ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சத்ரிம்ஶஸ்ஸர்க:³ ।
ததஶ்ஶூர்பணகா²வாக்யம் தச்ச்²ருத்வா ரோமஹர்ஷணம் ।
ஸசிவானப்⁴யனுஜ்ஞாய கார்யம் பு³த்³த்⁴வா ஜகா³ம ஹ ॥ 1 ॥
தத்கார்யமனுக³ம்யாத² யதா²வது³பலப்⁴ய ச ।
தோ³ஷாணாம் ச கு³ணானாம் ச ஸம்ப்ரதா⁴ர்ய ப³லாப³லம் ॥ 2 ॥
இதி கர்தவ்யமித்யேவ க்ருத்வா நிஶ்சயமாத்மன: ।
ஸ்தி²ரபு³த்³தி⁴ஸ்ததோ ரம்யாம் யானஶாலாம் ஜகா³ம ஹ ॥ 3 ॥
யானஶாலாம் ததோ க³த்வா ப்ரச்ச²ன்னோ ராக்ஷஸாதி⁴ப: ।
ஸூதம் ஸஞ்சோத³யாமாஸ ரத²ஸ்ஸம்யோஜ்யதாமிதி ॥ 4 ॥
ஏவமுக்த: க்ஷேணேனைவ ஸாரதி²ர்லகு⁴விக்ரம: ।
ரத²ம் ஸம்யோஜயாமாஸ தஸ்யாபி⁴மதமுத்தமம் ॥ 5 ॥
காஞ்சனம் ரத²மாஸ்தா²ய காமக³ம் ரத்னபூ⁴ஷிதம் ।
பிஶாசவத³னைர்யுக்தம் க²ரை: காஞ்சனபூ⁴ஷணை: ॥ 6 ॥
மேக⁴ப்ரதிமனாதே³ன ஸ தேன த⁴னதா³னுஜ: ।
ராக்ஷஸாதி⁴பதிஶ்ஶ்ரீமான்யயௌ நத³னதீ³பதிம் ॥ 7 ॥
ஸ ஶ்வேதவாலவ்யஜன: ஶ்வேதச்ச²த்ரோ த³ஶானந: ।
ஸ்னிக்³த⁴வைதூ³ர்யஸங்காஶ ஸ்தப்தகாஞ்சனகுண்ட³ல: ॥ 8 ॥
விம்ஶத்³பு⁴ஜோ த³ஶக்³ரீவோ த³ர்ஶனீயபரிச்ச²த:³ ।
த்ரித³ஶாரிர்முனீந்த்³ரக்⁴னோ த³ஶஶீர்ஷ இவாத்³ரிராட் ॥ 9 ॥
காமக³ம் ரத²மாஸ்தா²ய ஶுஶுபே⁴ ராக்ஷஸேஶ்வர: ।
வித்³யுன்மண்ட³லவான்மேக⁴ஸ்ஸப³லாக இவாம்ப³ரே ॥ 1௦ ॥
ஸ ஶைலம் ஸாக³ரானூபம் வீர்யவானவலோகயன் ।
நானாபுஷ்பப²லைர்வ்ருக்ஷைரனுகீர்ணம் ஸஹஸ்ரஶ: ॥ 11 ॥
ஶீதமங்க³லதோயாபி⁴: பத்³மினீபி⁴ஸ்ஸமந்தத: ।
விஶாலைராஶ்ரமபதை³ர்வேதி³மத்³பி⁴ஸ்ஸமாவ்ருதம் ॥ 12 ॥
கத³ல்யாட⁴கிஸம்பா³த⁴ம் நாரிகேலோபஶோபி⁴தம் ।
ஸாலைஸ்தாலைஸ்தமாலைஶ்ச புஷ்பிதைஸ்தருபி⁴ர்வ்ருதம் ॥ 13 ॥
நாகை³ஸ்ஸுபர்ணைர்க³ந்தை⁴ர்வை: கின்னரைஶ்ச ஸஹஸ்ரஶ: ।
அஜைர்வைகா²னஸைர்மாஷைர்வாலகி²ல்யைர்மரீசிபை: ॥ 14 ॥
அத்யந்தனியதாஹாரைஶ்ஶோபி⁴தம் பரமர்ஷிபி⁴: ।
ஜிதகாமைஶ்ச ஸித்³தை⁴ஶ்ச சாரணைருபஶோபி⁴தம் ॥ 15 ॥
தி³வ்யாப⁴ரணமால்யாபி⁴ர்தி³வ்யரூபாபி⁴ராவ்ருதம் ।
க்ரீடா³ரதிவிதி⁴ஜ்ஞாபி⁴ரப்ஸரோபி⁴ஸ்ஸஹஸ்ரஶ: ॥ 16 ॥
ஸேவிதம் தே³வபந்தீபி⁴ஶ்ஶ்ரீமதீபி⁴ஶ்ஶ்ரியாவ்ருதம் ।
தே³வதா³னவஸங்கை⁴ஶ்ச சரிதம் த்வம்ருதாஶிபி⁴: ॥ 17 ॥
ஹம்ஸக்ரௌஞ்சப்லவாகீர்ணம் ஸாரஸைஸ்ஸம்ப்ரணாதி³தம் ।
வைடூ⁴ர்யப்ரஸ்தரம் ரம்யம் ஸ்னிக்³த⁴ம் ஸாக³ரதேஜஸா ॥ 18 ॥
பாண்டு³ராணி விஶாலானி தி³வ்யமால்யயுதானி ச ।
தூர்யகீ³தாபி⁴ஜுஷ்டானி விமானானி ஸமந்தத: ॥ 19 ॥
தபஸா ஜிதலோகானாம் காமகா³ன்யபி⁴ஸம்பதன் ।
க³ந்த⁴ர்வாப்ஸரஸஶ்சைவ த³த³ர்ஶ த⁴னதா³னுஜ: ॥ 2௦ ॥
நிர்யாஸரஸமூலானாம் சந்த³னானாம் ஸஹஸ்ரஶ: ।
வனானி பஶ்யன்ஸௌம்யானி க்⁴ராணத்ருப்திகராணி ச ॥ 21 ॥
அக³ரூணாம் ச முக்²யானாம் வனான்யுபவனானி ச ।
தக்கோலானாம் ச ஜாத்யானாம் ப²லானாம் ச ஸுக³ந்தி⁴னாம் ॥ 22 ॥
புஷ்பாணி ச தமாலஸ்ய கு³ல்மானி மரிசஸ்ய ச ।
முக்தானாம் ச ஸமூஹானி ஶுஷ்யமாணானி தீரத: ॥ 23 ॥
ஶங்கா²னாம் ப்ரஸரம் சைவ ப்ரவாலனிசயம் ததா² ।
காஞ்சனானி ச ஶைலானி ராஜதானி ச ஸர்வஶ: ॥ 24 ॥
ப்ரஸ்ரவாணி மனோஜ்ஞானி ப்ரஸன்னானி ஹ்ரதா³னி ச ।
த⁴னதா⁴ன்யோபபன்னானி ஸ்த்ரீரத்னைஶ்ஶோபி⁴தானி ச ॥ 25 ॥
ஹஸ்த்யஶ்வரத²கா³டா⁴னி நக³ராண்யவலோகயன் ।
தம் ஸமம் ஸர்வதஸ்னிக்³த⁴ம் ம்ருது³ஸம்ஸ்பர்ஶமாருதம் ।
அனூபம் ஸிந்து⁴ராஜஸ்ய த³த³ர்ஶ த்ரிதி³வோபமம் ॥ 26 ॥
தத்ராபஶ்யத்ஸ மேகா⁴ப⁴ம் ந்யக்³ரோத⁴ம்ருஷிபி⁴ர்வ்ருதம் ॥ 27 ॥
ஸமந்தாத்³யஸ்ய தாஶ்ஶாகா²ஶ்ஶதயோஜனமாயதா: ।
யஸ்ய ஹஸ்தினமாதா³ய மஹாகாயம் ச கச்ச²பம் ॥ 28 ॥
ப⁴க்ஷார்த²ம் க³ருட³ஶ்ஶாகா²மாஜகா³ம மஹாப³ல: ।
தஸ்ய தாம் ஸஹஸா ஶாகா²ம் பா⁴ரேண பதகோ³த்தம: ॥ 29 ॥
ஸுபர்ண: பர்ணப³ஹுலாம் ப³ப⁴ஞ்ஜ ச மஹாப³ல: ।
தத்ர வைகா²னஸா மாஷா வாலகி²ல்யா மரீசிபா: ॥ 3௦ ॥
அஜா ப³பூ⁴வுர்தூ⁴ம்ராஶ்ச ஸங்க³தா: பரமர்ஷய: ।
தேஷாம் த³யார்த²ம் க³ருட³ஸ்தாம் ஶாகா²ம் ஶதயோஜனாம் ॥ 31 ॥
ஜகா³மாதா³ய வேகே³ன தௌ சோபௌ⁴ கஜ³கச்ச²பௌ ।
ஏகபாதே³ன த⁴ர்மாத்மா ப⁴க்ஷயித்வா ததா³மிஷம் ॥ 32 ॥
நிஷாத³விஷயம் ஹத்வா ஶாக²யா பதகோ³த்தம: ।
ப்ரஹர்ஷமதுலம் லேபே⁴ மோக்ஷயித்வா மஹாமுனீன் ॥ 33 ॥
ஸ தேனைவ ப்ரஹர்ஷேண த்³விகு³ணீக்ருதவிக்ரம: ।
அம்ருதானயனார்த²ம் வை சகார மதிமான்மதிம் ॥ 34 ॥
அயோஜாலானி நிர்மத்²ய பி⁴த்வா ரத்னமயம் க்³ருஹம் ।
மஹேந்த்³ரப⁴வனாத்³கு³ப்தமாஜஹாராம்ருதம் தத: ॥ 35 ॥
தம் மஹர்ஷிக³ணைர்ஜுஷ்டம் ஸுபர்ணக்ருதலக்ஷணம் ।
நாம்னா ஸுப⁴த்³ரம் ந்யக்³ரோத⁴ம் த³த³ர்ஶ த⁴னதா³னுஜ: ॥ 36 ॥
தம் து க³த்வா பரம் பாரம் ஸமுத்³ரஸ்ய நதீ³பதே: ।
த³த³ர்ஶாஶ்ரமமேகாந்தே ரம்யே புண்யே வனாந்தரே ॥ 37 ॥
தத்ர க்ருஷ்ணாஜினத⁴ரம் ஜடாவல்கலதா⁴ரிணம் ।
த³த³ர்ஶ நியதாஹாரம் மாரீசம் நாம ராக்ஷஸாம் ॥ 38 ॥
ஸ ராவணஸ்ஸமாக³ம்ய விதி⁴வத்தேன ரக்ஷஸா ।
மாரீசேனார்சிதோ ராஜா ஸர்வகாமைரமானுஷை: ॥ 39 ॥
தம் ஸ்வயம் பூஜயித்வா து போ⁴ஜனேனோத³கேன ச ।
அர்தோ²பஹிதயா வாசா மாரீசோ வாக்யமப்³ரவீத் ॥ 4௦ ॥
கச்சித்ஸுகுஶலம் ராஜன்லங்காயாம் ராக்ஷஸேஶ்வர ।
கேனார்தே²ன புனஸ்த்வம் வை தூர்ணமேவமிஹாக³த: ॥ 41 ॥
ஏவமுக்தோ மஹாதேஜா மாரீசேன ஸ ராவண: ।
தத: பஶ்சாதி³த³ம் வாக்யமப்³ரவீத்³வாக்யகோவித:³ ॥ 42 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சத்ரிம்ஶஸ்ஸர்க:³ ॥
