ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகஷஷ்டிதமஸ்ஸர்க:³ ।
விஶ்வாமித்ரோ மஹாத்மாத² ப்ரஸ்தி²தான் ப்ரேக்ஷ்ய தான்ருஷீன் ।
அப்³ரவீன்னரஶார்தூ³லஸ்ஸர்வாம்ஸ்தான்வனவாஸின: ॥ 1 ॥
மஹான்விக்⁴ன: ப்ரவ்ருத்தோயம் த³க்ஷிணாமாஸ்தி²தோ தி³ஶம் ।
தி³ஶமன்யாம் ப்ரபத்ஸ்யாமஸ்தத்ர தப்ஸ்யாமஹே தப: ॥ 2 ॥
பஶ்சிமாயாம் விஶாலாயாம் புஷ்கரேஷு மஹாத்மன: ।
ஸுக²ம் தபஶ்சரிஷ்யாம: பரம் தத்³தி⁴ தபோவனம் ॥ 3 ॥
ஏவமுக்த்வா மஹாதேஜா: புஷ்கரேஷு மஹாமுனி: ।
தப உக்³ரம் து³ராத⁴ர்ஷம் தேபே மூலப²லாஶன: ॥ 4 ॥
ஏதஸ்மின்னேவ காலே து அயோத்⁴யாதி⁴பதிர்ன்ருப: ।
அம்ப³ரீஷ இதி க்²யாதோ யஷ்டும் ஸமுபசக்ரமே ॥ 5 ॥
தஸ்ய வை யஜமானஸ்ய பஶுமிந்த்³ரோ ஜஹார ஹ ।
ப்ரணஷ்டே து பஶௌ விப்ரோ ராஜானமித³மப்³ரவீத் ॥ 6 ॥
பஶுரத்³ய ஹ்ருதோ ராஜன் ப்ரணஷ்டஸ்தவ து³ர்னயாத் ।
அரக்ஷிதாரம் ராஜானம் க்⁴னந்தி தோ³ஷா நரேஶ்வர ॥ 7 ॥
ப்ராயஶ்சித்தம் மஹத்³த்⁴யேதன்னரம் வா புருஷர்ஷப⁴ ।
ஆனயஸ்வ பஶும் ஶீக்⁴ரம் யாவத்கர்ம ப்ரவர்ததே ॥ 8 ॥
உபாத்⁴யாயவசஶ்ஶ்ருத்வா ஸ ராஜா புருஷர்ஷப⁴ ।
அன்வியேஷ மஹாபு³த்³தி⁴: பஶும் கோ³பி⁴ஸ்ஸஹஸ்ரஶ: ॥ 9 ॥
தே³ஶான் ஜனபதா³ம்ஸ்தாம் ஸ்தான்னக³ராணி வனானி ச ।
ஆஶ்ரமாணி ச புண்யானி மார்க³மாணோ மஹீபதி: ॥ 1௦ ॥
ஸ புத்ரஸஹிதம் தாத ஸபா⁴ர்யம் ரகு⁴னந்த³ன ।
ப்⁴ருகு³துந்தே³ ஸமாஸீனம்ருசீகம் ஸந்த³த³ர்ஶ ஹ ॥ 11 ॥
தமுவாச மஹாதேஜா: ப்ரணம்யாபி⁴ப்ரஸாத்³ய ச ।
ப்³ரஹ்மர்ஷிம் தபஸா தீ³ப்தம் ராஜர்ஷிரமிதப்ரப:⁴ ॥ 12 ॥
ப்ருஷ்ட்வா ஸர்வத்ர குஶலம்ருசீகம் தமித³ம் வச: ।
க³வாம் ஶதஸஹஸ்ரேண விக்ரீணீஷே ஸுதம் யதி³ ॥ 13 ॥
பஶோரர்தே² மஹாபா⁴க³ க்ருதக்ருத்யோஸ்மி பா⁴ர்க³வ ।
ஸர்வே பரிஸ்ருதா தே³ஶா யாஜ்ஞீயம் ந லபே⁴ பஶும் ॥ 14 ॥
தா³துமர்ஹஸி மூல்யேன ஸுதமேகமிதோ மம ।
4 ஏவமுக்தோ மஹாதேஜா ருசீகஸ்த்வப்³ரவீத்³வச: ॥ 15 ॥
நாஹம் ஜ்யேஷ்ட²ம் நரஶ்ரேஷ்ட² விக்ரீணீயாம் கத²ஞ்சன ।
ருசீகஸ்ய வசஶ்ஶ்ருத்வா தேஷாம் மாதா மஹாத்மனாம் ॥ 16 ॥
உவாச நரஶார்தூ³லமம்ப³ரீஷம் தபஸ்வினீ ।
அவிக்ரேயம் ஸுதம் ஜ்யேஷ்ட²ம் ப⁴க³வானாஹ பா⁴ர்க³வ: ॥ 17 ॥
மமாபி த³யிதம் வித்³தி⁴ கனிஷ்ட²ம் ஶுனகம் ந்ருப ।
தஸ்மாத்கனீயஸம் புத்ரம் ந தா³ஸ்யே தவ பார்தி²வ ॥ 18 ॥
ப்ராயேண ஹி நரஶ்ரேஷ்ட² ஜ்யேஷ்டா²: பித்ருஷு வல்லபா⁴: ।
மாத்ருணாம் து கனீயாம்ஸஸ்தஸ்மாத்³ரக்ஷே கனீயஸம் ॥ 19 ॥
உக்தவாக்யே முனௌ தஸ்மின் முனிபத்ன்யாம் ததை²வ ச ।
ஶுனஶ்ஶேப²ஸ்ஸ்வயம் ராம மத்⁴யமோ வாக்யமப்³ரவீத் ॥ 2௦ ॥
பிதா ஜ்யேஷ்ட²மவிக்ரேயம் மாதா சாஹ கனீயஸம் ।
விக்ரீதம் மத்⁴யமம் மன்யே ராஜன் புத்ரம் நயஸ்வ மாம் ॥ 21 ॥
க³வாம் ஶதஸஹஸ்ரேண ஶுனஶ்ஶேப²ம் நரேஶ்வர: ।
க்³ருஹீத்வா பரமப்ரீதோ ஜகா³ம ரகு⁴னந்த³ன ॥ 22 ॥
அம்ப³ரீஷஸ்து ராஜர்ஷீ ரத²மாரோப்ய ஸத்வர: ।
ஶுனஶ்ஶேப²ம் மஹாதேஜா ஜகா³மாஶு மஹாயஶா: ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகஷஷ்டிதமஸ்ஸர்க:³ ॥
