ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஷட்பஞ்சாஶஸ்ஸர்க:³ ।
ததஸ்து ஶிம்ஶுபாமூலே ஜானகீம் பர்யுபஸ்தி²தாம் ।
அபி⁴வாத்³யாப்³ரவீத்³தி³ஷ்ட்யா பஶ்யாமி த்வாமிஹாக்ஷதாம் ॥ 1 ॥
ததஸ்தம் ப்ரஸ்தி²தம் ஸீதா வீக்ஷமாணா புன: புன: ।
ப⁴ர்த்ருஸ்னேஹான்விதம் வாக்யம் ஹனுமந்தமபா⁴ஷத ॥ 2 ॥
காமமஸ்ய த்வமேவைக: கார்யஸ்ய பரிஸாத⁴னே ।
பர்யாப்த: பரவீரக்⁴ன யஶஸ்யஸ்தே ப³லோத³ய: ॥ 3 ॥
ஶரைஸ்து ஸங்குலாம் க்ருத்வா லங்காம் பரப³லார்த³ன: ।
மாம் நயேத்³யதி³ காகுத்ஸ்த²ஸ்தத்தஸ்ய ஸத்³ருஶம் ப⁴வேத் ॥ 4 ॥
தத்³யதா² தஸ்ய விக்ராந்தமனுரூபம் மஹாத்மன: ।
ப⁴வத்யாஹவஶூரஸ்ய ததா² த்வமுபபாத³ய ॥ 5 ॥
தத³ர்தோ²பஹிதம் வாக்யம் ப்ரஶ்ரிதம் ஹேதுஸம்ஹிதம் ।
நிஶம்ய ஹனுமாம்ஸ்தஸ்யா வாக்யமுத்தரமப்³ரவீத் ॥ 6 ॥
க்ஷிப்ரமேஷ்யதி காகுத்ஸ்த:² ஹர்ய்ருக்ஷப்ரவரைர்வ்ருத: ।
யஸ்தே யுதி⁴ விஜித்யாரீன் ஶோகம் வ்யபனயிஷ்யதி ॥ 7 ॥
ஏவமாஶ்வாஸ்ய வைதே³ஹீம் ஹனுமான் மாருதாத்மஜ: ।
க³மனாய மதிம் க்ருத்வா வைதே³ஹீமப்⁴யவாத³யத் ॥ 8 ॥
ததஸ்ஸ கபிஶார்தூ³ல: ஸ்வாமிஸந்த³ர்ஶனோத்ஸுக: ।
ஆருரோஹ கி³ரிஶ்ரேஷ்ட²மரிஷ்டமரிமர்த³ன: ॥ 9 ॥
துங்க³பத்³மகஜுஷ்டாபி⁴ர்னீலாபி⁴ர்வனராஜிபி⁴: ।
ஸோத்தரீயமிவாம்போ⁴தை³: ஶ்ருங்கா³ந்தரவிலம்பி³பி⁴: ॥ 1௦ ॥
போ³த்⁴யமானமிவ ப்ரீத்யா தி³வாகரகரைஶ்ஶுபை⁴: ।
உன்மிஷந்தமிவோத்³தூ⁴தைர்லோசனைரிவ தா⁴துபி⁴: ॥ 11 ॥
தோயௌக⁴னநிஸ்ஸ்வனைர்மந்த்³ரை: ப்ராதீ⁴தமிவ பர்வதம் ।
ப்ரகீ³தமிவ விஸ்பஷ்டைர்னானாப்ரஸ்ரவணஸ்வனை: ॥ 12 ॥
தே³வதா³ருபி⁴ரத்யுச்சைரூர்த்⁴வபா³ஹுமிவ ஸ்தி²தம் ।
ப்ரபாதஜலனிர்கோ⁴ஷை: ப்ராக்ருஷ்டமிவ ஸர்வத: ॥ 13 ॥
வேபமானமிவ ஶ்யாமை: கம்பமானைஶ்ஶரத்³வனை: ।
வேணுபி⁴ர்மாருதோத்³தூ⁴தை: கூஜந்தமிவ கீசகை: ॥ 14 ॥
நிஶ்ஶ்வஸந்தமிவாமர்ஷாத்³கோ⁴ரைராஶீவிஷோத்தமை: ।
நீஹாரக்ருதக³ம்பீ⁴ரைர்த்⁴யாயந்தமிவ க³ஹ்வரை: ॥ 15 ॥
மேக⁴பாத³னிபை⁴: பாதை³: ப்ரக்ராந்தமிவ ஸர்வத: ।
ஜ்ரும்ம்ப⁴மாணமிவாகாஶே ஶிக²ரைரப்⁴ரமாலிபி⁴: ॥ 16 ॥
கூடைஶ்ச ப³ஹுதா⁴ கீர்ணைஶ்ஶோபி⁴தம் ப³ஹுகந்த³ரை: ।
ஸாலதாலாஶ்வகர்ணைஶ்ச வம்ஶைஶ்ச ப³ஹுபி⁴ர்வ்ருதம் ॥ 17 ॥
லதாவிதானைர்விததை: புஷ்பவத்³பி⁴ரலங்க்ருதம் ।
நானாம்ருக³க³ணாகீர்ணம் தா⁴துனிஷ்யந்த³பூ⁴ஷிதம் ॥ 18 ॥
ப³ஹுப்ரஸ்ரவணோபேதம் ஶிலாஸஞ்சயஸங்கடம் ।
மஹர்ஷியக்ஷக³ந்த⁴ர்வகின்னரோரக³ஸேவிதம் ॥ 19 ॥
லதாபாத³பஸங்கா⁴தம் ஸிம்ஹாத்⁴யுஷிதகந்த³ரம் ।
வ்யாக்⁴ரஸங்க⁴ஸமாகீர்ணம் ஸ்வாது³மூலப²லத்³ருமம் ॥ 2௦ ॥
தமாருரோஹ ஹனுமான் பர்வதம் பவனாத்மஜ: ।
ராமத³ர்ஶனஶீக்⁴ரேண ப்ரஹர்ஷேணாபி⁴சோதி³த: ॥ 21 ॥
தேன பாத³தலாக்ராந்தா ரம்யேஷு கி³ரிஸானுஷு ।
ஸகோ⁴ஷாஸ்ஸமஶீர்யந்த ஶிலாஶ்சூர்ணீக்ருதாஸ்தத: ॥ 22 ॥
ஸ தமாருஹ்ய ஶைலேந்த்³ரம் வ்யவர்த⁴த மஹாகபி: ।
த³க்ஷிணாது³த்தரம் பாரம் ப்ரார்த²யன் லவணாம்ப⁴ஸ: ॥ 23 ॥
அதி⁴ருஹ்ய ததோ வீர: பர்வதம் பவனாத்மஜ: ।
த³த³ர்ஶ ஸாக³ரம் பீ⁴மம் மீனோரக³னிஷேவிதம் ॥ 24 ॥
ஸ மாருத இவாகாஶம் மாருதஸ்யாத்மஸம்ப⁴வ: ।
ப்ரபேதே³ ஹரிஶார்தூ³லோ த³க்ஷிணாது³த்தராம் தி³ஶம் ॥ 25 ॥
ஸ ததா³ பீடி³தஸ்தேன கபினா பர்வதோத்தம: ।
ரராஸ ஸஹ தைர்பூ⁴தை: ப்ரவிஶன்வஸுதா⁴தலம் ॥ 26 ॥
கம்பமானைஶ்ச ஶிக²ரை: பதத்³பி⁴ரபி ச த்³ருமை: ।
தஸ்யோருவேகோ³ன்மதி²தா: பாத³பா: புஷ்பஶாலின: ॥ 27 ॥
நிபேதுர்பூ⁴தலே ருக்³ணாஶ்ஶக்ராயுத⁴ஹதா இவ ।
கந்த³ராந்தரஸம்ஸ்தா²னாம் பீடி³தானாம் மஹௌஜஸாம் ॥ 28 ॥
ஸிம்ஹானாம் நினதோ³ பீ⁴மோ நபோ⁴ பி⁴ந்த³ன் ஸ ஶுஶ்ருவே ।
த்ரஸ்தவ்யாவ்ருத்தவஸனா வ்யாகுலீக்ருதபூ⁴ஷணா: ॥ 29 ॥
வித்³யாத⁴ர்ய: ஸமுத்பேதுஸ்ஸஹஸா த⁴ரணீத⁴ராத் ।
அதிப்ரமாணா ப³லினோ தீ³ப்தஜிஹ்வா மஹாவிஷா: ॥ 3௦ ॥
நிபீடி³தஶிரோக்³ரீவா வ்யசேஷ்டந்த மஹாஹய: ।
கின்னரோரக³ந்த⁴ர்வயக்ஷவித்³யாத⁴ராஸ்ததா³ ॥ 31 ॥
பீடி³தம் தம் நக³வரம் த்யக்த்வா க³க³னமாஸ்தி²தா: ।
ஸ ச பூ⁴மித⁴ர: ஶ்ரீமான்ப³லினா தேன பீடி³த: ॥ 32 ॥
ஸவ்ருக்ஷஶிக²ரோத³க்³ர: ப்ரவிவேஶ ரஸாதலம் ।
த³ஶயோஜனவிஸ்தாரஸ்த்ரிம்ஶத்³யோஜனமுச்ச்²ரித: ॥ 33 ॥
த⁴ரண்யாம் ஸமதாம் யாத: ஸ ப³பூ⁴வ த⁴ராத⁴ர: ।
ஸ லிலங்க⁴யிஷுர்பீ⁴மம் ஸலீலம் லவணார்ணவம் ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஷட்பஞ்சாஶஸ்ஸர்க:³ ॥
