ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஸப்தசத்வாரிம்ஶஸ்ஸர்க:³ ।
ராவணேன து வைதே³ஹீ ததா³ ப்ருஷ்டா ஜிஹீர்ஷதா ।
பரிவ்ராஜகரூபேண ஶஶம்ஸாத்மானமாத்மனா ॥ 1 ॥
ப்³ராஹ்மணஶ்சாதிதி²ஶ்சாயமனுக்தோ ஹி ஶபேத மாம் ।
இதி த்⁴யாத்வா முஹூர்தம் து ஸீதா வசனமப்³ரவீத் ॥ 2 ॥
து³ஹிதா ஜனகஸ்யாஹம் மைதி²லஸ்ய மஹாத்மன: ।
ஸீதா நாம்னாஸ்மி ப⁴த்³ரம் தே ராமபா⁴ர்யா த்³விஜோத்தம ॥ 3 ॥
உஷித்வா த்³வாத³ஶ ஸமா இக்ஷ்வாகுணாம் நிவேஶனே ।
பு⁴ஞ்ஜானா மானுஷான்போ⁴கா³ன்ஸர்வகாமஸம்ருத்³தி⁴னீ ॥ 4 ॥
ததஸ்த்ரயோத³ஶே வர்ஷே ராஜாமந்த்ரயத ப்ரபு⁴: ।
அபி⁴ஷேசயிதும் ராமம் ஸமேதோ ராஜமந்த்ரிபி⁴: ॥ 5 ॥
தஸ்மின்ஸம்ப்⁴ரியமாணே து ராக⁴வஸ்யாபி⁴ஷேசனே ।
கைகேயீ நாம ப⁴ர்தாரமார்யா ஸா யாசதே வரம் ॥ 6 ॥
ப்ரதிக்³ருஹ்ய து கைகேயீ ஶ்வஶுரம் ஸுக்ருதேன மே ।
மம ப்ரவ்ராஜனம் ப⁴ர்துர்ப⁴ரதஸ்யாபி⁴ஷேசனம் ॥ 7 ॥
த்³வாவயாசத ப⁴ர்தாரம் ஸத்யஸந்த⁴ம் ந்ருபோத்தமம் ।
நாத்³ய போ⁴க்ஷ்யே ந ச ஸ்வப்ஸ்யே ந பாஸ்யேச கத²ஞ்சன ॥ 8 ॥
ஏஷ மே ஜீவிதஸ்யாந்தோ ராமோ யத்³யபி⁴ஷிச்யதே ।
இதி ப்³ருவாணாம் கைகேயீம் ஶ்வஶுரோ மே ஸ மானத:³ ॥ 9 ॥
அயாசதார்தை²ரன்வர்தை²ர்ன ச யாஞ்சாம் சகார ஸா ।
மம ப⁴ர்தாமஹாதேஜா வயஸா பஞ்சவிம்ஶக: ॥ 1௦ ॥
அஷ்டாத³ஶ ஹி வர்ஷாணி மம ஜன்மனி க³ண்யதே ।
ராமேதி ப்ரதி²தோ லோகே கு³ணவான்ஸத்யவான்ஶுசி: ॥ 11 ॥
விஶாலாக்ஷோ மஹாபா³ஹுஸ்ஸர்வபூ⁴தஹிதே ரத: ।
காமார்தஸ்து மஹாதேஜா: பிதா த³ஶரத²ஸ்ஸ்வயம் ॥ 12 ॥
கைகேய்யா: ப்ரியகாமார்த²ம் தம் ராமம் நாப்⁴யஷேசயத் ।
அபி⁴ஷேகாய து பிதுஸ்ஸமீபம் ராமமாக³தம் ॥ 13 ॥
கைகேயீ மம ப⁴ர்தாரமித்யுவாச த்⁴ருதம் வச: ।
தவ பித்ரா ஸமாஜ்ஞப்தம் மமேத³ம் ஶ்ருணு ராக⁴வ ॥ 14 ॥
ப⁴ரதாய ப்ரதா³தவ்யமித³ம் ராஜ்யமகண்டகம் ।
த்வயா ஹி க²லு வஸ்தவ்யம் நவ வர்ஷாணி பஞ்ச ச ॥ 15 ॥
வனே ப்ரவ்ரஜ காகுத்ஸ்த² பிதரம் மோசயான்ருதான் ।
ததே²த்யுக்த்வா ச தாம் ராம: கைகேயீமகுதோப⁴ய: ॥ 16 ॥
சகார தத்³வசஸ்தஸ்யா மம ப⁴ர்தா த்³ருட⁴வ்ரத: ।
த³த்³யான்ன ப்ரதிக்³ருஹ்ணீயாத்ஸத்யம் ப்³ரூயான்ன சான்ருதம் ॥ 17 ॥
ஏதத்³ப்³ராஹ்மண ராமஸ்ய த்⁴ர்ருவம் வ்ரதமனுத்தமம் ।
தஸ்ய ப்⁴ராதா து த்³வைமாத்ரோ லக்ஷ்மணோ நாம வீர்யவான் ॥ 18 ॥
ராமஸ்ய புருஷவ்யாக்⁴ரஸ்ஸஹாயஸ்ஸமரேரிஹா ।
ஸ ப்⁴ராதா லக்ஷ்மணோ நாம த⁴ர்மசாரீ த்³ருட⁴வ்ரத: ॥ 19 ॥
அன்வக³ச்ச²த்³த³னுஷ்பாணி: ப்ரவ்ரஜந்தம் மயா ஸஹ ।
ஜடீ தாபஸரூபேண மயா ஸஹ ஸஹானுஜ: ॥ 2௦ ॥
ப்ரவிஷ்டோ த³ண்ட³காரண்யம் த⁴ர்மனித்யோ ஜிதேந்த்³ரிய: ।
தே வயம் ப்ரச்யுதா ராஜ்யாத்கைகேய்யாஸ்து க்ருதே த்ரய: ॥ 21 ॥
விசராமோ த்³விஜஶ்ரேஷ்ட² வனம் க³ம்பீ⁴ரமோஜஸா ।
ஸமாஶ்வஸ முஹூர்தம் து ஶக்யம் வஸ்துமிஹ த்வயா ॥ 22 ॥
ஆக³மிஷ்யதி மே ப⁴ர்தா வன்யமாதா³ய புஷ்கலம் ।
ருரூன்கோ³தா⁴ ந்வராஹாம்ஶ்ச ஹத்வாதா³யாமிஷான்ப³ஹூன் ॥ 23 ॥
ஸ த்வம் நாம ச கோ³த்ரஞ்ச குலம் சாசக்ஷ்வ தத்த்வத: ।
ஏகஶ்ச த³ண்ட³காரண்யே கிமர்த²ம் சரஸி த்³விஜ ॥ 24 ॥
ஏவம் ப்³ருவந்த்யாம் ஸீதாயாம் ராமபத்ன்யாம் மஹாப³ல: ।
ப்ரத்யுவாசோத்தரம் தீவ்ரம் ராவணோ ராக்ஷஸாதி⁴ப: ॥ 25 ॥
யேன வித்ராஸிதா லோகாஸ்ஸதே³வாஸுரபன்னகா³: ।
அஹம் து ராவணோ நாம ஸீதே ரக்ஷோக³ணேஶ்வர: ॥ 26 ॥
த்வாம் து காஞ்சனவர்ணாபா⁴ம் த்³ருஷ்ட்வா கௌஶேயவாஸினீம் ।
ரதிம் ஸ்வகேஷு தா³ரேஷு நாதி⁴க³ச்சா²ம்யனிந்தி³தே ॥ 27 ॥
ப³ஹ்வீனாமுத்தமஸ்த்ரீணாமாஹ்ருதானாமிதஸ்தத: ।
ஸர்வாஸாமேவ ப⁴த்³ரம் தே மமாக்³ரமஹிஷீ ப⁴வ ॥ 28 ॥
லங்கானாம ஸமுத்³ரஸ்ய மம மத்⁴யே மஹாபுரீ ।
ஸாக³ரேண பரிக்ஷிஸ்தா நிவிஷ்டா நக³மூர்த⁴னி ॥ 29 ॥
தத்ர ஸீதே மயா ஸார்த⁴ம் வனேஷு விஹரிஷ்யஸி ।
ந சாஸ்யாரண்யவாஸஸ்ய ஸ்ப்ருஹயிஷ்யஸி பா⁴மினி ॥ 3௦ ॥
பஞ்ச தா³ஸ்யஸ்ஸஹஸ்ராணி ஸர்வாப⁴ரணபூ⁴ஷிதா: ।
ஸீதே பரிசரிஷ்யந்தி பா⁴ர்யா ப⁴வஸி மே யதி³ ॥ 31 ॥
ராவணேனைவமுக்தா து குபிதா ஜனகாத்மஜா ।
ப்ரத்யுவாசானவத்³யாங்கீ³ தமனாத்³ருத்ய ராக்ஷஸம் ॥ 32 ॥
மஹாகி³ரிமிவாகம்ப்யம் மஹேந்த்³ரஸத்³ருஶம் பதிம் ।
மஹோத³தி⁴மிவாக்ஷோப்⁴யமஹம் ராமமனுவ்ரதா ॥ 33 ॥
ஸர்வலக்ஷணஸம்பன்னம் ந்யக்³ரோத⁴பரிமண்ட³லம் ।
ஸத்யஸந்த⁴ம் மஹாபா⁴க³மஹம் ராமமனுவ்ரதா ॥ 34 ॥
மஹாபா³ஹும் மஹோரஸ்கம் ஸிம்ஹவிக்ராந்தகா³மினம் ।
ந்ருஸிம்ஹம் ஸிம்ஹஸங்காஶமஹம் ராமமனுவ்ரதா ॥ 35 ॥
பூர்ணசந்த்³ரானநம் ராமம் ராஜவத்ஸம் ஜிதேந்த்³ரியம் ।
ப்ருது²கீர்திம் மஹாத்மானமஹம் ராமமனுவ்ரதா ॥ 36 ॥
த்வம் புனர்ஜம்பு³கஸ்ஸிம்ஹீம் மாமிச்ச²ஸி ஸுது³ர்லபா⁴ம் ।
நாஹம் ஶக்யா த்வயா ஸ்ப்ரஷ்டுமாதி³த்யஸ்ய ப்ரபா⁴ யதா² ॥ 37 ॥
பாத³பான்காஞ்சனான்னூனம் ப³ஹூன்பஶ்யஸி மந்த³பா⁴க் ।
ராக⁴பஸ்ய ப்ரியாம் பா⁴ர்யாம் யஸ்த்வமிச்ச²ஸி ராவண ॥ 38 ॥
க்ஷுதி⁴தஸ்ய ஹி ஸிம்ஹஸ்ய ம்ருக³ஶத்ரோஸ்தரஸ்வின: ।
ஆஶீவிஷஸ்ய முகா²த்³த³ம்ஷ்ட்ராமாதா³துமிச்ச²ஸி ॥ 39 ॥
மந்த³ரம் பர்வதஶ்ரேஷ்ட²ம் பாணினா ஹர்துமிச்ச²ஸி ।
காலகூடம் விஷம் பீத்வா ஸ்வஸ்திமான்க³ந்துமிச்ச²ஸி ॥ 4௦ ॥
அக்ஷி ஸூச்யா ப்ரம்ருஜஸி ஜிஹ்வயா லேக்ஷி ச க்ஷுரம் ।
ராக⁴வஸ்ய ப்ரியாம் பா⁴ர்யாம் யோதி⁴க³ந்தும் த்வமிச்ச²ஸி ॥ 41 ॥
அவஸஜ்ய ஶிலாம் கண்டே² ஸமுத்³ரம் தர்துமிச்ச²ஸி ।
ஸூர்யாசந்த்³ரமஸௌ சோபௌ⁴ பாணிப்⁴யாம் ஹர்துமிச்ச²ஸி ॥ 42 ॥
யோ ராமஸ்ய ப்ரியாம் பா⁴ர்யாம் ப்ரத⁴ர்ஷயிதுமிச்ச²ஸி ।
அக்³னிம் ப்ரஜ்வலிதம் த்³ருஷ்ட்வா வஸ்த்ரேணாஹர்துமிச்ச²ஸி ॥ 43 ॥
கால்யாணவ்ருத்தாம் ராமஸ்ய யோ பா⁴ர்யாம்ஹர்துமிச்ச²ஸி ।
அயோமுகா²னாம் ஶூலானாமக்³ரே சரிதுமிச்ச²ஸி ॥ 44 ॥
ராமஸ்ய ஸத்³ருஶீம் பா⁴ர்யாம் யோதி⁴க³ந்தும் த்வமிச்ச²ஸி ।
யத³ந்தரம் ஸிம்ஹஶ்ருகா³லயோர்வனே யத³ந்தரம் ஸ்யந்தி³னிகா ஸமுத்³ரயோ: ।
ஸுராக்³ர்ய ஸௌவீரகயோர்யத³ந்தரம் தத³ந்தரம் வை தவ ராக⁴வஸ்ய ச ॥ 45 ॥
யத³ந்தரம் காஞ்சனஸீஸலோஹயோர்யத³ந்தரம் சந்த³னவாரிபங்கயோ: ।
யத³ந்தரம் ஹஸ்திபி³டா³லயோர்வனே தத³ந்தரம் தா³ஶரதே²ஸ்தவைவ ச ॥ 46 ॥
யத³ந்தரம் வாயஸவைனதேயயோர்யத³ந்தரம் மத்³கு³மயூரயோரபி ।
யத³ந்தரம் ஸாரஸக்³ருத்⁴ரயோர்வனே தத³ந்தரம் தா³ஶரதே²ஸ்தவைவ ச ॥ 47 ॥
தஸ்மின்ஸஹஸ்ராக்ஷஸமப்ரபா⁴வே ராமே ஸ்தி²தே கார்முகபா³ணபாணௌ ।
ஹ்ருதாபி தேஹம் ந ஜராம் க³மிஷ்யே வஜ்ரம் யதா² மக்ஷிகயாவகீ³ர்ணம் ॥ 48 ॥
இதீவ தத்³வாக்யமது³ஷ்டபா⁴வா ஸுது³ஷ்டமுக்த்வா ரஜனீசரம் தம் ।
கா³த்ரப்ரகம்பாத்³வ்யதி²தா ப³பூ⁴வ வாதோத்³த⁴தா ஸா கத³லீவ தன்வீ ॥ 49 ॥
தாம் வேபமானாமுபலக்ஷ்ய ஸீதாம் ஸ ராவணோ ம்ருத்யுஸமப்ரபா⁴வ: ।
குலம் ப³லம் நாம ச கர்ம சாத்மன: ஸமாசசக்ஷே ப⁴யகாரணார்த²ம் ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஸப்தசத்வாரிம்ஶஸ்ஸர்க:³ ॥
