம்ஸக்தமஸ்தகா: ।
மேகஜ⁴ாலப்ரதிச்ச²ன்னா வைடூ⁴ர்யகி³ரயோ யதா² ॥ 24 ॥
குரு ப்ரணாமம் த⁴ர்மாத்மம்ஸ்தேஷாமுத்³தி³ஶ்ய ராக⁴வ ।
லக்ஷ்மணேவ ஸஹ ப்⁴ராத்ரா ப்ரயந்தஸ்ஸயதாஞ்ஜலி: ॥ 25 ॥
ப்ரணமந்தி ஹி யே தேஷாம் முனீனாம் பா⁴விதாத்மனாம் ।
ந தேஷாமஶுப⁴ம் கிஞ்சிச்ச²ரீரே ராம த்³ருஶ்யதே ॥ 26 ॥
ததோ ராமஸ்ஸஹ ப்⁴ராத்ரா லக்ஷ்மணேன க்ருதாஞ்ஜலி: ।
ஸமுத்³தி³ஶ்ய மஹாத்மானஸ்தான்ருஷீனப்⁴யவாத³யத் ॥ 27 ॥
அபி⁴வாத்³ய து த⁴ர்மாத்மா ராமோ ப்⁴ராதா ச லக்ஷ்மண: ।
ஸுக்³ரீவோ வானராஶ்சைவ ஜக்³முஸம்ஹ்ருஷ்டமானஸா: ॥ 28 ॥
தே க³த்வா தூ³ரமத்⁴வானம் தஸ்மாத்ஸப்தஜனாஶ்ரமாத் ।
த³த்³ருஶுஸ்தாம் து³ராத⁴ர்ஷாம் கிஷ்கிந்தா⁴ம் வாலிபாலிதாம் ॥ 29 ॥
ததஸ்து ராமானுஜராமவானரா: ப்ரக்³ருஹ்ய ஶஸ்த்ராண்யுதி³தாக்³ர்யதேஜஸ: ।
புரீம் ஸுரேஶாத்மஜவீர்யபாலிதாம் வதா⁴ய ஶத்ரோ: புனராக³தாஸ்ஸஹ ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்ரயோத³ஶஸ்ஸர்க:³ ॥
