ஶ்ரீமத்³வால்மீகீய ராமாயணே பா³லகாண்ட³ம் ।
அத² பஞ்சபஞ்சாஶஸ்ஸர்க:³ ।
ததஸ்தானாகுலான் த்³ருஷ்ட்வா விஶ்வாமித்ராஸ்த்ரமோஹிதான் ।
வஸிஷ்ட²ஶ்சோத³யாமாஸ காமது⁴க் ஸ்ருஜ யோக³த: ॥ 1 ॥
தஸ்யாஹும்பா⁴ரவாஜ்ஜாதா: காம்போ⁴ஜா ரவிஸன்னிபா⁴: ।
ஊத⁴ஸஸ்த்வத² ஸஞ்ஜாதா: பப்லவாஶ்ஶஸ்த்ரபாணய: ॥ 2 ॥
யோனிதே³ஶாச்ச யவனாஶ்ஶக்ருத்³தே³ஶாச்ச²கா ஸ்ததா² ।
ரோமகூபேஷு ச ம்லேச்சா² ஹாரீதாஸ்ஸகிராதகா: ॥ 3 ॥
தைஸ்தைர்னிஷூதி³தம் ஸர்வம் விஶ்வாமித்ரஸ்ய தத்க்ஷணாத் ।
ஸபதா³திகஜ³ம் ஸாஶ்வம் ஸரத²ம் ரகு⁴னந்த³ன ॥ 4 ॥
த்³ருஷ்ட்வா நிஷூதி³தம் ஸைன்யம் வஸிஷ்டே²ன மஹாத்மனா ।
விஶ்வாமித்ரஸுதானாம் ச ஶதம் நானாவிதா⁴யுத⁴ம் ॥ 5 ॥
அப்⁴யதா⁴வத்ஸுஸங்க்ருத்³த⁴ம் வஸிஷ்ட²ம் ஜபதாம் வரம் ।
ஹுங்காரேணைவ தான் ஸர்வான் த³தா³ஹ ப⁴க³வான் ருஷி: ॥ 6 ॥
தே ஸாஶ்வரத²பாதா³தா வஸிஷ்டே²ன மஹாத்மனா ।
ப⁴ஸ்மீக்ருதா முஹூர்தேன விஶ்வாமித்ரஸுதா ஸ்ததா³ ॥ 7 ॥
த்³ருஷ்ட்வா வினாஶிதான் புத்ரான் ப³லம் ச ஸுமஹாயஶா: ।
ஸவ்ரீட³ஶ்சிந்தயாவிஷ்டோ விஶ்வாமித்ரோப⁴வத்ததா³ ॥ 8 ॥
ஸமுத்³ர இவ நிர்வேகோ³ ப⁴க்³னத³ம்ஷ்ட்ர இவோரக:³ ।
உபரக்த இவாதி³த்யஸ்ஸத்³யோ நிஷ்ப்ரப⁴தாம் க³த: ॥ 9 ॥
ஹதபுத்ரப³லோ தீ³னோ லூனபக்ஷ இவ த்³விஜ: ।
ஹதத³ர்போ ஹதோத்ஸாஹோ நிர்வேத³ம் ஸமபத்³யத ॥ 1௦ ॥
ஸ புத்ரமேகம் ராஜ்யாய பாலயேதி நியுஜ்ய ச ।
ப்ருதி²வீம் க்ஷத்ரத⁴ர்மேண வனமேவான்வபத்³யத ॥ 11 ॥
ஸ க³த்வா ஹிமவத்பார்ஶ்வம் கின்னரோரக³ஸேவிதம் ।
மஹாதே³வப்ரஸாதா³ர்த²ம் தபஸ்தேபே மஹாதபா: ॥ 12 ॥
கேனசித்த்வத² காலேன தே³வேஶோ வ்ருஷப⁴த்⁴வஜ: ।
த³ர்ஶயாமாஸ வரதோ³ விஶ்வாமித்ரம் மஹாப³லம் ॥ 13 ॥
கிமர்த²ம் தப்யஸே ராஜன் ப்³ரூஹி யத்தே விவக்ஷிதம் ।
வரதோ³ஸ்மி வரோ யஸ்தே காங்க்ஷிதஸ்ஸோபி⁴தீ⁴யதாம் ॥ 14 ॥
ஏவமுக்தஸ்து தே³வேன விஶ்வாமித்ரோ மஹாதபா: ।
ப்ரணிபத்ய மஹாதே³வமித³ம் வசனமப்³ரவீத் ॥ 15 ॥
யதி³ துஷ்டோ மஹாதே³வ த⁴னுர்வேதோ³ மமானக⁴ ।
ஸாங்கோ³பாங்கோ³பனிஷத³ஸ்ஸரஹஸ்ய: ப்ரதீ³யதாம் ॥ 16 ॥
யானி தே³வேஷு சாஸ்த்ராணி தா³னவேஷு மஹர்ஷிஷு ।
க³ந்த⁴ர்வயக்ஷரக்ஷஸ்ஸு ப்ரதிபா⁴ந்து மமானக⁴ ॥ 17 ॥
தவ ப்ரஸாதா³த்³ப⁴வது தே³வதே³வமமேப்ஸிதம் ।
ஏவமஸ்த்விதி தே³வேஶோ வாக்யமுக்த்வா க³தஸ்ததா³ ॥ 18 ॥
ப்ராப்ய சாஸ்த்ராணி ராஜர்ஷிர்விஶ்வாமித்ரோ மஹாப³ல: ।
த³ர்பேண மஹதா யுக்தோ த³ர்பபூர்ணோப⁴வத்ததா³ ॥ 19 ॥
விவர்த⁴மானோ வீர்யேண ஸமுத்³ர இவ பர்வணி ।
ஹதமேவ ததா³ மேனே வஸிஷ்ட²ம்ருஷிஸத்தமம் ॥ 2௦ ॥
ததோ க³த்வாஶ்ரமபத³ம் முமோசாஸ்த்ராணி பார்தி²வ: ।
யைஸ்தத்தபோவனம் ஸர்வம் நிர்த³க்³த⁴ம் சாஸ்த்ரதேஜஸா ॥ 21 ॥
உதீ³ர்யமாணமஸ்த்ரம் தத்³விஶ்வாமித்ரஸ்ய தீ⁴மத: ।
த்³ருஷ்ட்வா விப்ரத்³ருதாஸ்ஸர்வே முனயஶ்ஶதஶோ தி³ஶ: ॥ 22 ॥
வஸிஷ்ட²ஸ்ய ச யே ஶிஷ்யாஸ்ததை²வ ம்ருக³பக்ஷிண: ।
வித்³ரவந்தி ப⁴யாத்³பீ⁴தா நானாதி³க்³ப்⁴யஸ்ஸஹஸ்ரஶ: ॥ 23 ॥
வஸிஷ்ட²ஸ்யாஶ்ரமபத³ம் ஶூன்யமாஸீன்மஹாத்மன: ।
முஹூர்தமிவ நிஶ்ஶப்³த³மாஸீதி³ரிணஸன்னிப⁴ம் ॥ 24 ॥
வத³தோ வை வஸிஷ்ட²ஸ்ய மா பை⁴ரிதி முஹுர்முஹு: ।
நாஶயாம்யத்³ய கா³தே⁴யம் நீஹாரமிவ பா⁴ஸ்கர: ॥ 25 ॥
ஏவமுக்த்வா மஹாதேஜா வஸிஷ்டோ² ஜபதாம் வர: ।
விஶ்வாமித்ரம் ததா³ வாக்யம் ஸரோஷமித³மப்³ரவீத் ॥ 26 ॥
ஆஶ்ரமம் சிரஸம்வ்ருத்³த⁴ம் யத்³வினாஶிதவானஸி ।
து³ராசாரோஸி தன்மூட⁴ தஸ்மாத்த்வம் ந ப⁴விஷ்யஸி ॥ 27 ॥
இத்யுக்த்வா பரமக்ருத்³தோ⁴ த³ண்ட³முத்³யம்ய ஸத்வர: ।
விதூ⁴மமிவ காலாக்³னிம் யமத³ண்ட³மிவாபரம் ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ பஞ்சபஞ்சாஶஸ்ஸர்க:³ ॥
