ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகபஞ்சாஶஸ்ஸர்க:³ ।
தம் ஜாக்³ரதமத³ம்பே⁴ன ப்⁴ராதுரர்தா²ய லக்ஷ்மணம் ।
கு³ஹ: ஸந்தாபஸந்தப்தோ ராக⁴வம் வாக்யமப்³ரவீத் ॥ 1 ॥
இயம் தாத ஸுகா² ஶய்யா த்வத³ர்த²முபகல்பிதா ।
ப்ரத்யாஶ்வஸிஹி ஸாத்⁴வஸ்யாம் ராஜபுத்ர யதா²ஸுக²ம் ॥ 2 ॥
உசிதோயம் ஜனஸ்ஸர்வ: க்லேஶானாம் த்வம் ஸுகோ²சித: ।
கு³ப்த்யர்த²ம் ஜாக³ரிஷ்யாம: காகுத்ஸ்த²ஸ்ய வயம் நிஶாம் ॥ 3 ॥
ந ஹி ராமாத்ப்ரியதமோ மமாஸ்தி பு⁴வி கஶ்சன ।
ப்³ரவீம்யேதத³ஹம் ஸத்யம் ஸத்யேனைவ ச தே ஶபே ॥ 4 ॥
அஸ்ய ப்ரஸாதா³தா³ஶம்ஸே லோகேஸ்மின் ஸுமுஹத்³யஶ: ।
த⁴ர்மாவாப்திம் ச விபுலாமர்தா²வாப்திம் ச கேவலம் ॥ 5 ॥
ஸோஹம் ப்ரியஸக²ம் ராமம் ஶயானம் ஸஹ ஸீதயா ।
ரக்ஷிஷ்யாமி த⁴னுஷ்பாணி ஸ்ஸர்வதோ ஜ்ஞாதிபி⁴ ஸ்ஸஹ ॥ 6 ॥
ந ஹி மேவிதி³தம் கிஞ்சித்³வனேஸ்மிம்ஶ்சரதஸ்ஸதா³ ।
சதுரங்க³ம் ஹ்யபிப³லம் ஸுமஹத்ப்ரஸஹேமஹி ॥ 7 ॥
லக்ஷ்மணஸ்தம் ததோ³வாச ரக்ஷ்யமாணாஸ்த்வயானக⁴ ।
நாத்ர பீ⁴தா வயம் ஸர்வே த⁴ர்மமேவானுபஶ்யதா ॥ 8 ॥
கத²ம் த³ஶரதௌ² பூ⁴மௌ ஶயானே ஸஹ ஸீதயா ।
ஶக்யா நித்³ரா மயா லப்³து⁴ம் ஜீவிதம் வா ஸுகா²னி வா ॥ 9 ॥
யோ ந தே³வாஸுரை: ஸர்வை: ஶக்ய: ப்ரஸஹிதும் யுதி⁴ ।
தம் பஶ்ய ஸுக²ஸம்விஷ்டம் த்ருணேஷு ஸஹ ஸீதயா ॥ 1௦ ॥
யோ மந்த்ரதபஸா லப்³தோ⁴ விவிதை⁴ஶ்ச பராஶ்ரமை: ।
ஏகோ த³ஶரத²ஸ்யேஷ்ட: புத்ர: ஸத்³ருஶலக்ஷண: ॥ 11 ॥
அஸ்மின் ப்ரவ்ராஜிதே ராஜா ந சிரம் வர்தயிஷ்யதி ।
வித⁴வா மேதி³னீ நூனம் க்ஷிப்ரமேவ ப⁴விஷ்யதி ॥ 12 ॥
வினத்³ய ஸுமஹானாத³ம் ஶ்ரமேணோபரதா: ஸ்த்ரிய: ।
நிர்கோ⁴ஷோபரதம் சாதோ மன்யே ராஜனிவேஶனம் ॥ 13 ॥
கௌஶல்யா சைவ ராஜா ச ததை²வ ஜனநீ மம ।
நாஶம்ஸே யதி³ ஜீவந்தி ஸர்வே தே ஶர்வரீமிமாம் ॥ 14 ॥
ஜீவேத³பி ஹி மே மாதா ஶத்ருக்⁴னஸ்யான்வவேக்ஷயா ।
தத்³து³:க²ம் யத்து கௌஶல்யா வீரஸூர்வினஶிஷ்யதி ॥ 15 ॥
அனுரக்தஜனாகீர்ணா ஸுகா²லோகப்ரியாவஹா ।
ராஜவ்யஸனஸம்ஸ்ருஷ்டா ஸா புரீ வினஶிஷ்யதி ॥ 16 ॥
கத²ம் புத்ரம் மஹாத்மானம் ஜ்யேஷ்ட²ம் ப்ரியமபஶ்யத: ।
ஶரீரம் தா⁴ரயிஷ்யந்தி ப்ராணா ராஜ்ஞோ மஹாத்மன: ॥ 17 ॥
வினஷ்டே ந்ருபதௌ பஶ்சாத்கௌஸல்யா வினஶிஷ்யதி ।
அனந்தரம் ச மாதாபி மம நாஶமுபைஷ்யதி ॥ 18 ॥
அதிக்ராந்தமதிக்ராந்தமனவாப்ய மனோரத²ம் ।
ராஜ்யே ராமமனிக்ஷிப்ய பிதா மே வினஶிஷ்யதி ॥ 19 ॥
ஸித்³தா⁴ர்தா²: பிதரம் வ்ருத்தம் தஸ்மின்காலேப்யுபஸ்தி²தே ।
ப்ரேதகார்யேஷு ஸர்வேஷு ஸம்ஸ்கரிஷ்யந்தி பூ⁴மிபம் ॥ 2௦ ॥
ரம்யசத்வரஸம்ஸ்தா²னாம் ஸுவிப⁴க்தமஹாபதா²ம் ।
ஹர்ம்யப்ராஸாத³ஸம்பன்னாம் க³ணிகாவரஶோபி⁴தாம் ॥ 21 ॥
ரதா²ஶ்வகஜ³ஸம்பா³தா⁴ம் தூர்யனாத³வினாதி³தாம் ।
ஸர்வகல்யாணஸம்பூர்ணாம் ஹ்ருஷ்டபுஷ்டஜனாகுலாம் ॥ 22 ॥
ஆராமோத்³யானஸம்பன்னாம் ஸமாஜோத்ஸவஶாலினீம் ।
ஸுகி²தா விசரிஷ்யந்தி ராஜதா⁴னீம் பிதுர்மம ॥ 23 ॥
அபி ஜீவேத்³த³ஶரதோ² வனவாஸாத்புனர்வயம் ।
ப்ரத்யாக³ம்ய மஹாத்மானமபி பஶ்யேம ஸுவ்ரதம் ॥ 24 ॥
அபி ஸத்யப்ரதிஜ்ஞேன ஸார்த⁴ம் குஶலினா வயம் ।
நிவ்ருத்தே வனவாஸேஸ்மின்னயோத்⁴யாம் ப்ரவிஶேமஹி ॥ 25 ॥
பரிதே³வயமானஸ்ய து³கா²ர்தஸ்ய மஹாத்மன: ।
திஷ்ட²தோ ராஜபுத்ரஸ்ய ஶர்வரீ ஸாத்யவர்தத ॥ 26 ॥
ததா² ஹி ஸத்யம் ப்³ருவதி ப்ரஜாஹிதே நரேந்த்³ரபுத்ரே கு³ருஸௌஹ்ருதா³த்³கு³ஹ: ।
முமோச பா³ஷ்பம் வ்யஸனாபி⁴பீடி³தோ ஜ்வராதுரோ நாக³ இவ வ்யதா²துர: ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகபஞ்சாஶஸ்ஸர்க:³ ॥
