ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகசத்வாரிம்ஶஸ்ஸர்க:³ ।
ஆஜ்ஞப்தோ ராஜவத்³வாக்யம் ப்ரதிகூலம் நிஶாசர: ।
அப்³ரவீத்பருஷம் வாக்யம் மாரீசோ ராக்ஷஸாதி⁴பம் ॥ 1 ॥
கேனாயமுபதி³ஷ்டஸ்தே வினாஶ: பாபகர்மணா ।
ஸபுத்ரஸ்ய ஸராஷ்ட்ரஸ்ய ஸாமாத்யஸ்ய நிஶாசர ॥ 2 ॥
கஸ்த்வயா ஸுகி²னா ராஜன்னாபி⁴னந்த³தி பாபக்ருத் ।
கேனேத³முபதி³ஷ்டம் தே ம்ருத்யுத்³வாரமுபாயத: ॥ 3 ॥
ஶத்ரவஸ்தவ ஸுவ்யக்தம் ஹீனவீர்யா நிஶாசரா: ।
இச்ச²ந்தி த்வாம் வினஶ்யந்தமுபருத்³த⁴ம் ப³லீயஸா ॥ 4 ॥
கேனேத³முபதி³ஷ்டம் தே க்ஷுத்³ரேணாஹிதவாதி³னா ।
யஸ்த்வாமிச்ச²தி நஶ்யந்தம் ஸ்வக்ருதேன நிஶாசர ॥ 5 ॥
வத்⁴யா: க²லு ந ஹன்யந்தே ஸசிவாஸ்தவ ராவண ।
யே த்வாமுத்பத²மாரூட⁴ம் ந நிக்³ருஹ்ணந்தி ஸர்வஶ: ॥ 6 ॥
அமாத்யை: காமவ்ருத்தோ ஹி ராஜா காபத²மாஶ்ரித: ।
நிக்³ராஹ்யஸ்ஸர்வதா² ஸத³பி⁴ர்ன நிக்³ராஹ்யோ நிக்³ருஹ்யஸே ॥ 7 ॥
த⁴ர்மமர்த²ம் ச காமம் ச யஶஶ்ச ஜயதாம் வர ।
ஸ்வாமிப்ரஸாதா³த்ஸசிவா: ப்ராப்னுவந்தி நிஶாசர ॥ 8 ॥
விபர்யயே து தத்ஸர்வம் வ்யர்த²ம் ப⁴வதி ராவண ।
வ்யஸனம் ஸ்வாமிவைகு³ண்யாத்ப்ராப்னுவந்தீதரே ஜனா: ॥ 9 ॥
ராஜமூலோ ஹி த⁴ர்மஶ்ச ஜயஶ்ச ஜயதாம் வர ।
தஸ்மாத்ஸர்வாஸ்வவஸ்தா²ஸு ரக்ஷிதவ்யா நராதி⁴பா: ॥ 1௦ ॥
ராஜ்யம் பாலயிதும் ஶக்யம் ந தீக்ஷ்ணேன நிஶாசர ।
ந சாபி ப்ரதிகூலேன நாவினீதேன ராக்ஷஸ ॥ 11 ॥
யே தீக்ஷ்ணமந்த்ராஸ்ஸசிவா பஜ⁴்யந்தே ஸஹ தேன வை ।
விஷமே துரகா³ ஶ்ஶீக்⁴ரா மந்த³ஸாரத²யோ யதா² ॥ 12 ॥
ப³ஹவஸ்ஸாத⁴வோ லோகே யுக்தா த⁴ர்மமனுஷ்டி²தா: ।
பரேஷாமபராதே⁴ன வினஷ்டாஸ்ஸபரிச்ச²தா³: ॥ 13 ॥
ஸ்வாமினா ப்ரதிகூலேன ப்ரஜாஸ்தீக்ஷ்ணேன ராவண ।
ரக்ஷ்யமாணா ந வர்த⁴ந்தே மேஷா கோ³மாயுனா யதா² ॥ 14 ॥
அவஶ்யம் வினஶிஷ்யந்தி ஸர்வே ராவண ராக்ஷஸா: ।
யேஷாம் த்வம் கர்கஶோ ராஜா து³ர்பு³த்³தி⁴ரஜிதேந்த்³ரிய: ॥ 15 ॥
ததி³த³ம் காகதாலீயம் கோ⁴ரமாஸாதி³தம் மயா ।
அத்ர கிம் ஶோசனீயஸ்த்வம் ஸஸைன்யோ வினஶிஷ்யஸி ॥ 16 ॥
மாம் நிஹத்ய து ராமஶ்ச ந சிராத்த்வாம் வதி⁴ஷ்யதி ।
அனேன க்ருதக்ருத்யோஸ்மி ம்ரியேயமரிணா ஹத: ॥ 17 ॥
த³ர்ஶனாதே³வ ராமஸ்ய ஹதம் மாமவதா⁴ரய ।
ஆத்மானம் ச ஹதம் வித்³தி⁴ ஹ்ருத்வா ஸீதாம் ஸபா³ந்த⁴வம் ॥ 18 ॥
ஆனயிஷ்யஸி சேத்ஸீதாமாஶ்ரமாத்ஸஹிதோ மயா ।
நைவத்வமஸி நாஹம் ச நைவ லங்கா ந ராக்ஷஸா: ॥ 19 ॥
நிவார்யமாணஸ்து மயா ஹிதைஷிணா ந ம்ருஷ்யஸே வாக்யமித³ம் நிஶாசர ।
பரேதகல்பா ஹி க³தாயுஷோ நரா ஹிதம் ந க்³ருஹ்ணந்தி ஸுஹ்ருத்³பி⁴ரீரிதம் ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகசத்வாரிம்ஶஸ்ஸர்க:³ ॥
