ஶ்ரீமத்³வால்மீகீய ராமாயணே பா³லகாண்ட³ம் ।
அத² த³ஶமஸ்ஸர்க:³ ।
ஸுமந்த்ரஶ்சோதி³தோ ராஜ்ஞா ப்ரோவாசேத³ம் வசஸ்ததா³ ।
யத²ர்ஶ்யஶ்ருங்க³ஸ்த்வானீத ஶ்ஶ்ருணு மே மந்த்ரிபி⁴ஸ்ஸஹ ॥ 1 ॥
ரோமபாத³முவாசேத³ம் ஸஹாமாத்ய: புரோஹித: ।
உபாயோ நிரபாயோயமஸ்மாபி⁴ரபி⁴சிந்தித: ॥ 2 ॥
ருஶ்யஶ்ருங்கோ³ வனசரஸ்தபஸ்ஸ்வாத்⁴யயனே ரத: ।
அனபி⁴ஜ்ஞஸ்ஸ நாரீணாம் விஷயாணாம் ஸுக²ஸ்ய ச ॥ 3 ॥
இந்த்³ரியார்தை²ரபி⁴மதைர்னரசித்தப்ரமாதி²பி⁴: ।
புரமானாயயிஷ்யாம: க்ஷிப்ரம் சாத்⁴யவஸீயதாம் ॥ 4 ॥
க³ணிகாஸ்தத்ர க³ச்ச²ந்து ரூபவத்யஸ்ஸ்வலங்க்ருதா: ।
ப்ரலோப்⁴ய விவிதோ⁴பாயைரானேஷ்யந்தீஹ ஸத்க்ருதா: ॥ 5 ॥
ஶ்ருத்வா ததே²தி ராஜா ச ப்ரத்யுவாச புரோஹிதம் ।
புரோஹிதோ மந்த்ரிணஶ்ச ததா² சக்ருஶ்ச தே ததா³ ॥ 6 ॥
வாரமுக்²யாஶ்ச தச்ச்²ருத்வா வனம் ப்ரவிவிஶுர்மஹத் ।
ஆஶ்ரமஸ்யாவிதூ³ரேஸ்மின் யத்னம் குர்வந்தி த³ர்ஶனே ॥ 7 ॥
ருஷிபுத்ரஸ்ய தீ⁴ரஸ்ய நித்யமாஶ்ரமவாஸின: ।
பிதுஸ்ஸனித்யஸந்துஷ்டோ நாதிசக்ராம சாஶ்ரமாத் ॥ 8 ॥
ந தேன ஜன்மப்ரப்⁴ருதி த்³ருஷ்டபூர்வம் தபஸ்வினா ।
ஸ்த்ரீ வா புமான்வா யச்சான்யத்ஸர்வம் நக³ரராஷ்ட்ரஜம் ॥ 9 ॥
தத: கதா³சித்தம் தே³ஶமாஜகா³ம யத்³ருச்ச²யா ।
விப⁴ண்ட³கஸுதஸ்தத்ர தாஶ்சாபஶ்யத்³வராங்க³னா: ॥ 1௦ ॥
தாஶ்சித்ரவேஷா: ப்ரமதா³ கா³யந்த்யோ மது⁴ரஸ்வரா: ।
ருஷிபுத்ரமுபாக³ம்ய ஸர்வா வசனமப்³ருவன் ॥ 11 ॥
கஸ்த்வம் கிம் வர்தஸே ப்³ரஹ்மன் ஜ்ஞாதுமிச்சா²மஹே வயம் ।
ஏகஸ்த்வம் விஜனே கோ⁴ரே வனே சரஸி ஶம்ஸ ந: ॥ 12 ॥
அத்³ருஷ்டரூபாஸ்தாஸ்தேன காம்யரூபா வனே ஸ்த்ரிய: ।
ஹார்தா³த்தஸ்ய மதிர்ஜாதா வ்யாக்²யாதும் பிதரம் ஸ்வகம் ॥ 13 ॥
பிதா விப⁴ண்ட³கோஸ்மாகம் தஸ்யாஹம் ஸுத ஔரஸ: ।
ருஶ்யஶ்ருங்க³ இதி க்²யாதம் நாம கர்ம ச மே பு⁴வி ॥ 14 ॥
இஹாஶ்ரமபதோ³ஸ்மாகம் ஸமீபே ஶுப⁴த³ர்ஶனா: ।
கரிஷ்யே வோத்ர பூஜாம் வை ஸர்வேஷாம் விதி⁴பூர்வகம் ॥ 15 ॥
ருஷிபுத்ரவசஶ்ஶ்ருத்வா ஸர்வாஸாம் மதிராஸ வை ।
ததா³ஶ்ரமபத³ம் த்³ரஷ்டும் ஜக்³முஸ்ஸர்வாஶ்ச தேன தா: ॥ 16 ॥
ஆக³தானாம் தத: பூஜாம்ருஷிபுத்ரஶ்சகார ஹ ।
இத³மர்க்⁴யமித³ம் பாத்³யமித³ம் மூலமித³ம் ப²லம் ச ந: ॥ 17 ॥
ப்ரதிக்³ருஹ்ய ச தாம் பூஜாம் ஸர்வா ஏவ ஸமுத்ஸுகா: ।
ருஷேர்பீ⁴தாஶ்ச ஶீக்⁴ரம் தா க³மனாய மதிம் த³து⁴: ॥ 18 ॥
அஸ்மாகமபி முக்²யானி ப²லானீமானி வை த்³விஜ ।
க்³ருஹாண ப்ரதி ப⁴த்³ரம் தே ப⁴க்ஷயஸ்வ ச மா சிரம் ॥ 19 ॥
ததஸ்தாஸ்தம் ஸமாலிங்க்³ய ஸர்வா ஹர்ஷஸமன்விதா: ।
மோத³கான்ப்ரத³து³ஸ்தஸ்மை ப⁴க்ஷ்யாம்ஶ்ச விவிதா⁴ன் ப³ஹூன் ॥ 2௦ ॥
தானி சாஸ்வாத்³ய தேஜஸ்வீ ப²லானீதி ஸ்ம மன்யதே ।
அனாஸ்வாதி³தபூர்வாணி வனே நித்யனிவாஸினாம் ॥ 21 ॥
ஆப்ருச்ச்²ய ச ததா³ விப்ரம் வ்ரதசர்யாம் நிவேத்³ய ச ।
க³ச்ச²ந்தி ஸ்மாபதே³ஶாத்தா பீ⁴தாஸ்தஸ்ய பிதுஸ்ஸ்த்ரிய: ॥ 22 ॥
க³தாஸு தாஸு ஸர்வாஸு காஶ்யபஸ்யாத்மஜோ த்³விஜ: ।
அஸ்வஸ்த²ஹ்ருத³யஶ்சாஸீத்³து³:க²ம் ஸ்ம பரிவர்ததே ॥ 23 ॥
ததோபரேத்³யுஸ்தம் தே³ஶமாஜகா³ம ஸ வீர்யவான் ।
மனோஜ்ஞா யத்ர தா த்³ருஷ்டா வாரமுக்²யாஸ்ஸ்வலங்க்ருதா: ॥ 24 ॥
த்³ருஷ்ட்வைவ ச தாஸ்ததா³ விப்ரமாயாந்தம் ஹ்ருஷ்டமானஸா: ।
உபஸ்ருத்ய ததஸ்ஸர்வாஸ்தாஸ்தமூசுரித³ம் வச: ॥ 25 ॥
ஏஹ்யாஶ்ரமபத³ம் ஸௌம்ய ஹ்யஸ்மாகமிதி சாப்³ருவன் ।
தத்ராப்யேஷ விதி⁴ஶ்ஶ்ரீமான் விஶேஷேண ப⁴விஷ்யதி ॥ 26 ॥
ஶ்ருத்வா து வசனம் தாஸாம் ஸர்வாஸாம் ஹ்ருத³யங்க³மம் ।
க³மனாய மதிம் சக்ரே தம் ச நின்யுஸ்ததா³ ஸ்த்ரிய: ॥ 27 ॥
தத்ர சானீயமானே து விப்ரே தஸ்மின்மஹாத்மனி ।
வவர்ஷ ஸஹஸா தே³வோ ஜக³த்ப்ரஹ்லாத³யம்ஸ்ததா³ ॥ 28 ॥
வர்ஷேணைவாக³தம் விப்ரம் விஷயம் ஸ்வம் நராதி⁴ப: ।
ப்ரத்யுத்³க³ம்ய முனிம் ப்ரஹ்வஶ்ஶிரஸா ச மஹீம் க³த: ॥ 29 ॥
அர்க்⁴யம் ச ப்ரத³தௌ³ தஸ்மை ந்யாயதஸ்ஸுஸமாஹித: ।
வவ்ரே ப்ரஸாத³ம் விப்ரேந்த்³ரான்மா விப்ரம் மன்யுராவிஶேத் ॥ 3௦ ॥
அந்த:புரம் ப்ரவிஶ்யாஸ்மை கன்யாம் த³த்த்வா யதா²விதி⁴ ।
ஶாந்தாம் ஶாந்தேன மனஸா ராஜா ஹர்ஷமவாப ஸ: ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த³ஶமஸ்ஸர்க:³ ॥
