ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சஷஷ்டிதமஸ்ஸர்க:³ ।
அதா²ங்க³த³வசஶ்ஶ்ருத்வா தே ஸர்வே வானரர்ஷபா⁴: ।
ஸ்வம் ஸ்வம் க³தௌ ஸமுத்ஸாஹமூசுஸ்தத்ர யதா²க்ரமம் ॥ 1 ॥
கஜ³ோ க³வாக்ஷோ க³வயஶ்ஶரபோ⁴ க³ந்த⁴மாத³ன: ।
மைந்த³ஶ்ச த்³விவித³ஶ்சைவ ஸுஷேணோ ஜாம்ப³வாம் ஸ்ததா² ॥ 2 ॥
ஆப³பா⁴ஷே கஜ³ஸ்தத்ர ப்லவேயம் த³ஶயோஜனம் ।
க³வாக்ஷோ யோஜனநான்யாஹ க³மிஷ்யாமீதி விம்ஶதிம் ॥ 3 ॥
க³வயோ வானரஸ்தத்ர வானராம் ஸ்தானுவாச ஹ ।
த்ரிம்ஶதம் து க³மிஷ்யாமி யோஜனானாம் ப்லவங்க³மா: ॥ 4 ॥
ஶரப⁴ஸ்தானுவாசாத² வானரான் வானரர்ஷப:⁴ ।
சத்வாரிம்ஶத்³க³மிஷ்யாமி யோஜனானாம் ப்லவங்க³மா: ॥ 5 ॥
வானரஸ்து மஹாதேஜா அப்³ரவீத்³க³ந்த⁴மாத³ன: ।
யோஜனானாம் க³மிஷ்யாமி பஞ்சாஶத்து ந ஸம்ஶய: ॥ 6 ॥
மைந்த³ஸ்து வானரஸ்தத்ர வானராம்ஸ்தானுவாச ஹ ।
யோஜனானாம் பரம் ஷஷ்டிமஹம் ப்லவிதுமுத்ஸஹே ॥ 7 ॥
ததஸ்தத்ர மஹாதேஜா த்³விவித:³ ப்ரத்யபா⁴ஷத ।
க³மிஷ்யாமி ந ஸந்தே³ஹஸ்ஸப்ததிம் யோஜனான்யஹம் ॥ 8 ॥
ஸுஷேணஸ்து மஹாதேஜா:ப்ரோக்தவான்ஹரிஸத்தமான் ।
அஶீதிம் யோஜனானாம் து ப்லவேயம் ப்லவகே³ஶ்வரா: ॥ 9 ॥
தேஷாம் கத²யதாம் தத்ர ஸர்வாம்ஸ்தானநுமான்ய ச ।
ததோ வ்ருத்³த⁴தமஸ்தேஷாம் ஜாம்ப³வான்ப்ரத்யபா⁴ஷத ॥ 1௦ ॥
பூர்வமஸ்மாகமப்யாஸீத்கஶ்சித்³க³திபராக்ரம: ।
தே வயம் வயஸ: பாரமனுப்ராப்தாஸ்ஸ்ம ஸாம்ப்ரதம் ॥ 11 ॥
கிந்து நைவம் க³தே ஶக்யமித³ம் கார்யமுபேக்ஷிதும் ।
யத³ர்த²ம் கபிராஜஶ்ச ராமஶ்ச க்ருதனிஶ்சயௌ ॥ 12 ॥
ஸாம்ப்ரதம் காலபே⁴தே³ன யா க³திஸ்தாம் நிபோ³த⁴த ।
நவதிம் யோஜனானாம் து க³மிஷ்யாமி ந ஸம்ஶய: ॥ 13 ॥
தாம்ஶ்ச ஸர்வான்ஹரிஶ்ரேஷ்டா²ஞ்ஜாம்ப³வான்புனரப்³ரவீத் ।
ந க²ல்வேதாவதே³வாஸீத்³க³மனே மே பராக்ரம: ॥ 14 ॥
மயா மஹாப³லேஶ்சைவ யஜ்ஞே விஷ்ணுஸ்ஸனாதன: ।
ப்ரத³க்ஷிணீக்ருத: பூர்வம் க்ரமமாணஸ்த்ரிவிக்ரமம் ॥ 15 ॥
ஸ இதா³னீமஹம் வ்ருத்³த:⁴ ப்லவனே மந்த³விக்ரம: ।
யௌவனே ச ததா³ஸீன்மே ப³லமப்ரதிமம் பரை: ॥ 16 ॥
ஸம்ப்ரத்யேதாவதீம் ஶக்திம் க³மனே தர்கயாம்யஹம் ।
நைதாவதா ஹி ஸம்ஸித்³தி⁴: கார்யஸ்யாஸ்ய ப⁴விஷ்யதி ॥ 17 ॥
அதோ²த்தரமுதா³ரார்த²மப்³ரவீத³ங்க³த³ஸ்ததா³ ।
அனுமான்ய ததா² ப்ராஜ்ஞோ ஜாம்ப³வந்தம் மஹாகபிம் ॥ 18 ॥
அஹமேதத்³க³மிஷ்யாமி யோஜனானாம் ஶதம் மஹத் ।
நிவர்தனே து மே ஶக்திஸ்ஸ்யான்ன வேதி ந நிஶ்சிதம் ॥ 19 ॥
தமுவாச ஹரிஶ்ரேஷ்ட²ம் ஜாம்ப³வான்வாக்யகோவித:³ ।
ஜ்ஞாயதே க³மனே ஶக்திஸ்தவ ஹர்ய்ருக்ஷஸத்தம ॥ 2௦ ॥
காமம் ஶதம் ஸஹஸ்ரம் வா ந ஹ்யேஷ விதி⁴ருச்யதே ।
யோஜனானாம் ப⁴வான் ஶக்தோ க³ந்தும் ப்ரதினிவர்திதும் ॥ 21 ॥
ந ஹி ப்ரேஷயிதா தாத ஸ்வாமீ ப்ரேஷ்ய: கத²ஞ்சன ।
ப⁴வதாயம் ஜனஸ்ஸர்வ: ப்ரேஷ்ய: ப்லவக³ஸத்தம ॥ 22 ॥
ப⁴வான் கலத்ரம் அஸ்மாகம் ஸ்வாமி பா⁴வே வ்யவஸ்தி²த: ।
ஸ்வாமீ கலத்ரம் ஸைன்யஸ்ய க³தி: ஏஷா பரந்தப ॥ 23 ॥
அபி வை ஏதஸ்ய கார்யஸ்ய ப⁴வான் மூலம் அரிம் த³ம ।
தஸ்மாத் கலத்ரவத் தாத ப்ரதிபால்ய: ஸதா³ ப⁴வான் ॥ 24 ॥
மூலமர்த²ஸ்ய ஸம்ரக்ஷ்யமேஷ கார்யவிதா³ம் நய: ।
மூலே ஸதி ஹி ஸித்³த்⁴யந்தி கு³ணா ப²லோ புஷ்போத³யா: ॥ 25 ॥
தத்³ப⁴வானஸ்ய கார்யஸ்ய ஸாத⁴னே ஸத்யவிக்ரம ।
பு³த்³தி⁴விக்ரமஸம்பன்னோ ஹேதுரத்ர பரந்தப ॥ 26 ॥
கு³ருஶ்ச கு³ருபுத்ரஶ்ச த்வம் ஹி ந: கபிஸத்தம ।
ப⁴வந்தமாஶ்ரித்ய வயம் ஸமர்தா² ஹ்யர்த²ஸாத⁴னே ॥ 27 ॥
உக்தவாக்யம் மஹாப்ராஜ்ஞம் ஜாம்ப³வந்தம் மஹாகபி: ।
ப்ரத்யுவாசோத்தரம் வாக்யம் வாலிஸூனுரதா²ங்க³த:³ ॥ 28 ॥
யதி³ நாஹம் க³மிஷ்யாமி நான்யோ வானரபுங்க³வ: ।
புன: க²ல்வித³மஸ்மாபி⁴: கார்யம் ப்ராயோபவேஶனம் ॥ 29 ॥
ந ஹ்யக்ருத்வா ஹரிபதேஸ்ஸந்தே³ஶம் தஸ்ய தீ⁴மத: ।
தத்ராபி க³த்வா ப்ராணானாம் பஶ்யாமி பரிரக்ஷணம் ॥ 3௦ ॥
ஸ ஹி ப்ரஸாதே³ சாத்யர்த²ம் கோபே ச ஹரிரீஶ்வர: ।
அதீத்ய தஸ்ய ஸந்தே³ஶம் வினாஶோ க³மனே ப⁴வேத் ॥ 31 ॥
தத்³யதா² ஹ்யஸ்ய கார்யஸ்ய ந ப⁴வத்யன்யதா² க³தி: ।
தத்³ப⁴வானேவ த்³ருஷ்டார்த²ஸ்ஸஞ்சிந்தயிது மர்ஹதி ॥ 32 ॥
ஸோங்க³தே³ன ததா³ வீர: ப்ரத்யுக்த: ப்லவக³ர்ஷப:⁴ ।
ஜாம்ப³வானுத்தரம் வாக்யம் ப்ரோவாசேத³ம் ததோங்க³த³ம் ॥ 33 ॥
அஸ்ய தே வீர கார்யஸ்ய ந கிஞ்சித்பரிஹீயதே ।
ஏஷ ஸஞ்சோத³யாம்யேனம் ய: கார்யம் ஸாத⁴யிஷ்யதி ॥ 34 ॥
தத:ப்ரதீதம் ப்லவதாம்வரிஷ்ட²ம் ஏகாந்தமாஶ்ரித்ய ஸுஸுகே²பவிஷ்ட²ம் ஸஞ்சோத³யாமாஸ ஹரிப்ரவீரோ ஹரிப்ரவீரம் ஹனுமந்தமேவ ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சஷஷ்டிதமஸ்ஸர்க:³ ॥
