ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகசத்வாரிம்ஶஸ்ஸர்க:³ ।
ஸ ச வாக்³பி⁴: ப்ரஶஸ்தாபி⁴ர்க³மிஷ்யன்பூஜிதஸ்தயா ।
தஸ்மாத்³தே³ஶாத³பக்ரம்ய சிந்தயாமாஸ வானர: ॥ 1 ॥
அல்பஶேஷமித³ம் கார்யம் த்³ருஷ்டேயமஸிதேக்ஷணா ।
த்ரீனுபாயானதிக்ரம்ய சதுர்த:² இஹ வித்³யதே ॥ 2 ॥
ந ஸாம ரக்ஷஸ்ஸு கு³ணாய கல்பதே ந தா³னமர்தோ²பசிதேஷு யுஜ்யதே ।
ந பே⁴த³ஸாத்⁴யா ப³லத³ர்பிதா ஜனா: பராக்ரமஸ்த்வேவ மமேஹ ரோசதே ॥ 3 ॥
ந சாஸ்ய கார்யஸ்ய பராக்ரமாத்³ருதே வினிஶ்சய: கஶ்சிதி³ஹோபபத்³யதே ।
ஹதப்ரவீரா ஹி ரணே ஹி ராக்ஷஸா: கத²ஞ்சிதீ³யுர்யதி³ஹாத்³ய மார்த³வம் ॥ 4 ॥
கார்யே கர்மணி நிர்தி³ஷ்டே யோ ப³ஹூன்யபி ஸாத⁴யேத் ।
பூர்வகார்யாவிரோதே⁴ன ஸ கார்யம் கர்துமர்ஹதி ॥ 5 ॥
ந ஹ்யேகஸ்ஸாத⁴கோ ஹேதுஸ்ஸ்வல்பஸ்யாபீஹ கர்மண: ।
யோ ஹ்யர்த²ம் ப³ஹுதா⁴ வேத³ ஸ ஸமர்தோ²ர்த²ஸாத⁴னே ॥ 6 ॥
இஹைவ தாவத்க்ருதனிஶ்சயோ ஹ்யஹம் யதி³ வ்ரஜேயம் ப்லவகே³ஶ்வராலயம் ।
பராத்மஸம்மர்த³விஶேஷதத்த்வவித்தத: க்ருதம் ஸ்யான்மம ப⁴ர்த்ருஶாஸனம் ॥ 7 ॥
கத²ம் நு க²ல்வத்³ய ப⁴வேத்ஸுகா²க³தம் ப்ரஸஹ்ய யுத்³த⁴ம் மம ராக்ஷஸை: ஸஹ ।
ததை²வ க²ல்வாத்மப³லம் ச ஸாரவத்ஸம்மானயேன்மாம் ச ரணே த³ஶானந: ॥ 8 ॥
ததஸ்ஸமாஸாத்³ய ரணே த³ஶானநம் ஸமந்த்ரிவர்க³ம் ஸப³லப்ரயாயினம் ।
ஹ்ருதி³ ஸ்தி²தம் தஸ்ய மதம் ப³லம் ச வை ஸுகே²ன மத்த்வாஹமித: புனர்வ்ரஜே ॥ 9 ॥
இத³மஸ்ய ந்ருஶம்ஸஸ்ய நந்த³னோபமமுத்தமம் ।
வனம் நேத்ரமன:காந்தம் நானாத்³ருமலதாயுதம் ॥ 1௦ ॥
இத³ம் வித்⁴வம்ஸயிஷ்யாமி ஶுஷ்கம் வனமிவானல: ।
அஸ்மின்ப⁴க்³னே தத: கோபம் கரிஷ்யதி த³ஶானந: ॥ 11 ॥
ததோ மஹத்ஸாஶ்வமஹாரத²த்³விபம் ப³லம் ஸமாதே³க்ஷ்யதி ராக்ஷஸாதி⁴ப: ।
த்ரிஶூலகாலாயஸபட்டிஸாயுத⁴ம் ததோ மஹத்³யுத்³த⁴மித³ம் ப⁴விஷ்யதி ॥ 12 ॥
அஹம் து தை: ஸம்யதி சண்ட³விக்ரமை ஸ்ஸமேத்ய ரக்ஷோபி⁴ரஸஹ்ய விக்ரம: ।
நிஹத்ய தத்³ராவணசோதி³தம் ப³லம் ஸுக²ம் க³மிஷ்யாமி கபீஶ்வராலயம் ॥ 13 ॥
ததோ மாருதவத்க்ருத்³தோ⁴ மாருதிர்பீ⁴மவிக்ரம: ।
ஊருவேகே³ன மஹதா த்³ருமான்க்ஷேப்துமதா²ரப⁴த் ॥ 14 ॥
ததஸ்து ஹனுமான்வீரோ ப³ப⁴ஞ்ஜ ப்ரமதா³வனம் ।
மத்தத்³விஜஸமாகு⁴ஷ்டம் நானாத்³ருமலதாயுதம் ॥ 15 ॥
தத்³வனம் மதி²தைர்வ்ருக்ஷைர்பி⁴ன்னைஶ்ச ஸலிலாஶயை: ।
சூர்ணிதை: பர்வதாக்³ரைஶ்ச ப³பூ⁴வாப்ரியத³ர்ஶனம் ॥ 16 ॥
நானாஶகுந்தவிருதை: ப்ரபி⁴ன்னைஸ்ஸலிலாஶயை: ।
தாம்ரை: கிஸலயை: க்லாந்தை: க்லாந்தத்³ருமலதாயுதம் ॥ 17 ॥
ந ப³பௌ⁴ தத்³வனம் தத்ர தா³வானலஹதம் யதா² ।
வ்யாகுலாவரணா ரேஜுர்விஹ்வலா இவ தா லதா: ॥ 18 ॥
லதாக்³ருஹைஶ்சித்ரக்³ருஹைஶ்ச நாஶிதைர்மஹோரகை³ர்வ்யாலம்ருகை³ஶ்ச நிர்து⁴தை: ।
ஶிலாக்³ருஹைருன்மதி²தைஸ்ததா² க்³ருஹை: ப்ரணஷ்டரூபம் தத³பூ⁴ன்மஹத்³வனம் ॥ 19 ॥
ஸா விஹ்வலாஶோகலதாப்ரதானா வனஸ்த²லீ ஶோகலதாப்ரதானா ।
ஜாதா த³ஶாஸ்யப்ரமதா³வனஸ்ய கபேர்ப³லாத்³தி⁴ ப்ரமதா³வனஸ்ய ॥ 2௦ ॥
ஸ தஸ்ய க்ருத்வார்த²பதேர்மஹாகபிர்மஹத்³வ்யலீகம் மனஸோ மஹாத்மன: ।
யுயுத்ஸுரேகோ ப³ஹுபி⁴ர்மஹாப³லைஶ்ஶியா ஜ்வலம்ஸ்தோரணமாஸ்தி²த: கபி: ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகசத்வாரிம்ஶஸ்ஸர்க:³ ॥
