ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² சதுர்த³ஶஸ்ஸர்க:³ ।
ஸர்வே தே த்வரிதம் க³த்வா கிஷ்கிந்தா⁴ம் வாலி பாலிதாம் ।
வ்ருக்ஷைராத்மானமாவ்ருத்ய வ்யதிஷ்ட²ன் க³ஹனே வனே ॥ 1 ॥
விசார்ய ஸர்வதோ த்³ருஷ்டிம் கானநே கானநப்ரிய: ।
ஸுக்³ரீவோ விபுலக்³ரீவ: க்ரோத⁴மாஹாரயத்³ப்⁴ருஶம் ॥ 2 ॥
ததஸ்ஸ நினத³ம் கோ⁴ரம் க்ருத்வா யுத்³தா⁴ய சாஹ்வயத் ।
பரிவாரை: பரிவ்ருதோ நாதை³ர்பி⁴ந்த³ன்னிவாம்ப³ரம் ॥ 3 ॥
க³ர்ஜன்னிவ மஹாமேகோ⁴ வாயுவேக³புரஸ்ஸர: ।
அத² பா³லார்கஸத்³ருஶோ த்³ருப்தஸிம்ஹக³திஸ்ததா³ ॥ 4 ॥
த்³ருஷ்ட்வா ராமம் க்ரியாத³க்ஷம் ஸுக்³ரீவோ வாக்யமப்³ரவீத் ।
ஹரிவாகு³ரயா வ்யாப்தாம் தப்தகாஞ்சனதோரணாம் ।
ப்ராப்தா: ஸ்ம த்⁴வஜயந்த்ராட்⁴யாம் கிஷ்கிந்தா⁴ம் வாலின: புரீம் ॥ 5 ॥
ப்ரதிஜ்ஞா யா த்வயா வீர க்ருதா வாலிவதே⁴ புரா ।
ஸப²லாம் குரு தாம் க்ஷிப்ரம் லதாம் கால இவாக³த: ॥ 6 ॥
ஏவமுக்தஸ்து த⁴ர்மாத்மா ஸுக்³ரீவேண ஸ ராக⁴வ: ।
தமேவோவாச வசனம் ஸுக்³ரீவம் ஶத்ருஸூத³ன: ॥ 7 ॥
க்ருதாபி⁴ஜ்ஞானசிஹ்னஸ்த்வ மனயா கஜ³ஸாஹ்வயா ।
லக்ஷ்மணேன ஸமுத்பாட்ய யைஷா கண்டே² க்ருதா தவ ॥ 8 ॥
ஶோப⁴ஸேஹ்யதி⁴கம் வீர லதயா கண்ட²ஸக்தயா ।
விபரீத இவாகாஶே ஸூர்யோ நக்ஷத்ரமாலயா ॥ 9 ॥
அத்³ய வாலிஸமுத்த²ம் தே ப⁴யம் வைரம் ச வானர ।
ஏகேனாஹம் ப்ரமோக்ஷ்யாமி பா³ணமோக்ஷேண ஸம்யுகே³ ॥ 1௦ ॥
மம த³ர்ஶய ஸுக்³ரீவ வைரிணம் ப்⁴ராத்ருரூபிணம் ।
வாலீ வினிஹதோ யாவத்³வனே பாம்ஸுஷு வேஷ்டதே ॥ 11 ॥
யதி³ த்³ருஷ்டிபத²ம் ப்ராப்தோ ஜீவன்ஸ வினிவர்ததே ।
ததோ தோ³ஷேண மா க³ச்சே²த்ஸத்³யோ க³ர்ஹேச்ச மா ப⁴வான் ॥ 12 ॥
ப்ரத்யக்ஷம் ஸப்த தே ஸாலா மயா பா³ணேன தா³ரிதா: ।
தேனாவேஹி ப³லேனாத்³ய வாலினம் நிஹதம் மயா ॥ 13 ॥
அன்ருதம் நோக்தபூர்வம் மே வீர க்ருச்ச்²ரேபி திஷ்டதா ।
த⁴ர்மலோப⁴பரீதேன ந ச வக்ஷ்யே கத²ஞ்சன ॥ 14 ॥
ஸப²லாம் ச கரிஷ்யாமி ப்ரதிஜ்ஞாம் ஜஹி ஸம்ப்⁴ரமம் ।
ப்ரஸூதம் கலமம் க்ஷேத்ரே வர்ஷேணேவ ஶதக்ரது: ॥ 15 ॥
ததா³ஹ்வானநிமித்தம் த்வம் வாலினோ ஹேமமாலின: ।
ஸுக்³ரீவ குரு தம் ஶப்³த³ம் நிஷ்பதேத்³யேன வானர: ॥ 16 ॥
ஜிதகாஶீ ப³லஶ்லாகீ⁴ த்வயா சாத⁴ர்ஷித: புரா ।
நிஷ்பதிஷ்யத்யஸங்கே³ன வாலீ ஸ ப்ரியஸம்யுக:³ ॥ 17 ॥
ரிபூணாம் த⁴ர்ஷிண ஶூரா மர்ஷயந்தி ந ஸம்யுகே³ ।
ஜானந்தஸ்து ஸ்வகம் வீர்யம் ஸ்த்ரீஸமக்ஷம் விஶேஷத: ॥ 18 ॥
ஸ து ராமவசஶ்ஶ்ருத்வா ஸுக்³ரீவோ ஹேமபிங்க³ல: ।
நனர்த³ க்ரூரனாதே³ன வினிர்பி⁴ந்த³ன்னிவாம்ப³ரம் ॥ 19 ॥
தஸ்ய ஶப்³தே³ன வித்ரஸ்தா கா³வோ யாந்தி ஹதப்ரபா⁴: ।
ராஜதோ³ஷபராம்ருஷ்டா: குலஸ்த்ரிய இவாகுலா: ॥ 2௦ ॥
த்³ரவந்தி ச ம்ருகா³ஶ்ஶீக்⁴ரம் ப⁴க்³னா இவ ரணே ஹயா: ।
பதந்தி ச க²கா³ பூ⁴மௌ க்ஷீணபுண்யா இவ க்³ரஹா: ॥ 21 ॥
ததஸ்ஸஜீமூதக³ணப்ரணாதோ³ நாத³ம் ஹ்யமுஞ்சத்த்வரயா ப்ரதீத: ।
ஸூர்யாத்மஜஶ்ஶௌர்யவிவ்ருத்³த⁴தேஜா: ஸரித்பதிர்வானிலசஞ்சலோர்மி: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ சதுர்த³ஶஸ்ஸர்க:³ ॥
