ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகோனபஞ்சாஶஸ்ஸர்க:³ ।
ராமோபி ராத்ரிஶேஷேண தேனைவ மஹத³ந்தரம் ।
ஜகா³ம புருஷவ்யாக்⁴ர: பிதுராஜ்ஞாமனுஸ்மரன் ॥ 1 ॥
ததை²வ க³ச்ச²தஸ்தஸ்ய வ்யபாயாத்³ரஜனீ ஶிவா ।
உபாஸ்ய ஶிவாம் ஸந்த்⁴யாம் விஷயாந்தம் வ்யகா³ஹத ॥ 2 ॥
க்³ராமான் விக்ருஷ்டஸீமாந்தான் புஷ்பிதானி வனானி ச ।
பஶ்யன்னதியயௌ ஶீக்⁴ரம் ஶனைரிவ ஹயோத்தமை: ॥ 3 ॥
ஶ்ருண்வன் வசோ மனுஷ்யாணாம் க்³ராமஸம்வாஸவாஸினாம் ।
ராஜானம் தி⁴க்³த³ஶரத²ம் காமஸ்ய வஶமாக³தம் ॥ 4 ॥
ஹா ந்ருஶம்ஸாத்³ய கைகேயீ பாபா பாபானுப³ந்தி⁴னீ ।
தீக்ஷ்ணா ஸம்பி⁴ன்னமர்யாதா³ தீக்ஷ்ணகர்மணி வர்ததே ॥ 5 ॥
யா புத்ரமீத்³ருஶம் ராஜ்ஞ: ப்ரவாஸயதி தா⁴ர்மிகம் ।
வனவாஸே மஹாப்ராஜ்ஞம் ஸானுக்ரோஶம் ஜிதேந்த்³ரியம் ॥ 6 ॥
கத²ம் நாம மஹாபா⁴கா³ ஸீதா ஜனகனந்தி³னீ ।
ஸதா³ ஸுகே²ஷ்வபி⁴ரதா து³:கா²ன்யனுப⁴விஷ்யதி ॥ 7 ॥
அஹோ த³ஶரதோ² ராஜா நிஸ்னேஹ: ஸ்வஸுதம் ப்ரியம் ।
ப்ரஜானாமனக⁴ம் ராமம் பரித்யக்துமிஹேச்ச²தி ॥ 8 ॥
ஏதா வாசோ மனுஷ்யாணாம் க்³ராமஸம்வாஸவாஸினாம் ।
ஶ்ருண்வன்னதியயௌ வீர: கோஸலான் கோஸலேஶ்வர: ॥ 9 ॥
ததோ வேத³ஶ்ருதிம் நாம ஶிவவாரிவஹாம் நதீ³ம் ।
உத்தீர்யாபி⁴முக:² ப்ராயாத³க³ஸ்த்யாத்⁴யுஷிதாம் தி³ஶம் ॥ 1௦ ॥
க³த்வா து ஸுசிரம் காலம் தத: ஶீதஜலாம் நதீ³ம் ।
கோ³மதீம் கோ³யுதானூபாமதரத்ஸாக³ரங்க³மாம் ॥ 11 ॥
கோ³மதீம் சாப்யதிக்ரம்ய ராக⁴வ: ஶீக்⁴ரகை³ர்ஹயை: ।
மயூரஹம்ஸாபி⁴ருதாம் ததார ஸ்யந்தி³காம் நதீ³ம் ॥ 12 ॥
ஸ மஹீம் மனுனா ராஜ்ஞா த³த்தாமிக்ஷ்வாகவே புரா ।
ஸ்பீ²தாம் ராஷ்ட்ராவ்ருதாம் ராமோ வைதே³ஹீமன்வத³ர்ஶயத் ॥ 13 ॥
கதா³ஹம் புனராக³ம்ய ஸரய்வா புஷ்பிதே வனே ।
ம்ருக³யாம் பர்யடிஷ்யாமி மாத்ரா பித்ரா ச ஸங்க³த: ॥ 14 ॥
நாத்யர்த²மபி⁴காங்க்ஷாமி ம்ருக³யாம் ஸரயூவனே ।
ரதிர்ஹ்யேஷாதுலா லோகே ராஜர்ஷிக³ணஸம்மதா ॥ 15 ॥
ராஜர்ஷீணாம் ஹி லோகேஸ்மின் ரத்யர்த²ம் ம்ருக³யா வனே ।
காலே க்ருதாம் தாம் மனுஜைர்க⁴ன்வினாமபி⁴காங்க்ஷிதாம் ॥ 16 ॥
ஸ தமத்⁴வானமைக்ஷ்வாகஸ்ஸூதம் மது⁴ரயா கி³ரா ।
தம் தமர்த²மபி⁴ப்ரேத்ய யயௌ வாக்யமுதீ³ரயன் ॥ 17 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகோனபஞ்சாஶஸ்ஸர்க:³ ॥
