ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகபஞ்சாஶஸ்ஸர்க:³ ।
தஸ்ய தத்³வசனம் ஶ்ருத்வா விஶ்வாமித்ரஸ்ய தீ⁴மத: ।
ஹ்ருஷ்டரோமா மஹாதேஜாஶ்ஶதானந்தோ³ மஹாதபா: ॥ 1 ॥
கௌ³தமஸ்ய ஸுதோ ஜ்யேஷ்ட²ஸ்தபஸா த்³யோதிதப்ரப:⁴ ।
ராமஸந்த³ர்ஶனாதே³வ பரம் விஸ்மயமாக³த: ॥ 2 ॥
ஸ தௌ நிஷண்ணௌ ஸம்ப்ரேக்ஷ்ய ஸுகா²ஸீனௌ ந்ருபாத்மஜௌ ।
ஶதானந்தோ³ முனிஶ்ரேஷ்ட²ம் விஶ்வாமித்ரமதா²மப்³ரவீத் ॥ 3 ॥
அபி தே முனிஶார்தூ³ல மம மாதா யஶஸ்வினீ ।
த³ர்ஶிதா ராஜபுத்ராய தபோ தீ³ர்க⁴முபாக³தா ॥ 4 ॥
அபி ராமே மஹாதேஜா மம மாதா யஶஸ்வினீ ।
வன்யைருபாஹரத்பூஜாம் பூஜார்ஹே ஸர்வதே³ஹினாம் ॥ 5 ॥
அபி ராமாய கதி²தம் யதா²வ்ருத்தம் புராதனம் ।
மம மாதுர்மஹாதேஜோ தை³வேன து³ரனுஷ்டி²தம் ॥ 6 ॥
அபி கௌஶிக ப⁴த்³ரம் தே கு³ருணா மம ஸங்க³தா ।
மம மாதா முனிஶ்ரேஷ்ட² ராமஸந்த³ர்ஶனாதி³த: ॥ 7 ॥
அபி மே கு³ருணா ராம: பூஜித: குஶிகாத்மஜ ।
இஹாக³தோ மஹாதேஜா: பூஜாம் ப்ராப்தோ மஹாத்மன: ॥ 8 ॥
அபி ஶாந்தேன மனஸா கு³ருர்மே குஶிகாத்மஜ ।
இஹாக³தேன ராமேண ப்ரயதேனாபி⁴வாதி³த: ॥ 9 ॥
தச்ச்²ருத்வா வசனம் தஸ்ய விஶ்வாமித்ரோ மஹாமுனி: ।
ப்ரத்யுவாச ஶதானந்த³ம் வாக்யஜ்ஞோ வாக்யகோவித³ம் ॥ 1௦ ॥
நாதிக்ராந்தம் முனிஶ்ரேஷ்ட² யத்கர்தவ்யம் க்ருதம் மயா ।
ஸங்க³தா முனினா பத்னீ பா⁴ர்க³வேணேவ ரேணுகா ॥ 11 ॥
தச்ச்²ருத்வா வசனம் தஸ்ய விஶ்வாமித்ரஸ்ய பா⁴ஷிதம் ।
ஶதானந்தோ³ மஹாதேஜா ராமம் வசனமப்³ரவீத் ॥ 12 ॥
ஸ்வாக³தம் தே நரஶ்ரேஷ்ட² தி³ஷ்ட்யா ப்ராப்தோஸி ராக⁴வ ।
விஶ்வாமித்ரம் புரஸ்க்ருத்ய மஹர்ஷிமபராஜிதம் ॥ 13 ॥
அசிந்த்யகர்மா தபஸா ப்³ரஹ்மர்ஷிரதுலப்ரப:⁴ ।
விஶ்வாமித்ரோ மஹாதேஜா வேத்ஸ்யேனம் பரமாம் க³திம் ॥ 14 ॥
நாஸ்தி த⁴ன்யதரோ ராம த்வத்தோன்யோ பு⁴வி கஶ்சன ।
கோ³ப்தா குஶிகபுத்ரஸ்தே யேன தப்தம் மஹத்தப: ॥ 15 ॥
ஶ்ரூயதாம் சாபி⁴தா⁴ஸ்யாமி கௌஶிகஸ்ய மஹாத்மன: ।
யதா² ப³லம் யதா² வ்ருத்தம் தன்மே நிக³த³த: ஶ்ருணு ॥ 16 ॥
ராஜாபூ⁴தே³ஷ த⁴ர்மாத்மா தீ³ர்க⁴காலமரிந்த³ம: ।
த⁴ர்மஜ்ஞ: க்ருதவித்³யஶ்ச ப்ரஜானாம் ச ஹிதே ரத: ॥ 17 ॥
ப்ரஜாபதிஸுதஶ்சாஸீத்குஶோ நாம மஹீபதி: ।
குஶஸ்ய புத்ரோ ப³லவான் குஶனாப⁴ஸ்ஸுதா⁴ர்மிக: ॥ 18 ॥
குஶனாப⁴ஸுதஸ்த்வாஸீத்³கா³தி⁴ரித்யேவ விஶ்ர்ருத: ।
கா³தே⁴: புத்ரோ மஹாதேஜா விஶ்வாமித்ரோ மஹாமுனி: ॥ 19 ॥
விஶ்வாமித்ரோ மஹாதேஜா: பாலயாமாஸ மேதி³னீம் ।
ப³ஹுவர்ஷஸஹஸ்ராணி ராஜா ராஜ்யமகாரயத் ॥ 2௦ ॥
கதா³சித்து மஹாதேஜா யோஜயித்வா வரூதி²னீம் ।
அக்ஷௌஹீணீபரிவ்ருத: பரிசக்ராம மேதி³னீம் ॥ 21 ॥
நக³ராணி ஸராஷ்ட்ராணி ஸரிதஶ்ச ததா² கி³ரீன் ।
ஆஶ்ரமான்க்ரமஶோ ராம விசரன்னாஜகா³ம ஹ ॥ 22 ॥
வஸிஷ்ட²ஸ்யாஶ்ரமபத³ம் நானாவ்ருக்ஷஸமாகுலம் ।
நானாம்ருக³க³ணாகீர்ணம் ஸித்³த⁴சாரணஸேவிதம் ॥ 23 ॥
தே³வதா³னவக³ந்த⁴ர்வை: கின்னரைருபஶோபி⁴தம் ।
ப்ரஶாந்தஹரிணாகீர்ணம் த்³விஜஸங்க⁴னிஷேவிதம் ॥ 24 ॥
ப்³ரஹ்மர்ஷிக³ணஸங்கீர்ணம் தே³வர்ஷிக³ணஸேவிதம் ।
தபஶ்சரணஸம்ஸித்³தை⁴ரக்³னிகல்பைர்மஹாத்மபி⁴: ॥ 25 ॥
அப்³ப⁴க்ஷைர்வாயுப⁴க்ஷைஶ்ச ஶீர்ணபர்ணாஶனைஸ்ததா² ।
ப²லமூலாஶனைர்தா³ந்தைர்ஜிதரோஷைர்ஜிதேந்த்³ரியை: ॥ 26 ॥
ருஷிபி⁴ர்வாலகி²ல்யைஶ்ச ஜபஹோமபராயணை: ।
அன்யைர்வைகா²னஸைஶ்சைவ ஸமந்தாது³பஶோபி⁴தம் ॥ 27 ॥
வஸிஷ்ட²ஸ்யாஶ்ரமபத³ம் ப்³ரஹ்மலோகமிவாபரம் ।
த³த³ர்ஶ ஜயதாம் ஶ்ரேஷ்டோ² விஶ்வாமித்ரோ மஹாப³ல: ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகபஞ்சாஶஸ்ஸர்க:³ ॥
