ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷோட³ஶாதி⁴கஶததமஸ்ஸர்க:³ ।
ப்ரதிப்ரயாதே ப⁴ரதே வஸன்ராமஸ்தபோவனே ।
லக்ஷயாமாஸ ஸோத்³வேக³மதௌ²த்ஸுக்யம் தபஸ்வினாம் ॥ 1 ॥
யே தத்ர சித்ரகூடஸ்ய புரஸ்தாத்தாபஸாஶ்ரமே ।
ராமமாஶ்ரித்ய நிரதாஸ்தானலக்ஷயது³த்ஸுகான் ॥ 2 ॥
நயனைர்ப்³ருகுடீபி⁴ஶ்ச ராமம் நிர்தி³ஶ்ய ஶங்கிதா: ।
அன்யோன்யமுபஜல்பந்த ஶ்ஶனைஶ்சக்ருர்மித:² கதா²: ॥ 3 ॥
தேஷாமௌத்ஸுக்யமாலக்ஷ்ய ராமஸ்த்வாத்மனி ஶங்கித: ।
க்ருதாஞ்ஜலிருவாசேத³ம்ருஷிம் குலபதிம் தத: ॥ 4 ॥
ந கச்சித்³ப⁴க³வன்கிஞ்சித்பூர்வவ்ருத்தமித³ம் மயி ।
த்³ருஶ்யதே விக்ருதம் யேன விக்ரியந்தே தபஸ்வின: ॥ 5 ॥
ப்ரமாதா³ச்சரிதம் கச்சித்கிஞ்சின்னாவரஜஸ்ய மே ।
லக்ஷ்மணஸ்யர்ஷிபி⁴த்³ருஷ்டம் நானுரூபமிவாத்மன: ॥ 6 ॥
கச்சிச்சு²ஶ்ரூஷமாணா வ ஶ்ஶுஶ்ரூஷணபரா மயி ।
ப்ரமதா³ப்⁴யுசிதாம் வ்ருத்திம் ஸீதா யுக்தம் ந வர்ததே ॥ 7 ॥
அத²ர்ஷிர்ஜரயா வ்ருத்³த⁴ஸ்தபஸா ச ஜராம் க³த: ।
வேபமான இவோவாச ராமம் பூ⁴தத³யாபரம் ॥ 8 ॥
குத: கல்யாணஸத்த்வாயா: கல்யாணாபி⁴ரதேஸ்ததா² ।
சலனம் தாத வைதே³ஹ்யாஸ்தபஸ்விஷு விஶேஷத: ॥ 9 ॥
த்வன்னிமித்தமித³ம் தாவத்தாபஸான்ப்ரதிவர்ததே ।
ரக்ஷோப்⁴யஸ்தேன ஸம்விக்³னா: கத²யந்தி மித:² கதா²: ॥ 1௦ ॥
ராவணாவரஜ: கஶ்சித் க²ரோ நாமேஹ ராக்ஷஸ: ।
உத்பாட்ய தாபஸான்ஸர்வாஞ்ஜனஸ்தா²னநிகேதனான் ॥ 11 ॥
த்⁴ருஷ்டஶ்ச ஜிதகாஶீ ச ந்ருஶம்ஸ: புருஷாத³க: ।
அவலிப்தஶ்ச பாபஶ்ச த்வாம் ச தாத ந ம்ருஷ்யதே ॥ 12 ॥
த்வம் யதா³ப்ரப்⁴ருதி ஹ்யஸ்மின்னாஶ்ரமே தாத வர்தஸே ।
ததா³ப்ரப்⁴ருதி ரக்ஷாம்ஸி விப்ரகுர்வந்தி தாபஸான் ॥ 13 ॥
த³ர்ஶயந்தி ஹி பீ³ப⁴த்ஸை: க்ரூரைர்பீ⁴ஷணகைரபி ।
நானாரூபைர்விரூபைஶ்ச ரூபைர்விக்ருதத³ர்ஶனை: ॥ 14 ॥
அப்ரஶஸ்தைஶுசிபி⁴ஸ்ஸம்ப்ரயோஜ்ய ச தாபஸான் ।
ப்ரதித்⁴னந்த்யபரான்க்ஷிப்ரமனார்யா: புரத: ஸ்தி²தா: ॥ 15 ॥
தேஷு தேஷ்வாஶ்ரமஸ்தா²னேஷ்வபு³த்³த⁴மவலீய ச ।
ரமந்தே தாபஸாம் ஸ்தத்ர நாஶயந்தோல்பசேதஸ: ॥ 16 ॥
அபக்ஷிபந்தி ஸ்ருக்³பா⁴ண்டா³னக்³னீஸ்னிஞ்சந்தி வாரிணா ।
கலஶாம்ஶ்ச ப்ரமத்⁴னந்தி ஹவனே ஸமுபஸ்தி²தே ॥ 17 ॥
தைர்து³ராத்மபி⁴ராம்ருஷ்டானாஶ்ரமான்ப்ரஜிஹாஸவ: ।
க³மனாயான்யதே³ஶஸ்ய சோத³யந்த்ய்ருஷயோத்³ய மாம் ॥ 18 ॥
தத்புரா ராம ஶாரீராமுபஹிம்ஸாம் தபஸ்விஷு ।
த³ர்ஶயந்தி ஹி து³ஷ்டாஸ்தே த்யக்ஷ்யாம இமமாஶ்ரமம் ॥ 19 ॥
ப³ஹுமூலப²லம் சித்ரமவிதூ³ராதி³தோ வனம் ।
புராணாஶ்ரமமேவாஹம் ஶ்ரயிஷ்யே ஸக³ண: புன: ॥ 2௦ ॥
க²ரஸ்த்வய்யபி சாயுக்தம் புரா தாத ப்ரவர்ததே ।
ஸஹாஸ்மாபி⁴ரிதோ க³ச்ச² யதி³ பு³த்³தி⁴: ப்ரவர்ததே ॥ 21 ॥
ஸகலத்ரஸ்ய ஸந்தே³ஹோ நித்யம் யத்தஸ்ய ராக⁴வ ।
ஸமர்த²ஸ்யாபி ஹி ஸதோ வாஸோ து³:க²மிஹாத்³ய தே ॥ 22 ॥
இத்யுக்தவந்தம் ஸ்தம்ராம ராஜபுத்ரஸ்தபஸ்வினம் ।
ந ஶஶாகோத்தரைர்வாக்யைரவரோத்³து⁴ம் ஸமுத்ஸுகம் ॥ 23 ॥
அபி⁴னந்த்³ய ஸமாப்ருச்ச்²ய ஸமாதா⁴ய ச ராக⁴வம் ।
ஸ ஜகா³மாஶ்ரமம் த்யக்த்வா குலை: குலபதிஸ்ஸஹ ॥ 24 ॥
ராம: ஸம்ஸாத்³ய ருஷிக³ணமனுக³மனாத்³தே³ஶாத்தஸ்மாத்குலபதிமபி⁴வாத்³ய ருஷிம் ।
ஸம்யக்ப்ரீதைஸ்தைரனுமத உபதி³ஷ்டார்த:² புண்யம் வாஸாய ஸ்வனிலயமுபஸம்பேதே³ ॥ 25 ॥
ஆஶ்ரமம்ருஷிவிரஹிதம் ப்ரபு⁴: க்ஷணமபின ஜஹௌ ஸ ராக⁴வ: ।
ராக⁴வம் ஹி ஸததமனுக³தா ஸ்தாபஸாஶ்சார்ஷசரித த்⁴ருதகு³ணா: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷோட³ஶாதி⁴கஶததமஸ்ஸர்க:³ ॥
