ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஸப்தவிம்ஶஸ்ஸர்க:³ ।
அபி⁴ஷிக்தே து ஸுக்³ரீவே ப்ரவிஷ்டே வானரே கு³ஹாம் ।
ஆஜகா³ம ஸஹ ப்⁴ராத்ரா ராம: ப்ரஸ்ரவணம் கி³ரிம் ॥ 1 ॥
ஶார்தூ³லம்ருக³ஸங்கு⁴ஷ்டம் ஸிம்ஹைர்பீ⁴மரவைர்வ்ருதம் ।
நானாகு³ல்மலதாகூ³ட⁴ம் ப³ஹுபாத³பஸங்குலம் ॥ 2 ॥
ருக்ஷவானரகோ³புச்சை²ர்மார்ஜாரைஶ்ச நிஷேவிதம் ।
மேக⁴ராஶினிப⁴ம் ஶைலம் நித்யம் ஶுசிஜலாஶயம் ॥ 3 ॥
தஸ்ய ஶைலஸ்ய ஶிக²ரே மஹதீமாயதாம் கு³ஹாம் ।
ப்ரத்யக்³ருஹ்ணத வாஸார்த²ம் ராமஸ்ஸௌமித்ரிணா ஸஹ ॥ 4 ॥
க்ருத்வா ச ஸமயம் ராமஸ்ஸுக்³ரீவேண ஸஹானக:⁴ ।
காலயுக்தம் மஹத்³வாக்யமுவாச ரகு⁴னந்த³ன: ॥ 5 ॥
வினீதம் ப்⁴ராதரம் ப்⁴ராதா லக்ஷ்மணம் லக்ஷ்மிவர்த⁴னம் ।
இயம் கி³ரிகு³ஹா ரம்யா விஶாலா யுக்தமாருதா ।
அஸ்யாம் வத்ஸ்யாம ஸௌமித்ரே வர்ஷராத்ரமரிந்த³ம ॥ 6 ॥
கி³ரிஶ்ருங்க³மித³ம் ரம்யமுன்னதம் பார்தி²வாத்மஜ ॥ 7 ॥
ஶ்வேதாபி⁴: க்ருஷ்ணதாம்ராபி⁴ஶ்ஶிலாபி⁴ருபஶோபி⁴தம் ।
நானாதா⁴துஸமாகீர்ணம் த³ரீனிர்ஜ²ரஶோபி⁴தம் ॥ 8 ॥
விவிதை⁴ர்வ்ருக்ஷஷண்டை³ஶ்ச சாருசித்ரலதாயுதம் ।
நானாவிஹக³ஸங்கு⁴ஷ்டம் மயூரரவனாதி³தம் ॥ 9 ॥
மாலதீகுந்த³கு³ல்மைஶ்ச ஸிந்து⁴வாரைஶ்ஶிரீஷகை: ।
கத³ம்பா³ர்ஜுனஸர்ஜைஶ்ச புஷ்பிதைருபஶோபி⁴தம் ॥ 1௦ ॥
இயம் ச நலினீ ரம்யா பு²ல்லபங்கஜமண்டி³தா ।
நாதிதூ³ரே கு³ஹாயானௌ ப⁴விஷ்யதி ந்ருபாத்மஜ ॥ 11 ॥
ப்ராகு³த³க்ப்ரவணே தே³ஶே கு³ஹா ஸாது⁴ ப⁴விஷ்யதி ।
பஶ்சாச்சைவோன்னதா ஸௌம்ய நிவாதேயம் ப⁴விஷ்யதி ॥ 12 ॥
கு³ஹாத்³வாரே ச ஸௌமித்ரே ஶிலா ஸமதலா ஶுபா⁴ ।
ஶ்லக்ஷ்ணா சைவாயதா சைவ பி⁴ன்னாஞ்ஜனசயோபமா ॥ 13 ॥
கி³ரிஶ்ருங்க³மித³ம் தாத பஶ்ய சோத்தரத: ஶுப⁴ம் ।
பி⁴ன்னாஞ்ஜனசயாகாரமம்போ⁴த⁴ரமிவோத்தி²தம் ॥ 14 ॥
த³க்ஷிணஸ்யாமபி தி³ஶி ஸ்தி²தம் ஶ்வேதமிவாபரம் ।
கைலாஸஶிக²ரப்ரக்²யம் நானாதா⁴துவிபூ⁴ஷிதம் ॥ 15 ॥
ப்ராசீனவாஹினீம் சைவ நதீ³ம் ப்⁴ருஶமகர்த³மாம் ।
கு³ஹாயா: பூர்வத: பஶ்ய த்ரிகூடே ஜாஹ்னவீமிவ ॥ 16 ॥
சந்த³னைஸ்திலகைஸ்தாலைஸ்தமாலைரதிமுக்தகை: ।
பத்³மகை: ஸரலைஶ்சைவ அஶோகைஶ்சைவ ஶோபி⁴தாம் ॥ 17 ॥
வானீரைஸ்திமிஶைஶ்சைவ வகுலை: கேதகைர்த⁴வை: ।
ஹிந்தாலைஸ்தினிஶைர்னீபைர்வேத்ரகை: க்ருதமாலகை: ॥ 18 ॥
தீரஜைஶ்ஶோபி⁴தா பா⁴தி நானாரூபை ஸ்ததஸ்தத: ।
வஸனாப⁴ரணோபேதா ப்ரமதே³வாப்⁴யலங்க்ருதா ॥ 19 ॥
ஶதஶ: பக்ஷிஸங்கை⁴ஶ்ச நானானாதை³ர்வினாதி³தா ।
ஏகைகமனுரக்தைஶ்ச சக்ரவாகைரலங்க்ருதா ॥ 2௦ ॥
புலினைரதிரம்யைஶ்ச ஹம்ஸஸாரஸஸேவிதை: ।
ப்ரஹஸந்தீவபா⁴த்யேஷா நாரீ ஸர்வவிபூ⁴ஷிதா ॥ 21 ॥
க்வசின்னீலோத்பலைஶ்ச²ன்னா பா⁴தி ரக்தோத்பலை: க்வசித் ।
க்வசிதா³பா⁴தி ஶுக்லைஶ்ச தி³வ்யை: குமுத³குட்மலை: ॥ 22 ॥
பாரிப்லவஶதைர்ஜுஷ்டா ப³ர்ஹிக்ரௌஞ்சவினாதி³தா ।
ரமணீயா நதீ³ ஸௌம்ய முனிஸங்கை⁴ர்னிஷேவிதா ॥ 23 ॥
பஶ்ய சந்த³னவ்ருக்ஷாணாம் பங்க்தீஸ்ஸுரசிதா இவ ।
ககுபா⁴னாம் ச த்³ருஶ்யந்தே மனஸேவோதி³தாஸ்ஸமம் ॥ 24 ॥
அஹோ ஸுரமணீயோயம் தே³ஶஶ்ஶத்ருனிஷூத³ன ।
த்³ருட⁴ம் ரம்ஸ்யாவ ஸௌமித்ரே ஸாத்⁴வத்ர நிவஸாவஹை ॥ 25 ॥
இதஶ்ச நாதிதூ³ரே ஸா கிஷ்கிந்தா⁴ சித்ரகானநா ।
ஸுக்³ரீவஸ்ய புரீ ரம்யா ப⁴விஷ்யதி ந்ருபாத்மஜ ॥ 26 ॥
கீ³தவாதி³த்ரனிர்கோ⁴ஷஶ்ஶ்ரூயதே ஜயதாம் வர ।
நர்த³தாம் வானராணாம் ச ம்ருத³ங்கா³ட³ம்ப³ரை ஸ்ஸஹ ॥ 27 ॥
லப்³த்⁴வா பா⁴ர்யாம் கபிவர: ப்ராப்ய ராஜ்யம் ஸுஹ்ருத்³வ்ருத: ।
த்⁴ருவம் நந்த³தி ஸுக்³ரீவஸ்ஸம்ப்ராப்ய மஹதீம் ஶ்ரியம் ॥ 28 ॥
இத்யுக்த்வா ந்யவஸத்தத்ர ராக⁴வஸ்ஸஹலக்ஷ்மண: ।
ப³ஹுத்³ருஶ்யத³ரீகுஞ்ஜே தஸ்மின்ப்ரஸ்ரவணே கி³ரௌ ॥ 29 ॥
ஸுஸுகே²பி ப³ஹுத்³ரவ்யே தஸ்மின்ஹி த⁴ரணீத⁴ரே ।
வஸதஸ்தஸ்ய ராமஸ்ய ரதிரல்பாபினா ப⁴வேத் ॥ 3௦ ॥
ஹ்ருதாம் ஹி பா⁴ர்யாம் ஸ்மரத: ப்ராணேப்⁴யோபி க³ரீயஸீம் ।
உத³யாப்⁴யுதி³தம் த்³ருஷ்ட்வா ஶஶாங்கம் ச விஶேஷத: ॥ 31 ॥
ஆவிவேஶ ந தம் நித்³ரா நிஶாஸு ஶயனம் க³தம் ।
தத்ஸமுத்தே²ன ஶோகேன பா³ஷ்போபஹதசேதஸம் ॥ 32 ॥
தம் ஶோசமானம் காகுத்ஸ்த²ம் நித்யம் ஶோகபராயணம் ।
துல்யது³:கோ²ப்³ரவீத்³ப்⁴ராதா லக்ஷ்மணோனுனயன்வச: ॥ 33 ॥
அலம் வீர வ்யதா²ம் க³த்வா ந த்வம் ஶோசிதுமர்ஹஸி ।
ஶோசதோ வ்யவஸீத³ந்தி ஸர்வார்தா² விதி³தம் ஹி தே ॥ 34 ॥
ப⁴வான்க்ரியாபரோ லோகே ப⁴வான் தே³வபராயண: ।
ஆஸ்திகோ த⁴ர்மஶீலஶ்ச வ்யவஸாயீ ச ராக⁴வ ॥ 35 ॥
ந ஹ்யவ்யவஸிதஶ்ஶத்ரும் ராக்ஷஸம் தம் விஶேஷத: ।
ஸமர்த²ஸ்த்வம் ரணே ஹந்தும் விக்ரமைர்ஜிஹ்மகாரிணம் ॥ 36 ॥
ஸமுன்மூலய ஶோகம் த்வம் வ்யவஸாயம் ஸ்தி²ரம் குரு ।
ததஸ்ஸபரிவாரம் தம் நிர்மூலம் குரு ராக்ஷஸம் ॥ 37 ॥
ப்ருதி²வீமபி காகுத்ஸ்த² ஸஸாக³ரவனாசலாம் ।
பரிவர்தயிதும் ஶக்த: கிமங்க³புன ராவணம் ॥ 38 ॥
ஶரத்காலம் ப்ரதீக்ஷஸ்வ ப்ராவ்ருட்காலோயமாக³த: ।
ததஸ்ஸராஷ்ட்ரம் ஸக³ணம் ராவணம் த்வம் வதி⁴ஷ்யஸி ॥ 39 ॥
அஹம் து க²லு தே வீர்யம் ப்ரஸுப்தம் ப்ரதிபோ³த⁴யே ।
தீ³ப்ஸைராஹுதிபி⁴: காலே ப⁴ஸ்மச்ச²ன்னமிவானலம் ॥ 4௦ ॥
லக்ஷ்மணஸ்ய து தத்³வாக்யம் ப்ரதிபூஜ்ய ஹிதம் ஶுப⁴ம் ।
ராக⁴வஸ்ஸுஹ்ருத³ம் ஸ்னிக்³த⁴மித³ம் வசனமப்³ரவீத் ॥ 41 ॥
வாச்யம் யத³னுரக்தேன ஸ்னிக்³தே⁴ன ச ஹிதேன ச ।
ஸத்யவிக்ரமயுக்தேன தது³க்தம் லக்ஷ்மண த்வயா ॥ 42 ॥
ஏஷ ஶோக: பரித்யக்தஸ்ஸர்வகார்யாவஸாத³க: ।
விக்ரமேஷ்வப்ரதிஹதம் தேஜ: ப்ரோத்ஸாஹயாம்யஹம் ॥ 43 ॥
ஶரத்காலம் ப்ரதீக்ஷிஷ்யே ஸ்தி²தோஸ்மி வசனே தவ ।
ஸுக்³ரீவஸ்ய நதீ³னாம் ச ப்ரஸாத³மனுபாலயன் ॥ 44 ॥
உபகாரேண வீரஸ்து ப்ரதீகாரேண யுஜ்யதே ।
அக்ருதஜ்ஞோப்ரதிக்ருதோ ஹந்தி ஸத்த்வவதாம் மன: ॥ 45 ॥
அதை²வ முக்த:ப்ரணிதா⁴ய லக்ஷ்மண: க்ருதாஞ்ஜலிஸ்தத்ப்ரதிபூஜ்ய பா⁴ஷிதம் ।
உவாச ராமம் ஸ்வபி⁴ராமத³ர்ஶனம் ப்ரத³ர்ஶயந்த³ர்ஶனமாத்மனஶ்ஶுப⁴ம் ॥ 46 ॥
யதோ²க்தமேதத்தவ ஸர்வமீப்ஸிதம் நரேந்த்³ர கர்தா ந சிராத்³த⁴ரீஶ்வர: ।
ஶரத்ப்ரதீக்ஷ: க்ஷமதாமிமம் ப⁴வான் ஜலப்ரபாதம் ரிபுனிக்³ரஹே த்⁴ருத: ॥ 47 ॥
நியம்ய கோபம் ப்ரதிபால்யதாம் ஶரத் க்ஷமஸ்வ மாஸாம் ஶ்சதுரோ மயா ஸஹ ।
வஸாசலேஸ்மின்ம்ருக³ராஜஸேவிதே ஸம்வர்த⁴யன் ஶத்ருவதே⁴ ஸமுத்³யமம் ॥ 48 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஸப்தவிம்ஶஸ்ஸர்க:³ ॥
