ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரினவதிதமஸ்ஸர்க:³ ।
தயா மஹத்யா யாயின்யா த்⁴வஜின்யா வனவாஸின: ।
அர்தி³தா யூத²பா மத்தா: ஸயூதா²ஸ்ஸம்ப்ரது³த்³ருவு: ॥ 1 ॥
ருக்ஷா: ப்ருஷதஸங்கா⁴ஶ்ச ருரவஶ்ச ஸமந்தத: ।
த்³ருஶ்யந்தே வனராஜீஷு கி³ரிஷ்வபி நதீ³ஷு ச ॥ 2 ॥
ஸ ஸம்ப்ரதஸ்தே² த⁴ர்மாத்மா ப்ரீதோ த³ஶரதா²த்மஜ: ।
வ்ருதோ மஹத்யா நாதி³ன்யா ஸேனயா சதுரங்க³யா ॥ 3 ॥
ஸாக³ரௌக⁴னிபா⁴ ஸேனா ப⁴ரதஸ்ய மஹாத்மன: ।
மஹீம் ஸஞ்சா²த³யாமாஸ ப்ராவ்ருஷி த்³யாமிவாம்பு³த:³ ॥ 4 ॥
துரங்கௌ³கை⁴ரவததா வாரணைஶ்ச மஹாஜவை: ।
அனாலக்ஷ்யா சிரம் காலம் தஸ்மின்காலே ப³பூ⁴வ பூ⁴: ॥ 5 ॥
ஸ யாத்வா தூ³ரமத்⁴வானம் ஸுபரிஶ்ராந்தவாஹன: ।
உவாச ப⁴ரத ஶ்ஶ்ரீமான் வஸிஷ்ட²ம் மந்த்ரிணாம் வரம் ॥ 6 ॥
யாத்³ருஶம் லக்ஷ்யதே ரூபம் யதா² சைவ ஶ்ருதம் மயா ।
வ்யக்தம் ப்ராப்தா: ஸ்ம தம் தே³ஶம் ப⁴ரத்³வாஜோ யமப்³ரவீத் ॥ 7 ॥
அயம் கி³ரிஶ்சித்ரகூட இயம் மந்தா³கினீ நதீ³ ।
ஏதத்ப்ரகாஶதே தூ³ரான்னீலமேக⁴னிப⁴ம் வனம் ॥ 8 ॥
கி³ரே ஸ்ஸானூனி ரம்யாணி சித்ரகூடஸ்ய ஸம்ப்ரதி ।
வாரணைரவம்ருத்³யந்தே மாமகை பர்வதோபமை: ॥ 9 ॥
முஞ்சந்தி குஸுமான்யேதே நகா³: பர்வதஸானுஷு ।
நீலா இவாதபாபாயே தோயம் தோயத⁴ரா க⁴னா: ॥ 1௦ ॥
கின்னராசரிதம் தே³ஶம் பஶ்ய ஶத்ருக்⁴ன பர்வதம் ।
ம்ருகை³ஸ்ஸமந்தாதா³கீர்ணம் மகரைரிவ ஸாக³ரம் ॥ 11 ॥
ஏதே ம்ருக³க³ணா பா⁴ந்தி ஶீக்⁴ரவேகா³: ப்ரசோதி³தா: ।
வாயுப்ரவித்³தா⁴ ஶ்ஶரதி³ மேக⁴ராஜிரிவாம்ப³ரே ॥ 12 ॥
குர்வந்தி குஸுமாபீடா³ன் ஶிரஸ்ஸு ஸுரபீ⁴னமீ ।
மேக⁴ப்ரகாஶை: ப²லகைர்தா³க்ஷிணாத்யா யதா² நரா: ॥ 13 ॥
நிஷ்கூஜமிவ பூ⁴த்வேத³ம் வனம் கோ⁴ரப்ரத³ர்ஶனம் ।
அயோத்⁴யேவ ஜனாகீர்ணா ஸம்ப்ரதி ப்ரதிபா⁴தி மா ॥ 14 ॥
கு²ரைருதீ³ரிதோ ரேணுர்தா³வம் ப்ரச்சா²த்³ய திஷ்ட²தி ।
தம் வஹத்யனில ஶ்ஶ்ரீக்⁴ரம் குர்வன்னிவ மம ப்ரியம் ॥ 15 ॥
ஸ்யந்த³னாம்ஸ்துரகோ³பேதான்ஸூதமுக்²யை ரதி⁴ஷ்டி²தான் ।
ஏதான்ஸம்பததஶ்ஶ்ரீக்⁴ரம் பஶ்ய ஶத்ருக்⁴ன கானநே ॥ 16 ॥
ஏதான்வித்ராஸிதான்பஶ்யப³ர்ஹிண: ப்ரியத³ர்ஶனான் ।
ஏதமாவிஶத ஶ்ஶ்ரீக்⁴ரமதி⁴வாஸம் பதத்ரிண: ॥ 17 ॥
அதிமாத்ரமயம் தே³ஶோ மனோஜ்ஞ: ப்ரதிபா⁴தி மே ।
தாபஸானாம் நிவாஸோயம் வ்யக்தம் ஸ்வர்க³பதோ² யதா² ॥ 18 ॥
ம்ருகா³ ம்ருகீ³பி⁴: ஸஹிதா ப³ஹவ: ப்ருஷதா வனே ।
மனோஜ்ஞரூபா த்³ருஶ்யந்தே குஸுமைரிவ சித்ரிதா: ॥ 19 ॥
ஸாது⁴ ஸைன்யா: ப்ரதிஷ்ட²ந்தாம் விசின்வந்து ச கானநே ।
யதா² தௌ புருஷவ்யாக்⁴ரௌ த்³ருஶ்யேதே ராமலக்ஷ்மணௌ ॥ 2௦ ॥
ப⁴ரதஸ்ய வசஶ்ஶ்ருத்வா புருஷாஶ்ஶஸ்த்ரபாணய: ।
விவிஶு ஸ்தத்³வனம் ஶூரா தூ⁴மம் ச த³த்³ருஶு ஸ்தத: ॥ 21 ॥
தே ஸமாலோக்ய தூ⁴மாக்³ரமூசுர்ப⁴ரதமாக³தா: ।
நாமனுஷ்யே ப⁴வத்யக்³னி ர்வ்யக்தமத்ரைவ ராக⁴வௌ ॥ 22 ॥
அத² நாத்ர நரவ்யாக்⁴ரௌ ராஜபுத்ரௌ பரந்தபௌ ।
அன்யே ராமோபமா ஸ்ஸந்தி வ்யக்தமத்ர தபஸ்வின: ॥ 23 ॥
தச்ச்²ருத்வா ப⁴ரதஸ்தேஷாம் வசனம் ஸாது⁴ஸம்மதம் ।
ஸைன்யானுவாச ஸர்வாம்ஸ்தானமித்ரப³லமர்த³ன: ॥ 24 ॥
யத்தா ப⁴வந்தஸ்திஷ்ட²ந்து நேதோ க³ந்தவ்யமக்³ரத: ।
அஹமேவ க³மிஷ்யாமி ஸுமந்த்ரோ கு³ருரேவ ச ॥ 25 ॥
ஏவமுக்தா ஸ்ததஸ்ஸர்வே தத்ர தஸ்து²: ஸமந்த: ।
ப⁴ரதோ யத்ர தூ⁴மாக்³ரம் தத்ர த்³ருஷ்டிம் ஸமாத³தா⁴த் ॥ 26 ॥
வ்யவஸ்தி²தா யா ப⁴ரதேன ஸா சமூர்னிரீக்ஷமாணாபி ச பூ⁴மிமக்³ரத: ।
ப³பூ⁴வ ஹ்ருஷ்டா ந சிரேண ஜானதீ ப்ரியஸ்ய ராமஸ்ய ஸமாக³மம் ததா³ ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரினவதிதமஸ்ஸர்க:³ ॥
