ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சஸப்ததிதமஸ்ஸர்க:³ ।
தி³வம் து தஸ்யாம் யாதாயாம் ஶப³ர்யாம் ஸ்வேன தேஜஸா ।
லக்ஷ்மணேன ஸஹ ப்⁴ராத்ரா சிந்தயாமாஸ ராக⁴வ: ॥ 1 ॥
ஸ சிந்தயித்வா த⁴ர்மாத்மா ப்ரபா⁴வம் தம் மஹாத்மனாம் ।
ஹிதகாரிணமேகாக்³ரம் லக்ஷ்மணம் ராக⁴வோப்³ரவீத் ॥ 2 ॥
த்³ருஷ்டோயமாஶ்ரமஸ்ஸௌம்ய ப³ஹ்வாஶ்சர்யோ மஹாத்மனாம் ।
விஶ்வஸ்தம்ருக³ஶார்தூ³லோ நானாவிஹக³ஸேவித: ॥ 3 ॥
ஸப்தானாம் ச ஸமுத்³ராணாமேஷு தீர்தே²ஷு லக்ஷ்மண ।
உபஸ்ப்ருஷ்டம் ச விதி⁴வத்பிதரஶ்சாபி தர்பிதா: ॥ 4 ॥
ப்ரணஷ்டமஶுப⁴ம் தத்தத்கல்யாணம் ஸமுபஸ்தி²தம் ।
தேன தத்த்வேன ஹ்ருஷ்டம் மே மனோ லக்ஷ்மண ஸம்ப்ரதி ॥ 5 ॥
ஹ்ருத³யே ஹி நரவ்யாக்⁴ர ஶுப⁴மாவிர்ப⁴விஷ்யதி ।
ததா³க³ச்ச² க³மிஷ்யாமி பம்பாம் தாம் ப்ரியத³ர்ஶனாம் ॥ 6 ॥
ருஷ்யமூகோ கி³ரிர்யத்ர நாதிதூ³ரே ப்ரகாஶதே ।
யஸ்மின்வஸதி த⁴ர்மாத்மா ஸுக்³ரீவோம்ஶுமதஸ்ஸுத: ॥ 7 ॥
நித்யம் வாலிப⁴யாத்த்ரஸ்தஶ்சதுர்பி⁴ஸ்ஸஹ வானரை: ।
அபி⁴த்வரே ச தம் த்³ரஷ்டும் ஸுக்³ரீவம் வானரர்ஷப⁴ம் ॥ 8 ॥
தத³தீ⁴னம் ஹி மே ஸௌம்ய ஸீதாயா: பரிமார்க³ணம் ।
ஏவம் ப்³ருவாணம் தம் தீ⁴ரம் ராமம் ஸௌமித்ரிரப்³ரவீத் ॥ 9 ॥
க³ச்சா²வஸ்த்வரிதம் தத்ர மமாபி த்வரதே மன: ।
ஆஶ்ரமாத்து தத ஸ்தஸ்மான்னிஷ்க்ரம்ய ஸ விஶாம்பதி: ॥ 1௦ ॥
ஆஜகா³ம தத: பம்பாம் லக்ஷ்மணேன ஸஹ ப்ரபு⁴: ।
ஸ த³த³ர்ஶ தத: புண்யாமுதா³ரஜனஸேவிதாம் ॥ 11 ॥
நானாத்³ருமலதாகீர்ணாம் பம்பாம் பானீயவாஹினீம் ।
பத்³மைஸ்ஸௌக³ந்தி⁴கைஸ்தாம்ராம் ஶுக்லாம் குமுத³மண்ட³லை: ॥ 12 ॥
நீலாம் குவலயோத்³கா⁴டைர்ப³ஹுவர்ணாம் குதா²மிவ ।
ஸ தாமாஸாத்³ய வை ராமோ தூ³ராது³த³கவாஹினீம் ॥ 13 ॥
மதங்க³ஸரஸம் நாம ஹ்ரத³ம் ஸமவகா³ஹத ।
அரவிந்தோ³த்பலவதீம் பத்³மஸௌக³ந்தி⁴காயுதாம் ॥ 14 ॥
புஷ்பிதாம்ரவணோபேதாம் ப³ர்ஹிணோத்³கு⁴ஷ்டனாதி³தாம் ।
திலகைர்பீ³ஜபூரைஶ்ச த⁴வைஶ்ஶுக்லத்³ருமைஸ்ததா² ॥ 15 ॥
புஷ்பிதை: கரவீரைஶ்ச புன்னாகை³ஶ்ச ஸுபுஷ்பிதை: ।
மாலதீகுந்த³கு³ல்மைஶ்ச பா⁴ண்டீ³ரைர்னிசுலைஸ்ததா² ॥ 16 ॥
அஶோகைஸ்ஸப்தபர்ணைஶ்ச கேதகைரதிமுக்தகை: ।
அன்யைஶ்ச விவிதை⁴ர்வ்ருக்ஷை: ப்ரமதா³மிவ பூ⁴ஷிதாம் ॥ 17 ॥
ஸமீக்ஷமாணௌ புஷபாட்⁴யம் ஸர்வதோ விபுலத்³ருமம் ।
கோயஷ்டிகைஶ்சார்ஜுனகைஶ்ஶதபத்ரைஶ்ச கீரகை: ॥ 18 ॥
ஏதைஶ்சான்யைஶ்ச விஹகை³ர்னாதி³தம் து வனம் மஹத் ।
ததோ ஜக்³மதுரவ்யக்³ரௌ ராக⁴வௌ ஸுஸமாஹிதௌ ॥ 19 ॥
தத்³வனம் சைவ ஸரஸ: பஶ்யந்தை ஶகுனைர்யுதம் ।
ஸ த³த³ர்ஶ தத: பம்பாம் ஶீதவாரினிதி⁴ம் ஶுபா⁴ம் ॥ 2௦ ॥
திலகாஶோகபுன்னாக³வகுலோத்³தா³லகாஶினீம் ।
ஸ ராமோ விவிதா⁴ன்வ்ருக்ஷான்ஸராம்ஸி விவிதா⁴னி ச ॥ 21 ॥
பஶ்யன்காமாபி⁴ஸந்தப்தோ ஜகா³ம பரமம் ஹ்ரத³ம் ।
புஷ்பிதோபவனோபேதாம் ஸாலசம்பகஶோபி⁴தாம் ॥ 22 ॥
ஷட்பதௌ³க⁴ஸமாவிஷ்டாம் ஶ்ரீமதீமதுலப்ரபா⁴ம் ।
ஸ்ப²டிகோபமதோயாட்⁴யாம் ஶ்லக்ஷ்ணவாலுகஸந்ததாம் ॥ 23 ॥
ஸ தாம் த்³ருஷ்ட்வா புன: பம்பாம் பத்³மஸௌக³ன்கி⁴கைர்யுதாம் ।
இத்யுவாச ததா³ வாக்யம் லக்ஷ்மணம் ஸத்யவிக்ரம: ॥ 24 ॥
அஸ்யாஸ்தீரே து பூர்வோக்த: பர்வதோ தா⁴துமண்டி³த: ।
ருஷ்யமூக இதி க்²யாத: புண்ய: புஷ்பிதபாத³ப: ॥ 25 ॥
ஹரே: ருக்ஷரஜோனாம்ன: புத்ரஸ்தஸ்ய மஹாத்மன: ।
அத்⁴யாஸ்தே தம் மஹாவீர்யஸ்ஸுக்³ரீவ இதி விஶ்ருத: ॥ 26 ॥
ஸுக்³ரீவமபி⁴க³ச்ச² த்வம் வானரேந்த்³ரம் நரர்ஷப⁴ ।
இத்யுவாச புனர்வாக்யம் லக்ஷ்மணம் ஸத்யவிக்ரமம் ॥ 27 ॥
ராஜ்யப்⁴ரஷ்டேன தீ³னேன தஸ்யாமாஸக்தசேதஸா ।
கத²ம் மயா வினா ஶக்யம் ஸீதாம் லக்ஷ்மண ஜீவிதும் ॥ 28 ॥
இத்யேவமுக்த்வா மத³னாபி⁴பீடி³த: ஸ லக்ஷ்மணம் வாக்யமனந்யசேதஸம் ।
விவேஶ பம்பாம் நலினீம் மனோரமாம் ரகூ⁴த்தமஶ்ஶோகவிஷாத³யந்த்ரித: ॥ 29 ॥
ததோ மஹத்³வர்த்ம ஸுதூ³ரஸங்க்ரமம் க்ரமேண க³த்வா ப்ரவிலோகயன்வனம் ।
த³த³ர்ஶ பம்பாம் ஶுப⁴த³ர்ஶகானநாமனேகனானாவித⁴பக்ஷிஜாலகாம் ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சஸப்ததிதமஸ்ஸர்க:³ ॥
