ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² பஞ்சஷஷ்டிதமஸ்ஸர்க:³ ।
தத: ப்ரஸ்ரவணம் ஶைலம் தே க³த்வா சித்ரகானநம் ।
ப்ரணம்ய ஶிரஸா ராமம் லக்ஷ்மணம் ச மஹாப³லம் ॥ 1 ॥
யுவராஜம் புரஸ்க்ருத்ய ஸுக்³ரீவமபி⁴வாத்³ய ச ।
ப்ரவ்ருத்திமத² ஸீதாயா: ப்ரவக்துமுபசக்ரமு: ॥ 2 ॥
ராவணாந்த: புரே ரோத⁴ம் ராக்ஷஸீபி⁴ஶ்ச தர்ஜனம் ।
ராமே ஸமனுராக³ம் ச யஶ்சாயம் ஸமய: க்ருத: ॥ 3 ॥
ஏததா³க்²யாந்தி தே ஸர்வே ஹரயோ ராமஸன்னிதௌ⁴ ।
வைதே³ஹீமக்ஷதாம் ஶ்ருத்வா ராமஸ்தூத்தரமப்³ரவீத் ॥ 4 ॥
க்வ ஸீதா வர்ததே தே³வீ கத²ம் ச மயி வர்ததே ।
ஏதன்மே ஸர்வமாக்²யாத வைதே³ஹீம் ப்ரதி வானரா: ॥ 5 ॥
ராமஸ்ய க³தி³தம் ஶ்ருத்வா ஹரயோ ராமஸன்னிதௌ⁴ ।
சோத³யந்தி ஹனூமந்தம் ஸீதாவ்ருத்தாந்தகோவித³ம் ॥ 6 ॥
ஶ்ருத்வா து வசனம் தேஷாம் ஹனுமான்மாருதாத்மஜ: ।
ப்ரணம்ய ஶிரஸா தே³வ்யை ஸீதாயை தாம் தி³ஶம் ப்ரதி ॥ 7 ॥
உவாச வாக்யம் வாக்யஜ்ஞஸ்ஸீதாயா த³ர்ஶனம் யதா² ।
ஸமுத்³ரம் லங்க⁴யித்வாஹம் ஶதயோஜனமாயதம் ॥ 8 ॥
அக³ச்ச²ம் ஜானகீம் ஸீதாம் மார்க³மாணோ தி³த்³ருக்ஷயா ।
தத்ர லங்கேதி நக³ரீ ராவணஸ்ய து³ராத்மன: ॥ 9 ॥
த³க்ஷிணஸ்ய ஸமுத்³ரஸ்ய தீரே வஸதி த³க்ஷிணே ।
தத்ர த்³ருஷ்டா மயா ஸீதா ராவணாந்த: புரே ஸதீ ॥ 1௦ ॥
ஸன்ன்யஸ்ய த்வயி ஜீவந்தீ ராமா ராம மனோரத²ம் ।
த்³ருஷ்டா மே ராக்ஷஸீமத்⁴யே தர்ஜ்யமானா முஹுர்முஹு: ॥ 11 ॥
ராக்ஷஸீபி⁴ர்விரூபாபீ⁴ ரக்ஷிதா ப்ரமதா³வனே ।
து³:க² மாஸாத்³யதே தே³வீ ததா²து³:கோ²சிதா ஸதீ ॥ 12 ॥
ராவணாந்த: புரே ருத்³தா⁴ ராக்ஷஸீபி⁴ ஸ்ஸுரக்ஷிதா ।
ஏகவேணீத⁴ரா தீ³னா த்வயி சிந்தாபராயணா ॥ 13 ॥
அத:⁴ஶய்யா விவர்ணாங்கீ³ பத்³மினீவ ஹிமாக³மே ।
ராவணாத்³வினிவ்ருத்தார்தா² மர்தவ்யக்ருதனிஶ்சயா ॥ 14 ॥
தே³வீ கத²ஞ்சித்காகுத்ஸ்த² த்வன்மனா மார்கி³தா மயா ।
இக்ஷ்வாகுவம்ஶவிக்²யாதிம் ஶனை: கீர்தயதானக⁴ ॥ 15 ॥
ஸா மயா நரஶார்தூ³ல விஶ்வாஸமுபபாதி³தா ।
தத ஸ்ஸம்பா⁴ஷிதா தே³வீ ஸர்வமர்த²ம் ச த³ர்ஶிதா ॥ 16 ॥
ராமஸுக்³ரீவஸக்²யம் ச ஶ்ருத்வா ப்ரீதிமுபாக³தா ।
நியத ஸ்ஸமுதா³சாரோ ப⁴க்திஶ்சாஸ்யாஸ்ததா² த்வயி ॥ 17 ॥
ஏவம் மயா மஹாபா⁴கா³ த்³ருஷ்டா ஜனகனந்தி³னீ ।
உக்³ரேண தபஸா யுக்தா த்வத்³ப⁴க்த்யா புருஷர்ஷப⁴ ॥ 18 ॥
அபி⁴ஜ்ஞானம் ச மே த³த்தம் யதா² வ்ருத்தம் தவாந்திகே ।
சித்ரகூடே மஹாப்ராஜ்ஞ வாயஸம் ப்ரதி ராக⁴வ ॥ 19 ॥
விஜ்ஞாப்யஶ்ச நரவ்யாக்⁴ரோ ராமோ வாயுஸுத த்வயா ।
அகி²லேனேஹ யத்³த்⁴ருஷ்டமிதி மாமாஹ ஜானகீ ॥ 2௦ ॥
அயம் சாஸ்மை ப்ரதா³தவ்யோ யத்னாத்ஸுபரிரக்ஷித: ।
ப்³ருவதா வசனான்யேவம் ஸுக்³ரீவஸ்யோபஶ்ருண்வத: ॥ 21 ॥
ஏஷ சூடா³மணிஶ்ஶ்ரீமான் மயா ஸுபரிரக்ஷித: ।
மனஶ்ஶிலாயாஸ்திலகோ க³ண்ட³பார்ஶ்வே நிவேஶித: ॥ 22 ॥
த்வயா ப்ரணஷ்டே² திலகே தம் கில ஸ்மர்துமர்ஹஸி ।
ஏஷ நிர்யாதிதஶ்ஶ்ரீமான்மயா தே வாரி ஸம்ப⁴வ: ।
ஏதம் த்³ருஷ்ட்வா ப்ரஹ்ருஷ்யாமி வ்யஸனே த்வாமிவானக⁴ ॥ 23 ॥
ஜீவிதம் தா⁴ரயிஷ்யாமி மாஸம் த³ஶரதா²த்மஜ ॥ 24 ॥
ஊர்த்⁴வம் மாஸான்ன ஜீவேயம் ரக்ஷஸாம் வஶமாக³தா ।
இதி மாமப்³ரவீத்ஸீதா க்ருஶாங்கீ³ த⁴ர்மசாரிணீ ॥ 25 ॥
ராவணாந்த: புரே ருத்³தா⁴ ம்ருகீ³வோத்பு²ல்லலோசனா ।
ஏததே³வ மயாக்²யாதம் ஸர்வம் ராக⁴வ யத்³யதா² ॥ 26 ॥
ஸர்வதா² ஸாக³ரஜலே ஸந்தார: ப்ரவிதீ⁴யதாம் ।
தௌ ஜாதாஶ்வாஸௌ ராஜபுத்ரௌ விதி³த்வா தச்சாபி⁴ஜ்ஞானம் ராக⁴வாய ப்ரதா³ய ।
தே³வ்யா சாக்²யாதம் ஸர்வமேவானுபூர்வ்யாத்³வாசா ஸம்பூர்ணம் வாயுபுத்த்ர ஶ்ஶஶம்ஸ ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ பஞ்சஷஷ்டிதமஸ்ஸர்க:³ ॥
