ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³வாவிம்ஶஸ்ஸர்க:³ ।
அத² தம் வ்யத²யா தீ³னம் ஸவிஶேஷமமர்ஷிதம் ।
ஶ்வஸந்தமிவ நாகே³ந்த்³ரம் ரோஷவிஸ்பா²ரிதேக்ஷணம் ॥ 1 ॥
ஆஸாத்³ய ராமஸ்ஸௌமித்ரிம் ஸுஹ்ருத³ம் ப்⁴ராதரம் ப்ரியம் ।
உவாசேத³ம் ஸ தை⁴ர்யேண தா⁴ரயன்ஸத்த்வமாத்மவான் ॥ 2 ॥
அத² தம் வ்யத²யா தீ³னம் ஸவிஶேஷமமர்ஷிதம் ।
ஶ்வஸந்தமிவ நாகே³ந்த்³ரம் ரோஷவிஸ்பா²ரிதேக்ஷணம் ॥ 3 ॥
ஆஸாத்³ய ராமஸ்ஸௌமித்ரிம் ஸுஹ்ருத³ம் ப்⁴ராதரம் ப்ரியம் ।
உவாசேத³ம் ஸ தை⁴ர்யேண தா⁴ரயன்ஸத்த்வமாத்மவான் ॥ 4 ॥
நிக்³ருஹ்ய ரோஷம் ஶோகம் ச தை⁴ர்யமாஶ்ரித்ய கேவலம் ।
அவமானம் நிரஸ்யேமம் க்³ருஹீத்வா ஹர்ஷமுத்தமம் ॥ 5 ॥
உபக்ல்ருப்தம் ஹி யத்கிஞ்சித³பி⁴ஷேகார்த²மத்³ய மே ஸர்வம் விஸர்ஜய க்ஷிப்ரம் குரு கார்யம் நிரத்யயம் ॥ 6 ॥
ஸௌமித்ரே யோபி⁴ஷேகார்தே² மம ஸம்பா⁴ர ஸம்ப்⁴ரம: ।
அபி⁴ஷேகனிவ்ருத்த்யர்தே² ஸோஸ்து ஸம்பா⁴ரஸம்ப்⁴ரம: ॥ 7 ॥
யஸ்யா மத³பி⁴ஷேகார்தே² மானஸம் பரிதப்யதே ।
மாதா மே ஸா யதா² ந ஸ்யாத்ஸவிஶங்கா ததா² குரு ॥ 8 ॥
தஸ்யாஶ்ஶங்காமயம் து³:க²ம் முஹூர்தமபி நோத்ஸஹே ।
மனஸி ப்ரதிஸஞ்ஜாதம் ஸௌமித்ரேஹமுபேக்ஷிதும் ॥ 9 ॥
ந பு³த்³தி⁴பூர்வம் நாபு³த்³த⁴ம் ஸ்மராமீஹ கதா³சன ।
மாத்ருணாம் வா பிதுர்வாஹம் க்ருதமல்பம் ச விப்ரியம் ॥ 1௦ ॥
ஸத்யஸ்ஸத்யாபி⁴ஸந்த⁴ஶ்ச நித்யம் ஸத்யபராக்ரம: ।
பரலோகப⁴யாத்³பீ⁴தோ நிர்ப⁴யோஸ்து பிதா மம ॥ 11 ॥
தஸ்யாபி ஹி ப⁴வேத³ஸ்மின்கர்மண்யப்ரதிஸம்ஹ்ருதே ।
ஸத்யம் நேதி மனஸ்தாபஸ்தஸ்ய தாபஸ்தபேச்ச மாம் ॥ 12 ॥
அபி⁴ஷேகவிதா⁴னம் து தஸ்மாத்ஸம்ஹ்ருத்ய லக்ஷ்மண ।
அன்வகே³வாஹமிச்சா²மி வனம் க³ந்துமித:புன: ॥ 13 ॥
மம ப்ரவ்ராஜனாத³த்³ய க்ருதக்ருத்யா ந்ருபாத்மஜா ।
ஸுதம் ப⁴ரதமவ்யக்³ரமபி⁴ஷேசயிதா தத: ॥ 14 ॥
மயி சீராஜினத⁴ரே ஜடாமண்ட³லதா⁴ரிணி ।
க³தேரண்யம் ச கைகேய்யா ப⁴விஷ்யதி மனஸ்ஸுக²ம் ॥ 15 ॥
பு³த்³தி⁴: ப்ரணீதா யேனேயம் மனஶ்ச ஸுஸமாஹிதம் ।
தம் து நார்ஹாமி ஸங்க்லேஷ்டும் ப்ரவ்ரஜிஷ்யாமி மா சிரம் ॥ 16 ॥
க்ருதாந்தஸ்த்வேவ ஸௌமித்ரே த்³ரஷ்டவ்யோ மத்ப்ரவாஸனே ।
ராஜ்யஸ்ய ச விதீர்ணஸ்ய புனரேவ நிவர்தனே ॥ 17 ॥
கைகேய்யா: ப்ரதிபத்திர்ஹி கத²ம் ஸ்யான்மம பீட³னே ।
யதி³ பா⁴வோ ந தை³வோயம் க்ருதாந்தவிஹிதோ ப⁴வேத் ॥ 18 ॥
ஜானாஸி ஹி யதா² ஸௌம்ய ந மாத்ருஷு மமாந்தரம் ।
பூ⁴தபூர்வம் விஶேஷோ வா தஸ்யா மயி ஸுதேபி வா ॥ 19 ॥
ஸோபி⁴ஷேகனிவ்ருத்த்யர்தை²ப்ரவாஸார்தை²ஶ்ச து³ர்வசை: ।
உக்³ரைர்வாக்யைரஹம் தஸ்யா நான்யத்³தை³வாத்ஸமர்த²யே ॥ 2௦ ॥
கத²ம் ப்ரக்ருதிஸம்பன்னா ராஜபுத்ரீ ததா²கு³ணா ।
ப்³ரூயாத்ஸா ப்ராக்ருதேவ ஸ்த்ரீ மத்பீடா³ம் ப⁴ர்த்ருஸன்னிதௌ⁴ ॥ 21 ॥
யத³சிந்த்யந்து தத்³தை³வம் பூ⁴தேஷ்வபி ந விஹன்யதே ।
வ்யக்தம் மயி ச தஸ்யாம் ச பதிதோ ஹி விபர்யய: ॥ 22 ॥
கஶ்சித்³தை³வேன ஸௌமித்ரே யோத்³து⁴முத்ஸஹதே புமான் ।
யஸ்ய ந க்³ரஹணம் கிஞ்சித்கர்மணோன்யத்ர த்³ருஶ்யதே ॥ 23 ॥
ஸுக²து³:கே² ப⁴யக்ரோதௌ⁴ லாபா⁴லாபௌ⁴ ப⁴வாப⁴வௌ ।
யச்ச கிஞ்சித்ததா²பூ⁴தம் நனு தை³வஸ்ய கர்ம தத் ॥ 24 ॥
ருஷயோப்யுக்³ரதபஸோ தை³வேனாபி⁴ப்ரபீடி³தா: ।
உத்ஸ்ருஜ்ய நியமாம்ஸ்தீவ்ரான்ப்⁴ரஶ்யந்தே காமமன்யுபி⁴: ॥ 25 ॥
அஸங்கல்பிதமேவேஹ யத³கஸ்மாத்ப்ரவர்ததே ।
நிவர்த்யாரம்ப⁴மாரப்³த⁴ம் நனு தை³வஸ்ய கர்ம தத் ॥ 26 ॥
ஏதயா தத்த்வயா பு³த்³த்⁴யா ஸம்ஸ்தப்⁴யாத்மானமாத்மனா ।
வ்யாஹதேப்யபி⁴ஷேகே மே பரிதாபோ ந வித்³யதே ॥ 27 ॥
தஸ்மாத³பரிதாபஸ்ஸம்ஸ்த்வமப்யனுவிதா⁴ய மாம் ।
ப்ரதிஸம்ஹாரய க்ஷிப்ரமாபி⁴ஷேசனிகீம் க்ரியாம் ॥ 28 ॥
ஏபி⁴ரேவ க⁴டை ஸ்ஸர்வைரபி⁴ஷேசனஸம்ப்⁴ருதை: ।
மம லக்ஷ்மண தாபஸ்யே வ்ரதஸ்னானம் ப⁴விஷ்யதி ॥ 29 ॥
அத²வா கிம் மமைதேன ராஜத்³ரவ்யமயேன து ।
உத்³த்⁴ருதம் மே ஸ்வயம் தோயம் வ்ரதாதே³ஶம் கரிஷ்யதி ॥ 3௦ ॥
மா ச லக்ஷ்மண ஸந்தாபம் கார்ஷீர்லக்ஷ்ம்யா விபர்யயே ।
ராஜ்யம் வா வனவாஸோ வா வனவாஸோ மஹோத³ய: ॥ 31 ॥
ந லக்ஷ்மணாஸ்மின்க²லு கர்மவிக்⁴னே மாதா யவீயஸ்யதிஶங்கனீயா ।
தை³வாபி⁴பன்னா ஹி வத³த்யனிஷ்டம் ஜானாஸி தை³வம் ச ததா² ப்ரபா⁴வம் ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³வாவிம்ஶஸ்ஸர்க:³ ॥
