ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² நவமஸ்ஸர்க:³ ।
ஏவமுக்தா து கைகேயீ க்ரோதே⁴ன ஜ்வலிதானநா ।
தீ³ர்க⁴முஷ்ணம் வினிஶ்வஸ்ய மந்த²ராமித³மப்³ரவீத் ॥ 1 ॥
அத்³ய ராமமித: க்ஷிப்ரம் வனம் ப்ரஸ்தா²பயாம்யஹம் ।
யௌவராஜ்யே ச ப⁴ரதம் க்ஷிப்ரமேவாபி⁴ஷேசயே ॥ 2 ॥
இத³ம் த்விதா³னீம் ஸம்பஶ்ய கேனோபாயேன மந்த²ரே ।
ப⁴ரத: ப்ராப்னுயாத்³ராஜ்யம் ந து ராம: கத²ஞ்சன ॥ 3 ॥
ஏவமுக்தா தயா தே³வ்யா மந்த²ரா பாபத³ர்ஶினீ ।
ராமார்த²முபஹிம்ஸந்தீ கைகேயீமித³மப்³ரவீத் ॥ 4 ॥
ஹந்தேதா³னீம் ப்ரவக்ஷ்யாமி கைகேயி ஶ்ரூயதாம் ச மே ।
யதா² தே ப⁴ரதோ ராஜ்யம் புத்ர: ப்ராப்ஸ்யதி கேவலம் ॥ 5 ॥
கிம் ந ஸ்மரஸி கைகேயி ஸ்மரந்தீ வா நிகூ³ஹஸே ।
யது³ச்யமானமாத்மார்த²ம் மத்தஸ்த்வம் ஶ்ரோதுமிச்ச²ஸி ॥ 6 ॥
மயோச்யமானம் யதி³ தே ஶ்ரோதும் ச²ந்தோ³ விலாஸினி ।
ஶ்ரூயதாமபி⁴தா⁴ஸ்யாமி ஶ்ருத்வா சாபி விம்ருஶ்யதாம் ॥ 7 ॥
ஶ்ருத்வைவம் வசனம் தஸ்யா மந்த²ராயாஸ்து கைகேயீ ।
கிஞ்சிது³த்தா²ய ஶயனாத்ஸ்வாஸ்தீர்ணாதி³த³மப்³ரவீத் ॥ 8 ॥
கத²ய த்வம் மமோபாயம் கேனோபாயேன மந்த²ரே ।
ப⁴ரத: ப்ராப்னுயாத்³ராஜ்யம் ந து ராம: கத²ஞ்சன ॥ 9 ॥
ஏவமுக்தா தயா தே³வ்யா மந்த²ரா பாபத³ர்ஶினீ ।
ராமார்த²முபஹிம்ஸந்தீ குப்³ஜா வசனமப்³ரவீத் ॥ 1௦ ॥
தவ தை³வாஸுரே யுத்³தே⁴ ஸஹ ராஜர்ஷிபி⁴: பதி: ।
அக³ச்ச²த்த்வாமுபாதா³ய தே³வராஜஸ்ய ஸாஹ்யக்ருத் ॥ 11 ॥
தி³ஶமாஸ்தா²ய வை தே³வி த³க்ஷிணாம் த³ண்ட³கான்ப்ரதி ।
வைஜயந்தமிதி க்²யாதம் புரம் யத்ர திமித்⁴வஜ: ॥ 12 ॥
ஸ ஶம்ப³ர இதி க்²யாதஶ்ஶதமாயோ மஹாஸுர: ।
த³தௌ³ ஶக்ரஸ்ய ஸங்க்³ராமம் தே³வஸங்கை⁴ரனிர்ஜித: ॥ 13 ॥
தஸ்மின்மஹதி ஸங்க்³ராமே புருஷான்க்ஷதவிக்ஷதான் ।
ராத்ரௌ ப்ரஸுப்தான்க்⁴னந்தி ஸ்ம தரஸாஸாத்³ய ராக்ஷஸா: ॥ 14 ॥
தத்ராகரோன்மஹத்³யுத்³த⁴ம் ராஜா த³ஶரத²ஸ்ததா³ ।
அஸுரைஶ்ச மஹாபா³ஹுஶ்ஶஸ்த்ரைஶ்ச ஶகலீக்ருத: ॥ 15 ॥
அபவாஹ்ய த்வயா தே³வி ஸங்க்³ராமான்னஷ்டசேதன: ।
தத்ராபி விக்ஷதஶ்ஶஸ்த்ரை: பதிஸ்தே ரக்ஷிதஸ்த்வயா ॥ 16 ॥
துஷ்டேன தேன த³த்தௌ தே த்³வௌ வரௌ ஶுப⁴த³ர்ஶனே ।
ஸ த்வயோக்த: பதிர்தே³வி யதே³ச்சே²யம் ததா³ வரௌ ॥ 17 ॥
க்³ருஹ்ணீயாமிதி தத்தேன ததே²த்யுக்தம் மஹாத்மனா ।
அனபி⁴ஜ்ஞாம்ஹ்யஹம் தே³வி த்வயைவ கதி²தா புரா ॥ 18 ॥
கதை²ஷா தவ து ஸ்னேஹான்மனஸா தா⁴ர்யதே மயா ।
ராமாபி⁴ஷேகஸம்பா⁴ரான்னிக்³ருஹ்ய வினிவர்தய ॥ 19 ॥
தௌ வரௌ யாச ப⁴ர்தாரம் ப⁴ரதஸ்யாபி⁴ஷேசனம் ।
ப்ரவ்ராஜனம் ச ராமஸ்ய த்வம் வர்ஷாணி சதுர்த³ஶ ॥ 2௦ ॥
சதுர்த³ஶ ஹி வர்ஷாணி ராமே ப்ரவ்ராஜிதே வனம் ।
ப்ரஜாபா⁴வக³தஸ்னேஹஸ்ஸ்தி²ர: புத்ரோ ப⁴விஷ்யதி ॥ 21 ॥
க்ரோதா⁴கா³ரம் ப்ரவிஶ்யாத்³ய க்ருத்³தே⁴வாஶ்வபதேஸ்ஸுதே ।
ஶேஷ்வானந்தர்ஹிதாயாம் த்வம் பூ⁴மௌ மலினவாஸினீ ॥ 22 ॥
மாஸ்மைனம் ப்ரத்யுதீ³க்ஷேதா² மா சைனமபி⁴பா⁴ஷதா²: ।
ருத³ந்தீ சாபி தம் த்³ருஷ்ட்வா ஜக³த்யாம் ஶோகலாலஸா ॥ 23 ॥
த³யிதா த்வம் ஸதா³ ப⁴ர்துரத்ர மே நாஸ்தி ஸம்ஶய: ।
த்வத்க்ருதே ஸ மஹாராஜோ விஶேத³பி ஹுதாஶனம் ॥ 24 ॥
ந த்வாம் க்ரோத⁴யிதும் ஶக்தோ ந க்ர்ருத்³தா⁴ம் ப்ரத்யுதீ³க்ஷிதும் ।
தவ ப்ரியார்த²ம் ராஜா ஹி ப்ராணானபி பரித்யஜேத் ॥ 25 ॥
ந ஹ்யதிக்ரமிதும் ஶக்தஸ்தவ வாக்யம் மஹீபதி: ।
மந்த³ஸ்வபா⁴வே பு³த்⁴யஸ்வ ஸௌபா⁴க்³யப³லமாத்மன: ॥ 26 ॥
மணிமுக்தம் ஸுவர்ணானி ரத்னானி விவிதா⁴னி ச ।
த³த்³யாத்³த³ஶரதோ² ராஜா மாஸ்ம தேஷு மன: க்ருதா²: ॥ 27 ॥
யௌ தௌ தை³வாஸுரே யுத்³தே⁴ வரௌ த³ஶரதோ²த³தா³த் ।
தௌ ஸ்மாரய மஹாபா⁴கே³ ஸோர்தோ² ந த்வாமதிக்ரமேத் ॥ 28 ॥
யதா³து தே வரம் த³த்³யாத்ஸ்வயமுத்தா²ப்ய ராக⁴வ: ।
வ்யவஸ்தா²ப்ய மஹாராஜம் த்வமிமம் வ்ருணுயா வரம் ॥ 29 ॥
ராமம் ப்ரவ்ராஜயாரண்யே நவ வர்ஷாணி பஞ்ச ச ।
ப⁴ரத: க்ரியதாம் ராஜா ப்ருதி²வ்யா: பார்தி²வர்ஷப:⁴ ॥ 3௦ ॥
சதுர்த³ஶ ஹி வர்ஷாணி ராமே ப்ரவ்ராஜிதே வனம் ।
ரூட⁴ஶ்ச க்ருதமூலஶ்ச ஶேஷம் ஸ்தா²ஸ்யதி தே ஸுத: ॥ 31 ॥
ராமப்ரவ்ராஜனம் சைவ தே³வி யாசஸ்வ தம் வரம் ।
ஏவம் ஸித்³த்⁴யந்தி புத்ரஸ்ய ஸர்வார்தா²ஸ்தவ பா⁴மினி ॥ 32 ॥
ஏவம் ப்ரவ்ராஜிதஶ்சைவ ராமோராமோ ப⁴விஷ்யதி ।
ப⁴ரதஶ்ச ஹதாமித்ரஸ்தவ ராஜா ப⁴விஷ்யதி ॥ 33 ॥
யேன காலேன ராமஶ்ச வனாத்ப்ரத்யாக³மிஷ்யதி ।
தேன காலேன புத்ரஸ்தே க்ருதமூலோ ப⁴விஷ்யதி ॥ 34 ॥
ஸுக்³ருஹீதமனுஷ்யஶ்ச ஸுஹ்ருத்³பி⁴ஸ்ஸார்த⁴மாத்மவான் ।
ப்ராப்தகாலம் நு மன்யேஹம் ராஜானம் வீதஸாத்⁴வஸா ॥ 35 ॥
ராமாபி⁴ஷேகஸங்கல்பான்னிக்³ருஹ்ய வினிவர்தய ।
அனர்த²மர்த²ரூபேண க்³ராஹிதா ஸா ததஸ்தயா ॥ 36 ॥
ஹ்ருஷ்டா ப்ரதீதா கைகேயீ மந்த²ராமித³மப்³ரவீத் ।
ஸா ஹி வாக்யேன குப்³ஜாயா: கிஶோரீவோத்பத²ம் க³தா ॥ 37 ॥
கைகேயீ விஸ்மயம் ப்ராப்தா பரம் பரமத³ர்ஶனா ।
குப்³ஜே த்வாம் நாபி⁴ஜானாமி ஶ்ரேஷ்டா²ம் ஶ்ரேஷ்டா²பி⁴தா²யினீம் ॥ 38 ॥
ப்ருதி²வ்யாமஸி குப்³ஜானாமுத்தமா பு³த்³தி⁴னிஶ்சயே ।
த்வமேவ து மமார்தே²ஷு நித்யயுக்தா ஹிதைஷிணீ ॥ 39 ॥
நாஹம் ஸமவபு³த்⁴யேயம் குப்³ஜே ராஜ்ஞஶ்சிகீர்ஷிதம் ।
ஸந்தி து³ஸ்ஸம்ஸ்தி²தா: குப்³ஜா வக்ரா: பரமதா³ருணா: ॥ 4௦ ॥
த்வம் பத்³மமிவ வாதேன ஸன்னதா ப்ரியத³ர்ஶனா ।
த்வம் பத்³மமிவ வாதேன ஸன்னதா ப்ரியத³ர்ஶனா ।
உரஸ்தேபி⁴னிவிஷ்டம் வை யாவத்ஸ்கந்தா⁴த் ஸமுன்னதம் ॥ 41 ॥
அத⁴ஸ்தாச்சோத³ரம் ஶாதம் ஸுனாப⁴மிவ லஜ்ஜிதம் ।
பரிபூர்ணம் து ஜக⁴னம் ஸுபீனௌ ச பயோத⁴ரௌ ॥ 42 ॥
விமலேந்து³ஸமம் வக்த்ரமஹோராஜஸி மந்த²ரே ।
ஜக⁴னம் தவ நிர்கு⁴ஷ்டம் ரஶனாதா³மஶோபி⁴தம் ॥ 43 ॥
ஜங்கே⁴ ப்⁴ருஶமுபன்யஸ்தே பாதௌ³ சாப்யாயதாவுபௌ⁴ ।
த்வமாயதாப்⁴யாம் ஸக்தி²ப்⁴யாம் மந்த²ரே க்ஷௌமவாஸினீ ॥ 44 ॥
அக்³ரதோ மம க³ச்ச²ந்தீ ராஜஹம்ஸீவ ராஜஸே ।
ஆஸன்யாஶ்ஶம்ப³ரே மாயாஸ்ஸஹஸ்ரமஸுராதி⁴பே ॥ 45 ॥
ஸர்வாஸ்த்வயி நிவிஷ்டாஸ்தா பூ⁴யஶ்சான்யாஸ்ஸஹஸ்ரஶ: ।
தவேத³ம் ஸ்த²கு³ யத்³தீ³ர்க⁴ம் ரத²கோ⁴ணமிவாயதம் ॥ 46 ॥
மதய: க்ஷத்ரவித்³யாஶ்ச மாயாஶ்சாத்ர வஸந்தி தே ।
அத்ர தே ப்ரதிமோக்ஷ்யாமி மாலாம் குப்³ஜே ஹிரண்மயீம் ॥ 47 ॥
அபி⁴ஷிக்தே ச ப⁴ரதே ராக⁴வே ச வனம் க³தே ।
ஜாத்யேன ச ஸுவர்ணேன ஸுனிஷ்டப்தேன மந்த²ரே ॥ 48 ॥
லப்³தா⁴ர்தா² ச ப்ரதீதா ச லேபயிஷ்யாமி தே ஸ்த²கு³ ।
முகே² ச திலகம் சித்ரம் ஜாதரூபமயம் ஶுப⁴ம் ॥ 49 ॥
காரயிஷ்யாமி தே குப்³ஜே ஶுபா⁴ன்யாப⁴ரணானி ச ।
பரிதா⁴ய ஶுபே⁴ வஸ்த்ரே தே³வதேவ சரிஷ்யஸி ॥ 5௦ ॥
சந்த்³ரமாஹ்வயமானேன முகே²னாப்ரதிமானநா ।
க³மிஷ்யஸி க³திம் முக்²யாம் க³ர்வயந்தீ த்³விஷஜ்ஜனம் ॥ 51 ॥
தவாபி குப்³ஜா: குப்³ஜாயாஸ்ஸர்வாப⁴ரணபூ⁴ஷிதா: ।
பாதௌ³ பரிசரிஷ்யந்தி யதை²வ த்வம் ஸதா³ மம ॥ 52 ॥
இதி ப்ரஶஸ்யமானா ஸா கைகேயீமித³மப்³ரவீத் ।
ஶயானாம் ஶயனே ஶுப்⁴ரே வேத்³யாமக்³னிஶிகா²மிவ ॥ 53 ॥
க³தோத³கே ஸேதுப³ந்தோ⁴ ந கல்யாணி விதீ⁴யதே ।
உத்திஷ்ட² குரு கல்யாணி ராஜானமனுத³ர்ஶய ॥ 54 ॥
ததா² ப்ரோத்ஸாஹிதா தே³வீ க³த்வா மந்த²ரயா ஸஹ ।
க்ரோதா⁴கா³ரம் விஶாலாக்ஷீ ஸௌபா⁴க்³யமத³க³ர்விதா ॥ 55 ॥
அனேகஶதஸாஹஸ்ரம் முக்தாஹாரம் வராங்க³னா ।
அவமுச்ய வரார்ஹாணி ஶுபா⁴ன்யாப⁴ரணானி ச ॥ 56 ॥
ததோ ஹேமோபமா தத்ர குப்³ஜாவாக்யவஶம் க³தா ।
ஸம்விஶ்ய பூ⁴மௌ கைகேயீ மந்த²ராமித³மப்³ரவீத் ॥ 57 ॥
இஹ வா மாம் ம்ருதாம் குப்³ஜே ந்ருபாயாவேத³யிஷ்யஸி ।
வனம் து ராக⁴வே ப்ராப்தே ப⁴ரத: ப்ராப்ஸ்யதி க்ஷிதிம் ॥ 58 ॥
ந ஸுவர்ணேன மே ஹ்யர்தோ² ந ரத்னைர்ன ச பூ⁴ஷணை: ।
ஏஷ மே ஜீவிதஸ்யாந்தோ ராமோ யத்³யபி⁴ஷிச்யதே ॥ 59 ॥
அதோ² புனஸ்தாம் மஹிஷீம் மஹீக்ஷிதோ வசோபி⁴ரத்யர்த²மஹாபராக்ரமை: ।
உவாச குப்³ஜா ப⁴ரதஸ்ய மாதரம் ஹிதம் வசோ ராமமுபேத்ய சாஹிதம் ॥ 6௦ ॥
ப்ரபத்ஸ்யதே ராஜ்யமித³ம் ஹி ராக⁴வோ யதி³ த்⁴ருவம் த்வம் ஸஸுதா ச தப்ஸ்யஸே ।
அதோ ஹி கல்யாணி யதஸ்வ தத்ததா² யதா² ஸுதஸ்தே ப⁴ரதோபி⁴ஷேக்ஷ்யதே ॥ 61 ॥
ததா²திவித்³தா⁴ மஹிஷீ து குப்³ஜயா ஸமாஹதா வாகி³ஷுபி⁴ர்முஹுர்முஹு: ।
நிதா⁴யஹஸ்தௌ ஹ்ருத³யேதிவிஸ்மிதா ஶஶம்ஸ குப்³ஜாம் குபிதா புன: புன: ॥ 62 ॥
யமஸ்ய வா மாம் விஷயம் க³தாமிதோ நிஶாம்ய குப்³ஜே ப்ரதிவேத³யிஷ்யஸி ।
வனம் க³தே வா ஸுசிராய ராக⁴வே ஸம்ருத்³த⁴காமோ ப⁴ரதோ ப⁴விஷ்யதி ॥ 63 ॥
அஹம் ஹி நைவாஸ்தரணானி ந ஸ்ரஜோ ந சந்த³னம் நாஞ்ஜனபானபோ⁴ஜனம் ।
ந கிஞ்சிதி³ச்சா²மி ந சேஹ ஜீவிதம் ந சேதி³தோ க³ச்ச²தி ராக⁴வோ வனம் ॥ 64 ॥
அதை²தது³க்த்வா வசனம் ஸுதா³ருணம் நிதா⁴ய ஸர்வாப⁴ரணானி பா⁴மினீ ।
அஸம்வ்ருதாமாஸ்தரணேன மேதி³னீம் ததா³தி⁴ஶிஶ்யே பதிதேவ கின்னரீ ॥ 65 ॥
உதீ³ர்ணஸம்ரம்ப⁴தமோவ்ருதானநா ததா²வமுக்தோத்தமமால்யபூ⁴ஷணா ।
நரேந்த்³ரபத்னீ விமனா ப³பூ⁴வ ஸா தமோவ்ருதா த்³யௌரிவ மக்³னதாரகா ॥ 66 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ நவமஸ்ஸர்க:³ ॥
