ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகோனபஞ்சாஶஸ்ஸர்க:³ ।
அப²லஸ்து ததஶ்ஶக்ரோ தே³வானக்³னிபுரோக³மான் ।
அப்³ரவீத்த்ரஸ்தவத³னஸ்ஸர்ஷிஸ்ஸங்கா⁴ன் ஸசாரணான் ॥ 1 ॥
குர்வதா தபஸோ விக்⁴னம் கௌ³தமஸ்ய மஹாத்மன: ।
க்ரோத⁴முத்பாத்³ய ஹி மயா ஸுரகார்யமித³ம் க்ருதம் ॥ 2 ॥
அப²லோஸ்மி க்ருதஸ்தேன க்ரோதா⁴த்ஸா ச நிராக்ருதா ।
ஶாபமோக்ஷேண மஹதா தபோஸ்யாபஹ்ருதம் மயா ॥ 3 ॥
தஸ்மாத்ஸுரவராஸ்ஸர்வே ஸர்ஷிஸ்ஸங்கா⁴ஸ்ஸசாரணா: ।
ஸுரஸாஹ்யகரம் ஸர்வே ஸப²லம் கர்துமர்ஹத² ॥ 4 ॥
ஶதக்ரதோர்வசஶ்ஶ்ருத்வா தே³வாஸ்ஸாக்³னிபுரோக³மா: ।
பித்ருதே³வானுபேத்யாஹு ஸ்ஸஹ ஸர்வைர்மருத்³க³ணை: ॥ 5 ॥
அயம் மேஷஸ்ஸவ்ருஷணஶ்ஶக்ரோ ஹ்யவ்ருஷண: க்ருத: ।
மேஷஸ்ய வ்ருஷணௌ க்³ருஹ்ய ஶக்ராயாஶு ப்ரயச்ச²த² ॥ 6 ॥
அப²லஸ்து க்ருதோ மேஷ: பராம் துஷ்டிம் ப்ரதா³ஸ்யதி ।
ப⁴வதாம் ஹர்ஷணார்தா²ய யே ச தா³ஸ்யந்தி மானவா: ॥ 7 ॥
அக்³னேஸ்து வசனம் ஶ்ருத்வா பித்ருதே³வாஸ்ஸமாக³தா: ।
உத்பாட்ய மேஷவ்ருஷணௌ ஸஹஸ்ராக்ஷே ந்யவேஶயன் ॥ 8 ॥
ததா³ ப்ரப்⁴ருதி காகுத்ஸ்த² பித்ருதே³வாஸ்ஸமாக³தா: ।
அப²லான் பு⁴ஞ்ஜதே மேஷான் ப²லைஸ்தேஷாமயோஜயன் ॥ 9 ॥
இந்த்³ரஸ்து மேஷவ்ருஷணஸ்ததா³ப்ரப்⁴ருதி ராக⁴வ ।
கௌ³தமஸ்ய ப்ரபா⁴வேன தபஸஶ்ச மஹாத்மன: ॥ 1௦ ॥
ததா³க³ச்ச² மஹாதேஜ ஆஶ்ரமம் புண்யகர்மண: ।
தாரயைனாம் மஹாபா⁴கா³மஹல்யாம் தே³வரூபிணீம் ॥ 11 ॥
விஶ்வாமித்ரவசஶ்ஶ்ருத்வா ராக⁴வஸ்ஸஹலக்ஷ்மண: ।
விஶ்வாமித்ரம் புரஸ்க்ருத்ய தமாஶ்ரமமதா²விஶத் ॥ 12 ॥
த³த³ர்ஶ ச மஹாபா⁴கா³ம் தபஸா த்³யோதிதப்ரபா⁴ம் ।
லோகைரபி ஸமாக³ம்ய து³ர்னிரீக்ஷ்யாம் ஸுராஸுரை: ॥ 13 ॥
ப்ரயத்னான்னிர்மிதாம் தா⁴த்ரா தி³வ்யாம் மாயாமயீமிவ ।
ஸ துஷாராவ்ருதாம் ஸாப்⁴ராம் பூர்ணசந்த்³ரப்ரபா⁴மிவ ॥ 14 ॥
மத்⁴யேம்ப⁴ஸோ து³ராத⁴ர்ஷாம் தீ³ப்தாம் ஸூர்யப்ரபா⁴மிவ ।
ஸா ஹி கௌ³தமவாக்யேன து³ர்னிரீக்ஷ்யா ப³பூ⁴வ ஹ ॥ 15 ॥
த்ரயாணாமபி லோகானாம் யாவத்³ராமஸ்ய த³ர்ஶனம் ।
ஶாபஸ்யாந்தமுபாக³ம்ய தேஷாம் த³ர்ஶனமாக³தா ॥ 16 ॥
ராக⁴வௌ து ததஸ்தஸ்யா: பாதௌ³ ஜக்³ருஹதுஸ்ததா³ ।
ஸ்மரந்தீ கௌ³தமவச: ப்ரதிஜக்³ராஹ ஸா ச தௌ ॥ 17 ॥
பாத்³யமர்க்⁴யம் ததா²தித்²யம் சகார ஸுஸமாஹிதா ।
ப்ரதிஜக்³ராஹ காகுத்ஸ்தோ² விதி⁴த்³ருஷ்டேன கர்மணா ॥ 18 ॥
புஷ்பவ்ருஷ்டிர்மஹத்யாஸீத்³தே³வது³ந்து³பி⁴னிஸ்வனை: ।
க³ந்த⁴ர்வாப்ஸரஸாம் சைவ மஹானாஸீத்ஸமாக³ம: ॥ 19 ॥
ஸாது⁴ ஸாத்⁴விதி தே³வாஸ்தாமஹல்யாம் ஸமபூஜயன் ।
தபோப³லவிஶுத்³தா⁴ங்கீ³ கௌ³தமஸ்ய வஶானுகா³ம் ॥ 2௦ ॥
கௌ³தமோபி மஹாதேஜா அஹல்யாஸஹிதஸ்ஸுகீ² ।
ராமம் ஸம்பூஜ்ய விதி⁴வத்தபஸ்தேபே மஹாதபா: ॥ 21 ॥
ராமோபி பரமாம் பூஜாம் கௌ³தமஸ்ய மஹாமுனே: ।
ஸகாஶாத்³விதி⁴வத்ப்ராப்ய ஜகா³ம மிதி²லாம் தத: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகோனபஞ்சாஶஸ்ஸர்க:³ ॥
