ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகோனவிம்ஶஸ்ஸர்க:³ ।
தத³ப்ரியமமித்ரக்⁴னோ வசனம் மரணோபமம் ।
ஶ்ருத்வா ந விவ்யதே² ராம: கைகேயீம் சேத³மப்³ரவீத் ॥ 1 ॥
ஏவமஸ்து க³மிஷ்யாமி வனம் வஸ்துமஹம் த்வித: ।
ஜடாஜினத⁴ரோ ராஜ்ஞ: ப்ரதிஜ்ஞாமனுபாலயன் ॥ 2 ॥
இத³ம் து ஜ்ஞாதுமிச்சா²மி கிமர்த²ம் மாம் மஹீபதி: ।
நாபி⁴னந்த³தி து³ர்த⁴ர்ஷோ யதா²பூர்வமரிந்த³ம: ॥ 3 ॥
மன்யுர்ன ச த்வயா கார்யோ தே³வி ப்³ரூமி தவாக்³ரத: ।
யாஸ்யாமி ப⁴வ ஸுப்ரீதா வனம் சீரஜடாத⁴ர: ॥ 4 ॥
ஹிதேன கு³ருணா பித்ரா க்ருதஜ்ஞேன ந்ருபேண ச ।
நியுஜ்யமானோ விஸ்ரப்³த:⁴ கிம் ந குர்யாமஹம் ப்ரியம் ॥ 5 ॥
அலீகம் மானஸம் த்வேகம் ஹ்ருத³யம் த³ஹதீவ மே ।
ஸ்வயம் யன்னாஹ மாம் ராஜா ப⁴ரதஸ்யாபி⁴ஷேசனம் ॥ 6 ॥
அஹம் ஹி ஸீதாம் ராஜ்யம் ச ப்ராணானிஷ்டாந்த⁴னானி ச ।
ஹ்ருஷ்டோ ப்⁴ராத்ரே ஸ்வயம் த³த்³யாம் ப⁴ரதாயாப்ரசோதி³த: ॥ 7 ॥
கிம் புனர்மனுஜேந்த்³ரேண ஸ்வயம் பித்ரா ப்ரசோதி³த: ।
தவ ச ப்ரியகாமார்த²ம் ப்ரதிஜ்ஞாமனுபாலயன் ॥ 8 ॥
ததா³ஶ்வாஸய ஹீமம் த்வம் கின்வித³ம் யன்மஹீபதி: ।
வஸுதா⁴ஸக்தனயனோ மந்த³மஶ்ரூணி முஞ்சதி ॥ 9 ॥
க³ச்ச²ந்து சைவானயிதும் தூ³தாஶ்ஶ்ரீக்⁴ரஜவைர்ஹயை: ।
ப⁴ரதம் மாதுலகுலாத³த்³யைவ ந்ருபஶாஸனாத் ॥ 1௦ ॥
த³ண்ட³காரண்யமேஷோஹமிதோ க³ச்சா²மி ஸத்வர: ।
அவிசார்ய பிதுர்வாக்யம் ஸமா வஸ்தும் சதுர்த³ஶ ॥ 11 ॥
ஸா ஹ்ருஷ்டா தஸ்ய தத்³வாக்யம் ஶ்ருத்வா ராமஸ்ய கைகயீ ।
ப்ரஸ்தா²னம் ஶ்ரத்³த⁴தா⁴னா ஹி த்வரயாமாஸ ராக⁴வம் ॥ 12 ॥
ஏவம் ப⁴வது யாஸ்யந்தி தூ³தா ஶ்ஶீக்⁴ரஜவைர்ஹயை: ।
ப⁴ரதம் மாதுலகுலாது³பாவர்தயிதும் நரா: ॥ 13 ॥
தவ த்வஹம் க்ஷமம் மன்யே நோத்ஸுகஸ்ய விலம்ப³னம் ।
ராம தஸ்மாதி³த ஶ்ஶீக்⁴ரம் வனம் த்வம் க³ந்துமர்ஹஸி ॥ 14 ॥
வ்ரீடா³ன்வித ஸ்ஸ்வயம் யச்ச ந்ருபஸ்த்வாம் நாபி⁴பா⁴ஷதே ।
நைதத்கிஞ்சின்னரஶ்ரேஷ்ட² மன்யுரேஷோபனீயதாம் ॥ 15 ॥
யாவத்த்வம் ந வனம் யாத: புராத³ஸ்மாத³பி⁴த்வரன் ।
பிதா தாவன்ன தே ராம ஸ்னாஸ்யதே போ⁴க்ஷ்யதேபி வா ॥ 16 ॥
தி⁴க்கஷ்டமிதி நி:ஶ்வஸ்ய ராஜா ஶோகபரிப்லுத: ।
மூர்சி²தோ ந்யபதத்தஸ்மின்பர்யங்கே ஹேமபூ⁴ஷிதே ॥ 17 ॥
ராமோப்யுத்தா²ப்ய ராஜானம் கைகேய்யாபி⁴ப்ரசோதி³த: ।
கஶயேவாஹதோ வாஜீ வனம் க³ந்தும் க்ருதத்வர: ॥ 18 ॥
தத³ப்ரியமனார்யாயா வசனம் தா³ருணோத³யம் ।
ஶ்ருத்வா க³தவ்யதோ² ராம: கைகேயீம் வாக்யமப்³ரவீத் ॥ 19 ॥
நாஹமர்த²பரோ தே³வி லோகமாவஸ்துமுத்ஸஹே ।
வித்³தி⁴மாம்ருஷிபி⁴ஸ்துல்யம் கேவலம் த⁴ர்மமாஸ்தி²தம் ॥ 2௦ ॥
யத³த்ர ப⁴வத: கிஞ்சிச்ச²க்யம் கர்தும் ப்ரியம் மயா ।
ப்ராணானபி பரித்யஜ்ய ஸர்வதா² க்ருதமேவ தத் ॥ 21 ॥
ந ஹ்யதோ த⁴ர்மசரணம் கிஞ்சித³ஸ்தி மஹத்தரம் ।
யதா² பிதரிஶுஶ்ரூஷா தஸ்ய வா வசனக்ரியா ॥ 22 ॥
அனுக்தோப்யத்ரப⁴வதா ப⁴வத்யா வசனாத³ஹம் ।
வனே வத்ஸ்யாமி விஜனே வர்ஷாணீஹ சதுர்த³ஶ ॥ 23 ॥
ந நூனம் மயி கைகயி கிஞ்சிதா³ஶம்ஸஸே கு³ணம் ।
யத்³ராஜானமவோசஸ்த்வம் மமேஶ்வரதரா ஸதீ ॥ 24 ॥
யாவன்மாதரமாப்னச்சே² ஸீதாம் சானுனயாம்யஹம் ।
ததோத்³யைவ க³மிஷ்யாமி த³ண்ட³கானாம் மஹத்³வனம் ॥ 25 ॥
ப⁴ரத: பாலயேத்³ராஜ்யம் ஶுஶ்ரூஷேச்ச பிதுர்யதா² ।
ததா² ப⁴வத்யா கர்தவ்யம் ஸ ஹி த⁴ர்ம ஸ்ஸனாதன: ॥ 26 ॥
ஸ ராமஸ்ய வசஶ்ஶ்ர்ருத்வா ப்⁴ருஶம் து³:க²ஹத: பிதா ।
ஶோகாத³ஶக்னுவன்வகதும் ப்ரருரோத³ மஹாஸ்வனம் ॥ 27 ॥
வந்தி³த்வா சரணௌ ராமோ விஸஞ்ஜ்ஞஸ்ய பிதுஸ்ததா² ।
கைகேய்யாஶ்சாப்யனார்யாயா: நிஷ்பபாத மஹாத்³யுதி: ॥ 28 ॥
ஸ ராம: பிதரம் க்ருத்வா கைகேயீம் ச ப்ரத³க்ஷிணம் ।
நிஷ்க்ரம்யாந்த:புராத்தஸ்மாத்ஸ்வம் த³த³ர்ஶ ஸுஹ்ருஜ்ஜனம் ॥ 29 ॥
தம் பா³ஷ்பபரிபூர்ணாக்ஷ: ப்ருஷ்ட²தோனுஜகா³ம ஹ ।
லக்ஷ்மண: பரமக்க்ருத்⁴த:³ ஸ்ஸுமித்ரானந்த³வர்த⁴ன: ॥ 3௦ ॥
அபி⁴ஷேசனிகம் பா⁴ண்ட³ம் க்ருத்வா ராம: ப்ரத³க்ஷிணம் ।
ஶனைர்ஜகா³ம ஸாபேக்ஷோ த்³ருஷ்டிம் தத்ராவிசாலயன் ॥ 31 ॥
ந சாஸ்ய மஹதீம் லக்ஷ்மீம் ராஜ்யனாஶோபகர்ஷதி ।
லோககாந்தஸ்ய காந்தத்வாச்சீ²தரஶ்மேரிவ க்ஷபா ॥ 32 ॥
ந வனம் க³ந்துகாமஸ்ய த்யஜதஶ்ச வஸுந்த⁴ராம் ।
ஸர்வலோகாதிக³ஸ்யேவ லக்ஷ்யதே சித்தவிக்ரியா ॥ 33 ॥
ப்ரதிஷித்⁴ய ஶுப⁴ம் ச²த்ரம் வ்யஜனே ச ஸ்வலங்க்ருதே ।
விஸர்ஜயித்வா ஸ்வஜனம் ரத²ம் பௌராம்ஸ்ததா² ஜனான் ॥ 34 ॥
தா⁴ரயன் மனஸா து³:க²மிந்த்³ரியாணி நிக்³ருஹ்ய ச ।
ப்ரவிவேஶாத்மவான்வேஶ்ம மாதுரப்ரியஶம்ஸிவான் ॥ 35 ॥
ஸர்வோஹ்யபி⁴ஜனஶ்ஶ்ரீமான் ஶ்ரீமதஸ்ஸத்யவாதி³ன: ।
நாலக்ஷயத ராமஸ்ய கிஞ்சிதா³காரமானநே ॥ 36 ॥
உசிதம் ச மஹாபா³ஹுர்னஜஹௌஹர்ஷமாத்மன: ।
ஶாரத³ ஸ்ஸமுதீ³ர்ணாம்ஶுஶ்சந்த்³ரஸ்தேஜ இவாத்மஜம் ॥ 37 ॥
வாசா மது⁴ரயா ராமஸ்ஸர்வம் ஸம்மானயஞ்ஜனம் ।
மாதுஸ்ஸமீபம் தீ⁴ராத்மா ப்ரவிவேஶ மஹாயஶா: ॥ 38 ॥
தம் கு³ணைஸ்ஸமதாம் ப்ராப்தோ ப்⁴ராதா விபுலவிக்ரம: ।
ஸௌமித்ரிரனுவவ்ராஜ தா⁴ரயந்து³:க²மாத்மஜம் ॥ 39 ॥
ப்ரவிஶ்ய வேஶ்மாதிப்⁴ருஶம் முதா³ன்விதம் ஸமீக்ஷ்ய தாம் சார்த²விபத்திமாக³தாம் ।
ந சைவ ராமோத்ரஜகா³மவிக்ரியாம் ஸுஹ்ருஜ்ஜனஸ்யாத்மவிபத்திஶங்கயா ॥ 4௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகோனவிம்ஶஸ்ஸர்க:³ ॥
