ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்ரிம்ஶஸ்ஸர்க:³ ।
கு³ஹம் ப்ரவிஷ்டே ஸுக்³ரீவே விமுக்தே க³க³னே க⁴னை: ।
வர்ஷராத்ரோஷிதோ ராம: காமஶோகாபி⁴பீடி³த: ॥ 1 ॥
பாண்டு³ரம் க³க³னம் த்³ருஷ்ட்வா விமலம் சந்த்³ரமண்ட³லம் ।
ஶாரதீ³ம் ரஜனீம் சைவ த்³ருஷ்ட்வா ஜ்யோத்ஸ்னானுலேபனாம் ॥ 2 ॥
காமவ்ருத்தம் ச ஸுக்³ரீவம் நஷ்டாம் ச ஜனகாத்மஜாம் ।
பு³த்³த்⁴வா காலமதீதம் ச முமோஹ பரமாதுர: ॥ 3 ॥
ஸ து ஸஞ்ஜ்ஞாமுபாக³ம்ய முஹூர்தான்மதிமான்புன: ।
மனஸ்ஸ்தா²மபி வைதே³ஹீம் சிந்தயாமாஸ ராக⁴வ: ॥ 4 ॥
ஆஸீன: பர்வதஸ்யாக்³ரே ஹேமதா⁴துவிபூ⁴ஷிதே ।
ஶாரத³ம் க³க³னம் த்³ருஷ்ட்வா ஜகா³ம மனஸா ப்ரியாம் ॥ 5 ॥
த்³ருஷ்ட்வா ச விமலம் வ்யோம க³தவித்³யுத்³வலாஹகம் ।
ஸாரஸாராவஸங்கு⁴ஷ்ட²ம் விலலாபார்தயா கி³ரா ॥ 6 ॥
ஸாரஸாராவஸன்னாதை³ஸ்ஸாரஸாரவனாதி³னீ ।
யாஶ்ரமே ரமதே பா³லா ஸாத்³ய மே ரமதே கத²ம் ॥ 7 ॥
புஷ்பிதாம்ஶ்சாஸனான் த்³ருஷ்ட்வா காஞ்சனானிவ நிர்மலான் ।
கத²ம் ஸா ரமதே பா³லா பஶ்யந்தீ மாமபஶ்யதீ ॥ 8 ॥
யா புரா கலஹம்ஸானாம் ஸ்வரேண கலபா⁴ஷிணீ ।
பு³த்⁴யதே சாருஸர்வாங்கீ³ ஸாத்³ய மே பு³த்³த்⁴யதே கத²ம் ॥ 9 ॥
நிஸ்வனம் சக்ரவாகானாம் நிஶம்ய நஹசாரிணாம் ।
புண்ட³ரீகவிஶாலாக்ஷீ கத²மேஷா ப⁴விஷ்யதி ॥ 1௦ ॥
ஸராம்ஸி ஸரிதோ வாபீ: கானநானி வனானி ச ।
தாம் வினா ம்ருக³ஶாபா³க்ஷீம் சரன்னாத்³ய ஸுக²ம் லபே⁴ ॥ 11 ॥
அபி தாம் மத்³வியோகா³ச்ச² ஸௌகுமார்யாச்ச பா⁴மினீம் ।
ஸுதூ³ரம் பீட³யேத்காமஶ்ஶரத்³கு³ணனிரந்தர: ॥ 12 ॥
ஏவமாதி³ நரஶ்ரேஷ்டோ² விலலாப ந்ருபாத்மஜ: ।
விஹங்க³ இவ ஸாரங்க³ஸ்ஸலிலம் த்ரித³ஶேஶ்வராத் ॥ 13 ॥
ததஶ்சஞ்சூர்ய ரம்யேஷு ப²லார்தீ² கி³ரிஸானுஷு ।
த³த³ர்ஶ பர்யுபாவ்ருத்தோ லக்ஷ்மீவான்லக்ஷ்மணோக்³ரஜம் ॥ 14 ॥
தம் சிந்தயா து³ஸ்ஸஹயா பரீதம் விஸஞ்ஜ்ஞமேகம் விஜனே மனஸ்வீ ।
ப்⁴ராதுர்விஷாதா³த்பரிதாபதீ³ன: ஸமீக்ஷ்ய ஸௌமித்ரிருவாச ராமம் ॥ 15 ॥
கிமார்ய காமஸ்ய வஶங்க³தேன கிமாத்மபௌருஷ்யபராப⁴வேன ।
அயம் ஸதா³ ஸம்ஹ்ரியதே ஸமாதி⁴: கிமத்ர யோகே³ன நிவர்திதேன ॥ 16 ॥
க்ரியாபி⁴யோக³ம் மனஸ: ப்ரஸாத³ம் ஸமாதி⁴யோகா³னுக³தம் ச காலம் ।
ஸஹாயஸாமர்த்²யமதீ³னஸத்த்வ: ஸ்வகர்ம ஹேதும் ச குருஷ்வ ஹேதும் ॥ 17 ॥
ந ஜானகீ மானவ வம்ஶனாத² த்வயா ஸனாதா² ஸுலபா⁴ பரேண ।
ந சாக்³னிசூடா³ம் ஜ்வலிதாமுபேத்ய ந த³ஹ்யதே வீர வரார்ஹ கச்சி²த் ॥ 18 ॥
ஸலக்ஷணம் லக்ஷ்மணமப்ரத்⁴ருஷ்யம் ஸ்வபா⁴வஜம் வாக்யமுவாச ராம: ।
ஹிதம் ச பத்²யம் ச நயப்ரஸக்தம் ஸஸாம த⁴ர்மார்த²ஸமாஹிதம் ச ॥ 19 ॥
நிஸ்ஸம்ஶயம் கார்யமவேக்ஷிதவ்யம் க்ரியாவிஶேஷோஹ்யனுவர்திதவ்ய: ।
நனு ப்ரவ்ருத்தஸ்ய து³ராஸத³ஸ்ய குமார கார்யஸ்ய ப²லம் ச சிந்த்யம் ॥ 2௦ ॥
அத² பத்³மபலாஶாக்ஷீம் மைதி²லீமனுசிந்தயன் ।
உவாச லக்ஷ்மணம் ராமோ முகே²ன பரிஶுஷ்யதா ॥ 21 ॥
தர்பயித்வா ஸஹஸ்ராக்ஷஸ்ஸலிலேன வஸுந்த⁴ராம் ।
நிர்வர்தயித்வா ஸஸ்யானி க்ருதகர்மா வ்யவஸ்தி²த: ॥ 22 ॥
ஸ்னிக்³த⁴க³ம்பீ⁴ரனிர்கோ⁴ஷாஶ்ஶைலத்³ருமபுரோக³மா: ।
விஸ்ருஜ்ய ஸலிலம் மேகா⁴: பரிஶ்ராந்தா ந்ருபாத்மஜ ॥ 23 ॥
நீலோத்பலத³லஶ்யாமாஶ்ஶ்யாமீக்ருத்வா தி³ஶோ த³ஶ ।
விமதா³ இவ மாதங்கா³ஶ்ஶாந்தவேகா³: பயோத⁴ரா: ॥ 24 ॥
ஜலக³ர்பா⁴ மஹாமேகா⁴ குடஜார்ஜுனக³ந்தி⁴ன: ।
சரித்வா விரதாஸ்ஸௌம்ய வ்ருஷ்டிவாதாஸ்ஸமுத்³யதா: ॥ 25 ॥
க⁴னானாம் வாரணானாம் ச மயூராணாம் ச லக்ஷ்மண ।
நாத:³ ப்ரஸ்ரவணானாம் ச ப்ரஶாந்தஸ்ஸஹஸானக⁴ ॥ 26 ॥
அபி⁴வ்ருஷ்டா மஹாமேகை⁴ர்னிர்மலாஶ்சித்ரஸானவ: ।
அனுலிப்தா இவாபா⁴ந்தி கி³ரயஶ்சித்ரதீ³ப்திபி⁴: ॥ 27 ॥
ஶாகா²ஸு ஸப்தச்ச²த³பாத³பானாம் ப்ரபா⁴ஸு தாரார்கனிஶாகராணாம் ।
லீலாஸு சைவோத்தம வாரணானாம் ஶ்ரியம் விபஜ⁴்யாத்³ய ஶரத்ப்ரவ்ருத்தா ॥ 28 ॥
ஸம்ப்ரத்யனேகாஶ்ரய சித்ரஶோபா⁴ லக்ஷ்மீஶ்ஶரத்காலகு³ணோபனீதா ।
ஸூர்யாக்³ரஹஸ்தப்ரதிபோ³தி⁴தேஷு பத்³மாகரேஷ்வப்⁴யதி⁴கம் விபா⁴தி ॥ 29 ॥
ஸப்தச்ச²தா³னாம் குஸுமோபக³ந்தீ⁴ ஷட்பாத³ப்³ருந்தை³ரனுகீ³யமான: ।
மத்தத்³விபானாம் பவனோனுஸாரீ த³ர்பம் வினேஷ்யன்னதி⁴கம் கரோதி ॥ 3௦ ॥
அப்⁴யாக³தைஶ்சாருவிஶாலபக்ஷை ஸ்ஸர:ப்ரியை: பத்³மரஜோவகீர்ணை: ।
மஹானதீ³னாம் புலினோபயாதை: க்ரீட³ந்தி ஹம்ஸாஸ்ஸஹ சக்ரவாகை: ॥ 31 ॥
மத³ப்ரக³ல்பே⁴ஷு ச வாரணேஷு க³வாம் ஸமூஹேஷு ச த³ர்பிதேஷு ।
ப்ரஸன்னதோயாஸு ச நிம்னகா³ஸு விபா⁴தி லக்ஷ்மீர்ப³ஹுதா⁴ விப⁴க்தா ॥ 32 ॥
நப⁴ஸ்ஸமீக்ஷ்யாம்பு³த⁴ரைர்விமுக்தம் விமுக்தப³ர்ஹாப⁴ரணா வனேஷு ।
ப்ரியாஸ்வஸக்தா வினிவ்ருத்தஶோபா⁴ க³தோத்ஸவா த்⁴யானபரா மயூரா: ॥ 33 ॥
மனோஜ்ஞக³ந்தை⁴: ப்ரியகைரனல்பை: புஷ்பாதிபா⁴ராவனதாக்³ரஶாகை²: ।
ஸுவர்ணகௌ³ரைர்னயனாபி⁴ராமை ருத்³யோதிதானீவ வனாந்தராணி ॥ 34 ॥
ப்ரியான்விதானாம் நலினீப்ரியாணாம் வனே ரதானாம் குஸுமோத்³த⁴தானாம் ।
மதோ³த்கடானாம் மத³லாலஸானாம் கஜ³ோத்தமானாம் க³தயோத்³ய மந்தா³: ॥ 35 ॥
வ்யப்⁴ரம் நப⁴ஶ்ஶஸ்த்ரவிதௌ⁴தவர்ணம் க்ருஶப்ரவாஹானி நதீ³ஜலானி ।
கஹ்லாரஶீதா: பவனா: ப்ரவாந்தி தமோவிமுக்தாஶ்ச தி³ஶ: ப்ரகாஶா: ॥ 36 ॥
ஸூர்யாதபக்ராமணனஷ்டபங்கா பூ⁴மிஶ்சிரோத³தா⁴டிதஸாந்த்³ரரேணு: ।
அன்யோன்யவைரேணஸமாயுதானா முத்³யோக³காலோத்³ய நராதி⁴பானாம் ॥ 37 ॥
ஶரத்³கு³ணாப்யாயிதரூபஶோபா⁴: ப்ரஹர்ஷிதா: பாம்ஶுஸமுத்க்ஷிதாங்கா³: ।
மதோ³த்கடாஸ்ஸம்ப்ரதி யுத்³த⁴லுப்³தா⁴ வ்ருஷா க³வாம் மத்⁴யக³தா நத³ந்தி ॥ 38 ॥
ஸமன்மத²ம் தீவ்ரக³தானுராகா³: குலான்விதா மந்த³க³திம் கரிண்ய: ।
மதா³ன்விதம் ஸம்பரிவார்ய யாந்தம் வனேஷு ப⁴ர்தாரமனுப்ரயாந்தி ॥ 39 ॥
த்யக்த்வா வராண்யாத்மவிபூ⁴ஷணானி ப³ர்ஹாணி தீரோபக³தா நதீ³னாம் ।
நிர்ப⁴ர்த்ஸ்யமானா இவ ஸாரஸௌகை⁴: ப்ரயாந்தி தீ³னா விமதா³ மயூரா: ॥ 4௦ ॥
வித்ராஸ்ய காரண்ட³வசக்ரவாகா ந்மஹாரவைர்பி⁴ன்னகடா கஜ³ேந்த்³ரா: ।
ஸரஸ்ஸு ப³த்³தா⁴ம்பு³ஜபூ⁴ஷணேஷு விக்ஷோப்⁴ய விக்ஷோப்⁴ய ஜலம் பிப³ந்தி ॥ 41 ॥
வ்யபேதபங்காஸு ஸவாலுகாஸு ப்ரஸன்னதோயாஸு ஸகோ³குலாஸு ।
ஸஸாரஸாராவனினாதி³தாஸு நதீ³ஷு ஹ்ருஷ்டா நிபதந்தி ஹம்ஸா: ॥ 42 ॥
நதீ³க⁴னப்ரஸ்ரவணோத³கானா மதிப்ரவ்ருத்³தா⁴னிலப³ர்ஹிணானாம் ।
ப்லவங்க³மானாம் ச க³தோத்ஸவானாம் த்³ருதம் ரவாஸ்ஸம்ப்ரதி ஸம்ப்ரணஷ்டா: ॥ 43 ॥
அனேகவர்ணாஸ்ஸுவினஷ்டகாயா நவோதி³தேஷ்வம்பு³த⁴ரேஷு நஷ்டா: ।
க்ஷுதா⁴ர்தி³தா கோ⁴ரவிஷா பி³லேப்⁴ய ஶ்சிரோஷிதா விப்ரஸரந்தி ஸர்பா: ॥ 44 ॥
சஞ்சச்சந்த்³ரகரஸ்பர்ஶஹர்ஷோன்மீலிததாரகா ।
அஹோ ராக³வதீ ஸந்த்⁴யா ஜஹாதி ஸ்வயமம்ப³ரம் ॥ 45 ॥
ராத்ரிஶ்ஶஶாங்கோதி³தஸௌம்யவக்த்ரா தாராக³ணோன்மீலிதசாருனேத்ரா ।
ஜ்யோத்ஸ்னாம்ஶுகப்ராவரணா விபா⁴தி நாரீவ ஶுக்லாம்ஶுகஸம்வ்ருதாங்கீ³ ॥ 46 ॥
விபக்வஶாலிப்ரஸவானி பு⁴க்த்வா ப்ரஹர்ஷிதா ஸாரஸசாருபங்க்தி: ।
நப⁴ஸ்ஸமாக்ராமதி ஶீக்⁴ரவேகா³: வாதாவதூ⁴தா க்³ரதி²தேவ மாலா ॥ 47 ॥
ஸுப்தைகஹம்ஸம் குமுதை³ருபேதம் மஹாஹ்ரத³ஸ்த²ம் ஸலிலம் விபா⁴தி ।
க⁴னைர்விமுக்தம் நிஶி பூர்ணசந்த்³ரம் தாராக³ணாகீர்ணமிவாந்தரிக்ஷம் ॥ 48 ॥
ப்ரகீர்ணஹம்ஸாகுலமேக²லானாம் ப்ரபு³த்³த⁴பத்³மோத்பலமாலினீனாம் ।
வாப்யுத்தமானாமதி⁴காத்³ய லக்ஷ்மீ ர்வராங்க³னானாமிவ பூ⁴ஷிதானாம் ॥ 49 ॥
வேணுஸ்வனவ்யஞ்ஜிததூர்யமிஶ்ர: ப்ரத்யூஷகாலானிலஸம்ப்ரவ்ருத்³த:⁴ ।
ஸம்மூர்சி²தோ க³ர்க³ரகோ³வ்ருஷாணா மன்யோன்யமாபூரயதீவ ஶப்³த:³ ॥ 5௦ ॥
நவைர்னதீ³னாம் குஸுமப்ரபா⁴ஸை ர்வ்யாதூ⁴யமானைர்ம்ருது³மாருதேன ।
தௌ⁴தாமலக்ஷௌமபடப்ரகாஶை: கூலானி காஶைருபஶோபி⁴தானி ॥ 51 ॥
வனப்ரசண்டா³ மது⁴பானஶௌண்டா³: ப்ரியான்விதாஷ்ஷட்சரணா: ப்ரஹ்ர்ருஷ்டா: ।
வனேஷு மத்தா: பவனானுயாத்ராம் குர்வந்தி பத்³மாஸனரேணுகௌ³ரா: ॥ 52 ॥
ஜலம் ப்ரஸன்னம் குமுத³ம் ப்ரபா⁴ஸம் க்ரௌஞ்சஸ்வனஶ்ஶாலிவனம் விபக்வம் ।
ம்ருது³ஶ்ச வாயுர்விமலஶ்ச சந்த்³ர ஶ்ஶம்ஸந்தி வர்ஷவ்யபனீதகாலம் ॥ 53 ॥
மீனோபஸந்த³ர்ஶிதமேக²லானாம் நதீ³வதூ⁴னாம் க³தயோத்³ய மந்தா³: ।
காந்தோபபு⁴க்தாலஸகா³மினீனாம் ப்ரபா⁴தகாலேஷ்விவ காமினீனாம் ॥ 54 ॥
ஸசக்ரவாகானி ஸஶைவலானி காஶைர்து³கூலைரிவ ஸம்வ்ருதானி ।
ஸபத்ரலேகா²னி ஸரோசனானி வதூ⁴முகா²னீவ நதீ³முகா²னி ॥ 55 ॥
ப்ரபு²ல்லபா³ணாஸனசித்ரிதேஷு ப்ரஹ்ருஷ்டஷட்பாத³னிகூஜிதேஷு ।
க்³ருஹீதசாபோத்³யதசண்ட³த³ண்ட:³ ப்ரசண்ட³சாரோத்³ய வனேஷு காம: ॥ 56 ॥
லோகம் ஸுவ்ருஷ்ட்யா பரிதோஷயித்வா நதீ³ஸ்தடாகானி ச பூரயித்வா ।
நிஷ்பன்னஸஸ்யாம் வஸுதா⁴ம் ச க்ருத்வா த்யக்த்வா நப⁴ஸ்தோயத⁴ரா: ப்ரணஷ்டா: ॥ 57 ॥
த³ர்ஶயந்தி ஶரன்னத்³ய: புலினானி ஶனை: ஶனை: ।
நவஸங்க³மஸவ்ரீடா³ ஜக⁴னானீவ யோஷித: ॥ 58 ॥
ப்ரஸன்னஸலிலாஸ்ஸௌம்ய குரரீபி⁴ர்வினாதி³தா: ।
சக்ரவாகக³ணாகீர்ணா விபா⁴ந்தி ஸலிலாஶயா: ॥ 59 ॥
அஸனாஸ்ஸப்தபர்ணாஶ்ச கோவிதா³ராஶ்ச புஷ்பிதா: ।
த்³ருஶ்யந்தே ப³ந்து⁴ஜீவாஶ்ச ஶ்யாமாஶ்ச கி³ரிஸானுஷு ॥ 6௦ ॥
ஹம்ஸஸாரஸசக்ராஹ்வை: குரரைஶ்ச ஸமந்தத: ।
புலினான்யவகீர்ணானி நதீ³னாம் பஶ்ய லக்ஷ்மண ॥ 61 ॥
அன்யோன்யப³த்³த⁴வைராணாம் ஜிகீ³ஷூணாம் ந்ருபாத்மஜ ।
உத்³யோக³ஸமயஸ்ஸௌம்ய பார்தி²வானாமுபஸ்தி²த: ॥ 62 ॥
இயம் ஸா ப்ரத²மா யாத்ரா பார்தி²வானாம் ந்ருபாத்மஜ ந ச பஶ்யாமி ஸுக்³ரீவமுத்³யோக³ம் வா ததா²வித⁴ம் ॥ 63 ॥
சத்வாரோ வார்ஷிகா மாஸா க³தா வர்ஷஶதோபமா: ।
மம ஶோகாபி⁴பூ⁴தஸ்ய ஸௌம்ய ஸீதாமபஶ்யத: ॥ 64 ॥
சக்ரவாகீவ ப⁴ர்தாரம் ப்ருஷ்ட²தோனுக³தா வனம் ।
விஷமம் த³ண்ட³காரண்யமுத்³யானமிவ யாக³தா ॥ 65 ॥
ப்ரியாவிஹீனே து³:கா²ர்தே ஹ்ருதராஜ்யே விவாஸிதே ।
க்ருபாம் ந குருதே ராஜா ஸுக்³ரீவோ மயி லக்ஷ்மண ॥ 66 ॥
அனாதோ² ஹ்ருதராஜ்யோயம் ராவணேன ச த⁴ர்ஷித: ।
தீ³னோ தூ³ரக்³ருஹ: காமீ மாம் சைவ ஶரணம் க³த: ॥ 67 ॥
இத்யேதை: காரணைஸ்ஸௌம்ய ஸுக்³ரீவஸ்ய து³ராத்மன: ।
அஹம் வானரராஜஸ்ய பரிபூ⁴த: பரந்தப ॥ 68 ॥
ஸ காலம் பரிஸங்க்²யாய ஸீதாயா: பரிமார்க³ணே ।
க்ருதார்த²ஸ்ஸமயம் க்ருத்வா து³ர்மதிர்னாவபு³த்⁴யதே ॥ 69 ॥
த்வம் ச கிஷ்கிந்தா⁴ம் ப்ரவிஶ்ய ப்³ரூஹி வானரபுங்க³வம் ।
மூர்க²ம் க்³ராம்யஸுகே² ஸக்தம் ஸுக்³ரீவம் வசனான்மம ॥ 7௦ ॥
அர்தி²னாமுபபன்னானாம் பூர்வம் சாப்யுபகாரிணாம் ।
ஆஶாம் ஸம்ஶ்ருத்ய யோ ஹந்தி ஸ லோகே புருஷாத⁴ம: ॥ 71 ॥
ஶுப⁴ம் வா யதி³ வா பாபம் யோ ஹி வாக்யமுதீ³ரிதம் ।
ஸத்யேன ப்ரதிக்³ருஹ்ணாதி ஸ வீர: புருஷோத்தம: ॥ 72 ॥
க்ருதார்தா² ஹ்யக்ருதார்தா²னாம் மித்ராணாம் ந ப⁴வந்தி யே ।
தான்ம்ருதானபி க்ரவ்யாதா³: க்ருதக்⁴னான்னோபபு⁴ஞ்ஜதே ॥ 73 ॥
நூனம் காஞ்சனப்ருஷ்ட²ஸ்ய விக்ருஷ்டஸ்ய மயா ரணே ।
த்³ரஷ்டுமிச்ச²தி சாபஸ்ய ரூபம் வித்³யுத்³க³ணோபமம் ॥ 74 ॥
கோ⁴ரம் ஜ்யாதலனிர்கோ⁴ஷம் க்ருத்³த⁴ஸ்ய மம ஸம்யுகே³ ।
நிர்கோ⁴ஷமிவ வஜ்ரஸ்ய புனஸ்ஸம்ஶ்ரோதுமிச்ச²ஸி ॥ 75 ॥
காமமேவங்க³தேப்யஸ்ய பரிஜ்ஞாதே பராக்ரமே ।
த்வத்ஸஹாயஸ்ய மே வீர ந சிந்தா ஸ்யான்ன்ருபாத்மஜ ॥ 76 ॥
யத³ர்த²மயமாரம்ப:⁴ க்ருத: பரபுரஞ்ஜய: ।
ஸமயம் நாபி⁴ஜானாதி க்ருதார்த:² ப்லவகே³ஶ்வர: ॥ 77 ॥
வர்ஷாஸமயகாலம் து ப்ரதிஜ்ஞாய ஹரீஶ்வர: ।
வ்யதீதாம்ஶ்சதுரோ மாஸான்விஹரன்னாவபு³த்⁴யதே ॥ 78 ॥
ஸாமாத்யபரிஷத்க்ரீட³ன்பானமேவோபஸேவதே ।
ஶோகதீ³னேஷு நாஸ்மாஸு ஸுக்³ரீவ: குருதே த³யாம் ॥ 79 ॥
உச்யதாம் க³ச்ச² ஸுக்³ரீவஸ்த்வயா வத்ஸ மஹாப³ல ।
மம ரோஷஸ்ய யத்³ரூபம் ப்³ரூயாஶ்சைவமித³ம் வச: ॥ 8௦ ॥
ந ச ஸங்குசித: பந்தா² யேன வாலீ ஹதோ க³த: ।
ஸமயே திஷ்ட² ஸுக்³ரீவ மா வாலிபத²மன்வகா³: ॥ 81 ॥
ஏக ஏவ ரணே வாலீ ஶரேண நிஹதோ மயா ।
த்வாம் து ஸத்யாத³திக்ராந்தம் ஹனிஷ்யாமி ஸபா³ந்த⁴வம் ॥ 82 ॥
ததே³வம் விஹிதே கார்யே யத்³தி⁴தம் புருஷர்ஷப⁴ ।
தத்தத்³ப்⁴ரூஹி நரஶ்ரேஷ்ட²த்வர காலவ்யதிக்ரம: ॥ 83 ॥
குருஷ்வ ஸத்யம் மயி வானரேஶ்வர ப்ரதிஶ்ருதம் த⁴ர்மமவேக்ஷ்ய ஶாஶ்வதம் ।
மா வாலினம் ப்ரேத்ய க³தோ யமக்ஷயம் த்வமத்³ய பஶ்யேர்மம சோதி³தைஶ்ஶரை: ॥ 84 ॥
ஸ பூர்வஜம் தீவ்ரவிவ்ருத்³த⁴கோபம் லாலப்யமானம் ப்ரஸமீக்ஷ்ய தீ³னம் ।
சகார தீவ்ராம் மதிமுக்³ரதேஜா ஹரீஶ்வரே மானவவம்ஶனாத:² ॥ 85 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்ரிம்ஶஸ்ஸர்க:³ ॥
