ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகசத்வாரிம்ஶஸ்ஸர்க:³ ।
தத: ப்ரஸ்தா²ப்ய ஸுக்³ரீவஸ்தன்மஹத்³வானரம் ப³லம் ।
த³க்ஷிணாம் ப்ரேஷயாமாஸ வானரானபி⁴லக்ஷிதான் ॥ 1 ॥
நீல மக்³னிஸுதம் சைவ ஹனுமந்தம் ச வானரம் ।
பிதாமஹஸுதம் சைவ ஜாம்ப³வந்தம் மஹாப³லம் ॥ 2 ॥
ஸுஹோத்ரம் ச ஶராரிம் ச ஶரகு³ல்மம் ததை²வ ச ।
கஜ³ம் க³வாக்ஷம் க³வயம் ஸுஷேணம்ருஷப⁴ம் ததா² ॥ 3 ॥
மைந்த³ம் ச த்³விவித³ம் சைவ விஜயம் க³ந்த⁴மாத³னம் ।
உல்காமுக²மஸங்க³ம் ச ஹுதாஶனஸுதாவுபௌ⁴ ॥ 4 ॥
அங்க³த³ப்ரமுகா²ன்வீரான்வீர: கபிக³ணேஶ்வர: ।
வேக³விக்ரமஸம்பன்னான்ஸந்தி³தே³ஶ விஶேஷவித் ॥ 5 ॥
தேஷாமக்³ரேஸரம் சைவ மஹாப³லமதா²ங்க³த³ம் ।
விதா⁴ய ஹரிவீராணாமாதி³ஶத்³த³க்ஷிணாம் தி³ஶம் ॥ 6 ॥
யே கேசன ஸமுத்³தே³ஶாஸ்தஸ்யாம் தி³ஶி ஸுது³ர்க³மா: ।
கபீஶ: கபிமுக்²யானாம் ஸ தேஷாம் தானுதா³ஹரத் ॥ 7 ॥
ஸஹஸ்ரஶிரஸம் விந்த்⁴யம் நானாத்³ருமலதாயுதம் ।
நர்மதா³ம் ச நதீ³ம் ரம்யாம் மஹோரக³னிஷேவிதாம் ॥ 8 ॥
ததோ கோ³தா³வரீம் ரம்யாம் க்ருஷ்ணவேணீம் மஹானதீ³ம் ।
வரதா³ம் ச மஹாபா⁴கா³ம் மஹோரக³னிஷேவிதாம் ॥ 9 ॥
மேக²லாமுத்கலாம் சைவ த³ஶார்ணனக³ராண்யபி ।
ஆஶ்வவந்தீமவந்தீம் ச ஸர்வாமேவானுபஶ்யத ॥ 1௦ ॥
வித³ர்பா⁴ன்ருஷிகாம்ஶ்சைவ ரம்யான்மாஹிஷகானபி ।
ததா² வங்கா³ன்கலிங்கா³ம்ஶ்ச கௌஶிகாம்ஶ்ச ஸமந்தத: ॥ 11 ॥
அன்வீக்ஷ்ய த³ண்ட³காரண்யம் ஸபர்வதனதீ³கு³ஹாம் ।
நதீ³ம் கோ³தா³வரீம் சைவ ஸர்வமேவானுபஶ்யத ॥ 12 ॥
ததை²வாந்த்⁴ராம்ஶ்ச புண்ட்³ராம்ஶ்ச சோலான்பாண்ட்³யாந்த்ஸ கேரலான் ।
அயோமுக²ஶ்ச க³ந்தவ்ய: பர்வதோ தா⁴துமண்டி³த: ॥ 13 ॥
விசித்ரஶிக²ர ஶ்ஶ்ரீமாம்ஶ்சித்ரபுஷ்பிதகானந: ।
ஸசந்த³னவனோத்³தே³ஶோ மார்கி³தவ்யோ மஹாகி³ரி: ॥ 14 ॥
ததஸ்தாமாபகா³ம் தி³வ்யாம் ப்ரஸன்னஸலிலாம் ஶிவாம் ।
தத்ர த்³ரக்ஷ்யத² காவேரீம் விஹிதாமப்ஸரோக³ணை: ॥ 15 ॥
தஸ்யாஸீனம் நக³ஸ்யாக்³ரே மலயஸ்ய மஹௌஜஸம் ।
த்³ரக்ஷ்யதா²தி³த்யஸங்காஶமக³ஸ்த்யம்ருஷிஸத்தமம் ॥ 16 ॥
ததஸ்தேனாப்⁴யனுஜ்ஞாதா: ப்ரஸன்னேன மஹாத்மனா ।
தாம்ரபர்ணீம் க்³ராஹஜுஷ்டாம் தரிஷ்யத² மஹானதீ³ம் ॥ 17 ॥
ஸா சந்த³னவனைர்தி³வ்யை ப்ரச்ச²ன்னா த்³வீபஶாலினீ ।
காந்தேவ யுவதி: காந்தாம் ஸமுத்³ரமவகா³ஹதே ॥ 18 ॥
ததோ ஹேமமயம் தி³வ்யம் முக்தாமணிவிபூ⁴ஷிதம் ।
யுக்தம் கவாடம் பாண்ட்³யானாம் க³தா த்³ரக்ஷ்யத² வானரா: ॥ 19 ॥
ததஸ்ஸமுத்³ரமாஸாத்³ய ஸம்ப்ரதா⁴ர்யார்த²னிஶ்சயம் ।
அக³ஸ்த்யேனாந்தரே தத்ர ஸாக³ரே வினிவேஶித: ॥ 2௦ ॥
சித்ரனானானக:³ ஶ்ரீமான்மஹேந்த்³ர: பர்வதோத்தம: ।
ஜாதரூபமய: ஶ்ரீமானவகா³டோ⁴ மஹார்ணவம் ॥ 21 ॥
நானாவிதை⁴ர்னகை³ ஸ்ஸர்வைலதாபி⁴ஶ்சோபஶோபி⁴தம் ।
தே³வர்ஷியக்ஷப்ரவரைரப்ஸரோபி⁴ஶ்ச ஸேவிதம் ॥ 22 ॥
ஸித்³த⁴சாரணஸங்கை⁴ஶ்ச ப்ரகீர்ணம் ஸமனோரமம் ।
தமுபைதி ஸஹஸ்ராக்ஷ: ஸதா³ பர்வஸு பர்வஸு ॥ 23 ॥
த்³வீபஸ்தஸ்யாபரே பாரே ஶதயோஜனமாயத: ।
அக³ம்யோ மானுஷைர்தீ³ப்தஸ்தம் மார்க³த்⁴வம் ஸமந்தத: ॥ 24 ॥
தத்ர ஸர்வாத்மனா ஸீதா மார்கி³தவ்யா விஶேஷத: ।
ஸ ஹி தே³ஶஸ்து வத்⁴யஸ்ய ராவணஸ்ய து³ராத்மன: ॥ 25 ॥
ராக்ஷஸாதி⁴பதேர்வாஸஸ்ஸஹஸ்ராக்ஷஸமத்³யுதே: ।
த³க்ஷிணஸ்ய ஸமுத்³ரஸ்ய மத்⁴யே தஸ்ய து ராக்ஷஸீ ॥ 26 ॥
அங்கா³ரகேதி விக்²யாதா சா²யாமாக்ருஷ்ய போ⁴ஜினீ ।
ஏவம் நிஸ்ஸம்ஶயான்க்ருத்வா ஸம்ஶயான்னஷ்டஸம்ஶயா: ॥ 27 ॥
ம்ருக³யத்⁴வம் நரேந்த்³ரஸ்ய பத்னீமமிததேஜஸ: ।
தமதிக்ரம்ய லக்ஷ்மீவான்ஸமுத்³ரே ஶதயோஜனே ॥ 28 ॥
கி³ரி: புஷ்பிதகோ நாம ஸித்³த⁴சாரணஸேவித: ।
சந்த்³ரஸூர்யாம்ஶுஸங்காஶஸ்ஸாக³ராம்பு³ஸமாவ்ருத: ॥ 29 ॥
ப்⁴ராஜதே விபுலைஶ்ஶ்ருங்கை³ரம்ப³ரம் விலிக²ன்னிவ ।
தஸ்யைகம் காஞ்சனம் ஶ்ருங்க³ம் ஸேவதேயம் தி³வாகர: ॥ 3௦ ॥
ஶ்வேதம் ராஜதமேகம் ச ஸேவதேயம் நிஶாகர: ।
ந தம் க்ருதக்⁴னா: பஶ்யந்தி ந ந்ருஶம்ஸா ந நாஸ்திகா: ॥ 31 ॥
ப்ரணம்ய ஶிரஸா ஶைலம் தம் விமார்க³த வானரா: ।
தமதிக்ரம்ய து³ர்த⁴ர்ஷ ஸ்ஸூர்யவான்னாம பர்வத: ॥ 32 ॥
அத்⁴வனா து³ர்விகா³ஹேன யோஜனானி சதுர்த³ஶ ।
ததஸ்தமப்யதிக்ரம்ய வைத்³யுதோ நாம பர்வத: ॥ 33 ॥
ஸர்வகாமப²லைர்வ்ருக்ஷை ஸ்ஸர்வகாலமனோஹரை: ।
தத்ர பு⁴க்த்வா வரார்ஹாணி மூலானி ச ப²லானி ச ॥ 34 ॥
மதூ⁴னி பீத்வா முக்²யானி பரம் க³ச்ச²த வானரா: ।
தத்ர நேத்ரமன:காந்த: குஞ்ஜரோ நாம பர்வத: ॥ 35 ॥
அக³ஸ்த்யப⁴வனம் யத்ர நிர்மிதம் விஶ்வகர்மணா ।
தத்ர யோஜனவிஸ்தாரமுச்ச்²ரிதம் த³ஶயோஜனம் ॥ 36 ॥
ஶரணம் காஞ்சனம் தி³வ்யம் நானாரத்னவிபூ⁴ஷிதம் ।
தத்ர போ⁴க³வதீ நாம ஸர்பாணாமாலய: புரீ ॥ 37 ॥
விஶாலகக்ஷ்யா து³ர்த⁴ர்ஷா ஸர்வத: பரிரக்ஷிதா ।
ரக்ஷிதா பன்னகை³ர்கோ⁴ரைஸ்தீக்ஷ்ணத³ஷ்ட்ரைரைர்மஹாவிஷை: ॥ 38 ॥
ஸர்பராஜோ மஹாப்ராஜ்ஞோ யஸ்யாம் வஸதி வாஸுகி: ।
நிர்யாய மார்கி³தவ்யா ச ஸா ச போ⁴க³வதீ புரீ ॥ 39 ॥
தத்ர சானந்தரா தே³ஶா யே கேசன ஸுஸம்வ்ருதா: ।
தம் ச தே³ஶமதிக்ரம்ய மஹான்ருஷப⁴ஸம்ஸ்தி²த: ॥ 4௦ ॥
ஸர்வரத்னமய: ஶ்ரீமான் ருஷபோ⁴ நாம பர்வத: ।
கோ³ஶீர்ஷகம் பத்³மகம் ச ஹரிஶ்யாமம் ச சந்த³னம் ॥ 41 ॥
தி³வ்யமுத்பத்³யதே யத்ர தச்சைவாக்³னிஸமப்ரப⁴ம் ।
ந து தச்சந்த³னம் த்³ருஷ்டவா ஸ்ப்ரஷ்டவ்யம் ச கதா³சன ॥ 42 ॥
ரோஹிதா நாம க³ந்த⁴ர்வா கோ⁴ரா ரக்ஷந்தி தத்³வனம் ।
தத்ர க³ந்த⁴ர்வபதய: பஞ்ச ஸூர்யஸமப்ரபா⁴: ॥ 43 ॥
ஶைலூஷோ க்³ராமணீ ஶ்ஶிக்³ரு ஶ்ஶுப்⁴ரோ ப³ப்⁴ருஸ்ததை²வ ச ।
ரவிஸோமாக்³னிவபுஷாம் நிவாஸ: புண்யகர்மணாம் ॥ 44 ॥
அந்தே ப்ருதி²வ்யா து³ர்த⁴ர்ஷாஸ்தத்ர ஸ்வர்கஜ³ித: ஸ்தி²தா: ।
தத: பரம் ந வஸ்ஸேவ்ய: பித்ருலோக ஸ்ஸுதா³ருண: ॥ 45 ॥
ராஜதா⁴னீ யமஸ்யைஷா கஷ்டேன தமஸா வ்ருதா ।
ஏதாவதே³வ யுஷ்மாபி⁴ர்வீரா வானரபுங்க³வா: ॥ 46 ॥
ஶக்யம் விசேதும் க³ந்தும் வா நாதோ க³திமதாம் க³தி: ।
ஸர்வமேதத்ஸமாலோக்ய யச்சான்யத³பி த்³ருஶ்யதே ॥ 47 ॥
க³திம் விதி³த்வா வைதே³ஹ்யா ஸ்ஸன்னிவர்திதுமர்ஹத² ।
யஸ்து மாஸான்னிவ்ருத்தோக்³ரே த்³ருஷ்டா ஸீதேதி வக்ஷ்யதி ॥ 48 ॥
மத்துல்யவிப⁴வோ போ⁴கை³ ஸ்ஸுக²ம் ஸ விஹரிஷ்யதி ।
தத: ப்ரியதரோ நாஸ்தி மம ப்ராணாத்³விஶேஷத: ॥ 49 ॥
க்ருதாபராதோ⁴ ப³ஹுஶோ மம ப³ந்து⁴ர்ப⁴விஷ்யதி ।
அமிதப³லபராக்ரமா ப⁴வந்தோ விபுலகு³ணேஷு குலேஷு ச ப்ரஸூதா: ।
மனுஜபதிஸுதாம் யதா² லப⁴த்⁴வம் தத³தி⁴கு³ணம் புருஷார்த²மாரப⁴த்⁴வம் ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகசத்வாரிம்ஶஸ்ஸர்க:³ ॥
