ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஷட்³விம்ஶஸ்ஸர்க:³ ।
தூ³ஷணஸ்து ஸ்வகம் ஸைன்யம் ஹன்யமானம் நிரீக்ஷ்ய ஸ: ।
ஸந்தி³தே³ஶ மஹாபா³ஹுர்பீ⁴மவேகா³ந்து³ராஸதா³ன் ॥ 1 ॥
ராக்ஷஸான்பஞ்சஸஹஸ்ரான்ஸமரேஷ்வனிவர்தின: ।
தே ஶூலை: பட்டிஶை: க²ங்கை³ ஶிலாவர்ஷைர்த்³ருமைரபி ॥ 2 ॥
ஶரவர்ஷைரவிச்சி²ன்னம் வவர்ஷுஸ்தம் ஸமந்தத: ।
ஸ த்³ருமாணாம் ஶிலானாம் ச வர்ஷம் ப்ராணஹரம் மஹத் ॥ 3 ॥
ப்ரதிஜக்³ராஹ த⁴ர்மாத்மா ராக⁴வஸ்தீக்ஷ்ணஸாயகை: ।
ப்ரதிக்³ருஹ்ய ச தத்³வர்ஷம் நிமீலித இவர்ஷப:⁴ ॥ 4 ॥
ராம: க்ரோத⁴ம் பரம் பே⁴ஜே வதா⁴ர்த²ம் ஸர்வரக்ஷஸாம் ।
தத: க்ரோத⁴ஸமாவிஷ்ட: ப்ரதீ³ப்த இவ தேஜஸா ॥ 5 ॥
ஶரைரவாகிரத்ஸைன்யம் ஸர்வதஸ்ஸஹதூ³ஷணம் ।
ததஸ்ஸேனாபதி: க்ருத்³தோ⁴ தூ³ஷணஶ்ஶத்ருதூ³ஷண: ॥ 6 ॥
ஶரைரஶனிகல்பைஸ்தம் ராக⁴வம் ஸமவாகிரத் ।
ததோ ராமஸ்ஸுஸங்க்ருத்³த:⁴ க்ஷுரேணாஸ்ய மஹத்³த⁴னு: ॥ 7 ॥
சிச்சே²த³ ஸமரே வீரஶ்சதுர்பி⁴ஶ்சதுரோ ஹயான் ।
ஹத்வா சாஶ்வான்ஶரைஸ்தீக்ஷ்ணைரர்த⁴சந்த்³ரேண ஸாரதே²: ॥ 8 ॥
ஶிரோ ஜஹார தத்³ரக்ஷஸ்த்ரிபி⁴ர்விவ்யாத⁴ வக்ஷஸி ।
ஸ ச்சி²ன்னத⁴ன்வா விரதோ² ஹதாஶ்வோ ஹதஸாரதி²: ॥ 9 ॥
ஜக்³ராஹ கி³ரிஶ்ருங்கா³ப⁴ம் பரிக⁴ம் ரோமஹர்ஷணம் ।
வேஷ்டிதம் காஞ்சனை: பட்டைர்தே³வஸைன்யப்ரமர்த³னம் ॥ 1௦ ॥
ஆயஸைஶ்ஶங்குபி⁴ஸ்தீக்ஷ்ணை: கீர்ணம் பரவஸோக்ஷிதம் ।
வஜ்ராஶனிஸமஸ்பர்ஶம் பரகோ³புரதா³ரணம் ॥ 11 ॥
தம் மஹோரக³ஸங்காஶம் ப்ரக்³ருஹ்ய பரிக⁴ம் ரணே ।
தூ³ஷணோப்⁴யத்³ரவத்³ராமம் க்ரூரகர்மா நிஶாசர: ॥ 12 ॥
தஸ்யாபி⁴பதமானஸ்ய தூ³ஷணஸ்ய ஸ ராக⁴வ: ।
த்³வாப்⁴யாம் ஶராப்⁴யாம் சிச்சே²த³ ஸஹஸ்தாப⁴ரணௌ பு⁴ஜௌ ॥ 13 ॥
ப்⁴ரஷ்டஸ்தஸ்ய மஹாகாய: பபாத ரணமூர்த⁴னி ।
பரிக⁴ஶ்சி²ன்னஹஸ்தஸ்ய ஶக்ரத்⁴வஜ இவாக்³ரத: ॥ 14 ॥
ஸ கராப்⁴யாம் விகீர்ணாப்⁴யாம் பபாத பு⁴வி தூ³ஷண: ।
விஷாணாப்⁴யாம் விஶீர்ணாப்⁴யாம் மனஸ்வீவ மஹாகஜ³: ॥ 15 ॥
தம் த்³ருஷ்ட்வா பதிதம் பூ⁴மௌ தூ³ஷணம் நிஹதம் ரணே ।
ஸாது⁴ஸாத்⁴விதி காகுத்ஸ்த²ம் ஸர்வபூ⁴தான்யபூஜயன் ॥ 16 ॥
ஏதஸ்மின்னந்தரே க்ருத்³தா⁴ஸ்த்ரய: ஸேனாக்³ரயாயின: ।
ஸம்ஹ்ருத்யாப்⁴யத்³ரவன் ராமம் ம்ருத்யுபாஶாவபாஶிதா: ॥ 17 ॥
மஹாகபால: ஸ்தூ²லாக்ஷ: ப்ரமாதீ² ச மஹாப³ல: ।
மஹாகபாலோ விபுலம் ஶூலமுத்³யம்ய ராக்ஷஸ: ॥ 18 ॥
ஸ்தூ²லாக்ஷ: பட்டிஸம் க்³ருஹ்ய ப்ரமாதீ² ச பரஶ்வத⁴ம் ।
த்³ருஷ்ட்வைவாபததஸ்தூர்ணம் ராக⁴வஸ்ஸாயகைஶ்ஶிதை: ॥ 19 ॥
தீக்ஷ்ணாக்³ரை: ப்ரதிஜக்³ராஹ ஸம்ப்ராப்தானதிதீ²னிவ ।
மஹாகபாலஸ்ய ஶிரஶ்சிச்சே²த³ பரமேஷுபி⁴: ॥ 2௦ ॥
அஸங்க்²யேயைஸ்து பா³ணௌகை⁴: ப்ரமமாத² ப்ரமாதி²னம் ।
ஸ பபாத ஹதோ பூ⁴மௌ விடபீவ மஹாத்³ரும: ॥ 21 ॥
ஸ்தூ²லாக்ஷஸ்யாக்ஷிணீ தீக்ஷ்ணை: பூரயாமாஸ ஸாயகை: ।
தூ³ஷணஸ்யானுகா³ன்பஞ்சஸஹஸ்ரான்குபித: க்ஷணாத் ॥ 22 ॥
பா³ணௌகை⁴: பஞ்சஸாஹஸ்ரைரனயத்³யமஸாத³னம் ।
தூ³ஷணம் நிஹதம் த்³ருஷ்ட்வா தஸ்ய சைவ பதா³னுகா³ன் ॥ 23 ॥
வ்யாதி³தே³ஶ க²ர: க்ருத்³த:⁴ ஸேனாத்⁴யக்ஷான்மஹாப³லான் ।
அயம் வினிஹதஸ்ஸங்க்³யே தூ³ஷணஸ்ஸபதா³னுக:³ ॥ 24 ॥
மஹத்யா ஸேனயா ஸார்த⁴ம் யுத்³த்⁴வா ராமம் குமானுஷம் ।
ஶஸ்த்ரைர்னானாவிதா⁴காரைர்ஹனத்⁴வம் ஸர்வராக்ஷஸா: ॥ 25 ॥
ஏவமுக்த்வா க²ர: க்ருத்³தோ⁴ ராமமேவாபி⁴து³த்³ருவே ।
ஶ்யேனகா³மீ ப்ருது²க்³ரீவோ யஜ்ஞஶத்ருர்விஹங்க³ம: ॥ 26 ॥
து³ர்ஜய: கரவீராக்ஷ: பருஷ: காலகார்முக: ।
மேக⁴மாலீ மஹாமாலீ ஸர்பாஸ்யோ ருதி⁴ராஶன: ॥ 27 ॥
த்³வாத³ஶைதே மஹாவீர்யா ப³லாத்⁴யக்ஷாஸ்ஸஸைனிகா: ।
ராமமேவாப்⁴யதா⁴வந்த விஸ்ருஜந்தஶ்ஶரோத்தமான் ॥ 28 ॥
தத: பாவகஸங்காஶைர்ஹேமவஜ்ரவிபூ⁴ஷிதை: ।
ஜகா⁴ன ஶேஷம் தேஜஸ்வீ தஸ்ய ஸைன்யஸ்ய ஸாயகை: ॥ 29 ॥
தே ருக்மபுங்கா² விஶிகா²ஸ்ஸதூ⁴மா இவ பாவகா: ।
நிஜக்⁴னுஸ்தானி ரக்ஷாம்ஸி வஜ்ரா இவ மஹாத்³ருமான் ॥ 3௦ ॥
ரக்ஷஸாம் து ஶதம் ராமஶ்ஶதேனைகேன கர்ணினா ।
ஸஹஸ்ரம் ச ஸஹஸ்ரேண ஜகா⁴ன ரணமூர்த⁴னி ॥ 31 ॥
தைர்பி⁴ன்னவர்மாப⁴ரணாஶ்சி²ன்னபி⁴ன்னஶராஸனா: ।
நிபேதுஶ்ஶோணிதாதி³க்³தா⁴ த⁴ரண்யாம் ரஜனீசரா: ॥ 32 ॥
தைர்முக்தகேஶைஸ்ஸமரே பதிதைஶ்ஶோணிதோக்ஷிதை: ।
ஆஸ்தீர்ணா வஸுதா⁴ க்ருத்ஸ்னா மஹாவேதி³: குஶைரிவ ॥ 33 ॥
க்ஷணேன து மஹாகோ⁴ரம் வனம் நிஹதராக்ஷஸம் ।
ப³பூ⁴வ நிரயப்ரக்²யம் மாம்ஸஶோணிதகர்த³மம் ॥ 34 ॥
சதுர்த³ஶ ஸஹஸ்ராணி ரக்ஷஸாம் பீ⁴மகர்மணாம் ।
ஹதான்யேகேன ராமேண மானுஷேண பதா³தினா ॥ 35 ॥
தஸ்ய ஸைன்யஸ்ய ஸர்வஸ்ய க²ரஶ்ஶேஷோ மஹாரத:² ।
ராக்ஷஸஸ்த்ரிஶிராஶ்சைவ ராமஶ்ச ரிபுஸூத³ன: ॥ 36 ॥
ஶேஷா ஹதா மஹாஸத்வா ராக்ஷஸா ரணமூர்த⁴னி ।
கோ⁴ரா து³ர்விஷஹா: ஸர்வே லக்ஷ்மணஸ்யாக்³ரஜேன தே ॥ 37 ॥
ததஸ்து தத்³பீ⁴மப³லம் மஹாஹவே ஸமீக்ஷ்ய ராமேண ஹதம் ப³லீயஸா ।
ரதே²ன ராமம் மஹதா க²ரஸ்ததா³ ஸமாஸஸாதே³ந்த்³ர இவோத்³யதாஶனி: ॥ 38 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஷட்³விம்ஶஸ்ஸர்க:³ ॥
