ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சத³ஶஸ்ஸர்க:³ ।
தத: பஞ்சவடீம் க³த்வா நானாவ்யாலம்ருகா³யுதாம் ।
உவாச ப்⁴ராதரம் ராமஸ்ஸௌமித்ரிம் தீ³ப்ததேஜஸம் ॥ 1 ॥
ஆக³தா: ஸ்ம யதோ²த்³தி³ஷ்டமமும் தே³ஶம் மஹர்ஷிணா ।
அயம் பஞ்சவடீதே³ஶஸ்ஸௌம்ய புஷ்பிதபாத³ப: ॥ 2 ॥
ஸர்வதஶ்சார்யதாம் த்³ருஷ்டி: கானநே நிபுணோஹ்யஸி ।
ஆஶ்ரம: கதரஸ்மின்னோ தே³ஶே ப⁴வதி ஸம்மத: ॥ 3 ॥
ரமதே யத்ர வைதே³ஹீ த்வமஹம் சைவ லக்ஷ்மண ।
தாத்³ருஶோ த்³ருஶ்யதாம் தே³ஶஸ்ஸன்னிக்ருஷ்டஜலாஶய: ॥ 4 ॥
வனராமண்யகம் யத்ர ஸ்த²லராமண்யகம் ததா² ।
ஸன்னிக்ருஷ்டம் ச யத்ர ஸ்யாத்ஸமித்புஷ்பகுஶோத³கம் ॥ 5 ॥
ஏவமுக்தஸ்து ராமேண லக்ஷ்மண ஸம்யதாஞ்ஜலி: ।
ஸீதாஸமக்ஷம் காகுத்ஸ்த²மித³ம் வசனமப்³ரவீத் ॥ 6 ॥
பரவானஸ்மி காகுத்ஸ்த² த்வயி வர்ஷஶதம் ஸ்தி²தே ।
ஸ்வயம் து ருசிரே தே³ஶே க்ரியதாமிதி மாம் வத³ ॥ 7 ॥
ஸுப்ரீதஸ்தேன வாக்யேன லக்ஷ்மணஸ்ய மஹாத்மன: ।
விம்ருஶன்ரோசயாமாஸ தே³ஶம் ஸர்வகு³ணான்விதம் ॥ 8 ॥
ஸ தம் ருசிரமாக்ரம்ய தே³ஶமாஶ்ரமகர்மணி ।
ஹஸ்தௌ க்³ருஹீத்வா ஹஸ்தேன ராமஸ்ஸௌமித்ரிமப்³ரவீத் ॥ 9 ॥
அயம் தே³ஶஸ்ஸமஶ்ரீமான் புஷ்பிதைஸ்தருபி⁴ர்வ்ருத: ।
இஹாஶ்ரமபத³ம் ஸௌம்ய யதா²வத்கர்துமர்ஹஸி ॥ 1௦ ॥
இயமாதி³த்யஸங்காஶை: பத்³மைஸ்ஸுரபி⁴க³ந்தி⁴பி⁴: ।
அதூ³ரே த்³ருஶ்யதே ரம்யா பத்³மினீ பத்³மஶோபி⁴தா ॥ 11 ॥
யதா²தக்²யாதமக³ஸ்த்யேன முனினா பா⁴விதாத்மனா ।
இயம் கோ³தா³வரீ ரம்யா புஷ்பிதைஸ்தருபி⁴ர்வ்ருதா ॥ 12 ॥
ஹம்ஸகாரண்ட³வாகீர்ணா சக்ரவாகோபஶோபி⁴தா ।
நாதிதூ³ரே ந சாஸன்னே ம்ருக³யூத²பிபீடி³தா: ॥ 13 ॥
மயூரனாதி³தா ரம்யா: ப்ராம்ஶவோ ப³ஹுகந்த³ரா: ।
த்³ருஶ்யந்தே கி³ரய: ஸௌம்ய பு²ல்லைஸ்தருபி⁴ராவ்ருதா: ॥ 14 ॥
ஸௌவர்ணைராஜதைஸ்தாம்ரைர்தே³ஶே தே³ஶே ச தா⁴துபி⁴: ।
க³வாக்ஷிதா இவாபா⁴ந்தி கஜ³ா: பரமப⁴க்திபி⁴: ॥ 15 ॥
ஸாலைஸ்தாலைஸ்தமாலைஶ்ச க²ர்ஜூரபனஸாம்ரகை: ।
நீவாரைஸ்திமிஶைஶ்சைவ புன்னாகை³ஶ்சோபஶோபி⁴தா: ॥ 16 ॥
சூதைரஶோகைஸ்திலகைஶ்சம்பகை: கேதகைரபி ।
புஷ்பகு³ல்மலதோபேதைஸ்தைஸ்தைஸ்தருபி⁴ராவ்ருதா: ॥ 17 ॥
சந்த³னைஸ்பந்த³னைர்னீபை: பர்ணாஸைர்லிகுசைரபி ।
த⁴வாஶ்வகர்ணக²தி³ரை: ஶமீகிம்ஶுகபாடலை: ॥ 18 ॥
இத³ம் புண்யமித³ம் மேத்⁴யமித³ம் ப³ஹும்ருக³த்³விஜம் ।
இஹ வத்ஸ்யாம ஸௌமித்ரே ஸார்த⁴மேதேன பக்ஷிணா ॥ 19 ॥
ஏவமுக்தஸ்து ராமேண லக்ஷ்மண: பரவீரஹா ।
அசிரேணாஶ்ரமம் ப்⁴ராதுஶ்சகார ஸுமஹாப³ல: ॥ 2௦ ॥
பர்ணஶாலாம் ஸுவிபுலாம் தத்ர ஸங்கா²தம்ருத்திகாம் ।
ஸுஸ்தம்பா⁴ம் மஸ்கரைர்தீ³ர்கை⁴: க்ருதவம்ஶாம் ஸுஶோப⁴னாம் ॥ 21 ॥
ஶமீஶாகா²பி⁴ராஸ்தீர்ய த்³ருட⁴பாஶாவபாஶிதாம் ।
குஶகாஶஶரை: பர்ணைஸ்ஸுபரிச்சா²தி³தாம் ததா² ॥ 22 ॥
ஸமீக்ருததலாம் ரம்யாம் சகார லகு⁴விக்ரம: ।
நிவாஸம் ராக⁴வஸ்யார்தே² ப்ரேக்ஷணீயமனுத்தமம் ॥ 23 ॥
ஸஹஸா லக்ஷ்மண: ஶ்ரீமான் நதீ³ம் கோ³தா³வரீம் ததா³ ।
ஸ்னாத்வா பத்³மானி சாதா³ய ஸப²ல: புனராக³த: ॥ 24 ॥
தத: புஷ்பப³லிம் க்ருத்வா ஶாந்திம் ச ஸ யதா²விதி⁴ ।
த³ர்ஶயாமாஸ ராமாய ததா³ஶ்ரமபத³ம் க்ருதம் ॥ 25 ॥
ஸ தம் த்³ருஷ்ட்வா க்ருதம் ஸௌம்யமாஶ்ரமம் ஸீதயா ஸஹ ।
ராக⁴வ: பர்ணஶாலாயாம் ஹர்ஷமாஹாரயத்பரம் ॥ 26 ॥
ஸுஸம்ஹ்ருஷ்ட: பரிஷ்வஜ்ய பா³ஹுப்⁴யாம் லக்ஷ்மணம் ததா³ ।
அதிஸ்னிக்³த⁴ம் ச கா³ட⁴ம் ச வசனம் சேத³மப்³ரவீத் ॥ 27 ॥
ப்ரீதோஸ்மி தே மஹத்கர்ம த்வயா க்ருதமித³ம் ப்ரபோ⁴ ।
ப்ரதே³யோ யன்னிமித்தம் தே பரிஷ்வங்கோ³ மயா க்ருத: ॥ 28 ॥
பா⁴வஜ்ஞேன க்ருதஜ்ஞேன த⁴ர்மஜ்ஞேன ச லக்ஷ்மண ।
த்வயா புத்ரேண த⁴ர்மாத்மா ந ஸம்வ்ருத்த: பிதா மம ॥ 29 ॥
ஏவம் லக்ஷ்மணமுக்த்வா து ராக⁴வோ லக்ஷ்மிவர்த⁴ன: ।
தஸ்மின் தே³ஶே ப³ஹுப²லே ந்யவஸத்ஸுஸுக²ம் வஶீ ॥ 3௦ ॥
கஞ்சித்காலம் ஸ த⁴ர்மாத்மா ஸீதயா லக்ஷ்மணேன ச ।
அன்வாஸ்யமானோ ந்யவஸத்ஸ்வர்க³லோகே யதா²மர: ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சத³ஶஸ்ஸர்க:³ ॥
