ஶ்ரீமத்³வால்மீகீய ராமாயணே அரண்யகாண்ட³ம் ।
அத² சது:பஞ்சாஶஸ்ஸர்க:³ ।
ஹ்ரியமாணா து வைதே³ஹீ கஞ்சின்னாத²மபஶ்யதீ ।
த³த³ர்ஶ கி³ரிஶ்ருங்க³ஸ்தா²ன்பஞ்ச வானரபுங்க³வான் ॥ 1 ॥
தேஷாம் மத்⁴யே விஶாலாக்ஷீ கௌஶேயம் கனகப்ரப⁴ம் ।
உத்தரீயம் வராரோஹா ஶுபா⁴ன்யாப⁴ரணானி ச ॥ 2 ॥
முமோச யதி³ ராமாய ஶம்ஸேயுரிதி மைதி²லீ ।
வஸ்த்ரமுத்ஸ்ருஜ்ய தன்மத்⁴யே நிக்ஷிப்தம் ஸஹபூ⁴ஷணம் ॥ 3 ॥
ஸம்ப்⁴ரமாத்து த³ஶக்³ரீவஸ்தத்கர்ம ந ஸ பு³த்³த⁴வான் ।
பிங்கா³க்ஷாஸ்தாம் விஶாலாக்ஷீம் நேத்ரைரனிமிஷைரிவ ॥ 4 ॥
விக்ரோஶந்தீம் ததா² ஸீதாம் த³த்³ருஶுர்வானரர்ஷபா⁴: ।
ஸ ச பம்பாமதிக்ரம்ய லங்காமபி⁴முக:² புரீம் ॥ 5 ॥
ஜகா³ம ருத³தீம் க்³ருஹ்ய வைதே³ஹீம் ராக்ஷஸேஶ்வர: ।
தாம் ஜஹார ஸுஸம்ஹ்ருஷ்டோ ராவணோ ம்ருத்யுமாத்மன: ॥ 6 ॥
உத்ஸங்கே³னேவ பு⁴ஜகீ³ம் தீக்ஷ்ணத³ம்ஷ்ட்ராம் மஹாவிஷாம் ।
வனானி ஸரிதஶ்ஶைலாந்த்ஸராம்ஸி ச விஹாயஸா ॥ 7 ॥
ஸ க்ஷிப்ரம் ஸமதீயாய ஶரஶ்சாபாதி³வ ச்யுத: ।
திமினக்ரனிகேதம் து வருணாலயமக்ஷயம் ॥ 8 ॥
ஸரிதாம் ஶரணம் க³த்வா ஸமதீயாய ஸாக³ரம் ।
ஸம்ப்⁴ரமாத்பரிவ்ருத்தோர்மீ ருத்³த⁴மீனமஹோரக:³ ॥ 9 ॥
வைதே³ஹ்யாம் ஹ்ரியமாணாயாம் ப³பூ⁴வ வருணாலய: ।
அந்தரிக்ஷக³தா வாசஸ்ஸஸ்ருஜுஶ்சாரணாஸ்ததா³ ॥ 1௦ ॥
ஏதத³ந்தோ த³ஶக்³ரீவ இதி ஸித்³தா⁴ஸ்ததா³ப்³ருவன் ।
ஸ து ஸீதாம் விவேஷ்டந்தீமங்கேனாதா³ய ராவண: ॥ 11 ॥
ப்ரவிவேஶ புரீம் லங்காம் ரூபிணீம் ம்ருத்யுமாத்மன: ।
ஸோபி⁴க³ம்ய புரீம் லங்காம் ஸுவிப⁴க்தமஹாபதா²ம் ॥ 12 ॥
ஸம்ரூட⁴கக்ஷ்யாப³ஹுலம் ஸ்வமந்த:புரமாவிஶத் ।
தத்ர தாமஸிதாபாங்கா³ம் ஶோகமோஹபராயணாம் ॥ 13 ॥
நித³தே⁴ ராவணஸ்ஸீதாம் மயோ மாயாமிவஸ்த்ரியம் ।
அப்³ரவீச்ச த³ஶக்³ரீவ: பிஶாசீர்கோ⁴ரத³ர்ஶனா: ॥ 14 ॥
யதா² நேமாம் புமான் ஸ்த்ரீ வா ஸீதாம் பஶ்யத்யஸம்மத: ।
முக்தாமணிஸுவர்ணானி வஸ்த்ராண்யாப⁴ரணானி ச ॥ 15 ॥
யத்³யதி³ச்சே²த்ததே³வாஸ்யா தே³யம் மச்ச²ந்த³தோ யதா² ।
யா ச வக்ஷ்யதி வைதே³ஹீம் வசனம் கிஞ்சித³ப்ரியம் ॥ 16 ॥
அஜ்ஞானாத்³யதி³ வா ஜ்ஞானான்ன தஸ்யா ஜீவிதம் ப்ரியம் ।
ததோ²க்த்வா ராக்ஷஸீஸ்தாஸ்து ராக்ஷஸேந்த்³ர: ப்ரதாபவான் ॥ 17 ॥
நிஷ்க்ரம்யாந்த: புராத்தஸ்மாத்கிங்க்ருத்யமிதி சிந்தயன் ।
த³த³ர்ஶாஷ்டௌ மஹாவீர்யான்ராக்ஷஸான்பிஶிதாஶனான் ॥ 18 ॥
ஸ தாந்த்³ருஷ்ட்வா மஹாவீர்யோ வரதா³னேன மோஹித: ।
உவாசைதானித³ம் வாக்யம் ப்ரஶஸ்ய ப³லவீர்யத: ॥ 19 ॥
நானாப்ரஹரணா: க்ஷிப்ரமிதோ க³ச்ச²த ஸத்வரா: ।
ஜனஸ்தா²னம் ஹதஸ்தா²னம் பூ⁴தபூர்வம் க²ராலயம் ॥ 2௦ ॥
தத்ரோஷ்யதாம் ஜனஸ்தா²னே ஶூன்யே நிஹதராக்ஷஸே ।
பௌருஷம் ப³லமாஶ்ரித்ய த்ராஸமுத்ஸ்ருஜ்ய தூ³ரத: ॥ 21 ॥
ப³லம் ஹி ஸுமஹத்³யன்மே ஜனஸ்தா²னே நிவேஶிதம் ।
ஸதூ³ஷணக²ரம் யுத்³தே⁴ ஹதம் ராமேண ஸாயகை: ॥ 22 ॥
தத க்ரோதோ⁴ மமாமர்ஷாத்³தை⁴ர்யஸ்யோபரி வர்ததே ।
வைரம் ச ஸுமஹஜ்ஜாதம் ராமம் ப்ரதி ஸுதா³ருணம் ॥ 23 ॥
நிர்யாதயிதுமிச்சா²மி தச்ச வைரமஹம் ரிபோ: ।
ந ஹி லப்ஸ்யாம்யஹம் நித்³ராமஹத்வா ஸம்யுகே³ ரிபும் ॥ 24 ॥
தம் த்விதா³னீமஹம் ஹத்வா க²ரதூ³ஷணகா⁴தினம் ।
ராமம் ஶர்மோபலப்ஸ்யாமி த⁴னம் லப்³த்⁴வேவ நிர்த⁴ன: ॥ 25 ॥
ஜனஸ்தா²னே வஸத்³பி⁴ஸ்து ப⁴வத்³பீ⁴ராமமாஶ்ரிதா ।
ப்ரவ்ருத்திருபனேதவ்யா கிஞ்கரோதீதி தத்த்வத: ॥ 26 ॥
அப்ரமாதா³ச்ச க³ந்தவ்யம் ஸர்வைரபி நிஶாசரை: ।
கர்தவ்யஶ்ச ஸதா³ யத்னோ ராக⁴வஸ்ய வத⁴ம் ப்ரதி ॥ 27 ॥
யுஷ்மாகம் ச ப³லஜ்ஞோஹம் ப³ஹுஶோ ரணமூர்த⁴னி ।
அதஶ்சாஸ்மின் ஜனஸ்தா²னே மயா யூயம் நியோஜிதா: ॥ 28 ॥
தத: ப்ரியம் வாக்யமுபேத்ய ராக்ஷஸா மஹார்த²மஷ்டாவபி⁴வாத்³ய ராவணம் ।
விஹாய லங்காம் ஸஹிதா: ப்ரதஸ்தி²ரே யதோ ஜனஸ்தா²னமலக்ஷ்யத³ர்ஶனா: ॥ 29 ॥
ததஸ்து ஸீதாமுபலப்⁴ய ராவண: ஸுஸம்ப்ரஹ்ருஷ்ட: பரிக்³ருஹ்ய மைதி²லீம் ।
ப்ரஸஜ்ய ராமேண ச வைரமுத்தமம் ப³பூ⁴வ மோஹான்முதி³தஸ்ஸராக்ஷஸ: ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சது:பஞ்சாஶஸ்ஸர்க:³ ॥
