ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ரிஷஷ்டிதமஸ்ஸர்க:³ ।
பூர்ணே வர்ஷஸஹஸ்ரே து வ்ரதஸ்னாதம் மஹாமுனிம் ।
அப்⁴யாக³ச்ச²ன் ஸுராஸ்ஸர்வே தப: ப²லசிகீர்ஷவ: ॥ 1 ॥
அப்³ரவீத்ஸுமஹாதேஜா ப்³ரஹ்மா ஸுருசிரம் வச: ।
ருஷிஸ்த்வமஸி ப⁴த்³ரம் தே ஸ்வார்ஜிதை: கர்மபி⁴ஶ்ஶுபை⁴: ॥ 2 ॥
தமேவமுக்த்வா தே³வேஶஸ்த்ரிதி³வம் புனரப்⁴யகா³த் ।
விஶ்வாமித்ரோ மஹாதேஜா பூ⁴யஸ்தேபே மஹத்தப: ॥ 3 ॥
தத: காலேன மஹதா மேனகா பரமாப்ஸரா: ।
புஷ்கரேஷு நரஶ்ரேஷ்ட² ஸ்னாதும் ஸமுபசக்ரமே ॥ 4 ॥
தாம் த³த³ர்ஶ மஹாதேஜா மேனகாம் குஶிகாத்மஜ: ।
ரூபேணாப்ரதிமாம் தத்ர வித்³யுதம் ஜலதே³ யதா² ॥ 5 ॥
த்³ருஷ்ட்வா கந்த³ர்பவஶகோ³ முனிஸ்தாமித³மப்³ரவீத் ।
அப்ஸரஸ்ஸ்வாக³தம் தேஸ்து வஸ சேஹ மமாஶ்ரமே ॥ 6 ॥
அனுக்³ருஹ்ணீஷ்வ ப⁴த்³ரம் தே மத³னேன ஸுமோஹிதம் ।
இத்யுக்தா ஸா வராரோஹா தத்ர வாஸமதா²கரோத் ॥ 7 ॥
தஸ்யாம் வஸந்த்யாம் வர்ஷாணி பஞ்ச பஞ்ச ச ராக⁴வ ।
விஶ்வாமித்ராஶ்ரமே ராம ஸுகே²ன வ்யதிசக்ரமு: ॥ 8 ॥
அத² காலே க³தே தஸ்மின்விஶ்வாமித்ரோ மஹாமுனி: ।
ஸவ்ரீட³ இவ ஸம்வ்ருத்தஶ்சிந்தாஶோகபராயண: ॥ 9 ॥
பு³த்³தி⁴ர்முனேஸ்ஸமுத்பன்னா ஸாமர்ஷா ரகு⁴னந்த³ன ।
ஸர்வம் ஸுராணாம் கர்மைதத்தபோபஹரணம் மஹத் ॥ 1௦ ॥
அஹோராத்ராபதே³ஶேன க³தாஸ்ஸம்வத்ஸரா த³ஶ ।
காமமோஹாபி⁴பூ⁴தஸ்ய விக்⁴னோயம் ஸமுபஸ்தி²த: ॥ 11 ॥
வினிஶ்ஶ்வஸன்முனிவர: பஶ்சாத்தாபேன து³:கி²த: ।
பீ⁴தாமப்ஸரஸம் த்³ருஷ்ட்வா வேபந்தீம் ப்ராஞ்ஜலிம் ஸ்தி²தாம் ॥ 12 ॥
மேனகாம் மது⁴ரைர்வாக்யைர்விஸ்ருஜ்ய குஶிகாத்மஜ: ।
உத்தரம் பர்வதம் ராம விஶ்வாமித்ரோ ஜகா³ம ஹ ॥ 13 ॥
ஸ க்ருத்வா நைஷ்டி²கீம் பு³த்³தி⁴ம் ஜேதுகாமோ மஹாயஶா: ।
கௌஶிகீதீரமாஸாத்³ய தபஸ்தேபே ஸுதா³ருணம் ॥ 14 ॥
தஸ்ய வர்ஷஸஹஸ்ரம் து கோ⁴ரம் தப உபாஸத: ।
உத்தரே பர்வதே ராம தே³வதானாமபூ⁴த்³ப⁴யம் ॥ 15 ॥
ஆமந்த்ரயன் ஸமாக³ம்ய ஸர்வே ஸர்ஷிக³ணா ஸ்ஸுரா: ।
மஹர்ஷிஶப்³த³ம் லப⁴தாம் ஸாத்⁴வயம் குஶிகாத்மஜ: ॥ 16 ॥
தே³வதானாம் வச ஶ்ஶ்ருத்வா ஸர்வலோகபிதாமஹ: ।
அப்³ரவீன்மது⁴ரம் வாக்யம் விஶ்வாமித்ரம் தபோத⁴னம் ॥ 17 ॥
மஹர்ஷே ஸ்வாக³தம் வத்ஸ தபஸோக்³ரேண தோஷித: ।
மஹத்த்வம்ருஷிமுக்²யத்வம் த³தா³மி தவ கௌஶிக ॥ 18 ॥
ப்³ரஹ்மணஸ்ஸ வசஶ்ஶ்ருத்வா ஸர்வலோகேஶ்வரஸ்ய ஹ ।
ந விஷண்ணோ ந ஸந்துஷ்டோ விஶ்வாமித்ரஸ்தபோத⁴ன: ॥ 19 ॥
ப்ராஞ்ஜலி: ப்ரணதோ பூ⁴த்வா ஸர்வலோகபிதாமஹம் ।
ப்ரத்யுவாச ததோ வாசம் விஶ்வாமித்ரோ மஹாமுனி: ॥ 2௦ ॥
மஹர்ஷிஶப்³த³மதுலம் ஸ்வார்ஜிதை: கர்மபி⁴ஶ்ஶுபை⁴: ।
யதி³ மே ப⁴க³வானாஹ ததோஹம் விஜிதேந்த்³ரிய: ॥ 21 ॥
தமுவாச ததோ ப்³ரஹ்மா ந தாவத் த்த்வம் ஜிதேந்த்³ரிய: ।
யதஸ்வ முனிஶார்தூ³ல இத்யுக்த்வா த்ரிதி³வம் க³த: ॥ 22 ॥
விப்ரஸ்தி²தேஷு தே³வேஷு விஶ்வாமித்ரோ மஹாமுனி: ।
ஊர்த்⁴வபா³ஹுர்னிராலம்போ³ வாயுப⁴க்ஷஸ்தபஶ்சரன் ॥ 23 ॥
க⁴ர்மே பஞ்சதபா பூ⁴த்வா வர்ஷாஸ்வாகாஶஸம்ஶ்ரய: ।
ஶிஶிரே ஸலிலஸ்தா²யீ ராத்ர்யஹானி தபோத⁴ன: ॥ 24 ॥
ஏவம் வர்ஷஸஹஸ்ரம் ஹி தபோ கோ⁴ரமுபாக³மத் ।
தஸ்மின் ஸந்தப்யமானே து விஶ்வாமித்ரே மஹாமுனௌ ॥ 25 ॥
ஸம்ப்⁴ரமஸ்ஸுமஹானாஸீத்ஸுராணாம் வாஸவஸ்ய ச ।
ரம்பா⁴மப்ஸரஸம் ஶக்ர ஸ்ஸஹ ஸர்வைர்மருத்³க³ணை: ।
உவாசாத்மஹிதம் வாக்யமஹிதம் கௌஶிகஸ்ய ச ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ரிஷஷ்டிதமஸ்ஸர்க:³ ॥
