ஶ்ரீமத்³வால்மீகீய ராமாயணே பா³லகாண்ட³ம் ।
அத² த்³விசத்வாரிம்ஶஸ்ஸர்க:³ ।
காலத⁴ர்மம் க³தே ராம ஸக³ரே ப்ரக்ருதீஜனா: ।
ராஜானம் ரோசயாமாஸுரம்ஶுமந்தம் ஸுதா⁴ர்மிகம் ॥ 1 ॥
ஸ ராஜா ஸுமஹானாஸீத³ம்ஶுமான் ரகு⁴னந்த³ன ।
தஸ்ய புத்ரோ மஹானாஸீத்³தி³லீப இதி விஶ்ருத: ॥ 2 ॥
தஸ்மின் ராஜ்யம் ஸமாவேஶ்ய தி³லீபே ரகு⁴னந்த³ன ।
ஹிமவச்சி²க²ரே புண்யே தபஸ்தேபே ஸுதா³ருணம் ॥ 3 ॥
த்³வாத்ரிம்ஶச்ச ஸஹஸ்ராணி வர்ஷாணி ஸுமஹாயஶா: ।
தபோவனம் க³தோ ராம ஸ்வர்க³ம் லேபே⁴ தபோத⁴ன: ॥ 4 ॥
தி³லீபஸ்து மஹாதேஜாஶ்ஶ்ருத்வா பைதாமஹம் வத⁴ம் ।
து³:கோ²பஹதயா பு³த்³த்⁴யா நிஶ்சயம் நாத்⁴யக³ச்ச²த ॥ 5 ॥
கத²ம் க³ங்கா³வதரணம் கத²ம் தேஷாம் ஜலக்ரியா ।
தாரயேயம் கத²ம் சைதானிதி சிந்தாபரோப⁴வத் ॥ 6 ॥
தஸ்ய சிந்தயதோ நித்யம் த⁴ர்மேண விதி³தாத்மன: ।
புத்ரோ ப⁴கீ³ரதோ² நாம ஜஜ்ஞே பரமதா⁴ர்மிக: ॥ 7 ॥
தி³லீபஸ்து மஹாதேஜா யஜ்ஞைர்ப³ஹுபி⁴ரிஷ்டவான் ।
த்ரிம்ஶத்³வர்ஷஸஹஸ்ராணி ராஜா ராஜ்யமகாரயத் ॥ 8 ॥
அக³த்வா நிஶ்சயம் ராஜா தேஷாமுத்³த⁴ரணம் ப்ரதி ।
வ்யாதி⁴னா நரஶார்தூ³ல காலத⁴ர்மமுபேயிவான் ॥ 9 ॥
இந்த்³ரலோகம் க³தோ ராஜா ஸ்வார்ஜிதேனைவ கர்மணா ।
ராஜ்யே ப⁴கீ³ரத²ம் புத்ரமபி⁴ஷிச்ய நரர்ஷப:⁴ ॥ 1௦ ॥
ப⁴கீ³ரத²ஸ்து ராஜர்ஷிர்தா⁴ர்மிகோ ரகு⁴னந்த³ன ।
அனபத்யோ மஹாதேஜா: ப்ரஜாகாமஸ்ஸ சாப்ரஜ: ॥ 11 ॥
மந்த்ரிஷ்வாதா⁴ய தத்³ராஜ்யம் க³ங்கா³வதரணே ரத: ।
ஸ தபோ தீ³ர்க⁴மாதிஷ்ட²த்³கோ³கர்ணே ரகு⁴னந்த³ன ॥ 12 ॥
ஊர்த்⁴வபா³ஹு: பஞ்சதபா மாஸாஹாரோ ஜிதேந்த்³ரிய: ।
தஸ்ய வர்ஷஸஹஸ்ராணி கோ⁴ரே தபஸி திஷ்ட²த: ॥ 13 ॥
அதீதானி மஹாபா³ஹோ தஸ்ய ராஜ்ஞோ மஹாத்மன: ।
ஸுப்ரீதோ ப⁴க³வான் ப்³ரஹ்மா ப்ரஜானாம் பதிரீஶ்வர: ॥ 14 ॥
ததஸ்ஸுரக³ணைஸ்ஸார்த⁴முபாக³ம்ய பிதாமஹ: ।
ப⁴கீ³ரத²ம் மஹாத்மானம் தப்யமானமதா²ப்³ரவீத் ॥ 15 ॥
ப⁴கீ³ரத² மஹாபா⁴க³ ப்ரீதஸ்தேஹம் ஜனேஶ்வர ।
தபஸா ச ஸுதப்தேன வரம் வரய ஸுவ்ரத ॥ 16 ॥
தமுவாச மஹாதேஜா: ஸர்வலோகபிதாமஹம் ।
ப⁴கீ³ரதோ² மஹாபா⁴க:³ க்ருதாஞ்ஜலிருபஸ்தி²த: ॥ 17 ॥
யதி³ மே ப⁴க³வன் ப்ரீதோ யத்³யஸ்தி தபஸ: ப²லம் ।
ஸக³ரஸ்யாத்மஜாஸ்ஸர்வே மத்தஸ்ஸலிலமாப்னுயு: ॥ 18 ॥
க³ங்கா³யாஸ்ஸலிலக்லின்னே ப⁴ஸ்மன்யேஷாம் மஹாத்மனாம் ।
ஸ்வர்க³ம் க³ச்சே²யுரத்யந்தம் ஸர்வே மே ப்ரபிதாமஹா: ॥ 19 ॥
தே³யா ச ஸந்ததிர்தே³வ நாவஸீதே³த்குலம் ச ந: ।
இக்ஷ்வாகூணாம் குலே தே³வ ஏஷ மேஸ்து வர:பர: ॥ 2௦ ॥
உக்தவாக்யம் து ராஜானம் ஸர்வலோகபிதாமஹ: ।
ப்ரத்யுவாச ஶுபா⁴ம் வாணீம் மது⁴ராம் மது⁴ராக்ஷராம் ॥ 21 ॥
மனோரதோ² மஹானேஷ ப⁴கீ³ரத² மஹாரத² ।
ஏவம் ப⁴வது ப⁴த்³ரம் தே இக்ஷ்வாகுகுலவர்த⁴ன ॥ 22 ॥
இயம் ஹைமவதீ க³ங்கா³ ஜ்யேஷ்டா² ஹிமவதஸ்ஸுதா ।
தாம் வை தா⁴ரயிதும் ஶக்தோ ஹரஸ்தத்ர நியுஜ்யதாம் ॥ 23 ॥
க³ங்கா³யா: பதனம் ராஜன் ப்ருதி²வீ ந ஸஹிஷ்யதி ।
தாம் வை தா⁴ரயிதும் வீர நான்யம் பஶ்யாமி ஶூலின: ॥ 24 ॥
தமேவமுக்த்வா ராஜானம் க³ங்கா³ம் சாபா⁴ஷ்ய லோகக்ருத் ।
ஜகா³ம த்ரிதி³வம் தே³வஸ்ஸஹதே³வைர்மருத்³க³ணை: ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்³விசத்வாரிம்ஶஸ்ஸர்க:³ ॥
