ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷஷ்டிதமஸ்ஸர்க:³ ।
ததோ பூ⁴தோபஸ்ருஷ்டேவ வேபமானா புன: புன: ।
த⁴ரண்யாம் க³தஸத்த்வேவ கௌஸல்யா ஸூதமப்³ரவீத் ॥ 1 ॥
நய மாம் யத்ர காகுத்ஸ்த²ஸ்ஸீதா யத்ர ச லக்ஷ்மண: ।
தான்வினா க்ஷணமப்யத்ர ஜீவிதும் நோத்ஸஹேஹ்யஹம் ॥ 2 ॥
நிவர்தய ரத²ம் ஶீக்⁴ரம் த³ண்ட³கான்னய மாமபி ।
அத² தான்னானுக³ச்சா²மி க³மிஷ்யாமி யமக்ஷயம் ॥ 3 ॥
பா³ஷ்பவேகோ³பஹதயா ஸ வாசா ஸஜ்ஜமானயா ।
இத³மாஶ்வாஸயந்தே³வீம் ஸூத: ப்ராஞ்ஜலிரப்³ரவீத் ॥ 4 ॥
த்யஜ ஶோகம் ச மோஹம் ச ஸம்ப்⁴ரமம் து³:கஜ²ம் ததா² ।
வ்யவதூ⁴ய ச ஸந்தாபம் வனே வத்ஸ்யதி ராக⁴வ: ॥ 5 ॥
லக்ஷ்மணஶ்சாபி ராமஸ்ய பாதௌ³ பரிசரன்வனே ।
ஆராத⁴யதி த⁴ர்மஜ்ஞ: பரலோகம் ஜிதேந்த்³ரிய: ॥ 6 ॥
விஜனேபி வனே ஸீதா வாஸம் ப்ராப்ய க்³ருஹேஷ்விவ ।
விஸ்ரம்ப⁴ம் லப⁴தேபீ⁴தா ராமே ஸன்ன்யஸ்தமானஸா ॥ 7 ॥
நாஸ்யா தை³ன்யம் க்ருதம் கிஞ்சித்ஸுஸூக்ஷ்மமபி லக்ஷ்யதே ।
உசிதேவ ப்ரவாஸானாம் வைதே³ஹீ ப்ரதிபா⁴தி மா ॥ 8 ॥
நக³ரோபவனம் க³த்வா யதா² ஸ்மரமதே புரா ।
ததை²வ ரமதே ஸீதா நிர்ஜனேஷு வனேஷ்வபி ॥ 9 ॥
பா³லேவ ரமதே ஸீதாபா³லசந்த்³ரனிபா⁴னநா ।
ராமா ராமே ஹ்யதீ⁴னாத்மா விஜனேபி வனே ஸதீ ॥ 1௦ ॥
தத்³க³தம் ஹ்ருத³யம் ஹ்யஸ்யாஸ்தத³தீ⁴னம் ச ஜீவிதம் ।
அயோத்⁴யாபி ப⁴வேத்தஸ்யா ராமஹீனா ததா³ வனம் ॥ 11 ॥
பரிப்ருச்ச²தி வைதே³ஹீ க்³ராமாம்ஶ்ச நக³ராணி ச ।
க³திம் த்³ருஷ்ட்வா நதீ³னாம் ச பாத³பான்விவிதா⁴னபி ॥ 12 ॥
ராமம் ஹி லக்ஷ்மணம் வாபி ப்ருஷ்ட்வா ஜானாதி ஜானகீ ।
அயோத்⁴யா க்ரோஶமாத்ரே து விஹாரமிவ ஸம்ஶ்ரிதா ॥ 13 ॥
இத³மேவ ஸ்மராம்யஸ்யாஸ்ஸஹஸைவோபஜல்பிதம் ।
கைகேயீ ஸம்ஶ்ரிதம் வாக்யம் நேதா³னீம் ப்ரதிபா⁴தி மா ॥ 14 ॥
த்⁴வம்ஸயித்வா து தத்³வாக்யம் ப்ரமாதா³த்பர்யுபத்ஸ்தி²தம் ।
ஹ்லாத³னம் வசனம் ஸூதோ தே³வ்யா மது⁴ரமப்³ரவீத் ॥ 15 ॥
அத்⁴வனா வாதவேகே³ன ஸம்ப்⁴ரமேணாதபேன ச ।
ந விக³ச்ச²தி வைதே³ஹ்யாஶ்சந்த்³ராம்ஶு ஸத்³ருஶீ ப்ரபா⁴ ॥ 16 ॥
ஸத்³ருஶம் ஶதபத்ரஸ்ய பூர்ணசந்த்³ரோபமப்ரப⁴ம் ।
வத³னம் தத்³வதா³ன்யாயா வைதே³ஹ்யா ந விகம்பதே ॥ 17 ॥
அலக்தரஸரக்தாபா⁴வலக்தரஸவர்ஜிதௌ ।
அத்³யாபி சரணௌ தஸ்யா: பத்³மகோஶஸமப்ரபௌ⁴ ॥ 18 ॥
நூபுரோத்³கு⁴ஷ்டஹேலேவ கே²லம் க³ச்ச²தி பா⁴மினீ ।
இதா³னீமபி வைதே³ஹீ தத்³ராகா³ன்னயஸ்த பூ⁴ஷணா ॥ 19 ॥
கஜ³ம் வா வீக்ஷ்ய ஸிம்ஹம் வா வ்யாக்⁴ரம் வா வனமாஶ்ரிதா ।
நாஹாரயதி ஸந்த்ராஸம் பா³ஹூ ராமஸ்ய ஸம்ஶ்ரிதா ॥ 2௦ ॥
ந ஶோச்யாஸ்தே ந சாத்மனஶ்ஶோச்யோ நாபி ஜனாதி⁴ப: ।
இத³ம் ஹி சரிதம் லோகே ப்ரதிஷ்டா²ஸ்யதி ஶாஶ்வதம் ॥ 21 ॥
விதூ⁴ய ஶோகம் பரிஹ்ருஷ்டமானஸா மஹர்ஷியாதே பதி² ஸுவ்யவத்ஸ்தி²தா: ।
வனேரதா வன்யப²லாஶனா: பிதுஶ்ஶுபா⁴ம் ப்ரதிஜ்ஞாம் பரிபாலயந்தி தே ॥ 22 ॥
ததா²பி ஸூதேன ஸுயுக்தவாதி³னா நிவார்யமாணா ஸுதஶோககர்ஶிதா ।
ந சைவ தே³வீ விரராம கூஜிதாத்ப்ரியேதி புத்ரேதி ச ராக⁴வேதி ச ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷஷ்டிதமஸ்ஸர்க:³ ॥
