ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஸப்தபஞ்சாஶஸ்ஸர்க:³ ।
தத்து ஶ்ருத்வா ததா² வாக்யமங்க³த³ஸ்ய முகோ²த்³க³தம் ।
அப்³ரவீத்³வசனம் க்³ருத்⁴ரஸ்தீக்ஷ்ணதுண்டோ³ மஹாஸ்வன: ॥ 1 ॥
கோயம் கி³ரா கோ⁴ஷயதி ப்ராணை: ப்ரியதமஸ்ய மே ।
ஜடாயுஷோ வத⁴ம் ப்⁴ராது: கம்பயன்னிவ மே மன: ॥ 2 ॥
கத²மாஸீஜ்ஜனஸ்தா²னே யுத்³த⁴ம் ராக்ஷஸக்³ருத்⁴ரயோ: ।
நாமதே⁴யமித³ம் ப்⁴ராதுஶ்சிரஸ்யாத்³ய மயா ஶ்ருதம் ॥ 3 ॥
இச்சே²யம் கி³ரிது³ர்கா³ச்ச ப⁴வத்³பி⁴ரவதாரிதும் ।
யவீயஸோ கு³ணஜ்ஞஸ்ய ஶ்லாக⁴னீயஸ்ய விக்ரமை: ॥ 4 ॥
அதிதீ³ர்க⁴ஸ்ய காலஸ்ய பரிதுஷ்டோஸ்மி பரிகீர்தனாத் ।
ததி³ச்சே²யமஹம் ஶ்ரோதும் வினாஶம் வானரர்ஷபா⁴: ॥ 5 ॥
ப்⁴ராதுர்ஜடாயுஷஸ்தஸ்ய ஜனஸ்தா²னநிவாஸின: ।
தஸ்யைவ ச மம ப்⁴ராதுஸ்ஸகா² த³ஶரத:² கத²ம் ॥ 6 ॥
யஸ்ய ராம: ப்ரிய: புத்ரோ ஜ்யேஷ்டோ² கு³ருஜனப்ரிய: ।
ஸூர்யாம்ஶுத³க்³த⁴பக்ஷத்வான்ன ஶக்னோம்யுபஸர்பிதும் ॥ 7 ॥
இச்சே²யம் பர்வதாத³ஸ்மாத³வதர்து மரிந்த³மா: ।
ஶோகாத்³ப்⁴ரஷ்டஸ்வரமபி ஶ்ருத்வா தே ஹரியூத²பா: ।
ஶ்ரத்³த³து⁴ர்னைவ தத்³வாக்யம் கர்மணா தஸ்ய ஶங்கிதா: ॥ 8 ॥
தே ப்ராயமுபவிஷ்டாஸ்து த்³ருஷ்ட்வா க்³ருத்⁴ரம் ப்லவங்க³மா: ।
சக்ருர்பு³த்³தி⁴ம் ததா³ ரௌத்³ராம் ஸர்வான்னோ ப⁴க்ஷயிஷ்யதி ॥ 9 ॥
ஸர்வதா² ப்ராயமாஸீனான்யதி³ நோ ப⁴க்ஷயிஷ்யதி ।
க்ருதக்ருத்யா ப⁴விஷ்யாம: க்ஷிப்ரம் ஸித்³தி⁴மிதோ க³தா: ॥ 1௦ ॥
ஏதாம் பு³த்³தி⁴ம் ததஶ்சக்ருஸ்ஸர்வே தே வானரர்ஷபா⁴: ।
அவதார்ய கி³ரேஶ்ஶ்ருங்கா³த்³க்³ருத்⁴ரமாஹாங்க³த³ஸ்ததா³ ॥ 11 ॥
ப³பூ⁴வர்க்ஷரஜா நாம வானரேந்த்³ர: ப்ரதாபவான் ।
மமார்ய: பார்தி²வ: பக்ஷின் தா⁴ர்மிக ஸ்தஸ்ய சாத்மஜௌ ॥ 12 ॥
ஸுக்³ரீவஶ்சைவ வாலீ ச புத்ராவோக⁴ப³லாவுபௌ⁴ ।
லோகேவிஶ்ருதகர்மாபூ⁴த்³ராஜா வாலீ பிதா மம ॥ 13 ॥
ராஜா க்ருத்ஸ்னஸ்ய ஜக³த இக்ஷ்வாகூணாம் மஹாரத:² ।
ராமோ தா³ஶரதி²: ஶ்ரீமான்ப்ரவிஷ்டோ த³ண்ட³காவனம் ॥ 14 ॥
லக்ஷ்மணேன ஸஹ ப்⁴ராத்ரா வைதே³ஹ்யா சாபி பா⁴ர்யயா ।
பிதுர்னிதே³ஶனிரதோ த⁴ர்ம்யம் பந்தா²னமாஶ்ரித: ॥ 15 ॥
தஸ்ய பா⁴ர்யா ஜனஸ்தா²னாத்³ராவணேன ஹ்ருதா ப³லாத் ।
ராமஸ்ய து பிதுர்மித்ரம் ஜடாயுர்னாம க்³ருத்⁴ரராட் ॥ 16 ॥
த³த³ர்ஶ ஸீதாம் வைதே³ஹீம் ஹ்ரியமாணாம் விஹாயஸா ।
ராவணம் விரத²ம் க்ருத்வா ஸ்தா²பயித்வா ச மைதி²லீம் ।
பரிஶ்ராந்தஶ்ச வ்ருத்³த⁴ஶ்ச ராவணேன ஹதோ ரணே ॥ 17 ॥
ஏவம் க்³ருத்⁴ரோ ஹதஸ்தேன ராவணேன ப³லீயஸா ।
ஸம்ஸ்க்ருதஶ்சாபி ராமேண க³தஶ்ச க³திமுத்தமாம் ॥ 18 ॥
ததோ மம பித்ருவ்யேண ஸுக்³ரீவேண மஹாத்மனா ।
சகார ராக⁴வஸ்ஸக்²யம் ஸோவதீ⁴த்பிதரம் மம ॥ 19 ॥
மம பித்ரா விருத்³தோ⁴ ஹி ஸுக்³ரீவஸ்ஸசிவைஸ்ஸஹ ।
நிஹத்ய வாலினம் ராமஸ்ததஸ்தமபி⁴ஷேசயத் ॥ 2௦ ॥
ஸ ராஜ்யே ஸ்தா²பிதஸ்தேன ஸுக்³ரீவோ வானராதி⁴ப: ।
ராஜா வானரமுக்²யானாம் யேன ப்ரஸ்தா²பிதா வயம் ॥ 21 ॥
ஏவம் ராமப்ரயுக்தாஸ்து மார்க³மாணாஸ்ததஸ்தத: ।
வைதே³ஹீம் நாதி⁴க³ச்சா²மோ ராத்ரௌ ஸூர்யப்ரபா⁴மிவ ॥ 22 ॥
தே வயம் த³ண்ட³காரண்யம் விசித்ய ஸுஸமாஹிதா: ॥ 23 ॥
அஜ்ஞானாத்து ப்ரவிஷ்டாஸ்ஸ்ம த⁴ர்மிண்யா விவ்ருதம் பி³லம் ।
மயஸ்ய மாயாவிஹிதம் தத்³பி³லம் ச விசின்வதாம் ॥ 24 ॥
வ்யதீதஸ்தத்ர நோ மாஸோ யோ ராஜ்ஞா ஸமய: க்ருத: ।
தே வயம் கபிராஜஸ்ய ஸர்வே வசனகாரிண: ॥ 25 ॥
க்ருதாம் ஸம்ஸ்தா²மதிக்ராந்தா ப⁴யாத்ப்ராயமுபாஸ்மஹே ।
க்ருத்³தே⁴ தஸ்மிம்ஸ்து காகுத்ஸ்தே² ஸுக்³ரீவே ச ஸலக்ஷ்மணே ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஸப்தபஞ்சாஶஸ்ஸர்க:³ ॥
