ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகசத்வாரிம்ஶஸ்ஸர்க:³ ।
தஸ்மின்ஸ்து புருஷவ்யாக்⁴ரே வினிர்யாதி க்ருதாஞ்ஜலௌ ।
ஆர்தஶப்³தோ³ஹி ஸஞ்ஜஜ்ஞே ஸ்த்ரீணாமந்த:புரே மஹான் ॥ 1 ॥
அனாத²ஸ்ய ஜனஸ்யாஸ்ய து³ர்ப³லஸ்ய தபஸ்வின: ।
யோ க³திஶ்ஶரணம் சாஸீத்ஸ நாத:² க்வ நு க³ச்ச²தி ॥ 2 ॥
ந க்ருத்⁴யத்யபி⁴ஶப்தோபி க்ரோத⁴னீயானி வர்ஜயன் ।
க்ருத்³தா⁴ன்ப்ரஸாத³யன்ஸர்வான் ஸமது³:க:² க்வ கஜ³்ச²தி ॥ 3 ॥
கௌஶல்யாயாம் மஹாதேஜா யதா² மாதரி வர்ததே ।
ததா² யோ வர்ததேஸ்மாஸு மஹாத்மா க்வ நு க³ச்ச²தி ॥ 4 ॥
கைகேய்யா க்லிஶ்யமானேன ராஜ்ஞா ஸஞ்சோதி³தோ வனம் ।
பரித்ராதா ஜனஸ்யாஸ்ய ஜக³த: க்வ நு க³ச்ச²தி ॥ 5 ॥
அஹோ நிஶ்சேதனோ ராஜா ஜீவலோகஸ்ய ஸம்ப்ரியம் ।
த⁴ர்ம்யம் ஸத்யவ்ரதம் ராமம் வனவாஸே ப்ரவத்ஸ்யதி ॥ 6 ॥
இதி ஸர்வா மஹிஷ்யஸ்தா விவத்ஸா இவ தே⁴னவ: ।
ருருது³ஶ்சைவ து³:கா²ர்தா: ஸஸ்வரம் ச விசுக்ருஶு: ॥ 7 ॥
ஸ தமந்த: புரே கோ⁴ரமார்தஶப்³த³ம் மஹீபதி: ।
புத்ரஶோகாபி⁴ஸந்தப்த: ஶ்ருத்வா சாஸீத்ஸுது³:கி²த: ॥ 8 ॥
நாக்³னிஹோத்ராண்யஹூயந்த நாபசன் க்³ருஹமேதி⁴ன: அகுர்வன்ன ப்ரஜா: கார்யம் ஸூர்யஶ்சாந்தரதீ⁴யத ॥ 9 ॥
வ்யஸ்ருஜன் கப³லான்னாகா³ கா³வோ வத்ஸான்ன பாயயன் ।
புத்ரம் ப்ரத²மஜம் லப்³த்⁴வா ஜனநீ நாப்⁴யனந்த³த ॥ 1௦ ॥
த்ரிஶங்குர்லோஹிதாங்க³ஶ்ச ப்³ருஹஸ்பதிபு³தா⁴வபி ।
தா³ருணா ஸ்ஸோமமப்⁴யேத்ய க்³ரஹாஸ்ஸர்வே வ்யவஸ்தி²தா: ॥ 11 ॥
நக்ஷத்ராணி க³தார்சீம்ஷி க்³ரஹாஶ்ச க³ததேஜஸ: ।
விஶாகா²ஸ்து ஸதூ⁴மாஶ்ச நப⁴ஸி ப்ரசகாஶிரே ॥ 12 ॥
காலிகானிலவேகே³ன மஹோத³தி⁴ரிவோத்தி²த: ।
ராமே வனம் ப்ரவ்ரஜிதே நக³ரம் ப்ரசசால தத் ॥ 13 ॥
தி³ஶ: பர்யாகுலாஸ்ஸர்வா ஸ்திமிரேணேவ ஸம்வ்ருதா: ।
ந க்³ரஹோ நாபி நக்ஷத்ரம் ப்ரசகாஶே நகிஞ்சன ॥ 14 ॥
அகஸ்மான்னாக³ரஸ்ஸர்வோ ஜனோ தை³ன்யமுபாக³மத் ।
ஆஹாரே வா விஹாரே வா ந கஶ்சித³கரோன்மன: ॥ 15 ॥
ஶோகபர்யாயஸந்தப்த ஸ்ஸததம் தீ³ர்க⁴முச்ச²வஸன் ।
அயோத்⁴யாயாம் ஜனஸ்ஸர்வ ஶ்ஶுஶோச ஜக³தீபதிம் ॥ 16 ॥
பா³ஷ்பபர்யாகுலமுகோ² ராஜமார்க³க³தோ ஜன: ।
ந ஹ்ருஷ்டோ லக்ஷ்யதே கஶ்சித்ஸர்வ ஶ்ஶோகபராயண: ॥ 17 ॥
ந வாதி பவன ஶ்ஶீதோ ந ஶஶீ ஸௌம்யத³ர்ஶன: ।
ந ஸூர்யஸ்தபதே லோகம் ஸர்வம் பர்யாகுலம் ஜக³த் ॥ 18 ॥
அனர்தி²னஸ்ஸுதா: ஸ்த்ரீணாம் ப⁴ர்தாரோ ப்⁴ராதரஸ்ததா² ।
ஸர்வே ஸர்வம் பரித்யஜ்ய ராமமேவான்வசிந்தயன் ॥ 19 ॥
யே து ராமஸ்ய ஸுஹ்ருத³ ஸ்ஸர்வே தே மூட⁴சேதஸ: ।
ஶோகபா⁴ரேண சாக்ராந்தா ஶ்ஶயனம் ந ஜஹுஸ்ததா³ ॥ 2௦ ॥
ததஸ்த்வயோத்⁴யா ரஹிதா மஹாத்மனா புரந்த³ரேணேவ மஹீ ஸபர்வதா ।
சசால கோ⁴ரம் ப⁴யஶோகபீடி³தா ஸனாக³யோதா⁴ஶ்வக³ணா நனாத³ ச ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகசத்வாரிம்ஶஸ்ஸர்க:³ ॥
