ஶ்ரீமத்³வால்மீகீய ராமாயணே பா³லகாண்ட³ம் ।
அத² த்³வாத³ஶஸ்ஸர்க:³ ।
தத: காலே ப³ஹுதிதே² கஸ்மிம்ஶ்சித்ஸுமனோஹரே ।
வஸந்தே ஸமனுப்ராப்தே ராஜ்ஞோ யஷ்டும் மனோப⁴வத் ॥ 1 ॥
தத: ப்ரஸாத்³ய ஶிரஸா தம் விப்ரம் தே³வவர்ணினம் ।
யஜ்ஞாய வரயாமாஸ ஸந்தானார்த²ம் குலஸ்ய வை ॥ 2 ॥
ததே²தி ச ஸ ராஜானமுவாச ச ஸுஸத்க்ருத: ।
ஸம்பா⁴ரா ஸம்ப்⁴ரியந்தாம் தே துரக³ஶ்ச விமுச்யதாம் ॥ 3 ॥
ததோ ராஜாப்³ரவீத்³வாக்யம் ஸுமந்த்ரம் மந்த்ரிஸத்தமம் ।
ஸுமந்த்ராவாஹய க்ஷிப்ரம் ருத்விஜோ ப்³ரஹ்மவாதி³ன: ॥ 4 ॥
ஸுயஜ்ஞம் வாமதே³வம் ச ஜாபா³லிமத² காஶ்யபம் ।
புரோஹிதம் வஸிஷ்ட²ம் ச யே சான்யே த்³விஜஸத்தமா: ॥ 5 ॥
ததஸ்ஸுமந்த்ரஸ்த்வரிதம் க³த்வா த்வரிதவிக்ரம: ।
ஸமானயத்ஸ தான்விப்ரான் ஸமஸ்தான்வேத³பாரகா³ன் ॥ 6 ॥
தான்பூஜயித்வா த⁴ர்மாத்மா ராஜா த³ஶரத²ஸ்ததா³ ।
த⁴ர்மார்த²ஸஹிதம் யுக்தம் ஶ்லக்ஷ்ணம் வசனமப்³ரவீத் ॥ 7 ॥
மம லாலப்யமானஸ்ய புத்ரார்த²ம் நாஸ்தி வை ஸுக²ம் ।
தத³ர்த²ம் ஹயமேதே⁴ன யக்ஷ்யாமீதி மதிர்மம ॥ 8 ॥
தத³ஹம் யஷ்டுமிச்சா²மி ஶாஸ்த்ரத்³ருஷ்டேன கர்மணா ।
ருஷிபுத்ரப்ரபா⁴வேன காமான்ப்ராப்ஸ்யாமி சாப்யஹம் ॥ 9 ॥
ததஸ்ஸாத்⁴விதி தத்³வாக்யம் ப்³ராஹ்மணா: ப்ரத்யபூஜயன் ।
வஸிஷ்ட²ப்ரமுகா²ஸ்ஸர்வே பார்தி²வஸ்ய முகா²ச்ச்யுதம் ॥ 1௦ ॥
ருஷ்யஶ்ருங்க³புரோகா³ஶ்ச ப்ரத்யூசுர்ன்ருபதிம் ததா³ ।
ஸம்பா⁴ராஸ்ஸம்ப்⁴ரியந்தாம் தே துரக³ஶ்ச விமுச்யதாம் ॥ 11 ॥
ஸர்வதா² ப்ராப்ஸ்யஸே புத்ராம்ஶ்சத்வாரோமிதவிக்ரமான் ।
யஸ்ய தே தா⁴ர்மிகீ பு³த்³தி⁴ரியம் புத்ரார்த²மாக³தா ॥ 12 ॥
தத: ப்ரீதோப⁴வத்³ராஜா ஶ்ருத்வா தத்³விஜபா⁴ஷிதம் ।
அமாத்யாம்ஶ்சாப்³ரவீத்³ராஜா ஹர்ஷேணேத³ம் ஶுபா⁴க்ஷரம் ॥ 13 ॥
கு³ரூணாம் வசனாச்சீ²க்⁴ரம் ஸம்பா⁴ராஸ்ஸம்ப்⁴ரியந்து மே ।
ஸமர்தா²தி⁴ஷ்டி²தஶ்சாஶ்வஸ்ஸோபாத்⁴யாயோ விமுச்யதாம் ॥ 14 ॥
ஸரய்வாஶ்சோத்தரே தீரே யஜ்ஞபூ⁴மிர்விதீ⁴யதாம் ।
ஶாந்தயஶ்சாபி⁴வர்த⁴ந்தாம் யதா²கல்பம் யதா²விதி⁴ ॥ 15 ॥
ஶக்ய: ப்ராப்துமயம் யஜ்ஞஸ்ஸர்வேணாபி மஹீக்ஷிதா ।
நாபராதோ⁴ ப⁴வேத்கஷ்டோ யத்³யஸ்மின்க்ரதுஸத்தமே ॥ 16 ॥
சி²த்³ரம் ஹி ம்ருக³யந்தேத்ர வித்³வாம்ஸோ ப்³ரஹ்மராக்ஷஸா: ।
நிஹதஸ்ய ச யஜ்ஞஸ்ய ஸத்³ய: கர்தா வினஶ்யதி ॥ 17 ॥
தத்³யதா² விதி⁴பூர்வம் மே க்ரதுரேஷ ஸமாப்யதே ।
ததா² விதா⁴னம் க்ரியதாம் ஸமர்தா²: கரணேஷ்விஹ ॥ 18 ॥
ததே²தி ச ததஸ்ஸர்வே மந்த்ரிண: ப்ரத்யபூஜயன் ।
பார்தி²வேந்த்³ரஸ்ய தத்³வாக்யம் யதா²ஜ்ஞப்தமகுர்வத ॥ 19 ॥
ததோ த்³விஜாஸ்தே த⁴ர்மஜ்ஞமஸ்துவன்பார்தி²வர்ஷப⁴ம் ।
அனுஜ்ஞாதாஸ்ததஸ்ஸர்வே புனர்ஜக்³முர்யதா²க³தம் ॥ 2௦ ॥
க³தேஷ்வத² த்³விஜாக்³ய்ரேஷு மந்த்ரிணஸ்தான்னராதி⁴ப: ।
விஸர்ஜயித்வா ஸ்வம் வேஶ்ம ப்ரவிவேஶ மஹாத்³யுதி: ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்³வாத³ஶஸ்ஸர்க:³ ॥
