ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சதுஶ்சத்வாரிம்ஶஸ்ஸர்க:³ ।
விலபந்தீ ததா² தாம் து கௌஸல்யாம் ப்ரமதோ³த்தமாம் ।
இத³ம் த⁴ர்மே ஸ்தி²தா த⁴ர்ம்யம் ஸுமித்ரா வாக்யமப்³ரவீத் ॥ 1 ॥
தவார்யே ஸத்³கு³ணைர்யுக்த: புத்ர ஸ்ஸ புருஷோத்தம: ।
கிம் தே விலபிதேனைவம் க்ருபணம் ருதி³தேன வா ॥ 2 ॥
யஸ்தவார்யே க³த: புத்ரஸ்த்யக்த்வா ராஜ்யம் மஹாப³ல: ।
ஸாது⁴ குர்வன் மஹாத்மானம் பிதரம் ஸத்யவாதி³னம் ॥ 3 ॥
ஶிஷ்டைராசரிதே ஸம்யக்ச²ஶ்வத்ப்ரேத்யப²லோத³யே ।
ராமோ த⁴ர்மே ஸ்தி²த ஶ்ரேஷ்டோ² ந ஸ ஶோச்ய: கதா³சன ॥ 4 ॥
வர்ததே சோத்தமாம் வ்ருத்திம் லக்ஷ்மணோஸ்மின் ஸதா³னக:⁴ ।
த³யாவான் ஸர்வபூ⁴தேஷு லாப⁴ஸ்தஸ்ய மஹாத்மன: ॥ 5 ॥
அரண்யவாஸே யத்³து³:க²ம் ஜானதீ வை ஸுகோ²சிதா ।
அனுக³ச்ச²தி வைதே³ஹீ த⁴ர்மாத்மானம் தவாத்மஜம் ॥ 6 ॥
கீர்திபூ⁴தாம் பதாகாம் யோ லோகே ப்⁴ரமயதி ப்ரபு⁴: ।
த⁴ர்மஸத்யவ்ரதத⁴ன: கிம் ந ப்ராப்தஸ்தவாத்மஜ: ॥ 7 ॥
வ்யக்தம் ராமஸ்ய விஜ்ஞாய ஶௌசம் மாஹாத்ம்யமுத்தமம் ।
ந கா³த்ரமம்ஶுபி⁴ ஸ்ஸூர்ய ஸ்ஸந்தாபயிதுமர்ஹதி ॥ 8 ॥
ஶிவஸ்ஸர்வேஷு காலேஷு கானநேப்⁴யோ வினிஸ்ஸ்ருத: ।
ராக⁴வம் யுக்தஶீதோஷ்ணஸ்ஸேவிஷ்யதி ஸுகோ²னில: ॥ 9 ॥
ஶயானமனக⁴ம் ராத்ரௌ பிதேவாபி⁴பரிஷ்வஜன் ।
ரஶ்மிபி⁴ ஸ்ஸம்ஸ்ப்ருஶன் ஶீதைஶ்சந்த்³ரமாஹ்லாத³யிஷ்யதி ॥ 1௦ ॥
த³தௌ³ சாஸ்த்ராணி தி³வ்யானி யஸ்மை ப்³ரஹ்மா மஹௌஜஸே ।
தா³னவேந்த்³ரம் ஹதம் த்³ருஷ்ட்வா திமித்⁴வஜஸுதம் ரணே ॥ 11 ॥
ஸ ஶூர: புருஷவ்யாக்⁴ர: ஸ்வபா³ஹுப³லமாஶ்ரித: ।
அஸந்த்ரஸ்தோப்யரணஸ்தோ² வேஶ்மனீவ நிவத்ஸ்யதி ॥ 12 ॥
யஸ்யேஷுபத²மாஸாத்³ய வினாஶம் யாந்தி ஶத்ரவ: ।
கத²ம் ந ப்ருதி²வீ தஸ்ய ஶாஸனே ஸ்தா²துமர்ஹதி ॥ 13 ॥
யா ஶ்ரீ ஶ்ஶௌர்யம் ச ராமஸ்ய யா ச கல்யாணஸத்வதா ।
நிவ்ருத்தாரண்யவாஸ ஸ்ஸ க்ஷிப்ரம் ராஜ்யமவாப்ஸ்யதி ॥ 14 ॥
ஸூர்யஸ்யாபி ப⁴வேத்ஸூர்யோ ஹ்யக்³னேரக்³னி ப்ரபோ⁴: ப்ரபு⁴: ।
ஶ்ரிய: ஶ்ரீஶ்ச ப⁴வேத³க்³ர்யா கீர்தி: கீர்த்யா: க்ஷமாக்ஷமா ॥ 15 ॥
தை³வதம் தை³வதானாம் ச பூ⁴தானாம் பூ⁴தஸத்தம: ।
தஸ்ய கே ஹ்யகு³ணா தே³வி வனே வாப்யத²வா புரே ॥ 16 ॥
ப்ருதி²வ்யா ஸஹ வைதே³ஹ்யா ஶ்ரியா ச புருஷர்ஷப:⁴ ।
க்ஷிப்ரம் திஸ்ருபி⁴ரேதாபி⁴ ஸ்ஸஹ ராமோபி⁴ஷேக்ஷ்யதே ॥ 17 ॥
து³:கஜ²ம் விஸ்ருஜந்த்யஸ்ரம் நிஷ்க்ராமந்தமுதீ³க்ஷ்ய யம் ।
அயோத்⁴யாயாம் ஜனாஸ்ஸர்வே ஶோகவேக³ஸமாஹதா: ॥ 18 ॥
குஶசீரத⁴ரம் தே³வம் க³ச்ச²ந்தமபராஜிதம் ।
ஸீதேவானுக³தா லக்ஷ்மீ ஸ்தஸ்ய கிம் நாம து³ர்லப⁴ம் ॥ 19 ॥
த⁴னுர்க்³ரஹவரோ யஸ்ய பா³ணக²ட்³கா³ஸ்த்ரப்⁴ருத்ஸ்வயம் ।
லக்ஷ்மணோ வ்ரஜதி ஹ்யக்³ரே தஸ்ய கிம் நாம து³ர்லப⁴ம் ॥ 2௦ ॥
நிவ்ருத்தவனவாஸம் தம் த்³ரஷ்டாஸி புனராக³தம் ।
ஜஹிஶோகம் ச மோஹம் ச தே³வி ஸத்யம் ப்³ரவீமி தே ॥ 21 ॥
ஶிரஸா சரணாவேதௌ வந்த³மானமனிந்தி³தே புனர்த்³ரக்ஷ்யஸி கல்யாணி புத்ரம் சந்த்³ரமிவோதி³தம் ॥ 22 ॥
புன: ப்ரவிஷ்டம் த்³ருஷ்ட்வா தமபி⁴ஷிக்தம் மஹாஶ்ரியம் ।
ஸமுத்ஸ்ரக்ஷ்யஸி நேத்ராப்⁴யாம் க்ஷிப்ரமானந்தஜ³ம் பய: ॥ 23 ॥
மா ஶோகோ தே³வி து³:க²ம் வா ந ராமே த்³ருஶ்யதேஶிவம் ।
க்ஷிப்ரம் த்³ரக்ஷ்யஸி புத்ரம் த்வம் ஸஸீதம் ஸஹலக்ஷ்மணம் ॥ 24 ॥
த்வயா ஶேஷோ ஜனஶ்சைவ ஸமாஶ்வாஸ்யோ யதா³னகே⁴ ।
கிமிதா³னீமித³ம் தே³வி கரோஷி ஹ்ருதி³ விக்லப³ம் ॥ 25 ॥
நார்ஹா த்வம் ஶோசிதும் தே³வி யஸ்யாஸ்தே ராக⁴வஸ்ஸுத: ।
ந ஹி ராமாத்பரோ லோகே வித்³யதே ஸத்பதே² ஸ்தி²த: ॥ 26 ॥
அபி⁴வாத³யமானம் தம் த்³ருஷ்ட்வா ஸஸுஹ்ருத³ம் ஸுதம் ।
முதா³ஶ்ர்ரு மோக்ஷ்யஸே க்ஷிப்ரம் மேக⁴லேகே²வ வார்ஷிகீ ॥ 27 ॥
புத்ரஸ்தே வரத:³ க்ஷிப்ரமயோத்⁴யாம் புனராக³த: ।
பாணிப்⁴யாம் ம்ருது³பீனாப்⁴யாம் சரணௌ பீட³யிஷ்யதி ॥ 28 ॥
அபி⁴வாத்³ய நமஸ்யந்தம் ஶூரம் ஸஸுஹ்ருத³ம் ஸுதம் ।
முதா³ஸ்ரை: ப்ரோக்ஷ்யஸி புனர்மேக⁴ராஜிரிவாசலம் ॥ 29 ॥
ஆஶ்வாஸயந்தீ விவிதை⁴ஶ்ச வாக்யை ர்வாக்யோபசாரே குஶலானவத்³யா ।
ராமஸ்ய தாம் மாதரமேவமுக்த்வா தே³வீ ஸுமித்ரா விரராம ராமா ॥ 3௦ ॥
நிஶம்ய தல்லக்ஷ்மணமாத்ருவாக்யம் ராமஸ்ய மாதுர்னரதே³வபத்ன்யா: ।
ஸத்³யஶ்ஶரீரே வினநாஶ ஶோக: ஶரத்³க³தோ மேக⁴ இவால்பதோய: ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சதுஶ்சத்வாரிம்ஶஸ்ஸர்க:³ ॥
