ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகோனத்ரிம்ஶஸ்ஸர்க:³ ।
அத² தஸ்யாப்ரமேயஸ்ய தத்³வனம் பரிப்ருச்ச²த: ।
விஶ்வாமித்ரோ மஹாதேஜா வ்யாக்²யாதுமுபசக்ரமே ॥ 1 ॥
இஹ ராம மஹாபா³ஹோ விஷ்ணுர்தே³வவர: ப்ரபு⁴: ।
வர்ஷாணி ஸுப³ஹூனீஹ ததா² யுக³ஶதானி ச ॥ 2 ॥
தபஶ்சரணயோகா³ர்த²முவாஸ ஸுமஹாதபா: ।
ஏஷ பூர்வாஶ்ரமோ ராம வாமனஸ்ய மஹாத்மன: ॥ 3 ॥
ஸித்³தா⁴ஶ்ரம இதி க்²யாதஸ்ஸித்³தோ⁴ ஹ்யத்ர மஹாதபா: ।
ஏதஸ்மின்னேவ காலே து ராஜா வைரோசனிர்ப³லி: ॥ 4 ॥
நிர்ஜித்ய தை³வதக³ணான் ஸேந்த்³ராம்ஶ்ச ஸமருத்³க³ணான் ।
காரயாமாஸ தத்³ராஜ்யம் த்ரிஷு லோகேஷு விஶ்ருத: ॥ 5 ॥
ப³லேஸ்து யஜமானஸ்ய தே³வாஸ்ஸாக்³னிபுரோக³மா: ।
ஸமாக³ம்ய ஸ்வயம் சைவ விஷ்ணுமூசுரிஹாஶ்ரமே ॥ 6 ॥
ப³லிர்வைரோசனிர்விஷ்ணோ யஜதே யஜ்ஞமுத்தமம் ।
அஸமாப்தே க்ரதௌ தஸ்மின் ஸ்வகார்யமபி⁴பத்³யதாம் ॥ 7 ॥
யே சைனமபி⁴வர்தந்தே யாசிதார இதஸ்தத: ।
யச்ச யத்ர யதா²வச்ச ஸர்வம் தேப்⁴ய: ப்ரயச்ச²தி ॥ 8 ॥
ஸ த்வம் ஸுரஹிதார்தா²ய மாயாயோக³முபாக³த: ।
வாமனத்வம் க³தோ விஷ்ணோ குரு கல்யாணமுத்தமம் ॥ 9 ॥
ஏதஸ்மின்னந்தரே ராம கஶ்யபோக்³னிஸமப்ரப:⁴ ।
அதி³த்யா ஸஹிதோ ராம தீ³ப்யமான இவௌஜஸா ॥ 1௦ ॥
தே³வீஸஹாயோ ப⁴க³வான் தி³வ்யம் வர்ஷஸஹஸ்ரகம் ।
வ்ரதம் ஸமாப்ய வரத³ம் துஷ்டாவ மது⁴ஸூத³னம் ॥ 11 ॥
தபோமயம் தபோராஶிம் தபோமூர்திம் தபாத்மகம் ।
தபஸா த்வாம் ஸுதப்தேன பஶ்யாமி புருஷோத்தமம் ॥ 12 ॥
ஶரீரே தவ பஶ்யாமி ஜக³த்ஸர்வமித³ம் ப்ரபோ⁴ ।
த்வமனாதி³ரனிர்தே³ஶ்யஸ்த்வாமஹம் ஶரணம் க³த: ॥ 13 ॥
தமுவாச ஹரி: ப்ரீத: கஶ்யபம் தூ⁴தகல்மஷம் ।
வரம் வரய ப⁴த்³ரம் தே வரார்ஹோஸி மதோ மம ॥ 14 ॥
தச்ச்²ருத்வா வசனம் தஸ்ய மாரீச: கஶ்யபோப்³ரவீத் ।
அதி³த்யா தே³வதானாம் ச மம சைவானுயாசத: ॥ 15 ॥
வரம் வரத³ ஸுப்ரீதோ தா³துமர்ஹஸி ஸுவ்ரத ।
புத்ரத்வம் க³ச்ச² ப⁴க³வன்னதி³த்யா மம சானக⁴ ॥ 16 ॥
ப்⁴ராதா ப⁴வ யவீயாம்ஸ்த்வம் ஶக்ரஸ்யாஸுரஸூத³ன ।
ஶோகார்தானாம் து தே³வானாம் ஸாஹாய்யம் கர்துமர்ஹஸி ॥ 17 ॥
அயம் ஸித்³தா⁴ஶ்ரமோ நாம ப்ரஸாதா³ த்தே ப⁴விஷ்யதி ।
ஸித்³தே⁴ கர்மணி தே³வேஶ உத்திஷ்ட² ப⁴க³வன்னித: ॥ 18 ॥
அத² விஷ்ணுர்மஹாதேஜா அதி³த்யாம் ஸமஜாயத ।
வாமனம் ரூபமாஸ்தா²ய வைரோசனிமுபாக³மத் ॥ 19 ॥
த்ரீன் க்ரமானத² பி⁴க்ஷித்வா ப்ரதிக்³ருஹ்ய ச மானத:³ ।
ஆக்ரம்ய லோகான் லோகாத்மா ஸர்வபூ⁴தஹிதே ரத: ॥ 2௦ ॥
மஹேந்த்³ராய புன: ப்ராதா³ன்னியம்ய ப³லிமோஜஸா ।
த்ரைலோக்யம் ஸ மஹாதேஜாஶ்சக்ரே ஶக்ரவஶம் புன: ॥ 21 ॥
தேனைஷ பூர்வமாக்ராந்த ஆஶ்ரமஶ்ஶ்ரமனாஶன: ।
மயாபி ப⁴க்தய தஸ்யைஷ வாமனஸ்யோபபு⁴ஜ்யதே ॥ 22 ॥
ஏதமாஶ்ரமமாயாந்தி ராக்ஷஸா விக்⁴னகாரிண: ।
அத்ரைவ புருஷவ்யாக்⁴ர ஹந்தவ்யா து³ஷ்டசாரிண: ॥ 23 ॥
அத்³ய க³ச்சா²மஹே ராம ஸித்³தா⁴ஶ்ரமமனுத்தமம் ।
ததா³ஶ்ரமபத³ம் தாத தவாப்யேதத்³யதா² மம ॥ 24 ॥
ப்ரவிஶன்னாஶ்ரமபத³ம் வ்யரோசத மஹாமுனி: ।
ஶஶீவ க³தனீஹார: புனர்வஸுஸமன்வித: ॥ 25 ॥
தம் த்³ருஷ்ட்வா முனயஸ்ஸர்வே ஸித்³தா⁴ஶ்ரமனிவாஸின: ।
உத்பத்த்யோத்பத்த்ய ஸஹஸா விஶ்வாமித்ரமபூஜயன் ॥ 26 ॥
யதா²ர்ஹம் சக்ரிரே பூஜாம் விஶ்வாமித்ராய தீ⁴மதே ।
ததை²வ ராஜபுத்ராப்⁴யாமகுர்வன்னதிதி²க்ரியாம் ॥ 27 ॥
முஹூர்தமத² விஶ்ராந்தௌ ராஜபுத்ராவரிந்த³மௌ ।
ப்ராஞ்ஜலீ முனிஶார்தூ³லமூசதூ ரகு⁴னந்த³னௌ ॥ 28 ॥
அத்³யைவ தீ³க்ஷாம் ப்ரவிஶ ப⁴த்³ரம் தே முனிபுங்க³வ ।
ஸித்³தா⁴ஶ்ரமோயம் ஸித்³த⁴ஸ்ஸ்யாத் ஸத்யமஸ்து வசஸ்தவ ॥ 29 ॥
ஏவமுக்தோ மஹாதேஜா விஶ்வாமித்ரோ மஹான் ருஷி: ।
ப்ரவிவேஶ ததா³ தீ³க்ஷாம் நியதோ நியதேந்த்³ரிய: ॥ 3௦ ॥
குமாராவபி தாம் ராத்ரிமுஷித்வா ஸுஸமாஹிதௌ ।
ப்ரபா⁴தகாலே சோத்தா²ய பூர்வாம் ஸந்த்⁴யாமுபாஸ்ய ச ॥ 31 ॥
ஸ்ப்ருஷ்டோத³கௌ ஶுசீ ஜப்யம் ஸமாப்ய நியமேன ச ।
ஹுதாக்³னிஹோத்ரமாஸீனம் விஶ்வாமித்ரமவந்த³தாம் ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகோனத்ரிம்ஶஸ்ஸர்க:³ ॥
