ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகோனவிம்ஶஸ்ஸர்க:³ ।
தஸ்மின்னேவ தத: காலே ராஜபுத்ரீ த்வனிந்தி³தா ।
ரூபயௌவனஸம்பன்னம் பூ⁴ஷணோத்தமபூ⁴ஷிதம் ॥ 1 ॥
ததோ த்³ருஷ்ட்வைவ வைதே³ஹீ ராவணம் ராக்ஷஸாதி⁴பம் ।
ப்ராவேபத வராரோஹா ப்ரவாதே கத³லீ யதா² ॥ 2 ॥
ஆச்சா²த்³யோத³ரமூருப்⁴யாம் பா³ஹுப்⁴யாம் ச பயோத⁴ரௌ ।
உபவிஷ்டா விஶாலாக்ஷீ ருத³ந்தீ வரவர்ணினீ ॥ 3 ॥
த³ஶக்³ரீவஸ்து வைதே³ஹீம் ரக்ஷிதாம் ராக்ஷஸீக³ணை: ।
த³த³ர்ஶ ஸீதாம் து³:கா²ர்தாம் நாவம் ஸன்னாமிவார்ணவே ॥ 4 ॥
அஸம்வ்ருதாயாமாஸீனாம் த⁴ரண்யாம் ஸம்ஶிதவ்ரதாம் ।
சி²ன்னாம் ப்ரபதிதாம் பூ⁴மௌ ஶாகா²மிவ வனஸ்பதே: ॥ 5 ॥
மலமண்ட³னசித்ராங்கீ³ம் மண்ட³னார்ஹாமமண்டி³தாம் ।
ம்ருணாலீ பங்கதி³க்³தே⁴வ விபா⁴தி ந விபா⁴தி ச ॥ 6 ॥
ஸமீபம் ராஜஸிம்ஹஸ்ய ராமஸ்ய விதி³தாத்மன: ।
ஸங்கல்பஹயஸம்யுக்ஸைர்யாந்தீமிவ மனோரதை²: ॥ 7 ॥
ஶுஷ்யந்தீம் ருத³தீமேகாம் த்⁴யானஶோகபராயணாம் ।
து³:க²ஸ்யாந்தமபஶ்யந்தீம் ராமாம் ராமமனுவ்ரதாம் ॥ 8 ॥
வேஷ்டமானாம் ததா²விஷ்டாம் பன்னகே³ந்த்³ரவதூ⁴மிவ ।
தூ⁴ப்யமானாம் க்³ரஹேணேவ ரோஹிணீம் தூ⁴மகேதுனா ॥ 9 ॥
வ்ருத்தஶீலகுலே ஜாதாமாசாரவதி தா⁴ர்மிகே ।
புன:ஸம்ஸ்காரமாபன்னாம் ஜாதாமிவ ச து³ஷ்குலே ॥ 1௦ ॥
அபூ⁴தேனாபவாதே³ன கீர்திம் நிபதிதாமிவ ।
ஆம்னாயானாமயோகே³ன வித்³யாம் ப்ரஶிதி²லாமிவ ॥ 11 ॥
ஸன்னாமிவ மஹாகீர்திம் ஶ்ரத்³தா⁴மிவ விமானிதாம் ।
பூஜாமிவ பரிக்ஷீணாமாஶாம் ப்ரதிஹதாமிவ ॥ 12 ॥
ஆயதீமிவ வித்⁴வஸ்தாமாஜ்ஞாம் ப்ரதிஹதாமிவ ।
தீ³ப்தாமிவ தி³ஶம் காலே பூஜாமபஹ்ருதாமிவ ॥ 13 ॥
பத்³மினீமிவ வித்⁴வஸ்தாம் ஹதஶூராம் சமூமிவ ।
ப்ரபா⁴மிவ தமோத்⁴வஸ்தாமுபக்ஷீணாமிவாபகா³ம் ॥ 14 ॥
வேதீ³மிவ பராம்ருஷ்டாம் ஶாந்தாமக்³னிஶிகா²மிவ ।
பௌர்ணமாஸீமிவ நிஶாம் ராஹுக்³ரஸ்தேந்து³மண்ட³லாம் ॥ 15 ॥
உத்க்ருஷ்டபர்ணகமலாம் வித்ராஸிதவிஹங்க³மாம் ।
ஹஸ்திஹஸ்தபராம்ருஷ்டாமாகுலாம் பத்³மினீமிவ ॥ 16 ॥
பதிஶோகாதுராம் ஶுஷ்காம் நதீ³ம் விஸ்ராவிதாமிவ ।
பரயா ம்ருஜயா ஹீனாம் க்ருஷ்ணபக்ஷனிஶாமிவ ॥ 17 ॥
ஸுகுமாரீம் ஸுஜாதாங்கீ³ம் ரத்னக³ர்ப⁴க்³ருஹோசிதாம் ।
தப்யமானாமிவோஷ்ணேன ம்ருணாலீமசிரோத்³த்⁴ருதாம் ॥ 18 ॥
க்³ருஹீதாமாலிதாம் ஸ்தம்பே⁴ யூத²பேன வினாக்ருதாம் ।
நி:ஶ்வஸந்தீம் ஸுது³:கா²ர்தாம் கஜ³ராஜவதூ⁴மிவ ॥ 19 ॥
ஏகயா தீ³ர்க⁴யா வேண்யா ஶோப⁴மானாமயத்னத: ।
நீலயா நீரதா³பாயே வனராஜ்யா மஹீமிவ ॥ 2௦ ॥
உபவாஸேன ஶோகேன த்⁴யானேன ச ப⁴யேன ச ।
பரிக்ஷீணாம் க்ருஶாம் தீ³னாமல்பாஹாராம் தபோத⁴னாம் ॥ 21 ॥
ஆயாசமானாம் து³:கா²ர்தாம் ப்ராஞ்ஜலிம் தே³வதாமிவ ।
பா⁴வேன ரகு⁴முக்²யஸ்ய த³ஶக்³ரீவபராப⁴வம் ॥ 22 ॥
ஸமீக்ஷமாணாம் ருத³தீமனிந்தி³தாம் ஸுபக்ஷ்மதாம்ராயதஶுக்லலோசனாம் ।
அனுவ்ரதாம் ராமமதீவ மைதி²லீம் ப்ரலோப⁴யாமாஸ வதா⁴ய ராவண: ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகோனவிம்ஶஸ்ஸர்க:³ ॥
