ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டமஸ்ஸர்க:³ ।
மந்த²ரா த்வப்⁴யஸூயைனாமுத்ஸ்ருஜ்யாப⁴ரணம் ச தத் ।
உவாசேத³ம் ததோ வாக்யம் கோபது³:க²ஸமன்விதா ॥ 1 ॥
ஹர்ஷம் கிமித³மஸ்தா²னே க்ருதவத்யஸி பா³லிஶே ।
ஶோகஸாக³ரமத்⁴யஸ்த²மாத்மானம் நாவபு³த்⁴யஸே ॥ 2 ॥
மனஸா ப்ரஹஸாமி த்வாம் தே³வி து³:கா²ர்தி³தா ஸதீ ।
யச்சோ²சிதவ்யே ஹ்ருஷ்டாஸி ப்ராப்யேத³ம் வ்யஸனம் மஹத் ॥ 3 ॥
ஶோசாமி து³ர்மதித்வம் தே கா ஹி ப்ராஜ்ஞா ப்ரஹர்ஷயேத் ।
அரேஸ்ஸபத்னீபுத்ரஸ்ய வ்ருத்³தி⁴ம் ம்ருத்யோரிவாக³தாம் ॥ 4 ॥
ப⁴ரதாதே³வ ராமஸ்ய ராஜ்யஸாதா⁴ரணாத்³ப⁴யம் ।
தத்³விசிந்த்ய விஷண்ணாஸ்மி ப⁴யம் பீ⁴தாத்³தி⁴ ஜாயதே ॥ 5 ॥
லக்ஷ்மணோ ஹி மஹேஷ்வாஸோ ராமம் ஸர்வாத்மனா க³த: ।
ஶத்ருக்⁴னஶ்சாபி ப⁴ரதம் காகுத்ஸ்த²ம் லக்ஷ்மணோ யதா² ॥ 6 ॥
ப்ரத்யாஸன்னக்ரமேணாபி ப⁴ரதஸ்யைவ பா⁴மினி ।
ராஜ்யக்ரமோ விப்ரக்ருஷ்டஸ்தயோஸ்தாவத்கனீயஸோ: ॥ 7 ॥
விது³ஷ: க்ஷத்ரசாரித்ரே ப்ராஜ்ஞஸ்ய ப்ராப்தகாரிண: ।
ப⁴யாத்ப்ரவேபே ராமஸ்ய சிந்தயந்தீ தவாத்மஜம் ॥ 8 ॥
ஸுப⁴கா³ க²லு கௌஶல்யா யஸ்யா: புத்ரோபி⁴ஷேக்ஷ்யதே ।
யௌவராஜ்யேன மஹதா ஶ்வ: புஷ்யேண த்³விஜோத்தமை: ॥ 9 ॥
ப்ராப்தாம் ஸுமஹதீம் ப்ரீதிம் ப்ரதீதாம் தாம் ஹதத்³விஷம் ।
உபஸ்தா²ஸ்யஸி கௌஸல்யாம் தா³ஸீவ த்த்வம் க்ருதாஞ்ஜலி: ॥ 1௦ ॥
ஏவம் சேத்த்வம் ஸஹாஸ்மாபி⁴ஸ்தஸ்யா: ப்ரேஷ்யா ப⁴விஷ்யஸி ।
புத்ரஶ்ச தவ ராமஸ்ய ப்ரேஷ்யபா⁴வம் க³மிஷ்யதி ॥ 11 ॥
ஹ்ருஷ்டா: க²லு ப⁴விஷ்யந்தி ராமஸ்ய பரமாஸ்ஸ்த்ரிய: ।
அப்ரஹ்ருஷ்டா ப⁴விஷ்யந்தி ஸ்னுஷாஸ்தே ப⁴ரதக்ஷயே ॥ 12 ॥
தாம் த்³ருஷ்ட்வா பரமப்ரீதாம் ப்³ருவந்தீம் மந்த²ராம் தத: ।
ராமஸ்யைவ கு³ணாந்தே³வீ கைகேயீ ப்ரஶஶம்ஸ ஹ ॥ 13 ॥
த⁴ர்மஜ்ஞோ கு³ருபி⁴ர்தா³ந்த: க்ருதஜ்ஞஸ்ஸத்யவாக்சு²சி: ।
ராமோ ராஜ்ஞ ஸ்ஸுதோ ஜ்யேஷ்டோ² யௌவராஜ்யமதோர்ஹதி ॥ 14 ॥
ப்⁴ராத்ருன்ப்⁴ருத்யாம்ஶ்ச தீ³ர்கா⁴யு: பித்ருவத்பாலயிஷ்யதி ।
ஸந்தப்ஸ்யஸே கத²ம் குப்³ஜே ஶ்ருத்வா ராமாபி⁴ஷேசனம் ॥ 15 ॥
ப⁴ரதஶ்சாபி ராமஸ்ய த்⁴ருவம் வர்ஷஶதாத்பரம் ।
பித்ருபைதாமஹம் ராஜ்யமவாப்தா புருஷர்ஷப:⁴ ॥ 16 ॥
ஸா த்வமப்⁴யுத³யே ப்ராப்தே வர்தமானே ச மந்த²ரே ।
ப⁴விஷ்யதி ச கல்யாணே கிமர்த²ம் பரிதப்யஸே ॥ 17 ॥
யதா² மே ப⁴ரதோ மான்யஸ்ததா² பூ⁴யோபி ராக⁴வ: ।
கௌஶல்யாதோதிரிக்தம் ச ஸோனுஶுஶ்ரூஷதே ஹி மாம் ॥ 18 ॥
ராஜ்யம் யதி³ ஹி ராமஸ்ய ப⁴ரதஸ்யாபி தத்ததா³ ।
மன்யதே ஹி யதா²த்மானம் ததா² ப்⁴ராத்ரும்ஶ்ச ராக⁴வ: ॥ 19 ॥
கைகேயீவசனம் ஶ்ருத்வா மந்த²ரா ப்⁴ருஶது³:கி²தா ।
தீ³ர்க⁴முஷ்ணம் ச வினிஶ்வஸ்ய கைகேயீமித³மப்³ரவீத் ॥ 2௦ ॥
அனர்த²த³ர்ஶினீ மௌர்க்²யான்னாத்மானமவபு³த்⁴யஸே ।
ஶோகவ்யஸனவிஸ்தீர்ணே மஜ்ஜந்தீ து³:க²ஸாக³ரே ॥ 21 ॥
ப⁴விதா ராக⁴வோ ராஜா ராக⁴வஸ்யானு யஸ்ஸுத: ।
ராஜவம்ஶாத்து கைகேயி ப⁴ரத:பரிஹாஸ்யதே ॥ 22 ॥
ந ஹி ராஜ்ஞஸ்ஸுதா ஸ்ஸர்வே ராஜ்யே திஷ்ட²ந்தி பா⁴மினி ।
ஸ்தா²ப்யமானேஷு ஸர்வேஷு ஸுமஹானநயோ ப⁴வேத் ॥ 23 ॥
தஸ்மாஜ்ஜ்யேஷ்டே² ஹி கைகேயி ராஜ்யதந்த்ராணி பார்தி²வா: ।
ஸ்தா²பயந்த்யனவத்³யாங்கி³ கு³ணவத்ஸ்விதரேஷ்வபி ॥ 24 ॥
அஸாவத்யந்தனிர்ப⁴க்³னஸ்தவ புத்ரோ ப⁴விஷ்யதி ।
அனாத²வத்ஸுகே²ப்⁴யஶ்ச ராஜவம்ஶாச்ச வத்ஸலே ॥ 25 ॥
ஸாஹம் த்வத³ர்தே² ஸம்ப்ராப்தா த்வம் து மாம் நாவபு³த்³த்⁴யஸே ।
ஸபத்னி வ்ருத்³தௌ⁴ யா மே த்வம் ப்ரதே³யம் தா³துமிச்ச²ஸி ॥ 26 ॥
த்⁴ருவம் து ப⁴ரதம் ராம: ப்ராப்ய ராஜ்யமகண்டகம் ।
தே³ஶாந்தரம் வா நயிதா லோகாந்தரமதா²பி வா ॥ 27 ॥
பா³ல ஏவ ஹி மாதுல்யம் ப⁴ரதோ நாயிதஸ்த்வயா ।
ஸன்னிகர்ஷாச்ச ஸௌஹார்த³ம் ஜாயதே ஸ்தா²வரேஷ்வபி ॥ 28 ॥
ப⁴ரதஸ்யாப்யனுவஶஶ்ஶத்ருக்⁴னோபி ஸமம் க³த: ।
லக்ஷ்மணோ ஹி யதா² ராமம் ததா²ஸௌ ப⁴ரதம் க³த: ॥ 29 ॥
ஶ்ரூயதே ஹி த்³ரும: கஶ்சிச்சே²த்தவ்யோ வனஜீவிபி⁴: ।
ஸன்னிகர்ஷாதி³ஷீகாபி⁴ர்மோசித: பரமாத்³ப⁴யாத் ॥ 3௦ ॥
கோ³ப்தா ஹி ராமம் ஸௌமித்ரிர்லக்ஷ்மணம் சாபி ராக⁴வ: ।
அஶ்வினோரிவ ஸௌப்⁴ராத்ரம் தயோர்லோகேஷு விஶ்ருதம் ॥ 31 ॥
தஸ்மான்ன லக்ஷ்மணே ராம: பாபம் கிஞ்சித்கரிஷ்யதி ।
ராமஸ்து ப⁴ரதே பாபம் குர்யாதி³தி ந ஸம்ஶய: ॥ 32 ॥
தஸ்மாத்³ராஜக்³ருஹாதே³வ வனம் க³ச்ச²து தே ஸுத: ।
ஏதத்³தி⁴ ரோசதே மஹ்யம் ப்⁴ருஶம் சாபி ஹிதம் தவ ॥ 33 ॥
ஏவம் தே ஜ்ஞாதிபக்ஷஸ்ய ஶ்ரேயஶ்சைவ ப⁴விஷ்யதி ।
யதி³ சேத்³ப⁴ரதோ த⁴ர்மாத்பித்ர்யம் ராஜ்யமவாப்ஸ்யஸி ॥ 34 ॥
ஸ தே ஸுகோ²சிதோ பா³லோ ராமஸ்ய ஸஹஜோ ரிபு: ।
ஸம்ருத்³தா⁴ர்த²ஸ்ய நஷ்டார்தோ² ஜீவிஷ்யதி கத²ம் வஶே ॥ 35 ॥
அபி⁴த்³ருதமிவாரண்யே ஸிம்ஹேன கஜ³யூத²பம் ।
ப்ரச்சா²த்³யமானம் ராமேண ப⁴ரதம் த்ராதுமர்ஹஸி ॥ 36 ॥
த³ர்பான்னிராக்ருதா பூர்வம் த்வயா ஸௌபா⁴க்³யவத்தயா ।
ராமமாதா ஸபத்னீ தே கத²ம் வைரம் ந ஶாதயேத் ॥ 37 ॥
யதா³ ஹி ராம: ப்ருதி²வீமவாப்ஸ்யதி ப்ரபூ⁴தரத்னாகரஶைலபத்தனாம் ।
ததா³ க³மிஷ்யஸ்யஶுப⁴ம் பராப⁴வம் ஸஹைவ தீ³னா ப⁴ரதேன பா⁴மினி ॥ 38 ॥
யதா³ ஹி ராம: ப்ருதி²வீமவாப்ஸ்யதி த்⁴ருவம் ப்ரணஷ்டோ ப⁴ரதோ ப⁴விஷ்யதி ।
அதோ ஹி ஸஞ்சிந்தய ராஜ்யமாத்மஜே பரஸ்ய சைவாத்³ய விவாஸகாரணம் ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டமஸ்ஸர்க:³ ॥
