ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² அஷ்டாஶீதிதமஸ்ஸர்க:³ ।
தச்ச்²ருத்வா நிபுணம் ஸர்வம் ப⁴ரத ஸ்ஸஹ மந்த்ரிபி⁴: ।
இங்கு³தீ³மூலமாக³ம்ய ராமஶய்யாமவேக்ஷ்ய தாம் ॥ 1 ॥
அப்³ரவீஜ்ஜனநீ ஸ்ஸர்வா இஹ தேன மஹாத்மனா ।
ஶர்வரீ ஶயிதா பூ⁴மாவித³மஸ்ய விமர்தி³தம் ॥ 2 ॥
தச்ச்²ருத்வா நிபுணம் ஸர்வம் ப⁴ரத ஸ்ஸஹ மந்த்ரிபி⁴: ।
இங்கு³தீ³மூலமாக³ம்ய ராமஶய்யாமவேக்ஷ்ய தாம் ॥ 3 ॥
அப்³ரவீஜ்ஜனநீ ஸ்ஸர்வா இஹ தேன மஹாத்மனா ।
ஶர்வரீ ஶயிதா பூ⁴மாவித³மஸ்ய விமர்தி³தம் ॥ 4 ॥
மஹாபா⁴க³குலீனேன மஹாபா⁴கே³ன தீ⁴மதா ।
ஜாதோ த³ஶரதே²னோர்வ்யாம் ந ராமஸ்ஸ்வப்து மர்ஹதி ॥ 5 ॥
அஜினோத்தரஸம்ஸ்தீர்ணே வராஸ்தரணஸஞ்சயே ।
ஶயித்வா புருஷவ்யாக்⁴ர: கத²ம் ஶேதே மஹீதலே ॥ 6 ॥
ப்ராஸாதா³க்³ரவிமானேஷு வலபீ⁴ஷு ச ஸர்வதா³ ।
ஹைமராஜதபௌ⁴மேஷு வராஸ்தரணஶாலிஷு ॥ 7 ॥
புஷ்பஸஞ்சயசித்ரேஷு சந்த³னாக³ருக³ந்தி⁴ஷு ।
பாண்டு³ராப்⁴ரப்ரகாஶேஷு ஶுகஸங்க⁴ரூதேஷுச ॥ 8 ॥
ப்ராஸாத³வரவர்யேஷு ஶீதவத்ஸு ஸுக³ந்தி⁴ஷு ।
உஷித்வாமேருகல்பேஷு க்ருதகாஞ்சன பி⁴த்திஷு ॥ 9 ॥
கீ³தவாதி³த்ரனிர்கோ⁴ஷைர்வராப⁴ரணனிஸ்ஸ்வனை: ।
ம்ருத³ங்க³வரஶப்³தை³ஶ்ச ஸததம் ப்ரதிபோ³தி⁴த: ॥ 1௦ ॥
வந்தி³பி⁴ர்வந்தி³த: காலே ப³ஹுபி⁴ ஸ்ஸூதமாக³தை⁴: ।
கா³தா²பி⁴ரனுரூபாபி⁴ ஸ்ஸ்துதிபி⁴ஶ்ச பரந்தப: ॥ 11 ॥
அஶ்ரத்³தே⁴யமித³ம் லோகே ந ஸத்யம் ப்ரதிபா⁴தி மா ।
முஹ்யதே க²லு மே பா⁴வ ஸ்ஸ்வப்னோயமிதி மே மதி: ॥ 12 ॥
ந நூனம் தை³வதம் கிஞ்சித்காலேன ப³லவத்தரம் ।
யத்ர தா³ஶரதீ² ராமோ பூ⁴மாவேவ ஶயீத ஸ: ॥ 13 ॥
விதே³ஹராஜஸ்ய ஸுதா ஸீதா ச ப்ரியத³ர்ஶனா ।
த³யிதா ஶயிதா பூ⁴மௌ ஸ்னுஷா த³ஶரத²ஸ்ய ச ॥ 14 ॥
இயம் ஶய்யா மம ப்⁴ராதுரித³ம் ஹி பரிவர்திதம் ।
ஸ்த²ண்டி³லே கடி²னே ஸர்வம் கா³த்ரை ர்விம்ருதி³தம் த்ருணம் ॥ 15 ॥
மன்யே ஸாப⁴ரணா ஸுப்தா ஸீதாஸ்மிஞ்ச²யனோத்தமே ।
தத்ர தத்ர ஹி த்³ருஶ்யந்தே ஸக்தா: கனகபி³ந்த³வ: ॥ 16 ॥
உத்தரீயமிஹாஸக்தம் ஸுவ்யக்தம் ஸீதயா ததா³ ।
ததா² ஹ்யேதே ப்ரகாஶந்தே ஸக்தா: கௌஶேயதந்தவ: ॥ 17 ॥
மன்யே ப⁴ர்து ஸ்ஸுகா² ஶய்யா யேன பா³லா தபஸ்வினீ ।
ஸுகுமாரீ ஸதீ து³:க²ம் ந ஹி விஜானாதி மைதி²லீ ॥ 18 ॥
ஹா ஹந்தாஸ்மி ந்ருஶம்ஸோஹம் யத்ஸபா⁴ர்ய: க்ருதே மம ।
ஈத்³ருஶீம் ராக⁴வஶ்ஶய்யாமதி⁴ஶேதே ஹ்யனாத²வத் ॥ 19 ॥
ஸார்வபௌ⁴மகுலே ஜாத ஸ்ஸர்வலோகஸ்ய ஸம்மத: ।
ஸர்வலோகப்ரியஸ்த்யக்த்வா ராஜ்யம் ஸுக²மனுத்தம் ॥ 2௦ ॥
கத²மிந்தீ³வரஶ்யாமோ ரக்தாக்ஷ: ப்ரியத³ர்ஶன: ।
ஸுக²பா⁴கீ³ ந து³:கா²ர்ஹ ஶ்ஶயிதோ பு⁴வி ராக⁴வ: ॥ 21 ॥
த⁴ன்ய: க²லு மஹாபா⁴கோ³ லக்ஷ்மண ஶ்ஶுப⁴லக்ஷண: ।
ப்⁴ராதரம் விஷமே காலே யோ ராமமனுவர்ததே ॥ 22 ॥
ஸித்³தா⁴ர்தா² க²லு வைதே³ஹீ பதிம் யானுக³தா வனம் ।
வயம் ஸம்ஶயிதா ஸ்ஸர்வே ஹீனாஸ்தேன மஹாத்மனா ॥ 23 ॥
ஆகர்ணதா⁴ரா ப்ருதி²வீ நௌ: இவ ப்ரதிபா⁴தி மா ।
க³தே த³ஶரதே² ஸ்வர்க³ம் ராமே சாரண்யமாஶ்ரிதே ॥ 24 ॥
ந ச ப்ரார்த²யதே கச்சின்மனஸாபி வஸுந்த⁴ராம் ।
வனேபி வஸதஸ்தஸ்ய பா³ஹுவீர்யாபி⁴ரக்ஷிதாம் ॥ 25 ॥
ஶூன்யஸம்வரணாரக்ஷாமயந்த்ரிதஹயத்³விபாம் ।
அபாவ்ருதபுரத்³வாராம் ராஜதா⁴னீமரக்ஷிதாம் ॥ 26 ॥
அப்ரஹ்ருஷ்டப³லாம் ஶூன்யாம் விஷமஸ்தா²மனாவ்ருதாம் ।
ஶத்ரவோ நாபி⁴மன்யந்தே ப⁴க்ஷான்விஷக்ருதானிவ ॥ 27 ॥
அத்³யப்ரப்⁴ருதி பூ⁴மௌ து ஶயிஷ்யேஹம் த்ருணேஷு வா ।
ப²லமூலாஶனோ நித்யம் ஜடாசீராணி தா⁴ரயன் ॥ 28 ॥
தஸ்யார்த²முத்தரம் காலம் நிவத்ஸ்யாமி ஸுக²ம் வனே ।
தம் ப்ரதிஶ்ரவமாமுச்ய நாஸ்ய மித்²யா ப⁴விஷ்யதி ॥ 29 ॥
வஸந்தம் ப்⁴ராதுரர்தா²ய ஶத்ருக்⁴னோ மானுவத்ஸ்யதி ।
லக்ஷ்மணேன ஸஹத்வார்யோ ஹ்யயோத்⁴யாம் பாலயிஷ்யதி ॥ 3௦ ॥
அபி⁴ஷேக்ஷ்யந்தி காகுத்ஸ்த²மயோத்⁴யாயாம் த்³விஜாதய: ।
அபி மே தே³வதா: குர்யுரிமம் ஸத்யம் மனோரத²ம் ॥ 31 ॥
ப்ரஸாத்³யமான ஶ்ஶிரஸா மயா ஸ்வயம் ப³ஹுப்ரகாரம் யதி³ நாபி⁴பத்ஸ்யதே ।
ததோனுவத்ஸ்யாமி சிராய ராக⁴வம் வனேசரன்னார்ஹதி மாமுபேக்ஷிதும் ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ அஷ்டாஶீதிதமஸ்ஸர்க:³ ॥
