ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² சதுர்த²ஸ்ஸர்க:³ ।
ஸ நிர்ஜித்ய புரீம் ஶ்ரேஷ்டா²ம் லங்காம் தாம் காமரூபிணீம் ।
விக்ரமேண மஹாதேஜா ஹனுமான் கபிஸத்தம: ॥ 1 ॥
அத்³வாரேண ச மஹாபா³ஹு: ப்ராகாரமபி⁴புப்லுவே ।
ப்ரவிஶ்ய நக³ரீம் லங்காம் கபிராஜஹிதங்கர: ॥ 2 ॥
சக்ரேத² பாத³ம் ஸவ்யம் ச ஶத்ரூணாம் ஸ து மூர்த⁴னி ।
ப்ரவிஷ்ட: ஸத்த்வஸம்பன்னோ நிஶாயாம் மாருதாத்மஜ: ॥ 3 ॥
ஸ மஹாபத²மாஸ்தா²ய முக்தாபுஷ்பவிராஜிதம் ।
ததஸ்து தாம் புரீம் லங்காம் ரம்யாமபி⁴யயௌ கபி: ॥ 4 ॥
ஹஸிதோத்க்ருஷ்டனினதை³ஸ்தூர்யகோ⁴ஷபுரஸ்ஸரை: ।
வஜ்ராங்குஶனிகாஶைஶ்ச வஜ்ரஜாலவிபூ⁴ஷிதை: ॥ 5 ॥
க்³ருஹமேகை⁴: புரீ ரம்யா ப³பா⁴ஸே த்³யௌரிவாம்பு³தை³: ।
ப்ரஜஜ்வால ததோ லங்கா ரக்ஷோக³ணக்³ருஹை: ஶுபை⁴: ॥ 6 ॥
ஸிதாப்⁴ரஸத்³ருஶைஶ்சித்ரை: பத்³மஸ்வஸ்திகஸம்ஸ்தி²தை: ।
வர்த⁴மானக்³ருஹைஶ்சாபி ஸர்வத: ஸுவிபூ⁴ஷிதா ॥ 7 ॥
தாம் சித்ரமால்யாப⁴ரணாம் கபிராஜஹிதங்கர: ।
ராக⁴வார்த²ம் சரன் ஶ்ரீமான் த³த³ர்ஶ ச நனந்த³ ச ॥ 8 ॥
ப⁴வனாத்³ப⁴வனம் க³ச்ச²ன் த³த³ர்ஶ பவனாத்மஜ: ।
விவிதா⁴க்ருதிரூபாணி ப⁴வனானி ததஸ்தத: ॥ 9 ॥
ஶுஶ்ராவ மது⁴ரம் கீ³தம் த்ரிஸ்தா²னஸ்வரபூ⁴ஷிதம் ।
ஸ்த்ரீணாம் மத³ஸம்ருத்³தா⁴னாம் தி³வி சாப்ஸரஸாமிவ ॥ 1௦ ॥
ஶுஶ்ராவ காஞ்சீனினத³ம் நூபுராணாம் ச, நி:ஸ்வனம் ।
ஸோபானநினதா³ம்ஶ்சைவ ப⁴வனேஷு மஹாத்மனாம் ॥ 11 ॥
அஸ்போ²டிதனினாதா³ம்ஶ்ச க்ஷ்வேலிதாம்ஶ்ச ததஸ்தத: ।
ஶுஶ்ராவ ஜபதாம் தத்ர மந்த்ரான் ரக்ஷோக்³ருஹேஷு வை ॥ 12 ॥
ஸ்வாத்⁴யாயனிரதாம்ஶ்சைவ யாதுதா⁴னான் த³த³ர்ஶ ஸ: ।
ராவணஸ்தவஸம்யுக்தான் க³ர்ஜதோ ராக்ஷஸானபி ॥ 13 ॥
ராஜமார்க³ம் ஸமாவ்ருத்ய ஸ்தி²தம் ரக்ஷோப³லம் மஹத் ।
த³த³ர்ஶ மத்⁴யமே கு³ல்மே ராவணஸ்ய சரான் ப³ஹூன் ॥ 14 ॥
தீ³க்ஷிதான் ஜடிலான் முண்டா³ன் கோ³ஜினாம்ப³ரவாஸஸ: ।
த³ர்ப⁴முஷ்டிப்ரஹரணானக்³னிகுண்டா³யுகா⁴ம்ஸ்ததா² ॥ 15 ॥
கூடமுத்³க³ரபாணீம்ஶ்ச த³ண்டா³யுத⁴த⁴ரானபி ।
ஏகாக்ஷானேககர்ணாம்ஶ்ச லம்போ³த³ரபயோத⁴ரான் ॥ 16 ॥
கராலான் பு⁴க்³னவக்த்ராம்ஶ்ச விகடான் வாமனாம்ஸ்ததா² ।
த⁴ன்வின: க²ங்கி³னஶ்சைவ ஶதக்⁴னீமுஸலாயுதா⁴ன் ॥ 17 ॥
பரிகோ⁴த்தமஹஸ்தாம்ஶ்ச விசித்ரகவசோஜ்ஜ்வலான் ।
நாதிஸ்தூ²லான்னாதிக்ருஶான்னாதிதீ³ர்கா⁴திஹ்ரஸ்வகான் ॥ 18 ॥
நாதிகௌ³ரான்னாதிக்ருஷ்ணான்னாதிகுப்³ஜான்ன வாமனான் ।
விரூபான் ப³ஹுரூபாம்ஶ்ச ஸுரூபாம்ஶ்ச ஸுவர்சஸ: ॥ 19 ॥
த்⁴வஜீன் பதாகினஶ்சைவ த³த³ர்ஶ விவிதா⁴யுதா⁴ன் ।
ஶக்திவ்ருக்ஷாயுதா⁴ம்ஶ்சைவ பட்டிஸாஶனிதா⁴ரிண: ॥ 2௦ ॥
க்ஷேபணீபாஶஹஸ்தாம்ஶ்ச த³த³ர்ஶ ஸ மஹாகபி: ।
ஸ்ரக்³விணஸ்த்வனுலிப்தாம்ஶ்ச வராப⁴ரணபூ⁴ஷிதான் ॥ 21 ॥
நானாவேஷஸமாயுக்தான் யதா²ஸ்ஸ்வைரக³தான் ப³ஹூன் ।
தீக்ஷ்ணஶூலத⁴ராம்ஶ்சைவ வஜ்ரிணஶ்ச மஹாப³லான் ॥ 22 ॥
ஶதஸாஹஸ்ரமவ்யக்³ரமாரக்ஷம் மத்⁴யமம் கபி: ।
ரக்ஷோதி⁴பதினிர்தி³ஷ்டம் த³த³ர்ஶாந்த:புராக்³ரத: ॥ 23 ॥
ஸ ததா³ தத்³க்³ருஹம் த்³ருஷ்ட்வா மஹாஹாடகதோரணம் ।
ராக்ஷஸேந்த்³ரஸ்ய விக்²யாதமத்³ரிமூர்த்⁴னி ப்ரதிஷ்டி²தம் ॥ 24 ॥
புண்ட³ரீகாவதம்ஸாபி⁴: பரிகா²பி⁴ரலங்க்ருதம் ।
ப்ராகாராவ்ருதமத்யந்தம் த³த³ர்ஶ ஸ மஹாகபி: ॥ 25 ॥
த்ரிவிஷ்டபனிப⁴ம் தி³வ்யம் தி³வ்யனாத³னினாதி³தம் ।
வாஜிஹேஷிதஸங்கு⁴ஷ்டம் நாதி³தம் பூ⁴ஷணைஸ்ததா² ॥ 26 ॥
ரதை²ர்யானைர்விமானைஶ்ச ததா² ஹயகஜ³ை: ஶுபை⁴: ।
வாரணைஶ்ச சதுர்த²ந்தை: ஶ்வேதாப்⁴ரனிசயோபமை: ॥ 27 ॥
பூ⁴ஷிதம் ருசிரத்³வாரம் மத்தைஶ்ச ம்ருக³பக்ஷிபி⁴: ।
ரக்ஷிதம் ஸுமஹாவீர்யைர்யாதுதா⁴னை: ஸஹஸ்ரஶ: ।
ராக்ஷஸாதி⁴பதேர்கு³ப்தமாவிவேஶ மஹாகபி: ॥ 28 ॥
ஸஹேமஜாம்பூ³னத³சக்ரவாலம் மஹார்ஹமுக்தாமணிபூ⁴ஷிதாந்தம் ।
பரார்த்²யகாலாகு³ருசந்த³னாக்தம் ஸ ராவணாந்த:புரமாவிவேஶ ॥ 29 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ சதுர்த²ஸ்ஸர்க:³ ॥
