ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகவிம்ஶஸ்ஸர்க:³ ।
ஸ புன: பதிதாம் த்³ருஷ்ட்வா க்ரோதா⁴ச்சூ²ர்பணகா²ம் க²ர: ।
உவாச வ்யக்தயா வாசா தாமனர்தா²ர்த²மாக³தாம் ॥ 1 ॥
மயா த்விதா³னீம் ஶூராஸ்தே ராக்ஷஸா ருதி⁴ராஶனா: ।
த்வத்ப்ரியார்த²ம் வினிர்தி³ஷ்டா: கிமர்த²ம் ருத்³யதே புன: ॥ 2 ॥
ப⁴க்தாஶ்சைவானுரக்தாஶ்ச ஹிதாஶ்ச மம நித்யஶ: ।
ஹன்யமானா ந ஹன்யந்தே ந ந குர்யுர்வசோ மம ॥ 3 ॥
கிமேதச்ச்²ரோதுமிச்சா²மி காரணம் யத்க்ருதே புன: ।
ஹா நாதே²தி வினர்த³ந்தீ ஸர்பவல்லுட²ஸி க்ஷிதௌ ॥ 4 ॥
அனாத²வத்³விலபஸி நாதே² து மயி ஸம்ஸ்தி²தே ।
உத்திஷ்டோ²த்திஷ்ட² மாபை⁴ஷீர்வைக்லவ்யம் த்யஜ்யதாமிஹ ॥ 5 ॥
இத்யேவமுக்தா து³ர்த⁴ர்ஷா க²ரேண பரிஸாந்த்விதா ।
விம்ருஜ்ய நயனே ஸாஸ்ரே க²ரம் ப்⁴ராதரமப்³ரவீத் ॥ 6 ॥
அஸ்மீதா³னீமஹம் ப்ராப்தா ஹ்ருதஶ்ரவணனாஸிகா ।
ஶோணிதௌக⁴பரிக்லின்னா த்வயா ச பரிஸாந்த்விதா ॥ 7 ॥
ப்ரேஷிதாஶ்ச த்வயா வீர ராக்ஷஸாஸ்தே சதுர்த³ஶ ।
நிஹந்தும் ராக⁴வம் க்ரோதா⁴ன்மத்ப்ரியார்த²ம் ஸலக்ஷணம் ॥ 8 ॥
தே து ராமேண ஸாமர்ஷா: ஶூலபட்டஸபாணய: ।
ஸமரே நிஹதாஸ்ஸர்வே ஸாயகைர்மர்மபே⁴தி³பி⁴: ॥ 9 ॥
தாந்த்³ருஷ்ட்வா பதிதான்பூ⁴மௌ க்ஷணேனைவ மஹாப³லான் ।
ராமஸ்ய ச மஹத்கர்ம மஹாம்ஸ்த்ராஸோப⁴வன்மம ॥ 1௦ ॥
அஹமஸ்மி ஸமுத்³விக்³னா விஷண்ணா ச நிஶாசர ।
ஶரணம் த்வாம் புன: ப்ராப்தா ஸர்வதோப⁴யத³ர்ஶினீ ॥ 11 ॥
விஷாத³னக்ராத்⁴யுஷிதே பரித்ராஸோர்மிமாலினி ।
கிம் மாம் ந த்ராயஸே மக்³னாம் விபுலே ஶோகஸாக³ரே ॥ 12 ॥
ஏதே ச நிஹதா பூ⁴மௌ ராமேண நிஶிதை: ஶரை: ।
யேபி மே பத³வீம் ப்ராப்தா ராக்ஷஸா: பிஶிதாஶனா: ॥ 13 ॥
மயி தே யத்³யனுக்ரோஶோ யதி³ ரக்ஷஸ்ஸு தேஷு ச ।
ராமேண யதி³ தே ஶக்திஸ்தேஜோ வாஸ்தி நிஶாசர ॥ 14 ॥
த³ண்ட³காரண்யனிலயம் ஜஹி ராக்ஷஸகண்டகம் ।
யதி³ ராமம் மமாமித்ரம் ந த்வமத்³யவதி⁴ஷ்யஸி ॥ 15 ॥
தவைவ சாக்³ரத: ப்ராணாம்ஸ்த்யக்ஷாமி நிரபத்ரப ।
பு³த்³த்⁴யாஹமனுபஶ்யாமி ந த்வம் ராமஸ்ய ஸம்யுகே³ ॥ 16 ॥
ஸ்தா²தும் ப்ரதிமுகே² ஶக்தஸ்ஸப³லஶ்ச மஹாத்மன: ।
ஶூரமானீ ந ஶூரஸ்த்வம் மித்²யாரோபிதவிக்ரம: ॥ 17 ॥
மானுஷௌ யோ ந ஶக்னோஷி ஹந்தும் தௌ ராமலக்ஷ்மணௌ ।
ராமேண யதி³ தே ஶக்திஸ்தேஜோ வாஸ்தி நிஶாசர ॥ 18 ॥
த³ண்ட³காரண்யனிலயம் ஜஹி தம் குலபாம்ஸன ।
நிஸ்ஸத்வஸ்யால்ப வீர்யஸ்ய வாஸஸ்தே கீத்³ருஶஸ்த்விஹ ॥ 19 ॥
அபயாஹி ஜனஸ்தா²னாதத்வரிதஸ்ஸஹபா³ந்த⁴வ: ।
ராமதேஜோபி⁴பூ⁴தோ ஹி த்வம் க்ஷிப்ரம் வினஶிஷ்யஸி ॥ 2௦ ॥
ஸ ஹி தேஜஸ்ஸமாயுக்தோ ராமோ த³ஶரதா²த்மஜ: ।
ப்⁴ராதா சாஸ்ய மஹாவீர்யோ யேன சாஸ்மி விரூபிதா ॥ 21 ॥
ஏவம் விலப்ய ப³ஹுஶோ ராக்ஷஸீ விததோத³ரீ ।
கராப்⁴யாமுத³ரம் ஹத்வா ருரோத³ ப்⁴ருஶது³:கி²தா ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகவிம்ஶஸ்ஸர்க:³ ॥
