ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஸப்தத்ரிம்ஶஸ்ஸர்க:³ ।
ஏவமுக்தஸ்து ஸுக்³ரீவோ லக்ஷ்மணேன மஹாத்மனா ।
ஹனூமந்தம் ஸ்தி²தம் பார்ஶ்வே ஸசிவந்த்வித³மப்³ரவீத் ॥ 1 ॥
மஹேந்த்³ரஹிமவத்³விந்த்⁴யகைலாஸஶிக²ரேஷு ச ।
மந்த³ரே பாண்டு³ஶிக²ரே பஞ்சஶைலேஷு யே ஸ்தி²தா: ॥ 2 ॥
தருணாதி³த்யவர்ணேஷு ப்⁴ராஜமானேஷு ஸர்வத: ।
பர்வதேஷு ஸமுத்³ராந்தே பஶ்சிமாயாம் ச யே தி³ஶி ॥ 3 ॥
ஆதி³த்யப⁴வனே சைவ கி³ரௌ ஸந்த்⁴யாப்⁴ரஸன்னிபே⁴ ।
பத்³மாதாலவனம் பீ⁴மம் ஸம்ஶ்ரிதா ஹரிபுங்க³வா: ॥ 4 ॥
அஞ்ஜனாம்பு³த³ஸங்காஶா: குஞ்ஜரப்ரதிமௌஜஸ: ।
அஞ்ஜனே பர்வதே சைவ யே வஸந்தி ப்லவங்க³மா: ॥ 5 ॥
மனஶ்ஶிலா கு³ஹாவாஸா வானரா: கனகப்ரபா⁴: ।
மேருபார்ஶ்வக³தாஶ்சைவ யே தூ⁴ம்ரகி³ரிம் ஸம்ஶ்ரிதா: ॥ 6 ॥
தருணாதி³த்யவர்ணாஶ்ச பர்வதே யே மஹாருணே ।
பிப³ந்தோ மது⁴மைரேயம் பீ⁴மவேகா³: ப்லவங்க³மா: ॥ 7 ॥
வனேஷு ச ஸுரம்யேஷு ஸுக³ந்தி⁴ஷு மஹத்ஸு ச ।
தாபஸானாம் ச ரம்யேஷு வனாந்தேஷு ஸமந்தத: ॥ 8 ॥
தாம்ஸ்தாம் ஸ்த்வமானய க்ஷிப்ரம் ப்ருதி²வ்யாம் ஸர்வவானரான் ।
ஸாமதா³னாதி³பி⁴: ஸ்ஸர்வைராஶு ப்ரேஷய வானரான் ॥ 9 ॥
ப்ரேஷிதா: ப்ரத²மம் யே ச மயாதூ³தா மஹாஜவா: ।
த்வரணார்த²ம் து பூ⁴யஸ்த்வம் ஹரீன் ஸம்ப்ரேஷயாபரான் ॥ 1௦ ॥
யே ப்ரஸக்தாஶ்ச காமேஷு தீ³ர்க⁴ஸூத்ராஶ்ச வானரா: ।
இஹானயஸ்வ தான் ஸர்வான் ஶீக்⁴ரம் து மம ஶாஸனாத் ॥ 11 ॥
அஹோபி⁴ர்த³ஶபி⁴ர்யே ச நாக³ச்ச²ந்தி மமாஜ்ஞயா ।
ஹந்தவ்யாஸ்தே து³ராத்மானோ ராஜஶாஸனதூ³ஷகா: ॥ 12 ॥
ஶதான்யத² ஸஹஸ்ராணாம் கோட்யஶ்ச மம ஶாஸனாத் ।
ப்ரயாந்து கபிஸிம்ஹானாம் தி³ஶோ மம மதே ஸ்தி²தா: ॥ 13 ॥
மேக⁴பர்வதஸங்காஶாஶ்சா²த³யந்த இவாம்ப³ரம் ।
கோ⁴ரரூபா: கபிஶ்ரேஷ்டா² யாந்து மச்சா²ஸனாதி³த: ॥ 14 ॥
தே க³திஜ்ஞா க³திம் ஜ்ஞாத்வா ப்ருதி²வ்யாம் ஸர்வவானரா: ।
ஆனயந்து ஹரீன் ஸர்வாம்ஸ்த்வரிதா ஶஸனான்மம ॥ 15 ॥
தஸ்ய வானர ராஜஸ்ய ஶ்ருத்வா வாயுஸுதோ வச: ।
தி³க்ஷு ஸர்வாஸு விக்ராந்தான்ப்ரேஷயாமாஸ வானரான் ॥ 16 ॥
தே பத³ம் விஷ்ணுவிக்ராந்தம் பதத்ரிஜ்யோதிரத்⁴வகா³: ।
ப்ரயாதா: ப்ரஹிதா ராஜ்ஞா ஹரயஸ்தத்க்ஷணேன வை ॥ 17 ॥
தே ஸமுத்³ரேஷு கி³ரிஷு வனேஷு ச ஸரஸ்ஸு ச ।
வானரா வானரான்ஸர்வான்ராமஹேதோரசோத³யன் ॥ 18 ॥
ம்ருத்யுகாலோபமஸ்யாஜ்ஞாம் ராஜராஜஸ்ய வானரா: ।
ஸுக்³ரீவஸ்யாயயு ஶ்ஶ்ருத்வா ஸுக்³ரீவப⁴யத³ர்ஶின: ॥ 19 ॥
ததஸ்தேஞ்ஜனஸங்காஶா கி³ரேஸ்தஸ்மான்மஹாஜவா: ।
திஸ்ர: கோட்ய: ப்லவங்கா³னாம் நிர்யயுர்யத்ர ராக⁴வ: ॥ 2௦ ॥
அஸ்தம் க³ச்ச²தி யத்ரார்கஸ்தஸ்மின்கி³ரிவரே ஸ்தி²தா: ।
ஸந்தப்த ஹேமமஹாபா⁴ஸஸ்தஸ்மாத்கோட்யோ த³ஶ ச்யுதா: ॥ 21 ॥
கைலாஸஶிக²ரேப்⁴யஶ்ச ஸிம்ஹகேஸரவர்சஸாம் ।
தத: கோடிஸஹஸ்ராணி வானராணாமுபாக³மன் ॥ 22 ॥
ப²லமூலேன ஜீவந்தோ ஹிமவந்தமுபாஶ்ரிதா: ।
தேஷாம் கோடிஸஹஸ்ராணாம் ஸஹஸ்ரம் ஸமவர்தத ॥ 23 ॥
அங்கா³ரகஸமானானாம் பீ⁴மானாம் பீ⁴மகர்மணாம் ।
விந்த்⁴யாத்³வானரகோடீனாம் ஸஹஸ்ராண்யபதந்த்³ருதம் ॥ 24 ॥
க்ஷீரோத³வேலானிலயாஸ்தமாலவனவாஸின: ।
நாரிகேலாஶனாஶ்சைவ தேஷாம் ஸங்க்²யா ந வித்³யதே ॥ 25 ॥
வனேப்⁴யோ க³ஹ்வரேப்⁴யஶ்ச ஸரித்³ப்⁴யஶ்ச மஹாஜவா ।
ஆக³ச்ச²த்³வானரீ ஸேனா பிப³ந்தீவ தி³வாகரம் ॥ 26 ॥
யே து த்வரயிதும் யாதா வானராஸ்ஸர்வவானரான் ।
தே வீரா ஹிமவச்சை²லம் த³த்³ருஶுஸ்தம் மஹாத்³ருமம் ॥ 27 ॥
தஸ்மின்கி³ரிவரே ரம்யே யஜ்ஞோ மாஹேஶ்வர: புரா ।
ஸர்வதே³வமனஸ்தோஷோ ப³பௌ⁴ தி³வ்யோ மனோஹர: ॥ 28 ॥
அன்னநிஷ்யந்தஜ³ாதானி மூலானி ச ப²லானி ச ।
அம்ருதாஸ்வாத³கல்பானி த³த்³ருஶுஸ்தத்ர வானரா: ॥ 29 ॥
தத³ன்னஸம்ப⁴வம் தி³வ்யம் ப²லமூலம் மனோஹரம் ।
ய: கஶ்சித்ஸக்ருத³ஶ்னாதி மாஸம் ப⁴வதி தர்பித: ॥ 3௦ ॥
தானி மூலானி தி³வ்யானி ப²லானி ச ப²லாஶனா: ।
ஔஷதா⁴னி ச தி³வ்யானி ஜக்³ருஹுர்ஹரியூத²பா: ॥ 31 ॥
தஸ்மாச்ச யஜ்ஞாயதனாத்புஷ்பாணி ஸுரபீ⁴ணி ச ।
ஆனின்யுர்வானரா க³த்வா ஸுக்³ரீவப்ரியகாரணாத் ॥ 32 ॥
தே து ஸர்வே ஹரிவரா: ப்ருதி²வ்யாம் ஸர்வவானரான் ।
ஸஞ்சோத³யித்வா த்வரிதா யூதா²னாம் ஜக்³முரக்³ரத: ॥ 33 ॥
தே து தேன முஹூர்தேன யூத²பாஶ்ஶீக்⁴ரகா³மின: ।
கிஷ்கிந்தா⁴ம் த்வரயா ப்ராப்தா ஸ்ஸுக்³ரீவோ யத்ர வானர: ॥ 34 ॥
தே க்³ருஹீத்வௌஷதீ⁴ஸ்ஸர்வா: ப²லமூலம் ச வானரா: ।
தம் ப்ரதிக்³ராஹயாமாஸுர்வசனம் சேத³மப்³ருவன் ॥ 35 ॥
ஸர்வே பரிக³தாஶ்ஶைலாஸ்ஸமுத்³ராஶ்ச வனானி ச ।
ப்ருதி²வ்யாம் வானராஸ்ஸர்வே ஶாஸனாது³பயாந்தி தே ॥ 36 ॥
ஏவம் ஶ்ருத்வா ததோ ஹ்ருஷ்ட ஸ்ஸுக்³ரீவ: ப்லவகா³தி⁴ப: ।
ப்ரதிஜக்³ராஹ தத்ப்ரதீதஸ்தேஷாம் ஸர்வமுபாயனம் ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஸப்தத்ரிம்ஶஸ்ஸர்க:³ ॥
