ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சவிம்ஶஸ்ஸர்க:³ ।
ஸாவனீய தமாயாஸமுபஸ்ப்ருஶ்ய ஜலம் ஶுசி: ।
சகார மாதா ராமஸ்ய மங்க³லானி மனஸ்வினீ ॥ 1 ॥
ந ஶக்யஸே வாரயிதும் க³ச்சே²தா³னீம் ரகூ⁴த்தம ।
ஶீக்⁴ரம் ச வினிவர்தஸ்வ வர்தஸ்வ ச ஸதாம் க்ரமே ॥ 2 ॥
யம் பாலயஸி த⁴ர்மம் த்வம் த்⁴ருத்யா ச நியமேன ச ।
ஸ வை ராக⁴வஶார்தூ³ல த⁴ர்மஸ்த்வாமபி⁴ரக்ஷது ॥ 3 ॥
யேப்⁴ய: ப்ரணமஸே புத்ர சைத்யேஷ்வாயதனேஷு ச ।
தே ச த்வாமபி⁴ரக்ஷந்து வனே ஸஹ மஹர்ஷிபி⁴: ॥ 4 ॥
யானி த³த்தானி தேஸ்த்ராணி விஶ்வாமித்ரேண தீ⁴மதா ।
தானி த்வாமபி⁴ரக்ஷந்து கு³ணைஸ்ஸமுதி³தம் ஸதா³ ॥ 5 ॥
பித்ருஶுஶ்ரூஷயா புத்ர மாத்ருஶுஶ்ரூஷயா ததா² ।
ஸத்யேன ச மஹாபா³ஹோ சிரம் ஜீவாபி⁴ரக்ஷித: ॥ 6 ॥
ஸமித்குஶ பவித்ராணி வேத்³யஶ்சாயதனானி ச ।
ஸ்த²ண்டி³லானி விசித்ராணி ஶைலா வ்ருக்ஷா: க்ஷுபா ஹ்ரதா³: ॥ 7 ॥
பதங்கா³: பன்னகா³ஸ்ஸிம்ஹாஸ்த்வாம் ரக்ஷந்து நரோத்தம ।
ஸ்வஸ்திஸாத்⁴யாஶ்ச விஶ்வே ச மருதஶ்ச மஹர்ஷய: ।
ஸ்வஸ்தி தா⁴தா விதா⁴தா ச ஸ்வஸ்தி பூஷா ப⁴கோ³ர்யமா ॥ 8 ॥
லோகபாலாஶ்ச தே ஸர்வே வாஸவப்ரமுகா²ஸ்ததா² ।
ருதவஶ்சைவ பக்ஷாஶ்ச மாஸா ஸ்ஸம்வத்ஸரா: க்ஷபா: ॥ 9 ॥
தி³னானி ச முஹூர்தாஶ்ச ஸ்வஸ்தி குர்வந்து தே ஸதா³ ।
ஸ்ம்ருதிர்த்⁴ருதிஶ்ச த⁴ர்மஶ்ச பாது த்வாம் புத்ர ஸர்வத: ॥ 1௦ ॥
ஸ்கந்த³ஶ்ச ப⁴க³வாந்தே³வ ஸ்ஸோமஶ்ச ஸ ப்³ருஹஸ்பதி: ।
ஸப்தர்ஷயோ நாரத³ஶ்ச தே த்வாம் ரக்ஷந்து ஸர்வத: ॥ 11 ॥
யாஶ்சாபி ஸர்வதஸ்ஸித்⁴தா³ தி³ஶஶ்ச ஸதி³கீ³ஶ்வரா: ।
ஸ்துதா மயா வனே தஸ்மின்பாந்து த்வாம் புத்ர நித்யஶ: ॥ 12 ॥
ஶைலாஸ்ஸர்வே ஸமுத்³ராஶ்ச ராஜா வருண ஏவ ச ।
த்³யௌரந்தரிக்ஷம் ப்ருதி²வீ நத்³யஸ்ஸர்வாஸ்ததை²வ ச ॥ 13 ॥
நக்ஷத்ராணி ச ஸர்வாணி க்³ரஹாஶ்ச ஸஹதே³வதா: ।
அஹோராத்ரே ததா² ஸந்த்⁴யே பாந்து த்வாம் வனமாஶ்ரிதம் ॥ 14 ॥
ருதவஶ்சைவ ஷட்புண்யா மாஸாஸ்ஸம்வத்ஸராஸ்ததா² ।
கலாஶ்ச காஷ்டா²ஶ்ச ததா² தவ ஶர்ம தி³ஶந்து தே ॥ 15 ॥
மஹாவனே விசரதோ முனிவேஷஸ்ய தீ⁴மத: ।
தவாதி³த்யாஶ்ச தை³த்யாஶ்ச ப⁴வந்து ஸுக²தா³ஸ்ஸதா³ ॥ 16 ॥
ராக்ஷஸானாம் பிஶாசானாம் ரௌத்³ராணாம் க்ரூரகர்மணாம் ।
க்ரவ்யாதா³னாம் ச ஸர்வேஷாம் மா பூ⁴த்புத்ரக தே ப⁴யம் ॥ 17 ॥
ப்லவகா³ வ்ருஶ்சிகா த³ம்ஶாமஶகாஶ்சைவ கானநே ।
ஸரீஸ்ருபாஶ்ச கீடாஶ்ச மா பூ⁴வன்க³ஹனே தவ ॥ 18 ॥
மஹாத்³விபாஶ்ச ஸிம்ஹாஶ்ச வ்யாக்⁴ரா ருக்ஷாஶ்ச த³ம்ஷ்ட்ரிண: ।
மஹிஷா ஶ்ஶ்ருங்கி³ணோ ரௌத்³ரா ந தே த்³ருஹ்யந்து புத்ரக ॥ 19 ॥
ந்ருமாம்ஸபோ⁴ஜனா ரௌத்³ரா யே சான்யே ஸத்வஜாதய: ।
மா ச த்வாம் ஹிம்ஸிஷு: புத்ர மயா ஸம்பூஜிதாஸ்த்விஹ ॥ 2௦ ॥
ஆக³மாஸ்தே ஶிவாஸ்ஸந்து ஸித்⁴யந்து ச பராக்ரமா: ।
ஸர்வஸம்பத்தயே ராம ஸ்வஸ்திமான்க³ச்ச² புத்ரக ॥ 21 ॥
ஸ்வஸ்தி தே ஸ்த்வந்தரிக்ஷேப்⁴ய: பார்தி²வேப்⁴ய: புன: புன: ।
ஸர்வேப்⁴யஶ்சைவ தே³வேப்⁴யோ யே ச வை பரிபந்தி²ன: ॥ 22 ॥
கு³ருஸ்ஸோமஶ்ச ஸூர்யஶ்ச த⁴னதோ³த² யமஸ்ததா² ।
பாந்து த்வாமர்சிதா ராம த³ண்ட³காரண்யவாஸினம் ॥ 23 ॥
அக்³னிர்வாயுஸ்ததா² தூ⁴மோ மந்த்ராஶ்சர்ஷிமுகா²ச்ச்யுதா: ।
உபஸ்பர்ஶனகாலே து பாந்து த்வாம் ரகு⁴னந்த³ன ॥ 24 ॥
ஸர்வலோகப்ரபு⁴ர்ப்³ரஹ்மா பூ⁴தப⁴ர்தா தத²ர்ஷய: ।
யே ச ஶேஷாஸ்ஸுராஸ்தே த்வாம் ரக்ஷந்து வனவாஸினம் ॥ 25 ॥
இதி மால்யைஸ்ஸுரக³ணான்க³ந்தை⁴ஶ்சாபி யஶஸ்வினீ ।
ஸ்துதிபி⁴ஶ்சானுரூபாபி⁴ரானர்சாயதலோசனா ॥ 26 ॥
ஜ்வலனம் ஸமுபாதா³ய ப்³ராஹ்மணேன மஹாத்மனா ।
ஹாவயாமாஸ விதி⁴னா ராமமங்க³லகாரணாத் ॥ 27 ॥
க்⁴ருதம் ஶ்வேதானி மால்யானி ஸமித⁴ஶ்ஶ்வேதஸர்ஷபான் ।
உபஸம்பாத³யாமாஸ கௌஶல்யா பரமாங்க³னா ॥ 28 ॥
உபாத்⁴யாய ஸ்ஸவிதி⁴னா ஹுத்வா ஶாந்திமனாமயம் ।
ஹுதஹவ்யாவஶேஷேண பா³ஹ்யம் ப³லிமகல்பயத் ॥ 29 ॥
மது⁴ த³த்⁴யக்ஷதக்⁴ருதை: ஸ்வஸ்திவாச்யத்³விஜாம்ஸ்தத: ।
வாசயாமாஸ ராமஸ்ய வனேஸ்வஸ்த்யயனக்ரியா: ॥ 3௦ ॥
ததஸ்தஸ்மை த்³விஜேந்த்³ராய ராமமாதா யஶஸ்வினீ ।
த³க்ஷிணாம் ப்ரத³தௌ³ காம்யாம் ராக⁴வம் சேத³மப்³ரவீத் ॥ 31 ॥
யன்மங்க³லம் ஸஹஸ்ராக்ஷே ஸர்வதே³வனமஸ்க்ருதே ।
வ்ருத்ரனாஶே ஸமப⁴வத்தத்தே ப⁴வது மங்க³லம் ॥ 32 ॥
யன்மங்க³லம் ஸுபர்ணஸ்ய வினதாகல்பயத்புரா ।
அம்ருதம் ப்ரார்த²யானஸ்ய தத்தே ப⁴வது மங்க³லம் ॥ 33 ॥
அம்ருதோத்பாத³னே தை³த்யான் க்⁴னதோ வஜ்ரத⁴ரஸ்ய யத் ।
அதி³திர்மங்க³லம் ப்ராதா³த்தத்தே ப⁴வது மங்க³லம் ॥ 34 ॥
த்ரீன்விக்ரமான்ப்ரக்ரமதோ விஷ்ணோரமிததேஜஸ: ।
யதா³ஸீன்மங்க³லம் ராம தத்தே ப⁴வது மங்க³லம் ॥ 35 ॥
ருதவஸ்ஸாக³ரா த்³வீபா வேதா³ லோகா தி³ஶஶ்ச தே ।
மங்க³லானி மஹாபா³ஹோ தி³ஶந்து ஶுப⁴மங்க³லா: ॥ 36 ॥
இதி புத்ரஸ்ய ஶேஷாம்ஶ்ச க்ருத்வா ஶிரஸி பா⁴மினீ ।
க³ந்தை⁴ஶ்சாபி ஸமாலப்⁴ய ராமமாயதலோசனா ॥ 37 ॥
ஓஷதீ⁴ம் சாபி ஸித்³தா⁴ர்தா²ம் விஶல்யகரணீம் ஶுபா⁴ம் ।
சகார ரக்ஷாம் கௌஶல்யா மந்த்ரைரபி⁴ஜஜாப ச ॥ 38 ॥
உவாசாதிப்ரஹ்ருஷ்டேவ ஸா து³:க²வஶவர்தினீ ।
வாங்க்³மாத்ரேண ந பா⁴வேன வாசாஸம்ஸஜ்ஜமானயா ॥ 39 ॥
ஆனம்ய மூர்த்⁴னி சாக்⁴ராய பரிஷ்வஜ்ய யஶஸ்வினீ ।
அவத³த்புத்ர ஸித்³தா⁴ர்தோ² க³ச்ச² ராம யதா²ஸுக²ம் ॥ 4௦ ॥
அரோக³ம் ஸர்வஸித்³தா⁴ர்த²மயோத்⁴யாம் புனராக³தம் ।
பஶ்யாமி த்வாம் ஸுக²ம் வத்ஸ ஸுஸ்தி²தம் ராஜவர்த்மனி ॥ 41 ॥
ப்ரணஷ்டது³:க²ஸங்கல்பா ஹர்ஷவித்³யோதிதானநா ।
த்³ரக்ஷ்யாமி த்வாம் வனாத்ப்ராப்தம் பூர்ணசந்த்³ரமிவோதி³தம் ॥ 42 ॥
ப⁴த்³ராஸனக³தம் ராம வனவாஸாதி³ஹாக³தம் ।
த்³ரக்ஷ்யாமி ச புனஸ்த்வாம் து தீர்ணவந்தம் பிதுர்வச: ॥ 43 ॥
மங்க³லைருபஸபன்னோ வனவாஸாதி³ஹாக³த: ।
வத்⁴வா மம ச நித்யம் த்வம் காமான்ஸம்வர்த⁴ யாஹி போ⁴: ॥ 44 ॥
மயார்சிதா தே³வக³ணாஶ்ஶிவாத³யோ மஹர்ஷயோ பூ⁴தமஹாஸுரோரகா³: ।
அபி⁴ப்ரயாதஸ்ய வனம் சிராய தே ஹிதானி காங்க்ஷந்து தி³ஶஶ்ச ராக⁴வ ॥ 45 ॥
இதீவ ஸாஶ்ருப்ரதிபூர்ணலோசனா ஸமாப்ய ச ஸ்வஸ்த்யயனம் யதா²விதி⁴ ।
ப்ரத³க்ஷிணம் சைவ சகார ராக⁴வம் புன: புனஶ்சாபி நிபீட்³ய ஸஸ்வஜே ॥ 46 ॥
ததா² து தே³வ்யா ஸ க்ருதப்ரத³க்ஷிணோ நிபீட்³ய மாதுஶ்சரணௌ புன: புன: ।
ஜகா³ம ஸீதானிலயம் மஹாயஶா ஸ்ஸ ராக⁴வ: ப்ரஜ்வலித ஸ்ஸ்வயா ஶ்ரியா ॥ 47 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சவிம்ஶஸ்ஸர்க:³ ॥
