ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² சத்வாரிம்ஶஸ்ஸர்க:³ ।
ஶ்ருத்வா து வசனம் தஸ்ய வாயுஸூனோர்மஹாத்மன: ।
உவாசாத்மஹிதம் வாக்யம் ஸீதா ஸுரஸுதோபமா ॥ 1 ॥
த்வாம் த்³ருஷ்ட்வா ப்ரியவக்தாரம் ஸம்ப்ரஹ்ருஷ்யாமி வானர: ।
அர்த⁴ஸஞ்ஜாதஸஸ்யேவ வ்ருஷ்டிம் ப்ராப்ய வஸுந்த⁴ரா ॥ 2 ॥
யதா² தம் புருஷவ்யாக்⁴ரம் கா³த்ரைஶ்ஶோகாபி⁴கர்ஶிதை: ।
ஸம்ஸ்ப்ருஶேயம் ஸகாமாஹம் ததா² குரு த³யாம் மயி ॥ 3 ॥
அபி⁴ஜ்ஞானம் ச ராமஸ்ய த³த்³யா ஹரிக³ணோத்தம ।
க்ஷிப்தாமிஷீகாம் காகஸ்ய கோபாதே³காக்ஷிஶாதனீம் ॥ 4 ॥
மனஶ்ஶிலாயாஸ்திலகோ க³ண்ட³பார்ஶ்வே நிவேஶித: ।
த்வயா ப்ரணஷ்டே திலகே தம் கில ஸ்மர்துமர்ஹஸி ॥ 5 ॥
ஸ வீர்யவான்கத²ம் ஸீதாம் ஹ்ருதாம் ஸமனுமன்யஸே ।
வஸந்தீம் ரக்ஷஸாம் மத்⁴யே மஹேந்த்³ரவருணோபம: ॥ 6 ॥
ஏஷ சூடா³மணிர்தி³வ்யோ மயா ஸுபரிரக்ஷித: ।
ஏதம் த்³ருஷ்ட்வா ப்ரஹ்ருஷ்யாமி வ்யஸனே த்வாமிவானக⁴ ॥ 7 ॥
ஏஷ நிர்யாதிதஶ்ஶ்ரீமான்மயா தே வாரிஸம்ப⁴வ: ।
அத: பரம் ந ஶக்ஷ்யாமி ஜீவிதும் ஶோகலாலஸா ॥ 8 ॥
அஸஹ்யானி ச து³:கா²னி வாசஶ்ச ஹ்ருத³யச்சி²த:³ ।
ராக்ஷஸீனாம் ஸுகோ⁴ராணாம் த்வத்க்ருதே மர்ஷயாம்யஹம் ॥ 9 ॥
தா⁴ரயிஷ்யாமி மாஸம் து ஜீவிதம் ஶத்ருஸூத³ன ।
ஊர்த்⁴வம் மாஸான்ன ஜீவிஷ்யே த்வயா ஹீனா ந்ருபாத்மஜ ॥ 1௦ ॥
கோ⁴ரோ ராக்ஷஸராஜோயம் த்³ருஷ்டிஶ்ச ந ஸுகா² மயி ।
த்வாம் ச ஶ்ருத்வா விபத்³யந்தம் ந ஜீவேயமஹம் க்ஷணம் ॥ 11 ॥
வைதே³ஹ்யா வசனம் ஶ்ருத்வா கருணம் ஸாஶ்ரு பா⁴ஷிதம் ।
அதா²ப்³ரவீன்மஹாதேஜா ஹனுமான்மாருதாத்மஜ: ॥ 12 ॥
த்வச்சோ²கவிமுகோ² ராமோ தே³வி ஸத்யேன தே ஶபே ।
ராமே து³:கா²பி⁴பூ⁴தே து லக்ஷ்மண: பரிதப்யதே ॥ 13 ॥
கத²ஞ்சித்³ப⁴வதீ த்³ருஷ்டா ந கால: பரிஶோசிதும் ।
இமம் முஹூர்தம் து³:கா²னாமந்தம் த்³ரக்ஷ்யஸி பா⁴மினி ॥ 14 ॥
தாவுபௌ⁴ புருஷவ்யாக்⁴ரௌ ராஜபுத்ராவரிந்த³மௌ ।
த்வத்³த³ர்ஶனக்ருதோத்ஸாஹௌ லங்காம் ப⁴ஸ்மீகரிஷ்யத: ॥ 15 ॥
ஹத்த்வா ச ஸமரே க்ரூரம் ராவணம் ஸஹபா³ந்த⁴வம் ।
ராக⁴வௌ த்வாம் விஶாலாக்ஷி ஸ்வாம் புரீம் ப்ராபயிஷ்யத: ॥ 16 ॥
யத்து ராமோ விஜானீயாத³பி⁴ஜ்ஞானமனிந்தி³தே ।
ப்ரீதிஸஞ்ஜனநம் தஸ்ய பூ⁴யஸ்த்வம் தா³துமர்ஹஸி ॥ 17 ॥
ஸாப்³ரவீத்³த³த்தமேவேதி மயாபி⁴ஜ்ஞானமுத்தமம் ।
ஏததே³வ ஹி ராமஸ்ய த்³ருஷ்ட்வா மத்கேஶபூ⁴ஷணம் ॥ 18 ॥
ஶ்ரத்³தே⁴யம் ஹனுமன்வாக்யம் தவ வீர ப⁴விஷ்யதி ।
ஸ தம் மணிவரம் க்³ருஹ்ய ஶ்ரீமான்ப்லவக³ஸத்தம: ॥ 19 ॥
ப்ரணம்ய ஶிரஸா தே³வீம் க³மனாயோபசக்ரமே ।
தமுத்பாதக்ருதோத்ஸாஹமவேக்ஷ்ய ஹரிபுங்க³வம் ॥ 2௦ ॥
வர்த⁴மானம் மஹாவேக³முவாச ஜனகாத்மஜா ।
அஶ்ருபூர்ணமுகீ² தீ³னா பா³ஷ்பக³த்³க³த³யா கி³ரா ॥ 21 ॥
ஹனுமன்ஸிம்ஹஸங்காஶௌ ப்⁴ராதரௌ ராமலக்ஷ்மணௌ ।
ஸுக்³ரீவம் ச ஸஹாமாத்யம் ஸர்வான் ப்³ரூயாஹ்யனாமயம் ॥ 22 ॥
யதா² ச ஸ மஹாபா³ஹுர்மாம் தாரயதி ராக⁴வ: ।
அஸ்மாத்³து³:கா²ம்பு³ஸம்ரோதா⁴த்த்வம் ஸமாதா⁴துமர்ஹஸி ॥ 23 ॥
இமம் ச தீவ்ரம் மம ஶோகவேக³ம் ரக்ஷோபி⁴ரேபி⁴: பரிப⁴ர்த்ஸனம் ச ।
ப்³ரூயாஸ்து ராமஸ்ய க³தஸ்ஸமீபம் ஶிவஶ்ச தேத்⁴வாஸ்து ஹரிப்ரவீர ॥ 24 ॥
ஸ ராஜபுத்ர்ய்ராப்ரதிவேதி³தார்த:² கபி: க்ருதார்த:² பரிஹ்ருஷ்டசேதா: ।
அல்பாவஶேஷம் ப்ரஸமீக்ஷ்ய கார்யம் தி³ஶம் ஹ்யுதீ³சீம் மனஸா ஜகா³ம ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ சத்வாரிம்ஶஸ்ஸர்க:³ ॥
