ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்ரயோவிம்ஶஸ்ஸர்க:³ ।
இத்யுக்த்வா மைதி²லீம் ராஜா ராவண: ஶத்ருராவண: ।
ஸந்தி³ஶ்ய ச தத: ஸர்வா ராக்ஷஸீர்னிர்ஜகா³ம ஹ ॥ 1 ॥
நிஷ்க்ராந்தே ராக்ஷஸேந்த்³ரே து புனரந்த:புரம் க³தே ।
ராக்ஷஸ்யோ பீ⁴மரூபாஸ்தா: ஸீதாம் ஸமபி⁴து³த்³ருவு: ॥ 2 ॥
தத: ஸீதாமுபாக³ம்ய ராக்ஷஸ்ய: க்ரோத⁴மூர்சி²தா: ।
பரம் பருஷயா வாசா வைதே³ஹீமித³மப்³ருவன் ॥ 3 ॥
பௌலஸ்த்யஸ்ய வரிஷ்ட²ஸ்ய ராவணஸ்ய மஹாத்மன: ।
த³ஶக்³ரீவஸ்ய பா⁴ர்யா த்வம் ஸீதே ந ப³ஹுமன்யஸே ॥ 4 ॥
ததஸ்த்வேகஜடா நாம ராக்ஷஸீ வாக்யமப்³ரவீத் ।
ஆமந்த்ய்ர க்ரோதா⁴தாம்ராக்ஷீ ஸீதாம் கரதலோத³ரீம் ॥ 5 ॥
ப்ரஜாபதீனாம் ஷண்ணாம் து சதுர்தோ² ய: ப்ரஜாபதி: ।
மானஸோ ப்³ரஹ்மண: புத்ர: புலஸ்த்ய இதி விஶ்ருத: ॥ 6 ॥
புலஸ்த்யஸ்ய து தேஜஸ்வீ மஹர்ஷிர்மானஸ: ஸுத: ।
நாம்னா ஸ விஶ்ரவா நாம ப்ரஜாபதிஸமப்ரப:⁴ ॥ 7 ॥
தஸ்ய புத்ரோ விஶாலாக்ஷி ராவண: ஶத்ருராவண: ।
தஸ்ய த்வம் ராக்ஷஸேந்த்³ரஸ்ய பா⁴ர்யா ப⁴விதுமர்ஹஸி ॥ 8 ॥
மயோக்தம் சாருஸர்வாங்கி³: வாக்யம் கிம் நானுமன்யஸே ।
ததோ ஹரிஜடா நாம ராக்ஷஸீ வாக்யமப்³ரவீத் ॥ 9 ॥
விவர்த்ய நயனே கோபான்மார்ஜாரஸத்³ருஶேக்ஷணா ।
யேன தே³வாஸ்த்ரயஸ்த்ரிம்ஶத்³தே³வராஜஶ்ச நிர்ஜிதா: ॥ 1௦ ॥
தஸ்ய த்வம் ராக்ஷஸேந்த்³ரஸ்ய பா⁴ர்யா ப⁴விதுமர்ஹஸி ।
ததஸ்து ப்ரக⁴ஸா நாம ராக்ஷஸீ க்ரோத⁴மூர்சி²தா ॥ 11 ॥
ப⁴ர்த்ஸயந்தீ ததா³ கோ⁴ரமித³ம் வசனமப்³ரவீத் ।
வீர்யோத்ஸிக்தஸ்ய ஶூரஸ்ய ஸங்க்³ராமேஷு நிவர்தின: ॥ 12 ॥
ப³லினோ வீர்யயுக்தஸ்ய பா⁴ர்யாத்வம் கிம் ந லப்ஸ்யஸே ।
ப்ரியாம் ப³ஹுமதாம் பா⁴ர்யாம் த்யக்த்வா ராஜா மஹாப³ல: ॥ 13 ॥
ஸர்வாஸாம் ச மஹாபா⁴கா³ம் த்வாமுபைஷ்யதி ராவண: ।
ஸம்ருத்³த⁴ம் ஸ்த்ரீஸஹஸ்ரேண நானாரத்னோபஶோபி⁴தம் ॥ 14 ॥
அந்த:புரம் ஸமுத்ஸ்ருஜ்ய த்வாமுபைஷ்யதி ராவண: ।
அன்யா து விகடா நாம ராக்ஷஸீ வாக்யமப்³ரவீத் ॥ 15 ॥
அஸக்ருத்³தே³வதா யுத்³தே⁴ நாக³க³ந்த⁴ர்வதா³னவா: ।
நிர்ஜிதா: ஸமரே யேன ஸ தே பார்ஶ்வமுபாக³த: ॥ 16 ॥
தஸ்ய ஸர்வஸம்ருத்³த⁴ஸ்ய ராவணஸ்ய மஹாத்மன: ।
கிமத்³ய ராக்ஷஸேந்த்³ரஸ்ய பா⁴ர்யாத்வம் நேச்ச²ஸேத⁴மே ॥ 17 ॥
ததஸ்து து³ர்முகீ² நாம ராக்ஷஸீ வாக்யமப்³ரவீத் ।
யஸ்ய ஸூர்யோ ந தபதி பீ⁴தோ யஸ்ய ச மாருத: ॥ 18 ॥
ந வாதி ஸ்மாயதாபாங்கே³ கிம் த்வம் தஸ்ய ந திஷ்ட²ஸி ।
புஷ்பவ்ருஷ்டிம் ச தரவோ முமுசுர்யஸ்ய வை ப⁴யாத் ॥ 19 ॥
ஶைலாஶ்ச ஸுப்⁴ரு பானீயம் ஜலதா³ஶ்ச யதே³ச்ச²தி ।
தஸ்ய நைர்ருதராஜஸ்ய ராஜராஜஸ்ய பா⁴மினி ॥ 2௦ ॥
கிம் த்வம் ந குருஷே பு³த்³தி⁴ம் பா⁴ர்யார்தே² ராவணஸ்ய ஹி ।
ஸாது⁴ தே தத்த்வதோ தே³வி கதி²தம் ஸாது⁴ பா⁴மினி ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்ரயோவிம்ஶஸ்ஸர்க:³ ॥
