ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² அஷ்டாத³ஶஸ்ஸர்க:³ ।
இத்யுக்த: ப்ரஶ்ரிதம் வாக்யம் த⁴ர்மார்த²ஸஹிதம் ஹிதம் ।
பருஷம் வாலினா ராமோ நிஹதேன விசேதஸா ॥ 1 ॥
தம் நிஷ்ப்ரப⁴மிவாதி³த்யம் முக்ததோயமிவாம்பு³த³ம் ।
உக்தவாக்யம் ஹரிஶ்ரேஷ்ட²முபஶாந்தமிவானலம் ॥ 2 ॥
த⁴ர்மார்த²கு³ணஸம்பன்னம் ஹரீஶ்வரமனுத்தமம் ।
அதி⁴க்ஷிப்தஸ்ததா³ ராம: பஶ்சாத்³வாலினமப்³ரவீத் ॥ 3 ॥
த⁴ர்மமர்த²ம் ச காமம் ச ஸமயம் சாபி லௌகிகம் ।
அவிஜ்ஞாய கத²ம் பா³ல்யான்மாமிஹாத்³ய விக³ர்ஹஸே ॥ 4 ॥
அப்ருஷ்ட்வா பு³த்³தி⁴ஸம்பன்னான்வ்ருத்³தா⁴னாசார்யஸம்மதான் ।
ஸௌம்ய வானரசாபல்யாத்கிம் மாவக்துமிஹேச்ச²ஸி ॥ 5 ॥
இக்ஷ்வாகூணாமியம் பூ⁴மிஸ்ஸஶைலவனகானநா ।
ம்ருக³பக்ஷிமனுஷ்யாணாம் நிக்³ரஹப்ரக்³ரஹாவபி ॥ 6 ॥
தாம் பாலயதி த⁴ர்மாத்மா ப⁴ரதஸ்ஸத்யவாக்³ருஜு: ।
த⁴ர்மகாமார்த²தத்த்வஜ்ஞோ நிக்³ரஹானுக்³ரஹே ரத: ॥ 7 ॥
நயஶ்ச வினயஶ்சோபௌ⁴ யஸ்மின்ஸத்யம் ச ஸுஸ்தி²தம் ।
விக்ரமஶ்ச யதா² த்³ருஷ்டஸ்ஸ ராஜா தே³ஶகாலவித் ॥ 8 ॥
தஸ்ய த⁴ர்மக்ருதாதே³ஶா வயமன்யே ச பார்தி²வா: ।
சராமோ வஸுதா⁴ம் க்ருத்ஸ்னாம் த⁴ர்மஸந்தானமிச்ச²வ: ॥ 9 ॥
தஸ்மின்ன்ருபதிஶார்தூ³லே ப⁴ரதே த⁴ர்மவத்ஸலே ।
பாலயத்யகி²லாம் பூ⁴மிம் கஶ்சரேத்³த⁴ர்மனிக்³ரஹம் ॥ 1௦ ॥
தே வயம் த⁴ர்மவிப்⁴ரஷ்டம் ஸ்வத⁴ர்மே பரமே ஸ்தி²தா: ।
ப⁴ரதாஜ்ஞாம் புரஸ்க்ருத்ய நிக்³ருஹ்ணீமோ யதா²விதி⁴ ॥ 11 ॥
த்வம் து ஸங்க்லிஷ்டத⁴ர்மா ச கர்மணா ச விக³ர்ஹித: ।
காமதந்த்ரப்ரதா⁴னஶ்ச ந ஸ்தி²தோ ராஜவர்த்மனி ॥ 12 ॥
ஜ்யேஷ்டோ² ப்⁴ராதா பிதா சைவ யஶ்ச வித்³யாம் ப்ரயச்ச²தி ।
த்ரயஸ்தே பிதரோ ஜ்ஞேயா த⁴ர்ம்யே ச பதி² வர்தின: ॥ 13 ॥
யவீயானாத்மன: புத்ரஶஶிஷ்யஶ்சாபி கு³ணோதி³த: ।
புத்ரவத்தே த்ரயஶ்சிந்த்யா த⁴ர்மஶ்சேத³த்ரகாரணம் ॥ 14 ॥
ஸூக்ஷ்ம: பரமது³ரஜேயஸ்ஸதாம் த⁴ர்ம: ப்லவங்க³ம ।
ஹ்ருதி³ஸ்த²ஸ்ஸர்வபூ⁴தானாமாத்மா வேத³ ஶுபா⁴ஶுப⁴ம் ॥ 15 ॥
சபலஶ்சபலைஸ்ஸார்த⁴ம் வானரைரக்ருதாத்மபி⁴: ।
ஜாத்யந்த⁴ இவ ஜாத்யந்தை⁴ர்மந்த்ரயன் ப்ரேக்ஷஸே நு கிம் ॥ 16 ॥
அஹம் து வ்யக்ததாமஸ்ய வசனஸ்ய ப்³ரவீமி தே ।
ந ஹி மாம் கேவலம் ரோஷாத்த்வம் விக³ர்ஹிதுமர்ஹஸி ॥ 17 ॥
ததே³தத்காரணம் பஶ்ய யத³ர்த²ம் த்வம் மயா ஹத: ।
ப்⁴ராதுர்வர்தஸி பா⁴ர்யாயாம் த்யக்த்வா த⁴ர்மம் ஸனாதனம் ॥ 18 ॥
அஸ்ய த்வம் த⁴ரமாணஸ்ய ஸுக்³ரீவஸ்ய மஹாத்மன: ।
ருமாயாம் வர்தஸே காமாத்ஸ்னுஷாயாம் பாபகர்மக்ருத் ॥ 19 ॥
தத்³வ்யதீதஸ்ய தே த⁴ர்மாத்காமவ்ருத்தஸ்ய வானர ।
ப்⁴ராத்ருபா⁴ர்யாவமர்ஶேஸ்மிந்த³ண்டோ³யம் ப்ரதிபாதி³த: ॥ 2௦ ॥
ந ஹி த⁴ர்மவிருத்³த⁴ஸ்ய லோகவ்ருத்தாத³பேயுஷ: ।
த³ண்டா³த³ன்யத்ர பஶ்யாமி நிக்³ரஹம் ஹரியூத²ப ॥ 21 ॥
ந ஹி தே மர்ஷயே பாபம் க்ஷத்ரியோஹம் குலோத்³ப⁴வ: ।
ஔரஸீம் ப⁴கி³னீம் வாபி பா⁴ர்யாம் வாப்யனுஜஸ்ய ய: ॥ 22 ॥
ப்ரசரேத நர: காமாத்தஸ்ய த³ண்டோ³ வத:⁴ ஸ்ம்ருத: ।
ப⁴ரதஸ்து மஹீபாலோ வயம் த்வாதே³ஶவர்தின: ॥ 23 ॥
த்வம் து த⁴ர்மாத³திக்ராந்த: கத²ம் ஶக்யம் உபேக்ஷிதும் ।
கு³ரூர்த⁴ர்மவ்யதிக்ராந்தம் ப்ராஜ்ஞோ த⁴ர்மேண பாலயன் ॥ 24 ॥
ப⁴ரத: காமவ்ருத்தானாம் நிக்³ரஹே பர்யவஸ்தி²த: ।
வயம் து ப⁴ரதாதே³ஶ விதி⁴ம் க்ருத்வா ஹரீஶ்வர ।
த்வத்³விதா⁴ன்பி⁴ன்னமர்யாதா³ன்னியந்துபர்யவஸ்தி²தா: ॥ 25 ॥
ஸுக்³ரீவேண ச மே ஸக்²யம் லக்ஷ்மணேன யதா² ததா² ।
தா³ரராஜ்யனிமித்தம் ச நி:ஶ்ரேயஸி ரத ஸ்ஸ மே ॥ 26 ॥
ப்ரதிஜ்ஞா ச மயா த³த்தா ததா³ வானரஸன்னிதௌ⁴ ।
ப்ரதிஜ்ஞா ச கத²ம் ஶக்யா மத்³விதே⁴னானவேக்ஷிதும் ॥ 27 ॥
ததே³பி⁴: காரணைஸ்ஸர்வைர்மஹத்³பி⁴ர்த⁴ர்மஸம்ஹிதை: ॥ 28 ॥
ஶாஸனம் தப யத்³யுக்தம் தத்³ப⁴வானநுமன்யதாம் ।
ஸர்வதா² த⁴ர்ம இத்யேவ த்³ரஷ்டவ்யஸ்தவ நிக்³ரஹ: ॥ 29 ॥
வயஸ்யஸ்யோபகர்தவ்யம் த⁴ர்மமேவானுபஶ்யத: ।
ஶக்யம் த்வயாபி தத்கார்யம் த⁴ர்மமேவானுபஶ்யதா ॥ 3௦ ॥
ஶ்ரூயதே மனுனா கீ³தௌ ஶ்லோகௌ சாரித்ரவத்ஸலௌ ।
க்³ருஹீதௌ த⁴ர்மகுஶலைஸ்தத்ததா² சரிதம் ஹரே ॥ 31 ॥
ராஜபி⁴ர்த்⁴ருதத³ண்டா³ஸ்து க்ருத்வா பாபானி மானவா: ।
நிர்மலாஸ்ஸ்வர்க³மாயாந்தி ஸந்தஸ்ஸுக்ருதினோ யதா² ॥ 32 ॥
ஶாஸனாத்³வாபிமோக்ஷாத்³வா ஸ்தேன: ஸ்தேயாத்³விமுச்யதே ।
ராஜாத்வஶாஸன்பாபஸ்ய தத³வாப்னோதி கில்பி³ஷம் ॥ 33 ॥
ஆர்யேண மம மாந்தா⁴த்ரா வ்யஸனம் கோ⁴ரமீப்ஸிதம் ।
ஶ்ரமணேன க்ருதே பாபே யதா² பாபம் க்ருதம் த்வயா ॥ 34 ॥
அன்யைரபி க்ருதம் பாபம் ப்ரமத்தைர்வஸுதா⁴தி⁴பை: ।
ப்ராயஶ்சித்தம் ச குர்வந்தி தேன தச்சா²ம்யதே ரஜ: ॥ 35 ॥
தத³லம் பரிதாபேன த⁴ர்மத: பரிகல்பித: ।
வதோ⁴ வானரஶார்தூ³ல ந வயம் ஸ்வவஶே ஸ்தி²தா: ॥ 36 ॥
ஶ்ருணு சாப்யபரம் பூ⁴ய: காரணம் ஹரிபுங்க³வ ।
யச்ச்²ருத்வா ஹேதுமத்³வீர ந மன்யும் கர்துமர்ஹஸி ॥ 37 ॥
ந மே தத்ர மனஸ்தாபோ ந மன்யுர்ஹரிபுங்க³வ ।
வாகு³ராபி⁴ஶ்ச பாஶைஶ்ச கூடைஶ்ச விவிதை⁴ர்னரா: ॥ 38 ॥
ப்ரதிச்ச²ன்னாஶ்ச த்³ருஶ்யாஶ்ச க்³ருஹ்ணந்தி ஸுப³ஹூன்ம்ருகா³ன் ।
ப்ரதா⁴விதான்வா வித்ரஸ்தான்விஸ்ரப்³தா⁴ம்ஶ்சாபி நிஷ்டி²தான் ॥ 39 ॥
ப்ரமத்தானப்ரமத்தான்வா நரா மாம்ஸார்தி²னோ ப்⁴ருஶம் ।
வித்⁴யந்தி விமுகா²ம்ஶ்சாபி ந ச தோ³ஷோத்ர வித்³யதே ॥ 4௦ ॥
யாந்தி ராஜர்ஷயஶ்சாத்ர ம்ருக³யாம் த⁴ர்மகோவிதா³: ।
தஸ்மாத்த்வம் நிஹதோ யுத்³தே⁴ மயா பா³ணேன வானர ॥ 41 ॥
அயுத்⁴யன்ப்ரதியுத்⁴யன்வா யஸ்மாச்சா²கா²ம்ருகோ³ ஹ்யஸி ।
து³ர்லப⁴ஸ்ய ச த⁴ர்மஸ்ய ஜீவிதஸ்ய ஶுப⁴ஸ்ய ச ॥ 42 ॥
ராஜானோ வானரஶ்ரேஷ்ட² ப்ரதா³தாரோ ந ஸம்ஶய: ।
தான்ன ஹிம்ஸ்யான்ன சாக்ரோஶேன்னாக்ஷிபேன்னாப்ரியம் வதே³த் ॥ 43 ॥
தே³வா மானுஷரூபேண சரந்த்யேதே மஹீதலே ।
த்வம் து த⁴ர்மமவிஜ்ஞாய கேவலம் ரோஷமாஸ்தி²த: ॥ 44 ॥
ப்ரதூ³ஷயஸி மாம் த⁴ர்மே பித்ருபைதாமஹே ஸ்தி²தம் ।
ஏவமுக்தஸ்து ராமேண வாலீ ப்ரவ்யதி²தோ ப்⁴ருஶம் ॥ 45 ॥
ந தோ³ஷம் ராக⁴வே த³த்⁴யௌ த⁴ர்மேதி⁴க³தனிஶ்சய: ।
ப்ரத்யுவாச ததோ ராமம் ப்ராஞ்ஜலிர்வானரேஶ்வர: ॥ 46 ॥
யத்த்வமாத்த² நரஶ்ரேஷ்ட² ததே³வம் நாத்ர ஸம்ஶய: ।
ப்ரதிவக்தும் ப்ரக்ருஷ்டே ஹி நாபக்ருஷ்டஸ்து ஶக்னுயாத் ॥ 47 ॥
யத³யுக்தம் மயா பூர்வம் ப்ரமாதா³த்³வாக்யமப்ரியம் ।
தத்ராபி க²லு மே தோ³ஷம் கர்தும் நார்ஹஸி ராக⁴வ ।
தத³யுக்தம் மயா பூர்வம் ப்ரமாதா³து³க்தமப்ரியம் ।
தத்ராபி க²லு மே தோ³ஷம் கர்தும் நார்ஹஸி ராக⁴வ ॥ 48 ॥
த்வம் ஹி த்³ருஷ்டார்த²தத்த்வஜ்ஞ: ப்ரஜானாம் ச ஹிதே ரத: ।
கார்யகாரணஸித்³தௌ⁴ ச ப்ரஸன்னா பு³த்³தி⁴ரவ்யயா ॥ 49 ॥
மாமப்யக³தத⁴ர்மாணம் வ்யதிக்ராந்தபுரஸ்க்ருதம் ।
த⁴ர்மஸம்ஹிதயா வாசா த⁴ர்மஜ்ஞ பரிபாலய ॥ 5௦ ॥
ந த்வாத்மானமஹம் ஶோசே ந தாராம் ந ச பா³ந்த⁴வான் ।
யதா² புத்ரம் கு³ணஜ்யேஷ்ட²மங்க³த³ம் கனகாங்க³த³ம் ॥ 51 ॥
ஸ மமாத³ர்ஶனாத்³தீ³னோ பா³ல்யாத்ப்ரப்⁴ருதி லாலித: ।
தடாக இவ பீதாம்பு³ருபஶோஷம் க³மிஷ்யதி ॥ 52 ॥
பா³லஶ்சாக்ருதபு³த்³தி⁴ஶ்ச ஏகபுத்ரஶ்ச மே ப்ரிய: ।
தாரேயோ ராம ப⁴வதா ரக்ஷணீயோ மஹாப³ல: ॥ 53 ॥
ஸுக்³ரீவே சாங்க³தே³ சைவ வித⁴த்ஸ்வ மதிமுத்தமாம் ।
த்வம் ஹி ஶாஸ்தா ச கோ³ப்தா ச கார்யாகார்யவிதௌ⁴ ஸ்தி²த: ॥ 54 ॥
யா தே நரபதே வ்ருத்திர்ப⁴ரதே லக்ஷ்மணே ச யா ।
ஸுக்³ரீவே சாங்க³தே³ ராஜம்ஸ்தாம் த்வமாதா⁴துமிஹாஸி ॥ 55 ॥
மத்³தோ³ஷக்ருததோ³ஷாம் தாம் யதா² தாராம் தபஸ்வினீம் ।
ஸுக்³ரீவோ நாவமன்யேத ததா²வஸ்தா²துமர்ஹஸி ॥ 56 ॥
த்வயா ஹ்யனுக்³ருஹீதேன ராஜ்யம் ஶக்யமுபாஸிதும் ॥ 57 ॥
த்வத்³வஶே வர்தமானேன தவ சித்தானுவர்தினா ।
ஶக்யம் தி³வம் சார்ஜயிதும் வஸுதா⁴ம் சாபி ஶாஸிதும் ॥ 58 ॥
த்வத்தோஹம் வத⁴மாகாங்க்ஷன்வார்யமாணோபி தாரயா ।
ஸுக்³ரீவேண ஸஹ ப்⁴ராத்ரா த்³வந்த்³வயுத்³த⁴முபாக³த: ॥ 59 ॥
இத்யுக்த்வா ஸன்னதோ ராமம் விரராம ஹரீஶ்வர: ।
ஸ தமாஶ்வாஸயத்³ராமோ வாலினம் வ்யக்தத³ர்ஶனம் ॥ 6௦ ॥
ஸாமஸம்பன்னயா வாசா த⁴ர்மதத்த்வார்த²யுக்தயா ।
ந ஸந்தாபஸ்த்வயா கார்ய ஏதத³ர்த²ம் ப்லவங்க³ம ॥ 61 ॥
ந வயம் ப⁴வதா சிந்த்யா நாப்யாத்மா ஹரிஸத்தம ।
வயம் ப⁴வத்³விஶேஷேண த⁴ர்மத: க்ருதனிஶ்சயா: ॥ 62 ॥
த³ண்ட்³யே ய: பாதயேத்³த³ண்ட³ம் த³ண்ட்³யோ யஶ்சாபி த³ண்ட்³யதே ।
கார்யகாரணஸித்³தா⁴ர்தா² வுபௌ⁴ தௌ நாவஸீத³த: ॥ 63 ॥
தத்³ப⁴வாந்த³ண்ட³ஸம்யோகா³த³ஸ்மாத்³விக³தகல்மஷ: ।
க³தஸ்ஸ்வாம் ப்ரக்ருதிம் த⁴ர்ம்யம் த⁴ர்மத்³ருஷ்டேன வர்த்மனா ॥ 64 ॥
த்யஜ ஶோகம் ச மோஹம் ச ப⁴யம் ச ஹ்ருத³யே ஸ்தி²தம் ।
த்வயா விதா⁴னம் ஹர்யக்³ர்ய ந ஶக்யமதிவர்திதும் ॥ 65 ॥
யதா² த்வய்யங்க³தோ³ நித்யம் வர்ததே வானரேஶ்வர ।
ததா² வர்தேத ஸுக்³ரீவே மயி சாபி ந ஸம்ஶய: ॥ 66 ॥
ஸ தஸ்ய வாக்யம் மது⁴ரம் மஹாத்மன ஸ்ஸமாஹிதம் த⁴ர்மபதா²னுவர்தின: ।
நிஶம்ய ராமஸ்ய ரணாவமர்தி³னோ வசஸ்ஸுயுக்தம் நிஜகா³த³ வானர: ॥ 67 ॥
ஶராபி⁴தப்தேன விசேதஸா மயா ப்ரதூ³ஷிதஸ்த்வம் யதஜ³ானதா ப்ரபோ⁴ ।
இத³ம் மஹேந்த்³ரோபம பீ⁴மவிக்ரம ப்ரஸாதி³தஸ்த்வம் க்ஷம மே நரேஶ்வர ॥ 68 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ அஷ்டாத³ஶஸ்ஸர்க:³ ॥
