ஶ்ரீமத்³வால்மீகீய ராமாயணே பா³லகாண்ட³ம் ।
அத² த்³வாத்ரிம்ஶஸ்ஸர்க:³ ।
ப்³ரஹ்மயோனிர்மஹானாஸீத் குஶோ நாம மஹாதபா: ।
அக்லிஷ்டவ்ரதத⁴ர்மஜ்ஞ: ஸஜ்ஜனப்ரதிபூஜக: ॥ 1 ॥
ஸ மஹாத்மா குலீனாயாம் யுக்தாயாம் ஸுகு³ணோல்ப³ணான் ।
வைத³ர்ப்⁴யாம் ஜனயாமாஸ சதுரஸ்ஸத்³ருஶான் ஸுதான் ॥ 2 ॥
குஶாம்ப³ம் குஶனாப⁴ம் ச அதூ⁴ர்தரஜஸம் வஸும் ।
தீ³ப்தியுக்தான் மஹோத்ஸாஹான் க்ஷத்ரத⁴ர்மசிகீர்ஷயா ॥ 3 ॥
தானுவாச குஶ: புத்ரான் த⁴ர்மிஷ்டா²ன் ஸத்யவாதி³ன: ।
க்ரியதாம் பாலனம் புத்ரா: த⁴ர்மம் ப்ராப்ஸ்யத² புஷ்கலம் ॥ 4 ॥
ருஷேஸ்து வசனம் ஶ்ருத்வா சத்வாரோ லோகஸம்மதா: ।
நிவேஶம் சக்ரிரே ஸர்வே புராணாம் ந்ருவராஸ்ததா³ ॥ 5 ॥
குஶாம்ப³ஸ்து மஹாதேஜா: கௌஶாம்பீ³மகரோத்புரீம் ।
குஶனாப⁴ஸ்து த⁴ர்மாத்மா புரம் சக்ரே மஹோத³யம் ॥ 6 ॥
அதூ⁴ர்தரஜஸோ ராம த⁴ர்மாரண்யம் மஹீபதி: ।
சக்ரே புரவரம் ராஜா வஸுஶ்சக்ரே கி³ரிவ்ரஜம் ॥ 7 ॥
ஏஷா வஸுமதீ ராம வஸோஸ்தஸ்ய மஹாத்மன: ।
ஏதே ஶைலவரா: பஞ்ச ப்ரகாஶந்தே ஸமந்தத: ॥ 8 ॥
ஸுமாக³தீ⁴ நதீ³ ரம்யா மக³தா⁴ன் விஶ்ருதாயயௌ ।
பஞ்சானாம் ஶைலமுக்²யானாம் மத்⁴யே மாலேவ ஶோப⁴தே ॥ 9 ॥
ஸைஷா ஹி மாக³தீ⁴ ராம வஸோஸ்தஸ்ய மஹாத்மன: ।
பூர்வாபி⁴சரிதா ராம ஸுக்ஷேத்ரா ஸஸ்யமாலினீ ॥ 1௦ ॥
குஶனாப⁴ஸ்து ராஜர்ஷி: கன்யாஶதமனுத்தமம் ।
ஜனயாமாஸ த⁴ர்மாத்மா க்⁴ருதாச்யாம் ரகு⁴னந்த³ன ॥ 11 ॥
தாஸ்து யௌவனஶாலின்யோ ரூபவத்ய ஸ்ஸ்வலங்க்ருதா: ।
உத்³யானபூ⁴மிமாக³ம்ய ப்ராவ்ருஷீவ ஶதஹ்ரதா³: ॥ 12 ॥
கா³யந்த்யோ ந்ருத்யமானாஶ்ச வாத³யந்த்யஶ்ச ஸர்வஶ: ।
ஆமோத³ம் பரமம் ஜக்³முர்வராப⁴ரணபூ⁴ஷிதா: ॥ 13 ॥
அத² தாஶ்சாருஸர்வாங்க்³யோ ரூபேணாப்ரதிமா பு⁴வி ।
உத்³யானபூ⁴மிமாக³ம்ய தாரா இவ க⁴னாந்தரே ॥ 14 ॥
தாஸ்ஸர்வகு³ணஸம்பன்னா ரூபயௌவனஸம்யுதா: ।
த்³ருஷ்ட்வா ஸர்வாத்மகோ வாயுரித³ம் வசனமப்³ரவீத் ॥ 15 ॥
அஹம் வ: காமயே ஸர்வா பா⁴ர்யா மம ப⁴விஷ்யத² ।
மானுஷஸ்த்யஜ்யதாம் பா⁴வ: தீ³ர்க⁴மாயுரவாப்ஸ்யத² ॥ 16 ॥
சலம் ஹி யௌவனம் நித்யம் மானுஷேஷு விஶேஷத: ।
அக்ஷய்யம் யௌவனம் ப்ராப்தா: அமர்யஶ்ச ப⁴விஷ்யத² ॥ 17 ॥
தஸ்ய தத்³வசனம் ஶ்ருத்வா வாயோரக்லிஷ்டகர்மண: ।
அபஹாஸ்ய ததோ வாக்யம் கன்யாஶதமதா²ப்³ரவீத் ॥ 18 ॥
அந்தஶ்சரஸி பூ⁴தானாம் ஸர்வேஷாம் த்வம் ஸுரோத்தம ।
ப்ரபா⁴வஜ்ஞா: ஸ்ம தே ஸர்வா: கிமஸ்மானவமன்யஸே ॥ 19 ॥
குஶனாப⁴ஸுதாஸ்ஸர்வா: ஸமர்தா²ஸ்த்வாம் ஸுரோத்தம ।
ஸ்தா²னாச்ச்யாவயிதும் தே³வம் ரக்ஷாமஸ்து தபோ வயம் ॥ 2௦ ॥
மாபூ⁴த்ஸ காலோ து³ர்மேத:⁴ பிதரம் ஸத்யவாதி³னம் ।
நாவமன்யஸ்வ த⁴ர்மேண ஸ்வயம் வரமுபாஸ்மஹே ॥ 21 ॥
பிதா ஹி ப்ரபு⁴ரஸ்மாகம் தை³வதம் பரமம் ஹி ந: ।
யஸ்ய நோ தா³ஸ்யதி பிதா ஸ நோ ப⁴ர்தா ப⁴விஷ்யதி ॥ 22 ॥
தாஸாம் தத்³வசனம் ஶ்ருத்வா வாயு: பரமகோபன: ।
ப்ரவிஶ்ய ஸர்வகா³த்ராணி ப³ப⁴ஞ்ஜ ப⁴க³வான் ப்ரபு⁴: ॥ 23 ॥
தா: கன்யா வாயுனா ப⁴க்³னா விவிஶுர்ன்ருபதேர்க்³ருஹம் ।
ப்ராபதன் பு⁴வி ஸம்ப்⁴ராந்தாஸ்ஸலஜ்ஜா ஸ்ஸாஸ்ரலோசனா: ॥ 24 ॥
ஸ ச தா த³யிதா தீ³னா: கன்யா: பரமஶோப⁴னா: ।
த்³ருஷ்ட்வா ப⁴க்³னாஸ்ததா³ ராஜா ஸம்ப்⁴ராந்த இத³மப்³ரவீத் ॥ 25 ॥
கிமித³ம் கத்²யதாம் புத்ர்ய: கோ த⁴ர்மமவமன்யதே ।
குப்³ஜா: கேன க்ருதா: ஸர்வா வேஷ்டந்த்யோ நாபி⁴பா⁴ஷத² ।
ஏவம் ராஜா வினிஶ்ஶ்வஸ்ய ஸமாதி⁴ம் ஸந்த³தே⁴ தத: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்³வாத்ரிம்ஶஸ்ஸர்க:³ ॥
