ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷட்பஞ்சாஶஸ்ஸர்க:³ ।
அத² ராத்ர்யாம் வ்யதீதாயாமவஸுப்தமனந்தரம் ।
ப்ரபோ³த⁴யாமாஸ ஶனைர்லக்ஷ்மணம் ரகு⁴னந்த³ன: ॥ 1 ॥
ஸௌமித்ரே ஶ்ருணு வன்யானாம் வல்கு³ வ்யாஹரதாம் ஸ்வனம் ।
ஸம்ப்ரதிஷ்டா²மஹே கால ப்ரஸ்தா²னஸ்ய பரந்தப ॥ 2 ॥
ஸ ஸுப்தஸ்ஸமயே ப்⁴ராத்ரா லக்ஷ்மண: ப்ரதிபோ³தி⁴த: ।
ஜஹௌ நித்³ராம் ச தந்த்³ரீம் ச ப்ரஸக்தம் ச பதி² ஶ்ரமம் ॥ 3 ॥
தத உத்தா²ய தே ஸர்வே ஸ்ப்ருஷ்ட்வா நத்³யா ஶ்ஶிவம் ஜலம் ।
பந்தா²னம்ருஷிணாதி³ஷ்டம் சித்ரகூடஸ்ய தம் யயு: ॥ 4 ॥
ததஸ்ஸம்ப்ரஸ்தி²த: காலே ராமஸ்ஸௌமித்ரிணா ஸஹ ।
ஸீதாம் கமலபத்ராக்ஷீமித³ம் வசனமப்³ரவீத் ॥ 5 ॥
ஆதி³ப்தானிவ வைதே³ஹி ஸர்வத: புஷ்பிதான்னகா³ன் ।
ஸ்வை: புஷ்பை: கிம்ஶுகான் பஶ்ய மாலினஶிஶிராத்யயே ॥ 6 ॥
பஶ்ய ப⁴ல்லாதகான் பு²ல்லான்னரை ரனுபஸேவிதான் ।
ப²லபத்ரைரவனதா ந்னூனம் ஶக்ஷ்யாம ஜீவிதும் ॥ 7 ॥
பஶ்ய த்³ரோணப்ரமாணானி லம்ப³மானானி லக்ஷ்மண ।
மதூ⁴னி மது⁴காரீபி⁴ ஸ்ஸம்ப்⁴ருதானி நகே³ நகே³ ॥ 8 ॥
ஏஷ க்ரோஶதி நத்யூஹஸ்தம் ஶிகீ² ப்ரதிகூஜதி ।
ரமணீயே வனோத்³தே³ஶே புஷ்பஸம்ஸ்தரஸங்கடே ॥ 9 ॥
மாதங்க³யூதா²னுஸ்ருதம் பக்ஷிஸம்ங்கா⁴னுனாதி³தம் ।
சித்ரகூடமிமம் பஶ்ய ப்ரவ்ருத்³த⁴ஶிக²ரம் கி³ரிம் ॥ 1௦ ॥
ஸமபூ⁴மிதலே ரம்யே த்³ருமைர்ப³ஹுபி⁴ராவ்ருதே ।
புண்யே ரம்ஸ்யாமஹே தாத சித்ரகூடஸ்ய கானநே ॥ 11 ॥
ததஸ்தௌ பாத³சாரேண க³ச்ச²ந்தௌ ஸஹ ஸீதயா ।
ரம்யமாஸேத³துஶ்ஶைலம் சித்ரகூடம் மனோரமம் ॥ 12 ॥
தந்து பர்வதமாஸாத்³ய நானாபக்ஷிக³ணாயுதம் ।
ப³ஹுமூலப²லம் ரம்யம் ஸம்பன்னம் ஸரஸோத³கம் ॥ 13 ॥
மனோஜ்ஞோயம் கி³ரிஸ்ஸௌம்ய நானாத்³ருமலதாயுத: ।
ப³ஹுமூலப²லோ ரம்ய ஸ்ஸ்வாஜீவ: ப்ரதிபா⁴தி மே ॥ 14 ॥
முனயஶ்ச மஹாத்மானோ வஸந்த்யஸ்மி ஶிலோச்சயே ।
அயம் வாஸோ ப⁴வேத்தாவத³த்ர ஸௌம்ய ரமேமஹி ॥ 15 ॥
இதி ஸீதா ச ராமஶ்ச லக்ஷ்மணஶ்ச க்ருதாஞ்ஜலி: ।
அபி⁴க³ம்யாஶ்ரமம் ஸர்வே வால்மீகி மபி⁴வாத³யன் ॥ 16 ॥
தான்மஹர்ஷி ப்ரமுதி³த: பூஜயாமாஸ த⁴ர்மவித் ।
அஸ்யதாமிதி சோவாச ஸ்வாக³ந்து நிவேத்³ய ச ॥ 17 ॥
ததோப்³ரவீன்மஹாபா³ஹுர்லக்ஷ்மணம் லக்ஷ்மணாக்³ரஜ: ।
ஸன்னிவேத்³ய யதா²ன்யாய மாத்மானம்ருஷயே ப்ரபு⁴: ॥ 18 ॥
லக்ஷ்மணானய தா³ரூணி த்³ருடா⁴னி ச வராணி ச ।
குருஷ்வாவஸத²ம் ஸௌம்ய வாஸே மேபி⁴ரதம் மன: ॥ 19 ॥
தஸ்ய தத்³வசனம் ஶ்ருத்வா ஸௌமித்ரிர்விவிதா⁴ன் த்³ருமான் ।
ஆஜஹார தத ஶ்சக்ரே பர்ணஶாலாமரிந்த³ம: ॥ 2௦ ॥
தாம் நிஷ்டி²தாம் ப³த்³த⁴கடாம் த்³ருஷ்ட்வா ராமஸ்ஸுத³ர்ஶனாம் ।
ஶுஶ்ரூஷமாணமேகாக்³ரமித³ம் வசனமப்³ரவீத் ॥ 21 ॥
ஐணேயம் மாம்ஸமாஹ்ருத்ய ஶாலாம் யக்ஷ்யாமஹே வயம் ।
கர்தவ்யம் வாஸ்துஶமனம் ஸௌமித்ரே சிரஜீவிபி⁴: ॥ 22 ॥
ம்ருக³ம் ஹத்வானய க்ஷிப்ரம் லக்ஷ்மணேஹ ஶுபே⁴க்ஷண ।
கர்தவ்ய ஶ்ஶாஸ்த்ரத்³ருஷ்டோ ஹி விதி⁴ர்த⁴ர்மமனுஸ்மர ॥ 23 ॥
ப்⁴ராதுர்வசனமாஜ்ஞாய லக்ஷ்மண: பரவீரஹா ।
சகார ஸ யதோ²க்தம் ச தம் ராம புனரப்³ரவீத் ॥ 24 ॥
ஐணேயம் ஶ்ரபயஸ்வைதச்சா²லாம் யக்ஷ்யாமஹே வயம் ।
த்வர ஸௌம்ய முஹூர்தோயம் த்⁴ருவஶ்ச தி³வஸோப்யயம் ॥ 25 ॥
ஸ லக்ஷ்மண: க்ருஷ்ணம்ருக³ம் மேத்⁴யம் ஹத்வா ப்ரதாபவான் ।
அத² சிக்ஷேப ஸௌமித்ரிஸ்ஸமித்³தே⁴ ஜாதவேத³ஸி ॥ 26 ॥
தந்து பக்வம் பரிஜ்ஞாய நிஷ்டப்தம் சி²ன்னஶோணிதம் ।
லக்ஷ்மண: புருஷவ்யாக்⁴ரமத² ராக⁴வமப்³ரவீத் ॥ 27 ॥
அயம் ஸர்வ: ஸமஸ்தாக்³ங: ஶ்ர்ருத: க்ருஷ்ணம்ருகோ³ மயா ।
தே³வதாம் தே³வஸங்காஶ யஜஸ்வ குஶலோ ஹ்யஸி ॥ 28 ॥
ராம: ஸ்னாத்வா து நியதோ கு³ணவான் ஜப்யகோவித:³ ।
ஸங்க்³ரஹேணாகரோத் ஸ்ரவார்ன மந்த்ரான் ஸத்ராவஸானிகான் ॥ 29 ॥
இஷ்ட்வா தே³வக³ணான்ஸர்வான்விவேஶாவஸத²ம் ஶுசி: ।
ப³பூ⁴வ ச மனோஹ்லாதோ³ ராமஸ்யாமிததேஜஸ: ॥ 3௦ ॥
வைஶ்வதே³வப³லிம் க்ருத்வா ரௌத்³ரம் வைஷ்ணவ மேவ ச ।
வாஸ்துஸம்ஶமனீயானி மங்க³லானி ப்ரவர்தயன் ॥ 31 ॥
ஜபம் ச ந்யாயத க்ருத்வா ஸ்னாத்வா நத்³யாம் யதா²விதி⁴ ।
பாபஸம்ஶமனம் ராம ஶ்சகார ப³லிமுத்தமம் ॥ 32 ॥
வேதி³ஸ்த²லவிதா⁴னானி சைத்யான்யாயதனானி ச ।
ஆஶ்ரமஸ்யானுரூபாணி ஸ்தா²பயாமாஸ ராக⁴வ: ॥ 33 ॥
வன்யைர்மால்யை: ப²லைர்மூலை: பக்வைர்மாம்ஸைர்யதா²விதி⁴ ।
அத்³பி⁴ர்ஜபைஶ்ச வேதோ³க்தைர்த³ர்பை⁴ஶ்ச ஸஸமித்குஶை: ॥ 34 ॥
தௌ தர்பயித்வா பூ⁴தானி ராக⁴வௌ ஸஹ ஸீதயா ।
ததா³ விவிஶது ஶ்ஶாலாம் ஸுஶுபா⁴ம் ஶுப⁴லக்ஷணௌ ॥ 35 ॥
தாம் வ்ருக்ஷபர்ணச்ச²த³னாம் மனோஜ்ஞாம் யதா²ப்ரதே³ஶம் ஸுக்ருதாம் நிவாதாம் ।
வாஸாய ஸர்வே விவிஶுஸ்ஸமேதாஸ்ஸபா⁴ம் யதா² தே³வக³ணாஸ்ஸுத⁴ர்மாம் ॥ 36 ॥
அனேகனானாம்ருக³பக்ஷிஸங்குலே விசித்ரபத்ரஸ்தப³கைர்த்³ருமைர்யுதே ।
வனோத்தமே வ்யாலம்ருகா³னுனாதி³தே ததா³ விஜஹ்ரு ஸ்ஸுஸுக²ம் ஜிதேந்த்³ரியா: ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷட்பஞ்சாஶஸ்ஸர்க:³ ॥
