ஶ்ரீமத்³வால்மீகீய ராமாயணே பா³லகாண்ட³ம் ।
அத² த்³விஷஷ்டிதமஸ்ஸர்க:³ ।
ஶுனஶ்ஶேப²ம் நரஶ்ரேஷ்ட² க்³ருஹீத்வா து மஹாயஶா: ।
வ்யஶ்ராம்யத் புஷ்கரே ராஜா மத்⁴யாஹ்னே ரகு⁴னந்த³ன ॥ 1 ॥
தஸ்ய விஶ்ரமமாணஸ்ய ஶுனஶ்ஶேபோ² மஹாயஶா: ।
புஷ்கரக்ஷேத்ரமாக³ம்ய விஶ்வாமித்ரம் த³த³ர்ஶ ஹ ॥ 2 ॥
தப்யந்தம்ருஷிபி⁴ஸ்ஸார்த⁴ம் மாதுலம் பரமாதுர: ।
விவர்ணவத³னோ தீ³னஸ்த்ருஷ்ணயா ச ஶ்ரமேண ச ॥ 3 ॥
பபாதாங்கே முனேராஶு வாக்யம் சேத³முவாச ஹ ।
ந மேஸ்தி மாதா ந பிதா ஜ்ஞாதயோ பா³ந்த⁴வா: குத: ॥ 4 ॥
த்ராதுமர்ஹஸி மாம் ஸௌம்ய த⁴ர்மேண முனிபுங்க³வ ।
த்ராதா த்வம் ஹி முனிஶ்ரேஷ்ட² ஸர்வேஷாம் த்வம் ஹி பா⁴வன: ॥ 5 ॥
ராஜா ச க்ருதகார்யஸ்ஸ்யாத³ஹம் தீ³ர்கா⁴யுரவ்யய: ।
ஸ்வர்க³லோகமுபாஶ்னீயாம் தபஸ்தப்த்வாஹ்யனுத்தமம் ॥ 6 ॥
த்வம் மே நாதோ² ஹ்யனாத²ஸ்ய ப⁴வ ப⁴வ்யேன சேதஸா ।
பிதேவ புத்ரம் த⁴ர்மாத்மம் ஸ்த்ராதுமர்ஹஸி கில்பி³ஷாத் ॥ 7 ॥
தஸ்ய தத்³வசனம் ஶ்ருத்வா விஶ்வாமித்ரோ மஹாதபா: ।
ஸாந்த்வயித்வா ப³ஹுவித⁴ம் புத்ரானித³முவாச ஹ ॥ 8 ॥
யத்க்ருதே பிதர: புத்ரான் ஜனயந்தி ஶுபா⁴ர்தி²ன: ।
பரலோகஹிதார்தா²ய தஸ்ய காலோயமாக³த: ॥ 9 ॥
அயம் முனிஸுதோ பா³லோ மத்தஶ்ஶரணமிச்ச²தி ।
அஸ்ய ஜீவிதமாத்ரேண ப்ரியம் குருத புத்ரகா: ॥ 1௦ ॥
ஸர்வே ஸுக்ருதகர்மாணஸ்ஸர்வே த⁴ர்மபராயணா: ।
பஶுபூ⁴தா நரேந்த்³ரஸ்ய த்ருப்திமக்³னே: ப்ரயச்ச²த ॥ 11 ॥
நாத²வாம்ஶ்ச ஶுனஶ்ஶேபோ² யஜ்ஞஶ்சாவிக்⁴னிதோ ப⁴வேத் ।
தே³வதாஸ்தர்பிதாஶ்சஸ்யுர்மம சாபி க்ருதம் வச: ॥ 12 ॥
முனேஸ்து வசனம் ஶ்ருத்வா மது⁴ச்ச²ந்தா³த³ய ஸ்ஸுதா: ।
ஸாபி⁴மானம் நரஶ்ரேஷ்ட² ஸலீலமித³மப்³ருவன் ॥ 13 ॥
கத²மாத்மஸுதான் ஹித்வா த்ராயஸேன்யஸுதம் விபோ⁴ ।
அகார்யமிவ பஶ்யாம ஶ்ஶ்வமாம்ஸ இவ போ⁴ஜனே ॥ 14 ॥
தேஷாம் தத்³வசனம் ஶ்ருத்வா புத்ராணாம் முனிபுங்க³வ: ।
க்ரோத⁴ஸம்ரக்தனயனோ வ்யாஹர்துமுபசக்ரமே ॥ 15 ॥
நிஸ்ஸாத்⁴வஸமித³ம் ப்ரோக்தம் த⁴ர்மாத³பி விக³ர்ஹிதம் ।
அதிக்ரம்ய து மத்³வாக்யம் தா³ருணம் ரோமஹர்ஷணம் ॥ 16 ॥
ஶ்வமாம்ஸபோ⁴ஜினஸ்ஸர்வே வாஸிஷ்டா² இவ ஜாதிஷு ।
பூர்ணம் வர்ஷஸஹஸ்ரம் து ப்ருதி²வ்யாமனுவத்ஸ்யத² ॥ 17 ॥
க்ருத்வா ஶாபஸமாயுக்தான் புத்ரான் முனிவரஸ்ததா² ।
ஶுனஶ்ஶேப²முவாசார்தம் க்ருத்வா ரக்ஷாம் நிராமயம் ॥ 18 ॥
பவித்ரபாஶைராஸக்தோ ரக்தமால்யானுலேபன: ।
வைஷ்ணவம் யூபமாஸாத்³ய வாக்³பி⁴ரக்³னிமுதா³ஹர ॥ 19 ॥
இமே து கா³தே² த்³வே தி³வ்யே கா³யேதா² முனிபுத்ரக ।
அம்ப³ரீஷஸ்ய யஜ்ஞேஸ்மிம்ஸ்தத ஸ்ஸித்³தி⁴மவாப்ஸ்யஸி ॥ 2௦ ॥
ஶுனஶ்ஶேபோ² க்³ருஹீத்வா தே த்³வே கா³தே² ஸுஸமாஹித: ।
த்வரயா ராஜஸிம்ஹம் தமம்ப³ரீஷமுவாச ஹ ॥ 21 ॥
ராஜஸிம்ஹ மஹாஸத்த்வ ஶீக்⁴ரம் க³ச்சா²வஹே ஸத:³ ।
நிர்வர்தயஸ்வ ராஜேந்த்³ர தீ³க்ஷாம் ச ஸமுபாவிஶ ॥ 22 ॥
தத்³வாக்யம்ருஷிபுத்ரஸ்ய ஶ்ருத்வா ஹர்ஷஸமுத்ஸுக: ।
ஜகா³ம ந்ருபதி ஶ்ஶீக்⁴ரம் யஜ்ஞவாடமதந்த்³ரித: ॥ 23 ॥
ஸத³ஸ்யானுமதே ராஜா பவித்ரக்ருதலக்ஷணம் ।
பஶும் ரக்தாம்ப³ரம் க்ருத்வா யூபே தம் ஸமப³ந்த⁴யத் ॥ 24 ॥
ஸப³த்³தோ⁴ வாக்³பி⁴ரக்³ய்ராபி⁴ரபி⁴துஷ்டாவ வை ஸுரௌ ।
இந்த்³ரமிந்த்³ரானுஜம் சைவ யதா²வன்முனிபுத்ரக: ॥ 25 ॥
தத: ப்ரீத ஸ்ஸஹஸ்ராக்ஷோ ரஹஸ்யஸ்துதிதர்பித: ।
தீ³ர்க⁴மாயுஸ்ததா³ ப்ராதா³ச்சு²னஶ்ஶேபா²ய ராக⁴வ ॥ 26 ॥
ஸ ச ராஜா நரஶ்ரேஷ்ட² யஜ்ஞஸ்ய ச ஸமாப்தவான் ।
ப²லம் ப³ஹுகு³ணம் ராம ஸஹஸ்ராக்ஷப்ரஸாதஜ³ம் ॥ 27 ॥
விஶ்வாமித்ரோ பி த⁴ர்மாத்மா பூ⁴யஸ்தேபே மஹாதபா: ।
புஷ்கரேஷு நரஶ்ரேஷ்ட² த³ஶவர்ஷஶதானி ச ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்³விஷஷ்டிதமஸ்ஸர்க:³ ॥
